2 Saˬmeuˬlaˆ 15:31 - Akha

³¹ Aˬhiˇtawˇpeˬlaˆ gʼaˬ kʼawꞈ, aˬ yawꞈ-ahˇ puiˬ-awˇ Aˬbaˇsaˬloˬ nehˬ-ehˇ gm leˇ-euˬ gaˇ kawˆ Daˬbiˇ-ahˇ aˬ cawˬ ehˇ nehˬ ngeh, “Sahˬpaˬ Miˬyehˇ-oˇ, Aˬhiˇtawˇpeˬlaˆ neh biꞈ-euˬ nui noeˬ nui duˇ deuˬ gaˇ dahˇ maˬ bi tsoeˬ ni, yawꞈ ngehꞈ-ehˇ bi pyeuꞈ-iˇ jiˇ-awˬ” lehˇ, aˬ yawꞈ guiˬ lahˬ shaˇ-euˬ meh.

2 Saˬmeuˬlaˆ 15:31 Σταυροειδείς Αναφορές

2 Saˬmeuˬlaˆ 15:12

Aˬbaˇsaˬloˬ lawˇ-eu shehˇ-eu jeˬ mˇ luꞈ ngeh, Giˇlo meuˬ-ahˇ kʼawꞈ, aˬ yawꞈ tsawˇ haˬ pyehˬ gʼeh-awˇ, sahˬ paˬ Daˬbiˇ-ahˇ nui noeˬ nui duˇ biꞈ-eu gʼaˬ pyeuꞈ-eu Aˬhiˇtawˇpeˬlaˇ-ahˇ bi sheuˬ laˬ-iˇ-euˬ meh. Sahˬ paˬ Daˬbiˇ-ahˇ puiˬ-eu lehˇ gʼeh luꞈ-eu paw gʼaˬ kʼaˆ laˇ tehˇ tehˬ-awˇ, Aˬbaˇsaˬloˬ-euˬ mehˬ nah caw teh-eu tsawˇ haˬ myaˬ laˇ tehˇ tehˬ luꞈ-eu meh.

2 Saˬmeuˬlaˆ 16:23

Aˇ nah aˇ yamˬ kʼoeˇ yamˬ-aˬ, Aˬhiˇtawˇpeˬlaˆ neh nui noeˬ nui duˇ kʼaˇ biꞈ-euˬ jeˬ-ahˇ, Miˬyehˇ-euˬ dawˬ loꞈ-ehˇ naˇ haˬ geuꞈ luꞈ-eu aˇ yamˬ meh. Daˬbiˇ hawˇ-eu Aˬbaˇsaˬloˬ aˬ ha nyaꞈ nyiˬ da zaˬ luꞈ, Aˬhiˇtawˇpeˬlaˆ-euˬ dawˬ-ahˇ maˬ leuˇ ni caw teh-euˬ meh.

2 Saˬmeuˬlaˆ 17:14

Aˬbaˇsaˬloˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Aˬhiˇtawˇpeˬlaˆ-euˬ nui noeˬ naˆ maˬ tseˇ, Huˇshaiˇ-euˬ nui noeˬ muiˬ dzehˬ meh lehˇ ehˇ-eu meh. Aˬhiˇtawˇpeˬlaˆ neh biꞈ-euˬ muiˬ-eu nui noeˬ nui duˇ-ahˇ aˬ yawꞈ maꞈ maˬ caw teh-ehˇ, Aˬbaˇsaˬloˬ kʼoeˇ taˆ luˬ-iˇ seˇ-iˇ-eu jeˬ bi keuˆ le-eu gʼaˇ duˬ, Sahˬpaˬ Miˬyehˇ neh kʼoeˇ loꞈ-ehˇ jahˇ nehˬ-euˬ meh.

2 Saˬmeuˬlaˆ 17:23

Aˬhiˇtawˇpeˬlaˆ-aˬ, aˬ yawꞈ neh nui noeˬ nui duˇ biꞈ-euˬ loꞈ-ehˇ aˬ cawˬ maˬ mˇ gaˇ ya mawˇ ngeh, mahˬ tahˬ laˆ dziˬ gʼa laˆ dawˆ-awˇ, aˬ yawꞈ jawˇ-eu meuˬ-ahˇ gʼoꞈ-iˇ-euˬ meh. Kʼoeˇ naˇ, kʼaˇ mˇ luiˆ paˬ-ehˇ jaˆ-eu jeˬ mˇ luiˆ jiˇ-awˇ, aˬ yawˇ yawꞈ paꞈ gʼeu sehꞈ-euˬ meh. Aˬ yawꞈ aˬ da-euˬ lmˬ bymˇ-ahˇ, aˬ yawꞈ-ahˇ baꞈ pahˬ nehˬ-euˬ meh.

2 Saˬmeuˬlaˆ 17:5

Aˬbaˇsaˬloˬ ehˇ-eu, “Nymˬ-mˇ poˆ jawˇ, Aˬciˇ tsawˇ jeuˬ Huˇshaiˇ gʼaˬ-ahˇ kuˇ laˬ-iˇ haw-awˬ. Aˬ yawꞈ aˬ joˆ-ehˇ ehˇ nga lehˇ haw kaˇ-euˇ.”

2 Saˬmeuˬlaˆ 17:7

Aˬbaˇsaˬloˬ-ahˇ Huˇshaiˇ ehˇ nehˬ-eu, “Heu poˆ jawˇ Aˬhiˇtawˇpeˬlaˆ neh nawˬ-ahˇ biꞈ-euˬ nui noeˬ nui duˇ heu maˬ muiˬ nga.

