2 Saˬmeuˬlaˆ 13:29 - Akha

²⁹ Aˬbaˇsaˬloˬ neh mehˬ nehˬ taˬ-euˬ loꞈ-ehˇ, aˬ yawꞈ-euˬ zaˬ kʼaˆ deuˬ neh Aˬmaˬnoˬ-ahˇ sehꞈ-euˬ meh. Kʼoeˇ ngeh, Daˬbiˇ-euˬ aˬ li dawˬ tawˆ luꞈ, yawˬ ha-euˬ mahˬ tahˬ laˆ-ahˇ yawˬ ha biˬ dziˬ-awˇ cehˆ jiˇ-euˬ meh.

2 Saˬmeuˬlaˆ 13:29 Σταυροειδείς Αναφορές

Aˇ dahˬ 36:24

Aˬiˇyaˬ hawˇ-eu Aˇnahˬ lehˇ myahˇ-euˬ Ziˇbyoˬ-euˬ aˬ li nyiˬ li jawˇ-eu meh. Bawˇ tsahˬ bawˇ dahˇ-ahˇ aˬ yawꞈ aˬ da-euˬ mahˬ tahˬ laˆ bo luꞈ ngeh, cuˬ tiˬ cuˬ mawˇ-euˬ gʼaˬ-aˬ, Aˇnahˬ meh.

2 Saˬmeuˬlaˆ 12:10

Ngaˬ-euˬ ehˇ dawˬ-ahˇ nawˇ maˬ naˇ haˬ-ehˇ, Uˇliˇyaˆ-euˬ miˬ zaˬ-ahˇ sheuˬ geuꞈ-euˬ miˇ neh, mi cehˇ laꞈ-ahˇ ya shiˇ-eu jeˬ, nawˬ-eu nymˇ jiˇ kʼoeˇ taˆ tiˬ ziˇ saˇ-iˬ tiˬ ziˇ maˬ tsehˆ leˇ ni keuˆ le tehꞈ-a.

2 Saˬmeuˬlaˆ 13:30

Aˬ yawꞈ maꞈ iˇ kahˇ-ahˇ gʼoꞈ leˇ luꞈ ngeh, “Nawˬ-euˬ aˬ li dawˬ tawˆ luꞈ Aˬbaˇsaˬloˬ neh sehꞈ jiˇ-awˇ, tiˬ gʼaˬ-iˬ maˬ paˇ jawˇ meh” lehˇ, Daˬbiˇ-ahˇ aˬ cawˬ tsaꞈ gaˬ laˇ-euˬ meh.

2 Saˬmeuˬlaˆ 14:6

Ngaˇ aˬ li nyiˬ li jawˇ-awˇ, tiˬ nah keuˆ laˇ ngeh, aˬ yawꞈ nyaꞈ nmˇ deh yaˇ-ahˇ ceh dzaˬ-euˬ meh. Kaˬ piˇ nehˬ-eu gʼaˬ maˬ jawˇ-eu miˇ neh, tiˬ gʼaˬ neh yawˬ gʼaˬ yawˬ-ahˇ sehꞈ-euˬ meh.

2 Saˬmeuˬlaˆ 18:9

Daˬbiˇ-euˬ tsawˇ haˬ tiˬ paˆ na deuˬ-ahˇ, Aˬbaˇsaˬloˬ ja pyuˬ ni ya tahˬ puˬ-euˬ meh. Aˬbaˇsaˬloˬ mahˬ shaˆ lawˬ dziˬ luꞈ-awˇ, mahˬ shaˆ lawˬ kʼoeˇ mawˇ tsuiꞈ kaˆ aˇ bawˇ uˬ moˆ coeˬ uˇ gʼeh ngeh, aˬ yawꞈ-euˬ uˬ duˬ tsuiꞈ kaˆ aˇ bawˇ uˬ laꞈ-ahˇ coeˬ tehˬ-awˇ, mahˬ shaˆ lawˬ kʼoeˇ mawˇ coeˬ doˆ gʼeh-eu nehˬ-ehˇ, Aˬbaˇsaˬloˬ tsuiꞈ kaˆ aˇ bawˇ uˬ laꞈ-ahˇ ngeuˬ yaꞈ-euˬ meh.

1 Sahˬpaˬ 1:33

Aˬ yawꞈ maꞈ-ahˇ sahˬ paˬ ehˇ nehˬ-eu, “Ngaˬ-euˬ saˇ naˇ gaˇ mˇ-eu yaw huiˬ yaw mahˇ deuˬ-ahˇ naw maꞈ sheuˬ-awˇ, ngaˬ li Sawˇlaˬmoˬ-ahˇ ngaˬ-euˬ mahˬ shaˆ lawˬ bi dziˬ-awˇ, Giˇhoˬ iˇ cuꞈ lawˇ gawˆ-ahˇ sheuˬ gʼeh-awˬ.

1 Sahˬpaˬ 1:38

Kʼoeˇ naˇ, piˇ ma Zaˬdoˆ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Yeˬhawˇyaˬdaˬ-euˬ aˬ li Baˬnaˇyaˬ hawˇ-eu, sahˬ paˬ-ahˇ loꞈ piˇ-eu guiˇ maꞈ deuˬ gʼeh-awˇ, Sawˇlaˬmoˬ-ahˇ sahˬ paˬ Daˬbiˇ-euˬ mahˬ shaˆ lawˬ bi dziˬ-awˇ, Giˇhoˬ lawˇ gawˆ-ahˇ sheuˬ gʼeh-euˬ meh.

Dawqdaq 29:12

Sahˬ paˬ sahˬ ma tiˬ gʼaˬ maˬ tsaˬ-eu dawˬ-ahˇ naˇ haˬ geuꞈ naˇ, aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ jaˬ myawꞈ pyeuꞈ jiˇ-eu meh.

Uˬ duˬ 19:19

“Ngaˬ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-awˬ. Aˇ jeuˬ maˬ duˇ leˇ-eu jeˬ zaˬ yaw kaˬ, zaˬ taˬ bi caw taꞈ. Yaˇ tiˬ kawˬ laꞈ kʼoeˇ, maˬ duˇ leˇ-eu siˬ yoeˬ nuiˆ yoeˬ nyiˬ jeˬ taˬ ka keuˬ. Saˬ kahˇ hawˇ-eu yawˇ zaˬ caꞈ hm zaꞈ keuˬ-awˇ, mehˬ tsoeˬ taˬ guꞈ dm.

Miˇkaˬ 7:3

Aˬ yawꞈ maꞈ dawˬ tawˆ luꞈ yaw haiˬ jeˬ mˇ-eu nya dui dui meh. Yaw huiˬ yaw mahˇ deuˬ hawˇ-eu yaˇ kʼaˬ daˇ-eu deuˬ laꞈ nmꞈ nmꞈ laˇ-awˬ lehˇ ehˇ-eu meh. Myaˆ pyawˬ naˇ mehˇ jaˆ-eu tsawˇ haˬ-aˬ, yawˬ ha kʼaˇ geuꞈ mawꞈ-eu jeˬ yaw huiˬ yaw mahˇ deuˬ-ahˇ ehˇ nehˬ-awˇ tiˬ kawˆ loꞈ-ehˇ laˆ dzaˬ-eu meh.