2 Saˬmeuˬlaˆ 16:11 - Akha

¹¹ Aˬbiˇshaiˇ hawˇ-eu yaw huiˬ yaw mahˇ kʼoeˇ deuˬ-ahˇ Daˬbiˇ ehˇ nehˬ-eu, “Ngaˬ li maˇ maˇ ni gʼeh-eu gʼaˬ kʼawꞈ, ngaˬ-ahˇ sehꞈ-eu lehˇ leh jeh luꞈ-eu maˬ ngeuˇ-a loˇ. Aˬ jeˬ miˇ neh Beˬyaˬmiˬ tsawˇ jeuˬ heu gʼaˬ-ahˇ naw maꞈ zahˬ leˇ-eu nya. Sahˬpaˬ Miˬyehˇ neh aˬ yawꞈ-ahˇ kʼoeˇ loꞈ-ehˇ yaˬ kʼehˇ bi yaˬ-euˬ meh. Aˬ yawˇ yawꞈ kʼaˇ ehˇ mawꞈ-eu jeˬ ehˇ ehˇ-ehˇ jawˇ luꞈ-uˇ.

2 Saˬmeuˬlaˆ 16:11 Σταυροειδείς Αναφορές

Aˇ dahˬ 15:4

Kʼoeˇ ngeh, “Nawˬ-euˬ pyuˇ shuiˇ myawˬ gahˬ deuˬ-ahˇ nawˬ-euˬ zaˬ kʼaˆ Eˇliˇzaˬ gʼaˬ maˬ ya geuꞈ-a. Nawˬ-euˬ aˬ li maˇ maˇ ni gʼeh-eu gʼaˬ-ahˇ tehꞈ-ehˇ nawˬ-euˬ jeˬ biˇ oꞈ tehꞈ-a” lehˇ,Sahˬpaˬ Miˬyehˇ ehˇ gaˇ aˬ yawꞈ ya gaˬ-euˬ meh.

Aˇ dahˬ 45:5

Naw maꞈ ngaˬ-ahˇ ahˬ dzaˬ-euˬ miˇ neh, noeˬ shaˬ-awˇ yawˬ haˇ yawˬ ha iˬ baˇ taˬ-eu maˬ loˬ-aˇ. Aˬ jeˬ miˇ neh ehˇ naˇ, tsawˇ haˬ zaˬ-ahˇ ka kʼoꞈ-eu gʼaˇ duˬ naw maꞈ-euˬ mehˬ hu ngaˬ-ahˇ heu gaˇ bi oe-euˬ gʼaˬ-aˬ, Miˬyehˇ meh.

2 Saˬmeuˬlaˆ 20:1

Giˇlaˇgaˬlaˇ meuˬ laꞈ kʼoeˇ, Beˬyaˬmiˬ tsawˇ jeuˬ Biˇkaˬliˇ-euˬ aˬ li Sheˬba lehˇ myahˇ-euˬ aˬ dzawˬ aˇ gah tiˬ gʼaˬ jawˇ-eu meh. Aˬ yawꞈ daˇ heh baw-awˇ, “Daˬbiˇ-ahˇ aˬ dui maꞈ maˬ taꞈ. Yeˬshehˇ-euˬ aˬ li nehˬ-ehˇ aˬ dui maꞈ nui ma maˬ gm. Iˇsaˬleˬlaˆ tsawˇ haˬ deuˬ-oˇ, yawˬ ha-euˬ nymˇ-ahˇ yawˬ ha gʼoꞈ-iˇ jiˇ-awˬ” lehˇ guˇ-eu meh.

2 Saˬmeuˬlaˆ 7:2

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ-ahˇ aˬ yawꞈ ehˇ nehˬ-eu, “Shuˬ liˇ neh tsoˆ taˬ-euˬ nymˇ laꞈ kʼoeˇ ngaˇ jawˇ luꞈ-eu ma. Ehˇ kʼawꞈ, Miˬyehˇ-euˬ Dawˬ ma saˇ jaˇ Bahˬ keuˆ-aˬ, sehˬ gʼawˆ laꞈ kʼoeˇ tehꞈ-ehˇ jaˆ luꞈ-a siˬ.”

