2 Saˬmeuˬlaˆ 16:10 - Akha

¹⁰ Aˬbiˇshaiˇ hawˇ-eu aˬ yawꞈ-euˬ aˇ doˆ Yoˇbaˬ aˬ nyaꞈ-ahˇ sahˬ paˬ ehˇ nehˬ-eu, “Heu-aˬ, naw nyaꞈ-ahˇ taꞈ-euˬ gaˇ maˬ ngeuˇ-a. Sahˬpaˬ Miˬyehˇ neh aˬ yawꞈ-ahˇ kʼehˇ-awˇ, ngaˬ-ahˇ yaˬ kʼehˇ bi yaˬ le-euˬ jeˬ pyeuꞈ lawˬ naˇ, aˬ dui aˬ jeˬ ehˇ kʼaˇ paˇ za ta.”

2 Saˬmeuˬlaˆ 16:10 Σταυροειδείς Αναφορές

Aˇ dahˬ 50:20

Naw maꞈ ngaˬ-ahˇ yaw haiˬ jeˬ mˇ nehˬ laꞈ-euˬ kʼawꞈ, Miˬyehˇ neh yaw muiˬ jeˬ paˇ bi pyeuꞈ doˆ laˇ-euˬ meh. Iˬ nah dehꞈ luꞈ jawˇ luꞈ-eu myaˬ dui dui-eu tsawˇ haˬ heu deuˬ maˬ ya shiˇ jiˇ ni, kʼoeˇ loꞈ-ehˇ bi pyeuꞈ laˇ-euˬ meh.

2 Saˬmeuˬlaˆ 19:22

Ehˇ kʼawꞈ, Aˬbiˇshaiˇ hawˇ-eu aˬ yawꞈ-euˬ aˇ doˆ Yoˇbaˬ-ahˇ Daˬbiˇ ehˇ nehˬ-eu, “Naw nyaꞈ-ahˇ aˬ jeˬ taꞈ ta. Iˬ nah naw nyaꞈ ngaˬ-ahˇ laˆ bahˬ-eu gʼeh te loˇ. Nymˬ-mˇ ngaˇ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ-eu ma. Iˇsaˬleˬlaˆ tsawˇ haˬ tiˬ gʼaˬ-iˬ maˬ ya bi sehꞈ-a.”

2 Saˬmeuˬlaˆ 19:23

Kʼoeˇ naˇ, “Nawˇ maˬ ya shiˇ-aˇ” lehˇ, Shiˇmiˇ-ahˇ sahˬ paˬ ehˇ nehˬ-euˬ meh.

2 Saˬmeuˬlaˆ 3:39

Ngaˇ-aˬ, Miˬyehˇ neh tseˇ doˆ-euˬ sahˬ paˬ tiˬ gʼaˬ pyeuꞈ kʼawꞈ, iˬ nah ngaˬ-ahˇ gʼaˬ byehˆ byehˆ dui dui nya. Zeˬluˇyaˆ-euˬ aˬ li heu deuˬ ngaˬ-euˬ mehˬ shi yaw haiˬ jeˬ mˇ-euˬ heu aˇ dzehˬ dzeuˇ nya. Yaw haiˬ jeˬ mˇ-eu deuˬ-ahˇ aˬ yawꞈ ha mehˇ nmˇ neh kʼaˇ mˇ neh-euˬ loꞈ-ehˇ, aˬ yawꞈ ha mehˇ nmˇ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ luꞈ-uˇ.”

1 Sahˬpaˬ 17:18

Miˬ coeˬ miˬ ma kʼoeˇ gʼaˬ Eˇliˇyaˆ-ahˇ ehˇ-eu, “Miˬyehˇ-euˬ tsawˇ haˬ-oˇ, aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ iˬ baˇ Miˬyehˇ-ahˇ nawˇ ehˇ noeˬ nehˬ-awˇ, ngaˬ li bi shiˇ-eu lehˇ heu gaˇ laˇ teˬ loˇ.”

