2 Saˬmeuˬlaˆ 14:14 - Akha

¹⁴ Aˬ dui dawˬ tawˆ luꞈ ya shiˇ tehꞈ-a. Aˬ dui-aˬ, miˇ tsaˬ-ahˇ shehˆ dzeh-awˇ maˬ paˇ tawˆ kʼoꞈ geuꞈ nya-eu iˇ cuꞈ-ahˇ duˇ-eu meh. Shiˇ dzeuˇ-euˬ tsawˇ haˬ deuˬ-ahˇ, Miˬyehˇ maˬ bi gʼoꞈ dehꞈ laˇ-a. Ehˇ kʼawꞈ, aˬ cawˬ miˇ kʼahˬ-ahˇ cehˆ jawˇ-iˇ-euˬ tsawˇ haˬ tiˬ gʼaˬ gʼoꞈ laˇ nya ni, sahˬ paˬ gaˇ ma pah nehˬ nya tehꞈ-a.

2 Saˬmeuˬlaˆ 14:14 Σταυροειδείς Αναφορές

2 Saˬmeuˬlaˆ 11:25

Dawˬ tsaꞈ tsaꞈ gaˬ laˇ-euˬ tsawˇ haˬ kʼoeˇ gʼaˬ-ahˇ Daˬbiˇ ehˇ nehˬ-eu, “Yoˇbaˬ-ahˇ gʼaˬ biꞈ nehˬ-awˇ, nui ma taˬ cawˆ lehˇ ehˇ nehˬ-awˬ. Aˬ jeˬ miˇ neh ehˇ naˇ, guiˇ deuˆ-eu lehˇ ehˇ-eu jeˬ-aˬ, heu gʼaˬ kʼoeˇ gʼaˬ shiˇ meh lehˇ ehˇ tsehˆ nya-eu jeˬ maˬ ngeuˇ-a. Yaw kʼaˆ kʼaˆ-ehˇ paˇ leh jeh-awˇ, meuˬ kʼoeˇ meuˬ-ahˇ deuˆ gʼaˬ-awˬ lehˇ ehˇ nehˬ-awˬ.”

2 Saˬmeuˬlaˆ 14:15

Sahˬ paˬ-oˇ, aˬ cawˬ ngaˬ-ahˇ guˆ tsiˬ nyehꞈ-eu miˇ neh, nawˬ-ahˇ ngaˇ dawˬ ya ngehˬ cawˬ laˇ-euˬ jeˬ pyeuꞈ-eu ma. Ngaˬ neh shaˇ-euˬ jeˬ-ahˇ nawˇ mˇ nehˬ laꞈ-eu duˇ lehˇ yawˬ haˇ yawˬ ha noeˬ-awˇ, nawˬ-ahˇ dawˬ ngehˬ cawˬ laˇ-euˬ ma.

1 Sahˬpaˬ 11:39

Sawˇlaˬmoˬ neh mˇ-euˬ iˬ baˇ baˬ da neh, Daˬbiˇ-euˬ zaˬ deuˬ uˆ deuˬ-ahˇ ngaˇ kʼehˬ nehˬ kʼaˆ nehˬ ma. Ehˇ kʼawꞈ, mˬ maˬ maˬ byaˆ zaˇ ziˇ jiˇ ni kʼehˬ nehˬ ma lehˇ ngaˇ ehˇ mawꞈ-eu maˬ ngeuˇ’ lehˇ, Sahˬpaˬ Miˬyehˇ nawˬ-ahˇ ehˇ-eu meh.”

Yawˇbaˆ 14:14

Tsawˇ haˬ zaˬ shiˇ dzeuˇ shaw naˇ paˇ dehꞈ laˇ nya ta loˇ. Ehˇ kʼawꞈ, muiˬ-eu aˇ nah aˇ yamˬ-ahˇ ngaˇ dawˬ keuˆ ma. Shaˬ-eu zahˬ-eu aˇ nah aˇ yamˬ heu deuˬ dzeuˇ-iˇ ngeh keuˆ ni dawˬ ma.

Yawˇbaˆ 30:23

Yawˬ gʼaˬ na luꞈ tiˬ poˆ ya uˇ-iˇ-eu jawˇ duˬ pyeuꞈ-eu shiˇ-eu miˇ kʼahˬ-ahˇ nawˇ ngaˬ-ahˇ yuˇ gʼeh luꞈ-eu ngaˇ siˬ nya ma.

