2 Saˬmeuˬlaˆ 15:18 - Akha

¹⁸ Aˬ yawꞈ-ahˇ loꞈ piˇ-eu guiˇ maꞈ aˬ yawꞈ-euˬ mehˬ shi iˇ dzeuˇ gʼeh luꞈ ngeh, aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ aˬ yawꞈ-euˬ dawˬ peh yawꞈ luꞈ-eu meh. Gaˬdaˇ meuˬ-ahˇ neh aˬ yawꞈ-euˬ mehˬ nah caw teh laꞈ-euˬ yehˇ koꞈ yaˇ gʼaˬ kʼawꞈ, iˇ dzeuˇ luꞈ-eu meh.

2 Saˬmeuˬlaˆ 15:18 Σταυροειδείς Αναφορές

2 Saˬmeuˬlaˆ 15:17

Sahˬ paˬ hawˇ-eu aˬ yawꞈ-euˬ tsawˇ haˬ dawˬ tawˆ luꞈ, meuˬ kʼoeˇ meuˬ-ahˇ byehˇ dzeh yaꞈ-awˇ doˆ-iˇ ngeh, meuˬ dzeˇ dzeˇ saˬ jaˆ-eu nymˇ-ahˇ tiˬ kʼehˬ yawꞈ naˬ-euˬ meh.

2 Saˬmeuˬlaˆ 18:2

Kʼoeˇ naˇ, aˇ muˇ muˇ ma smˬ muˇ biˇ-awˇ, Yoˇbaˬ, Yoˇbaˬ-euˬ aˬ nyiˇ Aˬbiˇshaiˇ hawˇ-eu Gaˬdaˇ meuˬ-ahˇ jawˇ-awˇ laˇ-euˬ Iˇtehˇ aˬ ha smˇ gʼaˬ-ahˇ, tiˬ gʼaˬ tiˬ muˇ sheuˬ-awˇ bi doˆ-iˇ-euˬ meh. “Ngaˬ-euˬ gʼawˇ mawˇ kʼawꞈ naw maꞈ nehˬ-ehˇ iˇ ma” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ ehˇ nehˬ-euˬ meh.

2 Saˬmeuˬlaˆ 20:23

Yoˇbaˬ-aˬ, Iˇsaˬleˬlaˆ miˇ kʼahˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu meh. Yeˬhawˇyaˬdaˬ-euˬ aˬ li Baˬnaˇyaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu meh.

2 Saˬmeuˬlaˆ 20:7

Yoˇbaˬ-euˬ yehˇ deuˬ maˬ ehˇ, sahˬ paˬ-ahˇ loꞈ piˇ-eu yehˇ deuˬ maˬ ehˇ, yehˇ nui deuˬ maˬ ehˇ, Aˬbiˇshaiˇ nehˬ-ehˇ iˇ-awˇ, Sheˬba-euˬ mehˬ nah teh-iˇ-euˬ meh.

2 Saˬmeuˬlaˆ 6:10

Kʼoeˇ miˇ neh, Dawˬ ma saˇ jaˇ Bahˬ keuˆ-ahˇ Yeˬluˇsaˬlehˬ meuˬ-ahˇ maˬ paˇ baꞈ kʼoꞈ gʼeh ma lehˇ aˬ yawꞈ noeˬ tsehˆ-awˇ, Gaˬdaˇ meuˬ-ahˇ jawˇ-eu AwˇbehˆEˬdoˬ-euˬ nymˇ-ahˇ baꞈ taˬ-iˇ-euˬ meh.

2 Saˬmeuˬlaˆ 8:18

Yeˬhawˇyaˬdaˬ-euˬ aˬ li Baˬnaˇyaˬ gʼaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ aˬ yuiꞈ geuꞈ-awˇ, Daˬbiˇ-euˬ aˬ li deuˬ-aˬ, piˇ ma geuꞈ-euˬ meh.

1 Sahˬpaˬ 1:38

Kʼoeˇ naˇ, piˇ ma Zaˬdoˆ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Yeˬhawˇyaˬdaˬ-euˬ aˬ li Baˬnaˇyaˬ hawˇ-eu, sahˬ paˬ-ahˇ loꞈ piˇ-eu guiˇ maꞈ deuˬ gʼeh-awˇ, Sawˇlaˬmoˬ-ahˇ sahˬ paˬ Daˬbiˇ-euˬ mahˬ shaˆ lawˬ bi dziˬ-awˇ, Giˇhoˬ lawˇ gawˆ-ahˇ sheuˬ gʼeh-euˬ meh.

1 Laˬsaˬbaˬ 18:17

Yeˬhawˇyaˬdaˬ-euˬ aˬ li Baˬnaˇyaˬ gʼaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ aˬ yuiꞈ geuꞈ-awˇ, sahˬ paˬ Daˬbiˇ-euˬ aˬ li deuˬ-aˬ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ geuꞈ-euˬ meh.