1 Sahˬpaˬ 2:5

“Tiˬ jeˬ paˇ jaˆ-a siˬ. Iˇsaˬleˬlaˆ guiˇ maꞈ kʼoeˇ taˆ uˆ lahˇ-eu deuˬ pyeuꞈ-eu Neˬlaˇ-euˬ aˬ li Aˬbaˬnaˬ hawˇ-eu, Yeˬdeuˬ-euˬ aˬ li Aˬmaˬsaˬ-ahˇ sehꞈ-eu laꞈ kʼoeˇ, Yoˇbaˬ neh ngaˬ-ahˇ mˇ coeˬ nehˬ laꞈ-euˬ jeˬ-ahˇ nawˇ siˬ nya meh. Guiˇ deuˆ ngeh aˬ yawꞈ nyaꞈ neh aˬ cawˬ-ahˇ deuˆ sehꞈ-euˬ aˇ poeˬ, guiˇ maˬ deuˆ-ehˇ ciˬ cuˇ ni jawˇ luꞈ ngeh aˬ yawꞈ nyaꞈ-ahˇ Yoˇbaˬ laꞈ poˆ poˆ kʼoꞈ nehˬ-euˬ gaˇ kawˆ nawˇ siˬ nya meh. Iˬ baˇ maˬ ahˇ-eu tsawˇ haˬ-ahˇ aˬ yawꞈ sehꞈ-euˬ miˇ neh, aˬ yawꞈ-euˬ yaw lehˬ ngaˬ-euˬ kʼoeˇ taˆ keuˆ le-awˇ, ngaˇ ya daˬ luꞈ-eu ma.

2 Sahˬpaˬ 18:25

Sahˬpaˬ Miˬyehˇ ngaˬ-ahˇ maˬ caw ba gaˇ, naw maꞈ-euˬ miˇ kʼahˬ-ahˇ ngaˇ guiˇ deuˆ le-awˇ laˆ cawˆ le-euˬ nga lehˇ naw maꞈ noeˬ te loˇ. Miˇ kʼahˬ heu kʼahˬ-ahˇ guiˇ deuˆ le-awˇ, laˆ cawˆ nehˬ-awˬ lehˇ, Sahˬpaˬ Miˬyehˇ ngaˬ-ahˇ kʼehˇ-eu meh.”

Yawˇbaˆ 9:12

Aˬ yawꞈ kʼaˇ mawꞈ-eu jeˬ yuˇ geuꞈ gʼeh kʼawꞈ, laˆ tsoeˬ nya-eu tiˬ gʼaˬ-iˬ maˬ jawˇ-a. Nawˇ aˬ jeˬ jahˇ te lehˇ aˬ yawꞈ-ahˇ naˇ haˬ peuˬ-eu tiˬ gʼaˬ-iˬ maˬ jawˇ-a.

Jaceuq 39:9

Ngaˬ-euˬshaˬzahˬnaꞈ-eu heu-aˬ, nawˬneh jahˇnehˬlaꞈ-euˬmiˇneh, dawˬmaˬngehˬni ciˬcuˇjawˇma.

Dawˬ tsoˆ 8:4

Sahˬ paˬ-aˬ, baoˬ-ahˇ gʼoe-awˇ gaˇ mˇ-eu miˇ neh, tiˬ gʼaˬ-iˬ maˬ teh ngehˬ leˇ nya-a.

Ngoeˇ dawˬ 3:37

Sahˬpaˬ Miˬyehˇ maˬ bi pyeuꞈ gaˇ, aˬ suˇ gʼaˬ neh dawˬ biꞈ nehˬ-awˇ, mˇ pyeuꞈ shaˇ pyeuꞈ nya-eu jawˇ ta.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Maꞈtehˬ 16:23

Yeˬsuˇ Beˬtuˆluˇ jawˇ paw ciˬ pyawˇ-awˇ ehˇ nehˬ-eu, “Saˬdaˬ-oˇ, ngaˇ jawˇ gaˇ neh doˆ-iˇ-awˬ. Nawˇ-aˬ, ngaˬ-ahˇ laˆ tsoeˬ-eu gʼaˬ meh. Nawˇ teu loꞈ-ehˇ ehˇ-eu teu, Miˬyehˇ neh bi noeˬ doˆ-euˬ jeˬ maˬ ngeuˇ-a. Tsawˇ haˬ neh bi noeˬ doˆ-euˬ jeˬ meh.”