Yawˇbaˆ 34:15

tsawˇ haˬ yawˬ gʼaˬ na luꞈ miˇ tsaˬ paˇ pyeuꞈ jiˇ tehꞈ-a.

Yawˇbaˆ 34:19

Sahˬ paˬ sahˬ ma deuˬ-ahˇ aˬ yawꞈ gʼaˬ baꞈ maˬ baꞈ-ehˇ, yaw shaˬ zaˬ mehˬ shi smˇ muiˬ deuˬ jawˇ paw maˬ pyawˬ-a. Aˬ jeˬ miˇ neh ehˇ naˇ, yawˬ gʼaˬ na luꞈ-ahˇ aˬ yawꞈ neh beh taˬ-euˬ meh.

Jaceuq 22:14

Iˇcuꞈtahˬkʼaˇdzeh-eu loꞈ-ehˇ, ngaˬ-euˬ gʼaˬ iˇdzeh jiˇmiˇ-a. Yoeˬtsuiꞈyoeˬlaꞈ puiˇ-iˇ jiˇ-awˇ, Nui ma byaˬshahˬguiˇ-iˇmiˇ-a.

Jaceuq 22:15

Kuˬbyahˬ lehˇtsaˇloꞈ-ehˇgui-awˇ, mehˬlaˇ mehˬtaˆmyahˬleˇ miˇ-a. Kʼaˬlehˇ tsahˬ-ahˇbi shiˇ-eu lehˇ, nawˇngaˬ-ahˇbyehˇdzeh laꞈ-euˬnga.

Jaceuq 58:7

Iˇ cuꞈ dzeˇ byoˆ-eu loꞈ-ehˇ aˬ yawꞈ maꞈ byoˆ-iˇ luꞈ-uˇ. Gaˇ ma-ahˇ dehꞈ-eu yaˇ moꞈ loꞈ-ehˇ, aˬ cawˬ neh bi nawˬ pyehˆ luꞈ-uˇ.

Jaceuq 77:8

Aˬ yawꞈ aˬ dui-ahˇ gaˬ-eu jiˇ shaw taˬ loˇ. Aˬ yawꞈ-euˬ dawˬ ma saˇ jaˇ gaˇ dahˇ maˬ paˇ tsoeˬ meh loˇ.

Jaceuq 79:3

Nawˬ-euˬ tsawˇ haˬ deuˬ-euˬ shiˬ iˇ cuꞈ loꞈ-ehˇ aˬ yawꞈ maꞈ laˆ yoeˇ-awˇ, Yeˬluˇsaˬlehˬ meuˬ doe ni shiˬ iˇ cuꞈ loꞈ-ehˇ yoeˇ luꞈ kʼawꞈ, tsawˇ shiˇ duˬ pahˬ-eu tiˬ gʼaˬ-iˬ maˬ jawˇ-a.

Jaceuq 90:10

Aˇ kʼoꞈ shiꞈ tseˇ tehꞈ-ehˇ ya dehꞈ byah-awˇ, ziˇ shehˇ-eu deuˬ yehꞈ tseˇ dehꞈ byah kʼawꞈ, guˆ-eu gaˆ-eu jeˬ hawˇ-eu noeˬ shaˬ noeˬ zahˬ-eu jeˬ tehꞈ-ehˇ puˬ le miˇ-a. Tiˬ kʼehˇ laˇ kʼehˬ laꞈ kʼoeˇ ziˇ dehꞈ jiˇ-awˇ, piˬ-iˇ byoˆ-iˇ miˇ-a.

Jaceuq 90:3

Aˬ yawꞈ pyeuꞈ doˆ laˇ duˬ-ahˇ gʼoꞈ-iˇ-awˬ lehˇ tsawˇ haˬ zaˬ-ahˇ nawˇ dawˬ biꞈ-awˇ, miˇ tsaˬ paˇ bi pyeuꞈ kʼoꞈ-iˇ-eu meh.

Doˆ-iˇ 21:13

Ehˇ kʼawꞈ, diˇ daˬ-ehˇ sehꞈ-euˬ jeˬ maˬ ngeuˇ-ehˇ, maˬ yehꞈ maˬ ca-ehˇ laˆ tahˬ-awˇ bi shiˇ-euˬ jeˬ pyeuꞈ naˇ, naw maꞈ gʼaˇ duˬ ngaˬ neh tsaˬ tsoˆ taˬ-euˬ jawˇ duˬ-ahˇ aˬ yawꞈ cehˆ-awˇ, shiˇ-eu jeˬ-ahˇ cehˆ buˬ nya meh.