Yawˇbaˆ 5:12

Nui ma laꞈ gʼoꞈ baw-eu deuˬ-euˬ nui noeˬ-ahˇ aˬ yawꞈ laˆ cawˆ-awˇ kʼaˇ noeˬ-euˬ loꞈ-ehˇ maˬ mˇ pyeuꞈ nya ni jahˇ nehˬ-eu meh.

Jaceuq 109:3

Ngaˬ-euˬ gaˇ kawˆ maˬ muiˬ-eu jeˬ aˬ yawꞈ maꞈ ja-awˇ, gaˇ kawˆ maˬ jaˆ gaˇ dawˬ doeˇ ngehˬ luꞈ-eu meh.

Jaceuq 3:1

Sahˬpaˬ Miˬyehˇ-oˇ, muiˇ-eu tsawˇ haˬ myaˬ dui dui meh. Ngaˬ-ahˇlaˆcoeˬlaˆciˆmawꞈ-eu, tsawˇhaˬ gʼawˬmya ni jawˇ-eu meh.

Jaceuq 41:9

Ngaˬnehˬ-ehˇdzaˬtaꞈdawˇtaꞈ-euˬ, gʼoeˇdui dui-eu cawˬ-ahˇkeuˆni, ngaˬ-ahˇjahˇgʼeh haw luꞈ-eu meh.

Jaceuq 55:10

Uˬ ciꞈ nah gʼahˇ maˬ tseˇ paˆ ni, bahˬ-eu muˆ-eu jeˬ hawˇ-eu shaˬ-eu zahˬ-eu jeˬ tiˬ byah ni jaˆ luꞈ meh.

Jaceuq 55:12

Muiˇ-eu deuˬ cehꞈ lehꞈ ka laˇ gaˇ ngaˇ daˬ coeˇ ma. Nui ma gʼawˬ-eu deuˬ aˬ jaꞈ jaꞈ gaˇ ngaˇ dzuˇ zaꞈ nya ma.

Iˇsaˬyaˇ 19:3

Iˇjiˇtuˆ tsawˇ haˬ neh kʼaˇ noeˬ taˬ-euˬ jeˬ cawˆ jiˇ-awˇ, aˬ yawꞈ maꞈ nui ma ga ka jiˇ tehꞈ-a. Nyiˇ paˬ shaˆ ma deuˬ-ahˇ aˬ yawꞈ maꞈ gʼoe-awˇ, shiˇ dzeuˇ-euˬ deuˬ-ahˇ mehˬ bawˬ mˇ tehꞈ-a.

Iˇsaˬyaˇ 44:25

Nyiˇ paˬ shaˆ ma deuˬ-ahˇ ngaˇ tsawˇ uˬ laˆ uˬ-awˇ, mah loˬ ja maw nya-eu deuˬ-ahˇ daˬ laˆ ga nehˬ-euˬ ma. Zaˬ siˬ tsawˇ gahˇ byah-eu deuˬ-euˬ dawˬ-ahˇ ngaˇ laˆ cawˆ-awˇ, aˬ yawꞈ maꞈ-euˬ zaˬ siˬ tsawˇ gahˇ yawꞈ ngehꞈ meh lehˇ bi siˬ-euˬ ma.

Yoˇhaˬ 13:18

“Naw maꞈ dawˬ tawˆ luꞈ gaˇ kawˆ ngaˇ ehˇ luꞈ-eu maˬ ngeuˇ. Ngaˬ neh tseˇ doˆ-euˬ tsawˇ haˬ deuˬ ngaˇ siˬ nya ma. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ, ‘Ngaˬ nehˬ-ehˇ gʼawˬ nyoeˇ kʼmˬ maˬ taꞈ-eu gʼaˬ ngaˬ-ahˇ puiˬ-eu meh’ lehˇ ehˇ-eu dawˬ kʼoeˇ dawˬ maˬ byah laˇ-ehˇ maˬ gʼeh nya-a.

1 Gawˇliˬtu 1:20

Kʼoeˇ miˇ neh, zaˬ siˬ tsawˇ gahˇ ahˇ-eu tsawˇ haˬ aˬ gaˇ jawˇ ta lehˇ ehˇ haw sheˇ. Zahˇ dawˬ kʼoꞈ dawˬ mehˬ-eu saˬ laˬ deuˬ aˬ gaˇ jawˇ ta lehˇ ehˇ haw sheˇ. Heu ziˇ-ahˇ ja ceh ceh-eu paw nya dui dui-eu tsawˇ haˬ deuˬ aˬ gaˇ jawˇ ta lehˇ ehˇ haw sheˇ. Miˇ tsaˬ heu kʼoeˇ taˆ jaˆ-eu zaˬ siˬ tsawˇ gahˇ deuˬ yawꞈ ngehꞈ meh lehˇ Miˬyehˇ neh bi siˬ bi mawˇ laꞈ gʼaˬ-euˬ maˬ ngeuˇ-a loˇ.

Yaˬkoˆ 3:15

Kʼoeˇ loꞈ-ehˇ gʼeh-eu zaˬ siˬ tsawˇ gahˇ-aˬ, mˬ-ahˇ eh doˆ le-euˬ jeˬ maˬ ngeuˇ-a. Kʼoeˇ-aˬ, miˇ tsaˬ heu-ahˇ taꞈ-eu zaˬ siˬ tsawˇ gahˇ pyeuꞈ-awˇ, guiˬ lahˬ saꞈ laˇ-ahˇ taꞈ-eu jeˬ maˬ ngeuˇ-ehˇ, nehꞈ-ahˇ taꞈ-eu jeˬ pyeuꞈ-eu meh.