2 Saˬmeuˬlaˆ 13:23 - Akha

²³ Nyiˬ kʼoꞈ myahˇ laˇ ngeh, Aˬbaˇsaˬloˬ-aˬ, Eˇpaˬleˬ meuˬ dawˬ peh Baˬlaˇhaˬzoˬ pu-ahˇ aˬ yawꞈ-euˬ yawˇ deuˬ-ahˇ caꞈ hm tehˬ luꞈ-awˇ, sahˬ paˬ-euˬ aˬ li kʼaˇ ngeuˇ-eu dawˬ tawˆ luꞈ kʼoeˇ gaˇ oe-eu gʼaˇ duˬ aˬ yawꞈ kuˇ-euˬ meh.

2 Saˬmeuˬlaˆ 13:23 Σταυροειδείς Αναφορές

Aˇ dahˬ 31:19

Laˬbaˬ yawˇ caꞈ hm tehˬ-iˇ-euˬ kaˬ-ahˇ, Laˬbaˬ-euˬ nymˇ jiˇ uˬ duˬ tahˬ-eu tahˬ pahˬ aˬ ma mawˇ kawˇ deuˬ-ahˇ Laˬkeˬlaˇ kʼoeˬ-euˬ meh.

2 Saˬmeuˬlaˆ 13:24

Sahˬ paˬ Daˬbiˇ jawˇ gaˇ aˬ yawꞈ le-awˇ, “Sahˬ paˬ-oˇ, ngaˬ-euˬ yawˇ deuˬ-ahˇ ngaˇ caꞈ hm tehˬ luꞈ-eu ma. Nawˇ hawˇ-eu nawˬ-euˬ gaˇ mˇ-eu yaw huiˬ yaw mahˇ deuˬ oe-awˇ, ngaˬ nehˬ-ehˇ bawˬ-iˬ gʼeh le-awˬ” lehˇ ehˇ nehˬ-euˬ meh.

1 Sahˬpaˬ 1:19

Mawˇ neˇ mawˇ gaw deuˬ, yawˇ deuˬ hawˇ-eu, tsuˇ dui dui-eu mawˇ neˇ mawˇ kʼaˇ deuˬ aˬ yawꞈ lawˇ-awˇ, nawˬ li deuˬ-ahˇ maˬ ehˇ, piˇ ma Aˬbyaˬdaˬ-ahˇ maˬ ehˇ, nawˬ-euˬ guiˇ maꞈ deuˬ kʼoeˇ taˆ uˆ lahˇ-eu gʼaˬ pyeuꞈ-eu Yoˇbaˬ-ahˇ maˬ ehˇ, aˬ yawꞈ kuˇ-euˬ meh. Ehˇ kʼawꞈ, nawˬ li Sawˇlaˬmoˬ gʼaˬ-ahˇ aˬ yawꞈ maˬ kuˇ-a.

1 Sahˬpaˬ 1:25

Iˬ nah aˬ yawꞈ iˇ-awˇ, mawˇ neˇ mawˇ gaw deuˬ, yawˇ deuˬ hawˇ-eu, tsuˇ dui dui-eu mawˇ neˇ mawˇ kʼaˇ deuˬ lawˇ-iˇ-euˬ meh. Nawˬ li dawˬ tawˆ luꞈ maˬ ehˇ, nawˬ-euˬ guiˇ maꞈ deuˬ kʼoeˇ taˆ uˆ lahˇ-eu Yoˇbaˬ-ahˇ maˬ ehˇ, piˇ ma Aˬbyaˬdaˬ-ahˇ maˬ ehˇ, aˬ yawꞈ kuˇ-awˇ, nymˬ-mˇ aˬ yawꞈ maꞈ aˬ yawꞈ nehˬ-ehˇ dzaˬ taꞈ dawˇ taꞈ-eu laꞈ kʼoeˇ, ‘Sahˬ paˬ Aˬdawˇniˇyaˆ ziˇ baw ziˇ za luꞈ-uˇ’ lehˇ guˇ luꞈ meh.

