2 Saˬmeuˬlaˆ 14:22 - Akha

²² Daˬbiˇ-euˬ mehˬ shi Yoˇbaˬ miˇ tsa awˆ byaˆ-awˇ, yaw zeu baw nehˬ-eu laꞈ kʼoeˇ, “Sahˬ paˬ-oˇ, Miˬyehˇ nawˬ-ahˇ guiˬ lahˬ biꞈ luꞈ-uˇ. Nawˇ ngaˬ-ahˇ nui ma tsaˬ-eu gaˇ kawˆ nymˬ-mˇ ngaˇ siˬ duˬ-euˬ ma. Aˬ jeˬ miˇ neh ehˇ naˇ, ngaˬ neh shaˇ-euˬ dawˬ-ahˇ nawˇ naˇ haˬ geuꞈ nehˬ laꞈ-euˬ meh” lehˇ ehˇ nehˬ-euˬ meh.

2 Saˬmeuˬlaˆ 14:22 Σταυροειδείς Αναφορές

Aˇ dahˬ 47:7

Kʼoeˇ naˇ, Yoˇsehˆ neh aˬ yawꞈ aˬ da Yaˬkoˆ-ahˇ sahˬ paˬ jawˇ gaˇ sheuˬ gʼeh-awˇ, sahˬ paˬ-ahˇ Yaˬkoˆ dawˬ ngehˬ gʼeh nehˬ-euˬ meh.

Aˇ dahˬ 6:8

Ehˇ kʼawꞈ, Noˇaˬ gʼaˬ-ahˇ-aˬ, Sahˬpaˬ Miˬyehˇ nui kʼahˇ shiˇ-eu meh.

2 Saˬmeuˬlaˆ 14:21

Kʼoeˇ naˇ, Yoˇbaˬ-ahˇ sahˬ paˬ ehˇ nehˬ-eu, “Nawˇ bi mˇ mawꞈ-eu loꞈ-ehˇ ngaˇ mˇ ma lehˇ noeˬ tsehˆ gʼaˬ-euˬ ma. Nawˇ iˇ-awˇ, zaˬ guˬ Aˬbaˇsaˬloˬ-ahˇ sheuˬ kʼoꞈ laˬ-iˇ-awˬ.”

2 Saˬmeuˬlaˆ 14:23

Kʼoeˇ naˇ, Geˬshuˇlaˆ meuˬ-ahˇ aˬ yawꞈ iˇ-awˇ, Aˬbaˇsaˬloˬ-ahˇ Yeˬluˇsaˬlehˬ meuˬ-ahˇ sheuˬ kʼoꞈ laꞈ-euˬ meh.

2 Saˬmeuˬlaˆ 14:4

Zaˬ miˬ zaˬ kʼoeˇ gʼaˬ sahˬ paˬ jawˇ gaˇ le-awˇ, miˇ tsa awˆ byaˆ-awˇ yaw zeu baw nehˬ-eu laꞈ kʼoeˇ, “Sahˬ paˬ-oˇ, ngaˬ-ahˇ gʼawˬ shaˬ gaˬ-awˇ caw ba nehˬ laꞈ-awˬ” lehˇ ehˇ nehˬ-euˬ meh.

2 Saˬmeuˬlaˆ 19:39

Kʼoeˇ naˇ, Daˬbiˇ hawˇ-eu aˬ yawꞈ-euˬ tsawˇ haˬ dawˬ tawˆ luꞈ Yawˇdaˬ lawˇ baˬ tsehˆ doˆ-euˬ meh. Baˬziˇlehˇ-ahˇ aˬ yawꞈ mehˬ cuˇ cuˇ nehˬ-awˇ, dawˬ ngehˬ gʼeh nehˬ yaꞈ-euˬ meh. Kʼoeˇ naˇ, Baˬziˇlehˇ gʼoꞈ leˇ-euˬ meh.

Neˬhaˬmiˇ 11:2

Yeˬluˇsaˬlehˬ meuˬ-ahˇ jawˇ leˇ-eu gʼaˇ duˬ yawˬ haˇ yawˬ ha nui ma keuˆ-awˇ noeˬ tsehˆ-eu tsawˇ haˬ deuˬ-ahˇ, miˇ kʼahˬ zaˬ deuˬ ja ceuˬ-euˬ meh.

Yawˇbaˆ 29:11

Ngaˬ-ahˇ mawˇ haw-euˬ deuˬ hawˇ-eu ngaˬ-euˬ gaˇ kawˆ gaˬ haw-euˬ deuˬ yawˬ gʼaˬ na luꞈ, ngaˬ neh mˇ-euˬ muiˬ-eu jeˬ gaˇ kawˆ ja-eu meh.

Yawˇbaˆ 31:20

ngaˬ-euˬ yawˇ yawˇ maꞈ-euˬ caꞈ hm tehˬ-awˇ zaꞈ-euˬ, yawˇ caꞈ hm mehˬ tsoeˬ biꞈ nehˬ-euˬ miˇ neh, aˬ yawꞈ-euˬ nui ma laꞈ kʼoeˇ keuˆ ni ngaˬ-ahˇ guiˬ lahˬ huiˬ-eu meh.

Dawqdaq 31:28

Aˬ yawꞈ-euˬ zaˬ deuˬ aˬ yawꞈ-ahˇ yaw zeu baw-awˇ, aˬ yawꞈ-euˬ kʼaˬ dzeˇ zaˬ aˬ yawꞈ-ahˇ ja ceuˬ-eu meh.

Luˇta 2:2

Tiˬ nah keuˆ laˇ ngeh, Nawˇmi-ahˇ Luˇta ehˇ nehˬ-eu, “Deh yaˇ doe doe-ehˇ iˇ-awˇ, cehˇ yehˬ-eu deuˬ neh bi ga ka yaꞈ-euˬ cehˇ nmˇ gʼoˆ-iˇ-eu gʼaˇ duˬ, ngaˬ-ahˇ bi iˇ nehˬ laꞈ sheˇ. Yawˬ ha neh cehˇ yehˬ gʼaˬ-euˬ gaˇ, cehˇ nmˇ bi gʼoˆ mawꞈ-euˬ tsawˇ haˬ tiˬ gʼaˬ na ya mawˇ-eu baw le.” Nawˇmi ehˇ-eu, “Iˇ nya tehꞈ-a tsu-oˇ.”

1 Saˬmeuˬlaˆ 20:3

Ehˇ kʼawꞈ, Daˬbiˇ ehˇ-eu, “Nawˇ ngaˬ-ahˇ aˇ naˆ ni gʼoeˇ-eu gaˇ kawˆ nawˬ da siˬ duˬ-eu miˇ neh, nawˇ noeˬ shaˬ gaˇ guˆ-awˇ, aˬ yawꞈ mˇ-eu lehˇ gʼeh-eu gaˇ kawˆ heu hmˬ nawˬ-ahˇ maˬ bi siˬ ni mˇ ma lehˇ aˬ yawꞈ noeˬ tsehˆ-euˬ tehꞈ-a. Ngaˇ ya shiˇ-eu gʼaˇ duˬ kuiˇ toꞈ tiˬ toꞈ ca-eu tehꞈ miˇ-a lehˇ, dehꞈ luꞈ-eu Sahˬpaˬ Miˬyehˇ mehˬ shi nawˬ-ahˇ ngaˇ ehˇ-eu ma.”