2 Saˬmeuˬlaˆ 14:11 - Akha

¹¹ Zaˬ miˬ zaˬ kʼoeˇ gʼaˬ ehˇ-eu, “Sahˬ paˬ-oˇ shiˇ dzeuˇ-euˬ ngaˬ li gʼaˇ duˬ laꞈ poˆ ya poˆ-eu ngaˬ-euˬ aˬ yuiꞈ aˬ nyiˇ kʼoeˇ gʼaˬ dehꞈ luꞈ-eu ngaˬ li-ahˇ sehꞈ-eu laꞈ kʼoeˇ huiˬ dzehˬ-eu iˬ baˇ maˬ ya bi mˇ ni, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ.” Sahˬ paˬ ehˇ-eu, “Nawˬ li-euˬ uˬ duˬ tsehˇ kahˇ tiˬ kahˇ tehꞈ-ehˇ kʼawꞈ maˬ bi byoˆ-iˇ lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ saˇ jaˇ dzaˬ-eu ma.”

2 Saˬmeuˬlaˆ 14:11 Σταυροειδείς Αναφορές

Aˇ dahˬ 14:22

Ehˇ kʼawꞈ, Aˬbyaˬ ehˇ-eu, “Huiˬ dui mahˇ dui dui-eu Miˬyehˇ pyeuꞈ-eu Sahˬpaˬ Miˬyehˇ mehˬ shi ngaˇ heu loꞈ-ehˇ kamˬ tsehˆ-eu ma.

Aˇ dahˬ 31:50

Laˬbaˬ ehˇ-eu, “Ngaˬ-euˬ zaˬ miˬ deuˬ-ahˇ nawˇ yehˬ bawˬ sehˇ lu-ehˇ jahˇ nehˬ-eu maˬ kaˬ, nawˇ miˬ zaˬ paˇ sheuˬ-eu maˬ kaˬ, ngaˇ maˬ mawˇ nya kʼawꞈ, Miˬyehˇ aˇ nyaꞈ-ahˇ haw luꞈ meh lehˇ, nawˬ-euˬ nui ma laꞈ kʼoeˇ aˬ myah luꞈ noeˬ taˬ-awˬ.

2 Saˬmeuˬlaˆ 14:10

Sahˬ paˬ ehˇ-eu, “Tsawˇ haˬ tiˬ gʼaˬ na nawˬ-ahˇ laˆ bahˬ laˇ naˇ, ngaˇ jawˇ gaˇ sheuˬ laꞈ-awˬ. Aˬ yawꞈ nawˬ-ahˇ tiˬ jawˇ-iˬ maˬ paˇ ya laˆ bahˬ ni ngaˇ jahˇ nehˬ ma.”

2 Saˬmeuˬlaˆ 14:12

Kʼoeˇ naˇ, “Sahˬ paˬ-oˇ, ngaˬ-ahˇ tiˬ jeˬ paˇ bi ehˇ laꞈ siˬ” lehˇ zaˬ miˬ zaˬ kʼoeˇ gʼaˬ paˇ ehˇ ngeh, “Ehˇ nya tehꞈ-a” lehˇ sahˬ paˬ ehˇ kʼoꞈ nehˬ-euˬ meh.

2 Saˬmeuˬlaˆ 14:21

Kʼoeˇ naˇ, Yoˇbaˬ-ahˇ sahˬ paˬ ehˇ nehˬ-eu, “Nawˇ bi mˇ mawꞈ-eu loꞈ-ehˇ ngaˇ mˇ ma lehˇ noeˬ tsehˆ gʼaˬ-euˬ ma. Nawˇ iˇ-awˇ, zaˬ guˬ Aˬbaˇsaˬloˬ-ahˇ sheuˬ kʼoꞈ laˬ-iˇ-awˬ.”

1 Sahˬpaˬ 1:52

Kʼoeˇ ngeh, “Aˬ yawꞈ saˇ jaˇ ziꞈ naˇ, aˬ yawꞈ-euˬ uˬ duˬ tsehˇ kahˇ tiˬ kahˇ tehꞈ-ehˇ kʼawꞈ maˬ bi ga-iˇ. Ehˇ kʼawꞈ, saˇ jaˇ maˬ ziꞈ naˇ ya shiˇ tehꞈ-a” lehˇ, sahˬ paˬ Sawˇlaˬmoˬ ehˇ-eu meh.

Yeˬlaˬmiˇ 4:2

naw maꞈ saˇ jaˇ dzaˬ-awˇ kamˬ ngeh, ngaˬ-euˬ tsawˇ myahˇ zmˬ-awˇ kamˬ nya tehꞈ-a. Kʼoeˇ ngeh tsawˇ jeuˬ dawˬ tawˆ luꞈ kʼawꞈ, guiˬ lahˬ biꞈ laꞈ lehˇ ngaˬ-ahˇ shaˇ laˇ-awˇ ngaˬ-ahˇ ja ceuˬ tehꞈ-a.”

Bawˇtsahˬ 35:19

Shiˇ-eu gʼaˬ-ahˇ aˬ yuiꞈ aˬ nyiˇ peh dzehˬ-eu gʼaˬ, tsawˇ haˬ kʼoeˇ gʼaˬ-ahˇ ya sehꞈ meh. Tsawˇ haˬ kʼoeˇ gʼaˬ-ahˇ kʼaˇ mawˇ le gaˇ aˬ yawꞈ sehꞈ nya meh.

