2 Saˬmeuˬlaˆ 15:14 - Akha

¹⁴ Kʼoeˇ ngeh, Daˬbiˇ-aˬ, aˬ yawꞈ nehˬ-ehˇ Yeˬluˇsaˬlehˬ meuˬ-ahˇ jawˇ luꞈ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ heu loꞈ-ehˇ ehˇ nehˬ-euˬ meh. “Aˬbaˇsaˬloˬ-euˬ aˬ laꞈ laꞈ kʼoeˇ neh aˬ dui ya buˬ ya law-iˇ ni, yaw kawˇ ma-ehˇ ya cehˆ meh. Yaw kawˇ-ehˇ lehˬ hmˬ tehˇ tehˬ-awˬ. Nymˬ-mˇ aˬ yawꞈ oe keuˆ-awˇ, aˬ dui-ahˇ guiˇ deuˆ gʼaˬ shaw naˇ, yawˬ gʼaˬ na luꞈ ya bi sehꞈ jiˇ gaˇ keuˆ tehꞈ-a.”

2 Saˬmeuˬlaˆ 15:14 Σταυροειδείς Αναφορές

2 Saˬmeuˬlaˆ 12:11

Nawˬ-euˬ nymˇ kʼahˬ zaˬ tiˬ gʼaˬ na baˬ da neh, nawˬ-euˬ nymˇ jiˇ kʼoeˇ taˆ shaˬ-eu zahˬ-eu jeˬ bi keuˆ le ma lehˇ ngaˇ kamˬ-eu ma. Nawˬ-euˬ miˬ zaˬ deuˬ-ahˇ ngaˇ yuˇ-awˇ, yawˬ gʼaˬ yawˬ-ahˇ biꞈ nehˬ ngeh, ngaˬ neh ehˇ-euˬ loꞈ-ehˇ ngaˇ aˬ diˇ mˇ luꞈ-eu ngaˇ lehˇ siˬ nya-awˬ. Nah gʼahˇ nah gaˆ-ahˇ, nawˬ-euˬ miˬ zaˬ deuˬ nehˬ-ehˇ aˬ yawꞈ yuꞈ taꞈ jawˇ taꞈ tehꞈ-a.

2 Saˬmeuˬlaˆ 15:15

Aˬ yawꞈ maꞈ ehˇ-eu, “Sahˬ paˬ-oˇ, nawˬ neh kʼaˇ ehˇ-euˬ loꞈ-ehˇ nga maꞈ mˇ ma.”

2 Saˬmeuˬlaˆ 19:10

Kʼoeˇ naˇ, Aˬbaˇsaˬloˬ-ahˇ aˬ dui tsiˇ shehˆ daˆ nehˬ-awˇ, sahˬ paˬ ka nehˬ-euˬ ma. Ehˇ kʼawꞈ, guiˇ deuˆ-eu laꞈ kʼoeˇ aˬ yawꞈ shiˇ dzeuˇ-euˬ-aˬ, nymˬ-mˇ poˆ jawˇ tiˬ gʼaˬ na iˇ-awˇ, aˬ jeˬ miˇ neh sahˬ paˬ Daˬbiˇ-ahˇ maˬ sheuˬ kʼoꞈ laˬ-iˇ ni jawˇ ta.”

2 Saˬmeuˬlaˆ 19:9

Iˇsaˬleˬlaˆ miˇ kʼahˬ kʼahˬ lah ni, tiˬ gʼaˬ tiˇ gʼaˬ ceh ceh-ehˇ ehˇ-eu, “Sahˬ paˬ Daˬbiˇ-aˬ, muiˇ-eu deuˬ-euˬ aˬ laꞈ laꞈ kʼoeˇ neh aˬ dui-ahˇ ka kʼoꞈ nehˬ laꞈ-euˬ meh. Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ, aˬ dui-ahˇ aˬ yawꞈ ka kʼoꞈ nehˬ laꞈ-euˬ meh. Ehˇ kʼawꞈ, nymˬ-mˇ Aˬbaˇsaˬloˬ-ahˇ aˬ yawꞈ yahˇ pawˇ-awˇ, miˇ kʼahˬ heu kʼahˬ-ahˇ aˬ yawꞈ byehˇ dzeh yaꞈ-euˬ meh.

Jaceuq 51:18

Miˬyehˇ-oˇ, Ziˇoˬ gawˬ jawˬ-ahˇ gʼawˬ shaˬ gaˬ-awˇ ngehˬ gʼeh nehˬ-awˬ. Yeˬluˇsaˬlehˬ meuˬ-euˬ meuˬ lahˇ laˆ muiˬ nehˬ-awˬ.

Yeˬsaˬgeˬlaˇ 46:18

Dzoeˬ dzaˬ-eu sahˬ paˬ zaˬ yo-aˬ, miˇ kʼahˬ zaˬ deuˬ-euˬ mˇ myawˬ tiˬ jeˬ-iˬ maˬ ya yuˇ geuꞈ-a. Ngaˬ-euˬ tsawˇ haˬ pyeuꞈ-eu miˇ kʼahˬ zaˬ deuˬ-euˬ miˇ tsaˬ maˬ ya kʼaˆ geuꞈ-eu gʼaˇ duˬ, aˬ yawꞈ-euˬ aˬ li deuˬ-ahˇ miˇ tsaˬ biꞈ ngeh, aˬ yawꞈ-euˬ miˇ tsaˬ tehꞈ-ehˇ ya biꞈ meh.”

Maꞈtehˬ 11:12

Iˇ cuꞈ shawˇ-eu Yoˇhaˬ dawˬ mehˬ mehˬ-euˬ aˇ yamˬ kʼoeˇ yamˬ-ahˇ neh iˬ nah keuˆ ni, mˬ taˆ Miˇkʼahˬ-aˬ, yaw doeˇ jahˇ nehˬ-euˬ gʼawˬ mya jeˬ-ahˇ daˬ dzeuˇ laꞈ-euˬ meh. Haiˬ-eu tsawˇ haˬ deuˬ, miˇ kʼahˬ kʼoeˇ kʼahˬ-ahˇ deuˆ gʼaˬ-eu lehˇ leh jeh-eu meh.

Luˇkaꞈ 10:15

Gaˬbeˬneˬoˬ meuˬ-oˇ, nawˇ toe. Mˬ-ahˇ tuˆ ni bi ciˬ huiˬ bi ciˬ mahˇ mawꞈ-eu nya loˇ. Nawˬ-ahˇ shiˬ buiˇ lah ma-ahˇ biˬ ahˇ nehˬ laꞈ tehꞈ-a.”