2 Saˬmeuˬlaˆ 15:20 - Akha

²⁰ Nawˇ heu gaˇ cehˆ jawˇ le-euˬ maˬ myahˇ laˇ-euˬ miˇ neh, nawˬ-ahˇ ngaˇ doe doe-ehˇ sheuˬ-awˇ cah paˬ-ehˇ maˬ gʼeh-a. Kʼoeˇ uˬ taꞈ, ngaˇ aˬ geu paw ya iˇ-eu gaˇ kawˆ kʼawꞈ maˬ ehˇ duˬ nya-a siˬ. Kʼoeˇ miˇ neh, nawˬ-euˬ tsawˇ haˬ deuˬ-ahˇ sheuˬ-awˇ gʼoꞈ-iˇ-awˬ. Sahˬpaˬ Miˬyehˇ nawˬ-ahˇ saˇ jaˇ ziꞈ-awˇ, gʼawˬ shaˬ gaˬ nehˬ laꞈ luꞈ-uˇ.”

2 Saˬmeuˬlaˆ 15:20 Σταυροειδείς Αναφορές

2 Saˬmeuˬlaˆ 2:5

tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh. “Naw maꞈ-euˬ sahˬ paˬ-ahˇ baꞈ pahˬ nehˬ-euˬ laꞈ kʼoeˇ, naw maꞈ saˇ jaˇ ziꞈ-eu gaˇ kawˆ bi siˬ bi mawˇ-euˬ miˇ neh, Sahˬpaˬ Miˬyehˇ naw maꞈ-ahˇ guiˬ lahˬ biꞈ luꞈ-uˇ.

2 Saˬmeuˬlaˆ 2:6

Nymˬ-mˇ poˆ jawˇ-aˬ, Sahˬpaˬ Miˬyehˇ naw maꞈ-ahˇ gʼawˬ shaˬ gaˬ-awˇ, saˇ jaˇ ziꞈ luꞈ-uˇ. Naw maꞈ kʼoeˇ loꞈ-ehˇ mˇ-euˬ baˬ da neh, ngaˇ kʼawꞈ, naw maꞈ-ahˇ yaw muiˬ paˬ-ehˇ cawˬ ba nehˬ ma.

Jaceuq 25:10

Dawˬma saˇjaˇ-ahˇ caw teh-awˇ, yehˇdawˬnaˇ-eu deuˬ-euˬmehˬshi, yawꞈgaˬ-eu jeˬ, yawꞈ-euˬsaˇjaˇ, gaˇma kahˇli sheu taw nehˬmeh.

Jaceuq 56:8

Ngaˇ aˇ naˆ ni shaˬ zahˬ naꞈ-eu nawˇ siˬ nya meh. Ngaˬ-euˬ myaˆ biˇ-ahˇ nawˇ maˇ tsaꞈ neh ciˬ kʼmˇ uiˬ taˬ-euˬ meh. Gaˇ kawˆ heu nawˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ maˬ ngeuˇ loˇ.

Jaceuq 57:3

Mˬ kʼoeˇ taˆ jawˇ-awˇ ngaˬ-ahˇ ka kʼoꞈ le-eu laꞈ kʼoeˇ, ngaˬ-ahˇ kʼehˬ-eu tsawˇ haˬ deuˬ kʼoeˇ taˆ, shaꞈ dawˇ-eu jeˬ bi keuˆ le tehꞈ-a. Maˬ tsehˆ leˇ nya-eu aˬ yawꞈ-euˬ gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ, ngaˬ-euˬ kʼoeˇ taˆ aˬ yawꞈ bi keuˆ le tehꞈ-a.

Jaceuq 59:15

Doe doe-ehˇ dzaˇ poˆ dzaˬ-eu aˬ kuiˬ deuˬ, dzaˇ maˬ ya dzaˬ dehˆ-ehˇ mahˇ-eu loꞈ-ehˇ, aˬ yawꞈ maꞈ mahˇ mahˇ-ehˇ cah-eu meh.

Jaceuq 61:7

Miˬyehˇ-oˇ, nawˬ-euˬ mehˬ shi aˬ yawꞈ aˬ myah luꞈ sahˬpaˬ ya geuꞈ luꞈ-uˇ. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ laꞈ kʼoeˇ aˬ yawꞈ-ahˇ haw piˇ nehˬ-awˬ.

Jaceuq 61:8

Kʼoeˇ naˇ, ngaˬ neh saˇ jaˇ dzaˬ taˬ-euˬ lawˇ-eu jeˬ aˬ yawꞈ nah yawꞈ ngaˇ lawˇ ngeh, nawˬ-ahˇ aˬ myah luꞈ caˇ-awˇ ja ceuˬ ma.

Jaceuq 85:10

Gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ tahˬ dzoeˇ tehꞈ-a. Yaw tsaˬ yaw dawˇ jeˬ hawˇ-eu nui saˇ oꞈ-eu jeˬ tiˬ gaˇ jaˆ le tehꞈ-a.

Jaceuq 89:14

Yaw tsaˬ yaw dawˇ jeˬ kʼoeˇ taˆ, nawˬ-euˬ miˇ kʼahˬ nawˇ bi ziꞈ-euˬ meh. Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ ya mawˇ-eu meh.

Dawqdaq 14:22

Yaw haiˬ jeˬ poˆ-eu tsawˇ haˬ yaw lehˬ toˆ gaˇ duˇ-awˇ, yaw muiˬ jeˬ mˇ-eu tsawˇ haˬ-ahˇ aˬ cawˬ gʼoeˇ tehꞈ-a.

Dawqdaq 3:3

Saˇ jaˇ ziꞈ-eu jeˬ-ahˇ maˬ pyehˬ dzeh-ehˇ nawˬ-euˬ kawˬ lahˇ-ahˇ dah-awˇ, nawˬ-euˬ nui ma-ahˇ boꞈ ahˇ taˬ-awˬ.

Aˬmoˆ 8:12

Miˇ kʼahˬ zaˬ deuˬ Sahˬpaˬ Miˬyehˇ-euˬ dawˬ ya gaˬ ni laꞈ taˆ paw maˬ ehˇ, laꞈ oˆ paw maˬ ehˇ, nahˇ ma doˆ kʼehˬ paw maˬ ehˇ, nahˇ ma ga kʼehˬ paw maˬ ehˇ, kʼoeˇ paw heu paw-ehˇ coeˬ coeˬ-ehˇ shaˬ kʼawꞈ, tiˬ gaˇ-iˬ ma ya gaˬ-aˇ.

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

1 Saˬmeuˬlaˆ 23:13

Kʼoeˇ naˇ, Daˬbiˇ hawˇ-eu koꞈ yaˇ gʼaˬ ehˇ gʼaˬ ni byah-eu aˬ yawꞈ-euˬ tsawˇ haˬ deuˬ, Kiˇlahˬ meuˬ-ahˇ neh yaw kawˇ-ehˇ doˆ-iˇ-awˇ, yahˇ pawˇ-euˬ meh. Daˬbiˇ Kiˇlahˬ meuˬ-ahˇ neh doˆ-iˇ dzeuˇ-euˬ gaˇ kawˆ Sawˇluˆ ya gaˬ ngeh, aˬ yawꞈ neh noeˬ taˬ-euˬ loꞈ-ehˇ maˬ mˇ ni byehˇ-euˬ meh.