Bawˇtsahˬ 35:21

aˬ laꞈ neh teˇ sehꞈ-euˬ maˬ ehˇ, tsawˇ haˬ-ahˇ sehꞈ-euˬ jeˬ pyeuꞈ-eu miˇ neh, aˬ yawꞈ-ahˇ paˇ ya sehꞈ poˆ meh. Shiˇ-eu gʼaˬ-ahˇ aˬ yuiꞈ aˬ nyiˇ peh dzehˬ-eu gʼaˬ tsawˇ haˬ kʼoeˇ gʼaˬ-ahˇ ya sehꞈ meh. Tsawˇ haˬ kʼoeˇ gʼaˬ-ahˇ kʼaˇ mawˇ le gaˇ aˬ yawꞈ sehꞈ nya meh.

Bawˇtsahˬ 35:27

aˬ yawꞈ neh laˆ sehꞈ-euˬ gʼaˬ-euˬ aˬ yuiꞈ aˬ nyiˇ neh aˬ yawꞈ-ahˇ mawˇ-awˇ bi sehꞈ naˇ, kʼoeˇ loꞈ-ehˇ sehꞈ-euˬ kʼoeˇ-aˬ, tsawˇ haˬ-ahˇ sehꞈ-euˬ jeˬ lehˇ maˬ sawˇ nya-a.

Maꞈtehˬ 10:30

Naw maꞈ-euˬ uˬ duˬ tsehˇ kahˇ-ahˇ keuˆ ni aˬ yawꞈ gui duˬ taˬ jiˇ-euˬ meh.

Gʼaˬkʼehˇ 27:34

Kʼoeˇ miˇ neh, tiˬ jeˬ paˬ dzaˬ-awˬ lehˇ, naw maꞈ-ahˇ ngaˇ shaˇ-eu ma. Naw maꞈ maˬ ya shiˇ-eu gʼaˇ duˬ dzaˬ-eu loˬ meh. Naw maꞈ-euˬ uˬ duˬ tsehˇ kahˇ tiˬ kahˇ tehꞈ-ehˇ kʼawꞈ maˬ byoˆ maˬ laˆ-iˇ-aˇ.”

1 Saˬmeuˬlaˆ 14:45

Ehˇ kʼawꞈ, Iˇsaˬleˬlaˆ tsawˇ haˬ deuˬ Sawˇluˆ-ahˇ ehˇ nehˬ-eu, “Iˬ nah Iˇsaˬleˬlaˆ miˇ kʼahˬ gʼaˇ duˬ huiˬ dui dui-eu guiˇ heu deuˆ gʼaˬ-euˬ gʼaˬ pyeuꞈ-eu Yawˇnaˆshaˬ-ahˇ ya bi shiˇ ta loˇ. Tiˬ jeˬ gʼeh-awˇ neh-iˬ teu loꞈ-ehˇ maˬ bi jahˇ. Aˬ yawꞈ-euˬ uˬ duˬ tsehˇ kahˇ tiˬ kahˇ tehꞈ-ehˇ kʼawꞈ miˇ tsa maˬ bi ga iˇ lehˇ, dehꞈ luꞈ-eu Sahˬpaˬ Miˬyehˇ mehˬ shi nga maꞈ saˇ jaˇ dzaˬ-eu ma. Iˬ nah aˬ yawꞈ neh mˇ-euˬ huiˬ-eu gaˇ heu-aˬ, Miˬyehˇ neh caw ba nehˬ-euˬ laꞈ kʼoeˇ mˇ-euˬ gaˇ pyeuꞈ-eu meh.” Kʼoeˇ loꞈ-ehˇ ehˇ-awˇ, Yawˇnaˆshaˬ maˬ ya shiˇ ni Iˇsaˬleˬlaˆ tsawˇ haˬ kʼoeˇ deuˬ neh ka kʼoꞈ-euˬ meh.

1 Saˬmeuˬlaˆ 20:42

Kʼoeˇ naˇ, Yawˇnaˆshaˬ Daˬbiˇ-ahˇ ehˇ nehˬ-eu, “Miˬyehˇ nawˬ nehˬ-ehˇ jawˇ luꞈ-uˇ. Aˇ nyaꞈ neh dzaˬ taˬ-euˬ muiˬ-eu shawˇ-eu saˇ jaˇ-ahˇ, nawˬ-euˬ zaˬ deuˬ uˆ deuˬ hawˇ-eu ngaˬ-euˬ zaˬ deuˬ uˆ deuˬ maˬ ehˇ, mˬ maˬ maˬ byaˆ zaˇ ziˇ ziꞈ ni, Sahˬpaˬ Miˬyehˇ saˇ kiˇ geuꞈ luꞈ-uˇ.” Kʼoeˇ naˇ, Daˬbiˇ doˆ-iˇ-awˇ, Yawˇnaˆshaˬ meuˬ-ahˇ gʼoꞈ-iˇ-euˬ meh.

1 Saˬmeuˬlaˆ 28:10

Sawˇluˆ ciˬ cuˇ ni saˇ jaˇ dzaˬ kʼoeˬ-eu laꞈ kʼoeˇ,“Nawˇ teu loꞈ-ehˇ mˇ-eu baˬ da neh, nawˬ-euˬ kʼoeˇ taˆ kʼehˬ-eu kʼaˆ-eu jeˬ maˬ bi keuˆ le lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ kamˬ tsehˆ-eu ma” lehˇ ehˇ nehˬ-euˬ meh.