2 Saˬmeuˬlaˆ 16:2 - Akha

² “Nawˇ teu tawˬ-awˇ aˬ jeˬ gʼeh laˇ teˬ” lehˇ sahˬ paˬ naˇ haˬ ngeh, Ziˇbaˬ ehˇ-eu, “Mahˬ tahˬ laˆ heu deuˬ-aˬ, nawˬ-euˬ miˬ sawˇ zaˬ deuˬ bi dziˬ-eu gʼaˇ duˬ ma. Kaˬ muˇ hawˇ-eu aˇ siˬ aˇ lu heu deuˬ-aˬ, nawˬ-euˬ tsawˇ haˬ deuˬ bi dzaˬ-eu gʼaˇ duˬ pyeuꞈ-awˇ, aˬ gaꞈ dzaˇ uiˇ heu-aˬ, bawˇ tsahˬ bawˇ dahˇ laꞈ kʼoeˇ gaˇ ma cah doeˇ-euˬ tsawˇ haˬ deuˬ bi dawˇ-eu gʼaˇ duˬ ma.”

2 Saˬmeuˬlaˆ 16:2 Σταυροειδείς Αναφορές

Aˇ dahˬ 21:29

Kʼoeˇ ngeh, “Aˬ jeˬ miˇ neh nawˇ teu loꞈ-ehˇ jahˇ te” lehˇ, aˬ yawꞈ-ahˇ Aˬbiˇmaˬlehˆ naˇ haˬ-euˬ meh.

Aˇ dahˬ 33:8

“Uˬ soe gaˇ pehˇ oe luꞈ-eu kʼoeˇ muˇ aˬ suˇ gʼaˬ-a. Aˬ jeˬ jahˇ-eu lehˇ oe luꞈ ta” lehˇ, Yaˬkoˆ-ahˇ Iˇsawˇ naˇ haˬ ngeh, “Nawˬ-ahˇ bi jahˇ tsaˬ le-eu lehˇ, ngaˬ neh bi oe huˬ-euˬ tsawˇ haˬ deuˬ ma” lehˇ Yaˬkoˆ ehˇ kʼoꞈ nehˬ-euˬ meh.

2 Saˬmeuˬlaˆ 15:1

Kʼoeˇ naˇ, Aˬbaˇsaˬloˬ-aˬ, aˬ yawꞈ zmˬ-eu gʼaˇ duˬ mahˬ laˆ lawˬ tiˬ laˇ hawˇ-eu mahˬ deuˬ lehˬ hmˬ-awˇ, aˬ yawꞈ-euˬ mehˬ shi cah-awˇ aˬ yawꞈ-ahˇ bi loꞈ piˇ-eu tsawˇ haˬ ngaˬ tseˇ gʼaˬ lehˬ hmˬ taˬ-euˬ meh.

2 Saˬmeuˬlaˆ 15:23

Daˬbiˇ-euˬ mehˬ nah caw teh-eu tsawˇ haˬ deuˬ doˆ-iˇ ngeh, miˇ kʼahˬ zaˬ deuˬ guˇ guˇ-ehˇ ngoeˇ-eu meh. Kʼoeˇ naˇ, sahˬ paˬ Daˬbiˇ Giˇdaˬloˬ lawˇ gawˆ tsehˆ doˆ-euˬ meh. Aˬ yawꞈ-euˬ tsawˇ haˬ deuˬ kʼawꞈ lawˇ gawˆ kʼoeˇ gawˆ tsehˆ doˆ-awˇ, sahˬ paˬ nehˬ-ehˇ tiˬ kawˆ loꞈ-ehˇ bawˇ tsahˬ bawˇ dahˇ paw le daˆ-euˬ meh.

