2 Saˬmeuˬlaˆ 15:30 - Akha

³⁰ Daˬbiˇ ngoeˇ ngoeˇ-ehˇ, Saˬloˬ gawˬ jawˬ-ahˇ daˆ leˇ leꞈ-euˬ meh. Aˬ yawꞈ noeˬ shaˬ dui dui-eu miˇ neh, sehˬ nawˆ maˬ nawˆ-eu uˬ taꞈ, uˬ duˬ dehˬ kaˬ taˬ-awˇ cah-euˬ meh. Aˬ yawꞈ-euˬ mehˬ nah cah-eu tsawˇ haˬ dawˬ tawˆ luꞈ kʼawꞈ, uˬ duˬ dehˬ kaˬ-awˇ ngoeˇ luꞈ-eu meh.

2 Saˬmeuˬlaˆ 15:30 Σταυροειδείς Αναφορές

2 Saˬmeuˬlaˆ 15:29

Kʼoeˇ ngeh, Zaˬdoˆ hawˇ-eu Aˬbyaˬdaˬ aˬ nyaꞈ Yeˬluˇsaˬlehˬ meuˬ-ahˇ Dawˬ ma saˇ jaˇ Bahˬ keuˆ baꞈ kʼoꞈ gʼeh-awˇ, kʼoeˇ gaˇ jawˇ yaꞈ-euˬ meh.

2 Saˬmeuˬlaˆ 19:4

Sahˬ paˬ-aˬ, aˬ yawꞈ-euˬ myaˆ pyawˬ-ahˇ dehˬ kaˬ-awˇ, “Ngaˬ li-oˇ. Ngaˬ li Aˬbaˇsaˬloˬ-oˇ. Ngaˬ li Aˬbaˇsaˬloˬ-oˇ” lehˇ guˇ guˇ-ehˇ ngoeˇ-eu meh.

2 Saˬmeuˬlaˆ 19:5

Kʼoeˇ ngeh, sahˬ paˬ-euˬ nymˇ-ahˇ Yoˇbaˬ le-awˇ, sahˬ paˬ-ahˇ heu loꞈ-ehˇ ehˇ nehˬ-euˬ meh. “Nawˬ-ahˇ maˬ ehˇ, nawˬ buˇ nawˬ li deuˬ-ahˇ maˬ ehˇ, nawˬ-euˬ ma nyiˇ deuˬ-ahˇ maˬ ehˇ, ka kʼoꞈ nehˬ-euˬ nawˬ-euˬ tsawˇ haˬ deuˬ ya shaꞈ dawˇ ni iˬ nah nawˇ mˇ-euˬ meh.

Iˇsaˬtaˆ 6:12

Kʼoeˇ loꞈ-ehˇ cah gʼaˬ-awˇ, Haˬmaˬ gʼaˬ myaˆ pyawˬ dehˬ kaˬ-awˇ toˇ toˇ-ehˇ iˇ kahˇ-ahˇ yaw kawˇ-ehˇ gʼoꞈ-iˇ ngeh, Mawˬdaˬkehˇ gʼaˬ sahˬ paˬ-euˬ nymˇ gʼoˆ kʼehˬ-ahˇ gʼoꞈ leˇ-euˬ meh.

Jaceuq 42:3

muiˇ-eu deuˬngaˇjawˇgaˇoe-awˇ, “Nawˬ-euˬMiˬyehˇaˬgaˇjawˇta”, maˬtsehˆleˇni naˇhaˬlaˇngeh, uˬciꞈnah gʼahˇmaˬtsehˆleˇni, myaˆbiˇngaˬ-euˬdzaˇgeuꞈ-euˬma.

Jaceuq 43:5

Aˬjeˬmiˇneh shaˬzahˬnaꞈ-awˇ, nui noeˬshaˬ-eu maˬjiˇnya ta. Miˬyehˇ-ahˇngaˇ noeˬtmˬ-eu ma. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

Yeˬsaˬgeˬlaˇ 24:17

Nawˇ ngoeˇ-eu teˇ saˇ ngaˬ-ahˇ taˬ bi gaˬ laˇ. Nawˇ shaˬ zahˬ mˇ-eu bi siˬ bi mawˇ-eu gʼaˇ duˬ, uˬ jehˆ jehˆ-awˇ sehˬ nawˆ maˬ nawˬ-ehˇ taˬ cah haw. Nawˬ-euˬ myaˆ pyawˬ taˬ dehˬ kaˬ. Tsawˇ ngoeˇ ngoeˇ-eu deuˬ dzaˬ-eu dzaˇ taˬ dzaˬ.”

Yeˬsaˬgeˬlaˇ 24:23

Naw maꞈ uˬ jehˆ maˬ jehˆ dzeh-ehˇ, sehˬ nawˆ lehˆ-awˇ maˬ cah-eu uˬ taꞈ, tsawˇ ngoeˇ maˬ ngoeˇ ni jawˇ tehꞈ-a. Naw maꞈ-euˬ iˬ baˇ baˬ da neh naw maꞈ liˬ-iˇ koˆ-iˇ-awˇ, tiˬ gʼaˬ tiˇ gʼaˬ mahˇ cawˬ mahˇ cawˬ-ehˇ ya jawˇ tehꞈ-a.