Maꞈtehˬ 8:29

Aˬ yawꞈ nyaꞈ Yeˬsuˇ-ahˇ ya mawˇ-eu nehˬ-ehˇ, “Miˬyehˇ-euˬ Zaˬmaˇ-oˇ, nawˇ nga nyaꞈ-ahˇ a jeˬ taꞈ te. Aˇ yamˬ maˬ keuˆ laˇ mi naˆ-ehˇ nga nyaꞈ-ahˇ kʼehˬ nehˬ kʼaˆ nehˬ le-eu lehˇ oe teˬ loˇ” lehˇ, guˇ guˇ-ehˇ ehˇ-eu meh.

Yoˇhaˬ 18:11

Beˬtuˆluˆ-ahˇ Yeˬsuˇ ehˇ nehˬ-eu, “Nawˬ-euˬ mi cehˇ paˇ soeˬ ahˇ kʼoꞈ-awˬ. Nga Da neh ngaˬ-ahˇ bi dawˇ laꞈ-euˬ kʼaˬ dui dui-eu kʼmˬ maˬ heu-ahˇ ngaˇ maˬ dawˇ-aˇ lehˇ nawˇ noeˬ te loˇ.”

Lormav 9:20

Ehˇ kʼawꞈ, cawˬ-oˇ, Miˬyehˇ-ahˇ dawˬ poˆ poˆ leˇ paˬ-ehˇ nawˇ aˬ suˇ gʼaˬ te. “Nawˇ ngaˬ-ahˇ aˬ jeˬ miˇ neh heu loꞈ-ehˇ tehˆ nehˬ laꞈ te” lehˇ, oeˬ lahˬ tehˆ-eu tsawˇ haˬ-ahˇ miˇ tsaˬ oeˬ lahˬ dawˬ poˆ poˆ leˇ nya ta loˇ.

1 Beˬtuˆluˆ 2:23

Aˬ cawˬ aˬ yawꞈ-ahˇ dawˬ doeˇ ngehˬ daˆ nehˬ-euˬ kʼawꞈ, aˬ yawꞈ yaw doeˇ maˬ ehˇ kʼoꞈ nehˬ haw-aˬ. Aˬ cawˬ kʼehˬ nehˬ kʼaˆ nehˬ gaˇ aˬ yawꞈ ya daˬ ngeh, aˬ cawˬ-ahˇ guˆ tsiˬ nyehꞈ-eu dawˬ aˬ yawꞈ maˬ ngehˬ-ehˇ, dawˇ coe ni yaˇ kʼaˬ daˇ-eu gʼaˬ pyeuꞈ-eu Miˬyehˇ-euˬ aˬ laꞈ laꞈ kʼoeˇ aˬ yawꞈ-euˬ gʼawˇ mawˇ a nehˬ-euˬ meh.

1 Saˬmeuˬlaˆ 26:19

Ngaˇ aˬ jeˬ mˇ lehˬ taˬ-euˬ jaˆ ta. Sahˬ paˬ-oˇ, ngaˇ ehˇ gaˇ tiˬ poˆ naˇ haˬ sheˇ, Nawˇ ngaˬ-ahˇ muiˇ ni Sahˬpaˬ Miˬyehˇ neh jahˇ-euˬ ngeuˇ naˇ, aˬ yawꞈ-ahˇ lawˇ nehˬ shehˇ nehˬ ngeh aˬ yawꞈ nui ma paˇ laˇ tehꞈ-a. Ehˇ kʼawꞈ, tsawˇ haˬ zaˬ neh jahˇ-euˬ jeˬ ngeuˇ naˇ, aˬ yawꞈ maꞈ kʼoeˇ taˆ Sahˬpaˬ Miˬyehˇ neh yaˬ kʼehˇ yaˬ nehˬ-euˬ jeˬ keuˆ le luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ miˇ kʼahˬ laꞈ kʼoeˇ neh aˬ yawꞈ maꞈ ngaˬ-ahˇ teh doˆ-awˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ maˬ ngeuˇ naˇ uˬ duˬ tahˬ kʼaˇ maˬ za-eu bawˇ tsahˬ bawˇ dahˇ laꞈ kʼoeˇ bi shaˬ laꞈ-euˬ meh.