2 Sahˬpaˬ 19:37

Tiˬ nah-aˬ, aˬ yawꞈ-euˬ miˬ yehˇ pyeuꞈ-eu Niˇsaˬlawˇ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ uˬ duˬ tahˬ luꞈ ngeh, aˬ yawꞈ-euˬ aˬ li Aˬdaˬleˬmeˬlehˆ hawˇ-eu, Shaˬleˬzaˬ aˬ nyaꞈ nmˇ aˬ yawꞈ-ahˇ mi cehˇ deuˆ sehꞈ-awˇ Aˬyaˬyaˇ miˇ kʼahˬ paw cehˆ-euˬ meh. Kʼoeˇ naˇ, aˬ yawꞈ-euˬ aˬ li Eˇdaˬhaˬdoˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 32:21

Sahˬpaˬ Miˬyehˇ neh mˬ taˆ gʼaˬ kʼehˇ pyehˬ gʼeh leꞈ-awˇ, Aˬshuˇliˆ guiˇ maꞈ-euˬ yehˇ deuˬ hawˇ-eu yaw huiˬ yaw mahˇ deuˬ-ahˇ bi sehꞈ-euˬ meh. Kʼoeˇ miˇ neh, Aˬshuˇliˆ sahˬpa kʼoeˇ gʼaˬ nui ma cawˆ-eu laꞈ kʼoeˇ, aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh. Kʼoeˇ naˇ, aˬ yawꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ jawˇ luꞈ-eu aˇ nah tiˬ nah-ahˇ, aˬ yawꞈ-euˬ aˬ li tiˬ deuˬ mi cehˇ yuˇ-awˇ aˬ yawꞈ-ahˇ sehꞈ-euˬ meh.

Jaceuq 109:28

Aˬ yawꞈ maꞈ ngaˬ-ahˇ yaˬ kʼehˇ yaˬ kʼawꞈ, nawˇ ngaˬ-ahˇ guiˬ lahˬ biꞈ tehꞈ-a. Ngaˬ-ahˇ kʼehˬ-eu deuˬ bi shaꞈ dawˇ-iˇ-awˇ, nawˬ-euˬ zaˬ kʼaˆ ngaˇ gʼaˬ laˬ kʼaˬ bi cehˇ laꞈ-awˬ.

Yeˬsaˬgeˬlaˇ 14:9

“Miˬyehˇ gʼaˇ duˬ ngehˬ dah-eu gʼaˬ mehˇ shuiˇ bi shuiˇ-awˇ maˬ tsaˬ-eu jeˬ ehˇ kʼoꞈ nehˬ naˇ, mehˇ shuiˇ shuiˇ-euˬ gʼaˬ-aˬ, Sahˬpaˬ Miˬyehˇ pyeuꞈ-eu ngaˇ ma. Iˇsaˬleˬlaˆ tsawˇ jeuˬ laꞈ kʼoeˇ aˬ yawꞈ-ahˇ paˬ tseuˆ tseuˆ dzeh ma.

Yeˬsaˬgeˬlaˇ 20:25

“Kʼoeˇ naˇ, maˬ muiˬ-eu zahˇ dawˬ kʼoꞈ dawˬ hawˇ-eu, yaw dehꞈ maˬ bi dehꞈ-eu dawˬ deuˬ, aˬ yawꞈ maꞈ-ahˇ ngaˇ biꞈ-euˬ ma.

Maꞈtehˬ 10:21

“Mehˇ nmˇ yaw kaˬ tiˬ gʼaˬ tiˇ gʼaˬ bi shiˇ ni ahˬ dzaˬ-awˇ, aˬ da deuˬ kʼawꞈ zaˬ deuˬ-ahˇ kʼoeˇ loꞈ-ehˇ jahˇ nehˬ-eu jeˬ keuˆ le tehꞈ-a. Zaˬ deuˬ yawˬ ha-euˬ aˬ da aˬ ma bi shiˇ-eu jeˬ toˆ tehꞈ-a.

1 Saˬmeuˬlaˆ 26:19

Ngaˇ aˬ jeˬ mˇ lehˬ taˬ-euˬ jaˆ ta. Sahˬ paˬ-oˇ, ngaˇ ehˇ gaˇ tiˬ poˆ naˇ haˬ sheˇ, Nawˇ ngaˬ-ahˇ muiˇ ni Sahˬpaˬ Miˬyehˇ neh jahˇ-euˬ ngeuˇ naˇ, aˬ yawꞈ-ahˇ lawˇ nehˬ shehˇ nehˬ ngeh aˬ yawꞈ nui ma paˇ laˇ tehꞈ-a. Ehˇ kʼawꞈ, tsawˇ haˬ zaˬ neh jahˇ-euˬ jeˬ ngeuˇ naˇ, aˬ yawꞈ maꞈ kʼoeˇ taˆ Sahˬpaˬ Miˬyehˇ neh yaˬ kʼehˇ yaˬ nehˬ-euˬ jeˬ keuˆ le luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ miˇ kʼahˬ laꞈ kʼoeˇ neh aˬ yawꞈ maꞈ ngaˬ-ahˇ teh doˆ-awˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ maˬ ngeuˇ naˇ uˬ duˬ tahˬ kʼaˇ maˬ za-eu bawˇ tsahˬ bawˇ dahˇ laꞈ kʼoeˇ bi shaˬ laꞈ-euˬ meh.