2 Saˬmeuˬlaˆ 15:8 - Akha

⁸ Suˇliˆ miˇ kʼahˬ Geˬshuˇlaˆ meuˬ-ahˇ ngaˇ jawˇ luꞈ ngeh, Sahˬpaˬ Miˬyehˇ ngaˬ-ahˇ Yeˬluˇsaˬlehˬ meuˬ-ahˇ sheuˬ kʼoꞈ gʼeh nehˬ laꞈ naˇ, Heˬbyoˬ meuˬ-ahˇ le-awˇ aˬ yawꞈ-ahˇ uˬ duˬ tahˬ leˇ ma lehˇ, ngaˬ neh saˇ jaˇ dzaˬ taˬ-euˬ jaˆ-eu ma.”

2 Saˬmeuˬlaˆ 15:8 Σταυροειδείς Αναφορές

2 Saˬmeuˬlaˆ 14:23

Kʼoeˇ naˇ, Geˬshuˇlaˆ meuˬ-ahˇ aˬ yawꞈ iˇ-awˇ, Aˬbaˇsaˬloˬ-ahˇ Yeˬluˇsaˬlehˬ meuˬ-ahˇ sheuˬ kʼoꞈ laꞈ-euˬ meh.

2 Saˬmeuˬlaˆ 14:32

Aˬbaˇsaˬloˬ ehˇ-eu, “Nawˬ-ahˇ ngaˇ bi kuˇ laˬ-iˇ kʼawꞈ, nawˇ maˬ laˇ-eu miˇ neh, kʼoeˇ loꞈ-ehˇ bi jahˇ-euˬ ma. Ngaˬ-euˬ dah zaˇ nawˬ-ahˇ sahˬ paˬ jawˇ gaˇ bi le-awˇ, heu loꞈ-ehˇ bi ehˇ leˇ mawꞈ-eu ma. ‘Aˬ jeˬ miˇ neh ngaˬ-ahˇ Geˬshuˇlaˆ meuˬ-ahˇ neh heu gaˇ kuˇ kʼoꞈ-awˇ bi jawˇ laꞈ teˬ. Kʼoeˇ gaˇ jawˇ law nmˇ-aˬ, ngaˬ-euˬ gʼaˇ duˬ muiˬ dzehˬ tehꞈ-a’ lehˇ bi ehˇ leˇ mawꞈ-eu ma.” Aˬbaˇsaˬloˬ paˇ ehˇ-eu, “Ngaˇ sahˬ paˬ jawˇ gaˇ le mawˇ nya ni nawˇ shaˇ noeˬ nehˬ laꞈ-awˬ. Ngaˇ iˬ baˇ ahˇ naˇ kʼawꞈ, aˬ yawꞈ ngaˬ-ahˇ sehꞈ luꞈ-uˇ.”

2 Saˬmeuˬlaˆ 15:9

Kʼoeˇ ngeh, “Nui ma coꞈ ngehˇ ni taˬ-awˇ le-awˬ” lehˇ, Aˬbaˇsaˬloˬ-ahˇ sahˬ paˬ ehˇ nehˬ-euˬ meh.

2 Saˬmeuˬlaˆ 3:3

Gaˬlaˬmeˬlaˇ meuˬ-ahˇ jawˇ-eu Naˬbaˬlaˇ-euˬ miˬ coeˬ Aˬbiˇgeˬlaˆ o neh dehꞈ le-euˬ Ciˇleh, Geˬshuˇlaˆ sahˬ paˬ Taˬlaˬmehˇ-euˬ aˬ buˇ Mawˇkah o neh dehꞈ le-euˬ Aˬbaˇsaˬloˬ,

Jaceuq 56:12

Miˬyehˇ-oˇ, ngaˬ neh saˇ jaˇ dzaˬ taˬ-euˬ jeˬ nawˬ-ahˇ ngaˇ lawˇ nehˬ ma. Guiˬ lahˬ-ahˇ noeˬ keuˆ-eu lawˇ-eu jeˬ, nawˬ-ahˇ ngaˇ lawˇ nehˬ ma.

Dawˬ tsoˆ 5:4

Kʼoeˇ miˇ neh, Miˬyehˇ-ahˇ nawˇ saˇ jaˇ dzaˬ gʼaˬ naˇ, yaw kawˇ-ehˇ mˇ byah-awˬ. Aˬ jeˬ miˇ neh ehˇ naˇ, aˬ dzawˬ aˇ gah-ahˇ aˬ yawꞈ nui ma maˬ tsaˬ-a. Nawˬ neh saˇ jaˇ kʼaˇ dzaˬ taˬ-euˬ loꞈ-ehˇ mˇ-awˬ.

