2 Saˬmeuˬlaˆ 14:13 - Akha

¹³ Zaˬ miˬ zaˬ kʼoeˇ gʼaˬ ehˇ-eu, “Aˬ jeˬ miˇ neh Miˬyehˇ-euˬ tsawˇ jeuˬ-ahˇ nawˇ mˇ lehˬ te. Aˬ cawˬ miˇ kʼahˬ-ahˇ cehˆ jawˇ-iˇ-euˬ nawˬ li-ahˇ nawˇ maˬ bi gʼoꞈ laˇ-eu miˇ neh, nymˬ-mˇ tseuˆ tseuˆ hawˇ-eu nawˬ neh ehˇ taˬ-euˬ dawˬ-ahˇ nawˇ maˬ caw teh gaˇ duˇ-eu meh.

2 Saˬmeuˬlaˆ 14:13 Σταυροειδείς Αναφορές

2 Saˬmeuˬlaˆ 12:7

Daˬbiˇ-ahˇ Naˬdaˬ ehˇ nehˬ-eu, “Tsawˇ haˬ kʼoeˇ gʼaˬ nawˇ meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Iˇsaˬleˬlaˆ tsawˇ jeuˬ kʼoeˇ taˆ ngaˇ nawˬ-ahˇ sahˬ paˬ ka nehˬ-awˇ, Sawˇluˆ-euˬ aˬ laꞈ laꞈ kʼoeˇ nawˬ-ahˇ ka kʼoꞈ taˬ-euˬ ma.

2 Saˬmeuˬlaˆ 14:12

Kʼoeˇ naˇ, “Sahˬ paˬ-oˇ, ngaˬ-ahˇ tiˬ jeˬ paˇ bi ehˇ laꞈ siˬ” lehˇ zaˬ miˬ zaˬ kʼoeˇ gʼaˬ paˇ ehˇ ngeh, “Ehˇ nya tehꞈ-a” lehˇ sahˬ paˬ ehˇ kʼoꞈ nehˬ-euˬ meh.

2 Saˬmeuˬlaˆ 7:8

“Kʼoeˇ miˇ neh, Baoˬ huiˬ-eu, Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ, ngaˬ-eu zaˬ kʼaˆ Daˬbiˇ-ahˇ ehˇ nehˬ-awˬ. ‘Deh ga-ahˇ yawˇ bo luꞈ-eu gʼaˬ pyeuꞈ-eu nawˬ-ahˇ ngaˇ kuˇ-awˇ, ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ kʼoeˇ taˆ bi uˆ lahˇ-euˬ ma.

Yaˇ kʼaˬ daˇ 20:2

Miˬyehˇ-euˬ tsawˇ haˬ deuˬ kʼoeˇ loꞈ-ehˇ uiˬ leˇ taˬ-euˬ gaˇ, Iˇsaˬleˬlaˆ tsawˇ haˬ dawˬ tawˆ luꞈ-euˬ aˬ yuiꞈ aˬ tsu deuˬ uiˬ laˇ jiˇ-awˇ, kʼoeˇ gaˇ laˇ uiˬ taˬ-euˬ yehˇ dawˬ tawˆ luꞈ oeˬ seh gʼaˬ byah-eu meh.