2 Saˬmeuˬlaˆ 17:29

byaˬ byaˬ uiˇ deuˬ, mawˇ neˇ aˬ coeˇ neh jahˇ-euˬ kaˬ muˇ deuˬ yuˇ laꞈ-awˇ, yawˇ tiˬ deuˬ teh leꞈ nehˬ-euˬ meh. Daˬbiˇ hawˇ-eu aˬ yawꞈ-euˬ tsawˇ haˬ deuˬ, bawˇ tsahˬ bawˇ dahˇ laꞈ kʼoeˇ mehꞈ-eu shuꞈ-eu jeˬ hawˇ-eu gʼaˬ doeˇ doeˇ dui dui-eu jeˬ-ahˇ ya daˬ-euˬ meh lehˇ aˬ yawꞈ maꞈ noeˬ siˬ-eu laꞈ kʼoeˇ, kʼoeˇ loꞈ-ehˇ yuˇ laꞈ nehˬ-euˬ meh.

2 Saˬmeuˬlaˆ 19:26

Aˬ yawꞈ ehˇ-eu, “Sahˬ paˬ-oˇ, nawˇ siˬ nya-eu loꞈ-ehˇ, ngaˇ kuiˇ kuˆ kuˆ-eu tsawˇ haˬ tiˬ gʼaˬ ma. Nawˬ nehˬ-ehˇ ngaˇ oe-eu gʼaˇ duˬ, mahˬ tahˬ laˆ dziˬ gʼa laˆ dawˆ-awˬ lehˇ, ngaˬ-euˬ zaˬ kʼaˆ-ahˇ ngaˇ ehˇ nehˬ-euˬ kʼawꞈ, aˬ yawꞈ ngaˬ-ahˇ byehˇ dzeh nehˬ laꞈ-euˬ meh.

Yeˬsaˬgeˬlaˇ 37:18

Kʼoeˇ loꞈ-ehˇ jahˇ-eu dawˬ tsuiꞈ aˬ jeˬ-a lehˇ, nawˬ-euˬ tsawˇ haˬ deuˬ nawˬ-ahˇ naˇ haˬ laˇ tehꞈ-a.

Yaˇ kʼaˬ daˇ 10:4

Aˬ yawꞈ-euˬ aˬ li smˬ tseˇ li jawˇ-awˇ, mahˬ tahˬ laˆ smˬ tseˇ mawˇ dziˬ-euˬ meh. Iˬ nah keuˆ ni, Yaˬiˇlaˆ-euˬ meuˬ deuˬ lehˇ kuˇ luꞈ-eu, aˬ yawꞈ maꞈ-euˬ meuˬ smˬ tseˇ meuˬ Giˇlaˆ miˇ kʼahˬ laꞈ kʼoeˇ jaˆ luꞈ meh.

Yaˇ kʼaˬ daˇ 5:10

Pyuˇ deuˬ ni gʼeh-eu mahˬ tahˬ laˆ dziˬ-awˇ, dziˬ gʼa kʼoeˇ taˆ nuiˇ luꞈ-eu deuˬ maˬ ehˇ, kʼaˇ iˇ kʼaˇ laˇ gaˇ kuiˇ zoˬ cah-eu deuˬ maˬ ehˇ, gaˇ kawˆ heu shaˇ noeˬ haw sheˇ.

1 Saˬmeuˬlaˆ 14:28

“Nga maꞈ dawˬ tawˆ luꞈ hawˬ mehꞈ-awˇ gʼaˬ baˬ dui dui nya. Ehˇ kʼawꞈ, ‘Iˬ nah tiˬ jeˬ paˬ kʼaˇ dzaˬ-euˬ tsawˇ haˬ kʼoeˇ taˆ yaˬ kʼehˇ yaˬ-eu jeˬ keuˆ le tehꞈ-a’ lehˇ, nawˬ da neh nga maꞈ-ahˇ ehˇ taˬ-euˬ dawˬ jaˆ-eu miˇ neh maˬ dzaˬ peuˬ nya” lehˇ, tsawˇ haˬ tiˬ gʼaˬ Yawˇnaˆshaˬ-ahˇ ehˇ-eu meh.

1 Saˬmeuˬlaˆ 25:27

Ngaˬ-ahˇ gʼawˬ shaˬ gaˬ-eu laꞈ kʼoeˇ, ngaˬ neh yuˇ laꞈ-euˬ laꞈ sawˬ heu deuˬ-ahˇ ha geuꞈ-awˇ, nawˬ-euˬ tsawˇ haˬ deuˬ-ahˇ biꞈ-awˬ.