1 Saˬmeuˬlaˆ 23:13

Kʼoeˇ naˇ, Daˬbiˇ hawˇ-eu koꞈ yaˇ gʼaˬ ehˇ gʼaˬ ni byah-eu aˬ yawꞈ-euˬ tsawˇ haˬ deuˬ, Kiˇlahˬ meuˬ-ahˇ neh yaw kawˇ-ehˇ doˆ-iˇ-awˇ, yahˇ pawˇ-euˬ meh. Daˬbiˇ Kiˇlahˬ meuˬ-ahˇ neh doˆ-iˇ dzeuˇ-euˬ gaˇ kawˆ Sawˇluˆ ya gaˬ ngeh, aˬ yawꞈ neh noeˬ taˬ-euˬ loꞈ-ehˇ maˬ mˇ ni byehˇ-euˬ meh.

1 Saˬmeuˬlaˆ 25:13

Kʼoeˇ ngeh, “Mi cehˇ shaꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ Daˬbiˇ dawˬ biꞈ-awˇ, aˬ yawꞈ maꞈ yawˬ gʼaˬ na luꞈ mi cehˇ shaꞈ-euˬ meh. Daˬbiˇ gʼeh mi cehˇ shaꞈ-awˇ, aˬ yawꞈ-euˬ tsawˇ haˬ oeˬ yaˇ gʼaˬ byah ni sheuˬ-awˇ doˆ-iˇ-euˬ meh. Myawˬ gahˬ-ahˇ bi loꞈ-eu gʼaˇ duˬ, naˇ kʼah paw nyiˬ yaˇ gʼaˬ bi jawˇ yaꞈ-euˬ meh.

1 Saˬmeuˬlaˆ 27:3

Daˬbiˇ hawˇ-eu aˬ yawꞈ-euˬ tsawˇ haˬ deuˬ-aˬ, aˬ yawꞈ maꞈ-euˬ miˬ sawˇ zaˬ deuˬ nehˬ-ehˇ tiˬ kawˆ loꞈ-ehˇ, Gaˬdaˇ meuˬ-ahˇ jawˇ-euˬ meh. Daˬbiˇ-euˬ miˬ zaˬ deuˬ pyeuꞈ-eu Yeˬzaˬleˬlaˇ meuˬ-ahˇ jawˇ-eu Aˬhiˇnoˬ hawˇ-eu, Gaˬlaˬmeˬlaˇ meuˬ-ahˇ jawˇ-eu Naˬbaˬlaˇ-euˬ miˬ coeˬ miˬ ma Aˬbiˇgeˬlaˆ aˬ nyaꞈ kʼawꞈ, Daˬbiˇ nehˬ-ehˇ kʼoeˇ gaˇ jawˇ-euˬ meh.

1 Saˬmeuˬlaˆ 27:4

Daˬbiˇ Gaˬdaˇ meuˬ-ahˇ cehˆ jawˇ-iˇ-euˬ gaˇ kawˆ Sawˇluˆ ya gaˬ ngeh, Daˬbiˇ-ahˇ maˬ paˇ poˆ ni byehˇ-euˬ meh.

1 Saˬmeuˬlaˆ 30:1

Nyiˬ nah byah laˇ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ Ziˇkaˬlehˆ meuˬ-ahˇ gʼoꞈ keuˆ-iˇ-euˬ meh. Aˬmaˬlehˇ tsawˇ haˬ deuˬ Yuˇdaˆ miˇ kʼahˬ laꞈ oˆ paw dzaˬ-ahˇ guiˇ deuˆ le-awˇ, Ziˇkaˬlehˆ meuˬ-ahˇ miˬ dzaˬ keuˬ dzeh yaꞈ-euˬ meh.

1 Saˬmeuˬlaˆ 30:14

Yuˇdaˆ miˇ kʼahˬ laꞈ oˆ dzaˬ-ahˇ jaˆ-eu Sheˬleˬdiˇ tsawˇ jeuˬ-euˬ miˇ kʼahˬ hawˇ-eu, Gaˬlehˆ tsawˇ jeuˬ-euˬ miˇ kʼahˬ-ahˇ nga maꞈ guiˇ deuˆ-awˇ, Ziˇkaˬlehˆ meuˬ-ahˇ nga maꞈ miˬ dzaˬ keuˬ dzeh yaꞈ-euˬ ma.”

1 Saˬmeuˬlaˆ 30:9

Kʼoeˇ naˇ, Daˬbiˇ hawˇ-eu aˬ yawꞈ-euˬ tsawˇ haˬ koꞈ yaˇ gʼaˬ lehˬ hmˬ-awˇ doˆ-iˇ-euˬ meh. Beˬsawˬ lawˇ gawˆ-ahˇ iˇ keuˆ ngeh, tiˬ paˆ na deuˬ jawˇ yaꞈ-euˬ meh.