Dawˬ tsoˆ 9:5

Dehꞈ luꞈ-eu deuˬ yawˬ ha ya shiˇ-eu gaˇ kawˆ siˬ nya kʼawꞈ, shiˇ dzeuˇ-euˬ deuˬ siˬ nya-eu aˬ jeˬ paˇ jaˆ ta. Aˬ yawꞈ maꞈ tiˬ jeˬ-iˬ aˇ poeˬ maˬ paˇ baw-ehˇ, tiˬ gʼaˬ-iˬ maˬ noeˬ mawˇ ni bi ngehˇ byoˆ jiˇ-eu meh.

Ngoeˇ dawˬ 3:31

Sahˬpaˬ Miˬyehˇ tsawˇ haˬ zaˬ-ahˇ, byehˇ tsehˆ tsehˆ-awˇ maˬ bi shaˬ-a.

Yeˬsaˬgeˬlaˇ 18:23

Haiˬ-eu tsawˇ haˬ shiˇ gaˇ ngaˇ laˬ kʼaˬ cehˇ meh lehˇ naw maꞈ noeˬ te loˇ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu ma. Maˬ ngeuˇ. Aˬ yawꞈ noeˬ poˆ noeˬ paˇ-awˇ yaw dehꞈ ya dehꞈ gaˇ ngaˇ mawˇ mawꞈ-eu ma.

Uˬ duˬ 26:40

“Ehˇ kʼawꞈ, naw maꞈ-euˬ zaˬ deuˬ uˆ deuˬ-aˬ, aˬ yawꞈ maꞈ-euˬ iˬ baˇ maˬ ehˇ, ngaˬ-euˬ ehˇ dawˬ maˬ naˇ haˬ ni ngaˬ-ahˇ puiˬ-euˬ aˬ yawꞈ maꞈ-euˬ aˬ poeˬ aˬ bawˇ deuˬ-euˬ iˬ baˇ maˬ ehˇ, maˬ zaꞈ ni ehˇ doˆ tehꞈ-a.

Bawˇtsahˬ 35:15

Meuˬ kʼoeˇ deuˬ-aˬ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ nehˬ-ehˇ tiˬ kʼehˬ tiˬ yamˬ laꞈ kʼoeˇ maˬ ehˇ, aˬ myah luꞈ maˬ ehˇ, jawˇ luꞈ-eu boeˇ miˬ siˬ kʼaˬ deuˬ gʼaˇ duˬ buˬ-iˇ law-iˇ-eu meuˬ deuˬ pyeuꞈ-eu meh. Tsawˇ haˬ tiˬ gʼaˬ na maˬ yehꞈ maˇ yehꞈ-ehˇ aˬ cawˬ-ahˇ laˆ sehꞈ ngeh, meuˬ kʼoeˇ tiˬ meuˬ na-ahˇ ceh uˇ-iˇ naˇ, ya buˬ-iˇ tehꞈ-a.

Bawˇtsahˬ 35:25

Miˇ kʼahˬ zaˬ deuˬ-aˬ, aˬ cawˬ-ahˇ laˆ tahˬ-awˇ bi shiˇ-euˬ tsawˇ haˬ kʼoeˇ gʼaˬ-ahˇ, shiˇ dzeuˇ-euˬ gʼaˬ-euˬ aˬ yuiꞈ aˬ nyiˇ deuˬ-euˬ laꞈ-ahˇ neh ka kʼoꞈ-awˇ, buˬ-iˇ law-iˇ-eu meuˬ-ahˇ sheuˬ gʼeh nehˬ-awˇ ya bi buˬ-iˇ meh. Kʼoeˇ ngeh yamˬ-ahˇ Piˇ ma yaw huiˬ gʼaˬ geuꞈ luꞈ-eu gʼaˬ maˬ shiˇ kʼoeˇ keuˆ ni, tsawˇ haˬ kʼoeˇ gʼaˬ kʼoeˇ gaˇ ya jawˇ meh.