Iˇsaˬyaˇ 28:15

Shiˇ-eu jeˬ nehˬ-ehˇ naw maꞈ saˇ jaˇ dzaˬ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jaˆ ma lehˇ, naw maꞈ kʼahˬ sehˇ jehˆ luꞈ-eu meh. Jaˬ myawꞈ myawꞈ-awˇ mehˇ shuiˇ shuiˇ dzeuˇ nya-eu miˇ neh, guˆ-eu gaˆ-eu jeˬ keuˆ le ngeh uˬ kʼawˇ buˬ ma lehˇ, naw maꞈ noeˬ duˬ taˬ-euˬ jaˆ meh.

Yeˬlaˬmiˇ 42:20

Naw maꞈ lehˬ dui dui-iˇ-eu jeˬ maˬ mˇ ni yahˇ-awˬ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ lehˇ, naw maꞈ ngaˬ-ahˇ ehˇ-awˇ, aˬ yawꞈ neh kʼaˇ ehˇ-euˬ jeˬ geuꞈ ma lehˇ naw maꞈ saˇ jaˇ dzaˬ taˬ gʼaˬ-euˬ meh.

Yawˇshuˆ 24:15

Aˬ yawꞈ-ahˇ naw maꞈ uˬ duˬ maˬ tahˬ mawꞈ te lehˇ ngeuˇ naˇ, aˬ geu gʼaˬ-ahˇ uˬ duˬ tahˬ nmˇ lehˇ iˬ nah noeˬ tsehˆ-awˬ. Maˬsoˬpoˬtaˬmiˇ miˇ kʼahˬ-ahˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ. Maˬ ngeuˇ naˇ, iˬ nah naw maꞈ jawˇ luꞈ-eu miˇ kʼahˬ-ahˇ jawˇ-eu Aˬ mawˇ liˆ tsawˇ haˬ deuˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ lehˇ noeˬ tsehˆ-awˬ. Ngaˇ hawˇ-eu ngaˬ-eu miˬ sawˇ zaˬ deuˬ law nmˇ-aˬ, Sahˬpaˬ Miˬyehˇ-ahˇ uˬ duˬ tahˬ ma.”

1 Saˬmeuˬlaˆ 1:11

Haˬnahˬ heu loꞈ-ehˇ saˇ jaˇ dzaˬ-euˬ meh. “Baoˬ huiˬ dui dui-eu gʼaˬ pyeuꞈ-eu Sahˬpaˬ Miˬyehˇ-oˇ, nawˬ-euˬ zaˬ kʼaˆ pyeuꞈ-eu ngaˬ-ahˇ haw sheˇ. Ngaˇ shaˬ zahˬ naꞈ dui dui luꞈ gaˇ haw mawˇ-awˇ, ngaˬ-ahˇ maˬ ngehˇ ni noeˬ keuˆ nehˬ laꞈ-awˬ. Nawˇ ngaˬ-ahˇ aˬ li tiˬ li bi jawˇ le nehˬ laꞈ naˇ, aˬ li kʼoeˇ li-euˬ uˬ duˬ tsehˇ kahˇ tiˬ jawˇ-iˬ maˬ tehˬ ni bi jaˆ-awˇ, aˬ yawꞈ-euˬ gʼawˇ mawˇ maˬ shiˇ tiˬ ziˇ nawˬ-ahˇ a nehˬ ma lehˇ nawˬ nehˬ-ehˇ ngaˇ saˇ jaˇ dzaˬ ma.”

1 Saˬmeuˬlaˆ 16:2

Saˬmeuˬlaˆ ehˇ-eu, “Ngaˇ teu loꞈ-ehˇ aˬ joˆ-ehˇ mˇ nya nmˇ. Gaˇ kawˆ kʼoeˇ Sawˇluˆ ya gaˬ naˇ, ngaˬ-ahˇ sehꞈ laˇ tehꞈ-a.” Sahˬpaˬ Miˬyehˇ ehˇ-eu, “Nawˇ mawˇ neˇ mawˇ kʼaˇ zaˬ tiˬ mawˇ tsahˇ gʼeh-awˇ, Sahˬpaˬ Miˬyehˇ-ahˇ lawˇ nehˬ-eu lehˇ oe-euˬ ma lehˇ ehˇ nehˬ-awˬ.