Zaˬkaˬliˇ 14:4

Kʼoeˇ ngeh jawˇ, Yeˬluˇsaˬlehˬ meuˬ-euˬ nahˇ ma doˆ kʼehˬ paw jaˆ-eu Saˬloˬ gawˬ jawˬ-ahˇ aˬ yawꞈ yawꞈ tehꞈ-a. Kʼoeˇ naˇ, Saˬloˬ gawˬ jawˬ kʼoeˇ nahˇ ma doˆ kʼehˬ ga kʼehˬ-ehˇ nyiˬ paˆ paˆ-iˇ-awˇ, yaw kaˬ-ahˇ gʼaˬ lawˬ lawˬ ma jaˆ le tehꞈ-a. Gawˬ jawˬ tiˬ paˆ laꞈ taˆ paw pyawˬ-ahˇ jiˆ daˆ leˇ-awˇ, tiˬ paˆ laꞈ oˆ paw pyawˬ-ahˇ jiˆ ka-iˇ tehꞈ-a.

Maꞈtehˬ 5:4

“Noeˬ shaˬ noeˬ zahˬ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi noeˬ saˇ laˇ tehꞈ-a.

Luˇkaꞈ 19:29

Saˬloˬ gawˬ jawˬ-ahˇ jaˆ-eu Behˬpaˇgeˬ pu hawˇ-eu Beˬtaˬniˇ pu dawˬ peh aˬ yawꞈ le keuˆ ngeh, aˬ yawꞈ-euˬ zaˬ lahˇ nyiˬ gʼaˬ-ahˇ mehˬ hu paw pyehˬ gʼeh-euˬ meh.

Luˇkaꞈ 19:37

Yeˬluˇsaˬlehˬ meuˬ dawˬ peh le keuˆ-awˇ, Saˬloˬ gawˬ jawˬ iˇ ka ngeh, zaˬ lahˇ deuˬ baˬ maꞈ maꞈ lah-ehˇ laˬ kʼaˬ cehˇ dui dui-awˇ, aˬ yawꞈ maꞈ neh ya mawˇ-euˬ huiˬ dui dui-eu gaˇ kʼoeˇ deuˬ gʼaˇ duˬ, yaw kʼaˆ-ehˇ guˇ guˇ-ehˇ Miˬyehˇ-ahˇ ja ceuˬ-euˬ meh.

Luˇkaꞈ 19:41

Aˬ yawꞈ meuˬ dawˬ peh le keuˆ-awˇ, meuˬ-ahˇ ya mawˇ ngeh, meuˬ-euˬ gʼaˇ duˬ tsawˇ ngoeˇ ngoeˇ-awˇ,

Luˇkaꞈ 21:37

Yeˬsuˇ-aˬ, yawˬ nah na luꞈ nah gʼahˇ paw Uˬ duˬ tahˬ nymˇ nymˇ ma laꞈ kʼoeˇ mehˬ nehˬ-euˬ meh. Ehˇ kʼawꞈ, uˬ ciꞈ ciꞈ le ngeh, Saˬloˬ gawˬ jawˬ-ahˇ yaꞈ leˇ-eu meh.

Luˇkaꞈ 22:39

Yeˬsuˇ-aˬ, aˬ myah myah aˬ yawꞈ kʼaˇ jahˇ-eu loꞈ-ehˇ, meuˬ-ahˇ neh doˆ-iˇ-awˇ, saˬ loˬ gawˬ jawˬ-ahˇ le-euˬ meh. Zaˬ lahˇ deuˬ kʼawꞈ, aˬ yawꞈ nehˬ-ehˇ le-euˬ meh.

Gʼaˬkʼehˇ 1:12

Kʼoeˇ naˇ, gʼaˬ kʼehˇ kʼoeˇ deuˬ Saˬloˬ Gawˬ jawˬ-ahˇ neh Yeˬluˇsaˬlehˬ meuˬ-ahˇ gʼoꞈ-iˇ-euˬ meh. Gawˬ jawˬ kʼoeˇ jawˬ-aˬ, Yeˬluˇsaˬlehˬ meuˬ-ahˇ neh oeˬ yaˇ oeˬ tseˇ lmˇ kaˬ-eu tehꞈ meh.

Lormav 12:15

Laˬ kʼaˬ cehˇ-eu tsawˇ haˬ deuˬ nehˬ-ehˇ laˬ kʼaˬ caw cehˇ-awˇ, ngoeˇ-eu tsawˇ haˬ deuˬ nehˬ-ehˇ caw ngoeˇ-awˬ.

1 Gawˇliˬtu 12:26

Aˇ sehˇ tiˬ sehˇ naˇ laˇ naˇ, aˇ sehˇ dawˬ tawˆ luꞈ ya caw naˇ-eu meh. Aˇ sehˇ tiˬ sehˇ-ahˇ aˬ cawˬ ja ceuˬ kʼaˇ za naˇ, aˇ sehˇ dawˬ tawˆ luꞈ laˬ kʼaˬ ya caw cehˇ-eu meh.