Bawˇtsahˬ 35:28

Piˇ ma yaw huiˬ kʼoeˇ gʼaˬ maˬ shiˇ kʼoeˇ keuˆ ni, aˬ cawˬ-ahˇ laˆ tahˬ-awˇ bi shiˇ-euˬ baˬ da neh iˬ baˇ ahˇ-eu tsawˇ haˬ kʼoeˇ gʼaˬ, buˬ-iˇ law-iˇ-eu meuˬ laꞈ kʼoeˇ tehꞈ-ehˇ ya jawˇ meh. Ehˇ kʼawꞈ, Piˇ ma yaw huiˬ gʼaˬ shiˇ dzeuˇ gʼaˬ ngeh, yawˬ ha-euˬ nymˇ jiˇ-ahˇ gʼoꞈ jawˇ-iˇ nya meh.

Maꞈtehˬ 22:16

Aˬ yawꞈ maꞈ-euˬ zaˬ lahˇ tiˬ paˆ na deuˬ hawˇ-eu, Heˬloˆ aˇ muˇ -ahˇ uˇ-eu tsawˇ haˬ tiˬ paˆ na deuˬ-ahˇ, Yeˬsuˇ jawˇ gaˇ aˬ yawꞈ maꞈ pyehˬ gʼeh-euˬ meh. Aˬ yawꞈ maꞈ ehˇ-eu, “Saˬ laˬ-oˇ, nawˇ-aˬ, dawˇ coe ni ehˇ-eu tsawˇ haˬ meh lehˇ nga maꞈ siˬ nya ma. Tsawˇ haˬ zaˬ-euˬ myaˆ pyawˬ-ahˇ nawˇ maˬ haw-eu uˬ taꞈ, aˬ cawˬ noeˬ doeˇ laˇ gaˇ nawˇ maˬ yahˇ ni, tsawˇ haˬ zaˬ gʼaˇ duˬ Miˬyehˇ-euˬ nui kʼahˇ aˬ joˆ-ehˇ jaˆ-eu gaˇ kawˆ, dawˇ coe ni mehˬ-eu meh.

Gʼaˬkʼehˇ 10:34

Kʼoeˇ ngeh, Beˬtuˆluˆ dawˬ ngehˬ-eu aˇ dahˬ beh-awˇ heu loꞈ-ehˇ ehˇ-eu meh. “Miˬyehˇ myaˆ pyawˬ huiˬ nyiˇ maˬ tseˇ-eu gaˇ kawˆ nymˬ-mˇ ngaˇ siˬ duˬ-eu ma.

Lormav 2:11

Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ yawˬ gʼaˬ na luꞈ-ahˇ myaˆ pyawˬ huiˬ nyiˇ maˬ tseˇ ni yaˇ kʼaˬ daˇ tehꞈ-a.

Dawˬmehˬ 10:17

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, miˬ yehˇ dawˬ tawˆ luꞈ hawˇ-eu baoˬ dawˬ tawˆ luꞈ kʼoeˇ taˆ huiˬ dzehˬ-eu meh. Aˬ yawꞈ-aˬ, baoˬ huiˬ dui dui -awˇ, guˆ laˇ paˬ-ehˇ gʼeh-eu meh. Aˬ yawꞈ-aˬ, myaˆ pyawˬ huiˬ nyiˇ maˬ tseˇ-ehˇ, laꞈ nmꞈ nmꞈ-eu jeˬ-ahˇ kʼawꞈ, maˬ ha geuꞈ-a.

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.

1 Beˬtuˆluˆ 1:17

Tsawˇ haˬ dawˬ tawˆ luꞈ-ahˇ myaˆ pyawˬ huiˬ nyiˇ maˬ tseˇ ni, aˬ yawꞈ gʼaˬ yawꞈ neh kʼaˇ mˇ kʼaˇ shaˇ taˬ-euˬ gaˇ haw-awˇ yaˇ kʼaˬ daˇ-eu gʼaˬ pyeuꞈ-eu Miˬyehˇ-ahˇ naw maꞈ guiˬ lahˬ shaˇ ngeh, ‘Aˬda-oˇ’ lehˇ kuˇ-awˇ shaˇ-eu meh. Kʼoeˇ miˇ neh, naw maꞈ miˇ tsaˬ heu kʼoeˇ taˆ ya dehꞈ ya jawˇ daˆ leꞈ-eu aˇ nah aˇ yamˬ dawˬ tawˆ luꞈ, aˬ yawꞈ-ahˇ yaw zeu baw-awˇ dehꞈ-awˬ.