1 Sahˬpaˬ 1:9

Tiˬ nah keuˆ laˇ ngeh, Eˬloˇgeˬ iˇ cuꞈ lawˇ gawˆ gaˇ dzeˇ jaˆ-eu Aˇlawˇ kʼaˬ lo lehˇ kuˇ-eu kʼaˬ lo kʼoeˇ siˬ dawˬ peh, mawˇ neˇ mawˇ gaw deuˬ, yawˇ deuˬ hawˇ-eu, tsuˇ dui dui-eu mawˇ neˇ mawˇ kʼaˇ deuˬ sehꞈ-awˇ, Aˬdawˇniˇyaˆ lawˇ-eu shehˇ-eu jeˬ mˇ-euˬ meh. Aˬ yawꞈ-euˬ mehˇ nmˇ deuˬ pyeuꞈ-eu sahˬ paˬ Daˬbiˇ-euˬ aˬ li deuˬ hawˇ-eu, Yuˇdaˆ miˇ kʼahˬ-ahˇ jawˇ-eu sahˬ paˬ-euˬ gaˇ mˇ-eu yaw huiˬ yaw mahˇ deuˬ-ahˇ aˬ yawꞈ kuˇ-euˬ meh.

2 Sahˬpaˬ 3:4

Mawˇbaˆ sahˬ paˬ Meˬshaˬ-aˬ, yawˇ cu-eu tsawˇ haˬ pyeuꞈ-awˇ, tiˬ kʼoꞈ-euˬ yawˇ zaˬ tiˬ seh mawˇ maˬ ehˇ, yawˇ tiˬ seh mawˇ-ahˇ tehˬ uiˬ-euˬ yawˇ caꞈ hm deuˬ maˬ ehˇ, Iˇsaˬleˬlaˆ sahˬ paˬ-ahˇ ya biꞈ-eu meh.

2 Laˬsaˬbaˬ 26:10

Deh ga doe ni kʼawꞈ, ziꞈ dah ni gʼeh-eu loꞈ-eu nymˇ goˇ deuˬ tsoˆ taˬ-awˇ, iˇ cuꞈ lah gʼawˬ mya ni duˬ taˬ-euˬ meh. Aˬ jeˬ miˇ neh ehˇ naˇ, nahˇ ma ga kʼehˬ paw gawˬ jawˬ dawˬ dahˬ hawˇ-eu deh ga deuˬ-ahˇ, aˬ yawꞈ jeˬ zaˬ gʼawˬ mya ni cu taˬ-euˬ meh. Ka dzaˬ ka dawˇ-eu paw aˬ yawꞈ nui ma ahˇ-eu loꞈ-ehˇ gawˬ jawˬ gawˬ duˇ doe ni aˬ gaꞈ yaˇ kmˇ mˇ-eu gʼaˇ duˬ maˬ ehˇ, miˇ muiˬ muiˬ-eu miˇ tsaˬ deuˬ yawꞈ ngehꞈ-ehˇ maˬ bi jaˆ ni mˇ dzaˬ-eu gʼaˇ duˬ maˬ ehˇ, miˇ kʼahˬ zaˬ deuˬ-ahˇ aˬ yawꞈ gʼaˬ biꞈ-euˬ meh.

Neˬhaˬmiˇ 11:33

Haˬzawˇ meuˬ, Laˬmaˬhaˬ meuˬ, Giˇdeˬ meuˬ,

1 Saˬmeuˬlaˆ 25:2

Maˬoˬ meuˬ laꞈ kʼoeˇ smˇ muiˬ muiˬ dui dui-eu tsawˇ haˬ tiˬ gʼaˬ jawˇ-eu meh. Gaˬlaˬmeˬlaˇ meuˬ laꞈ kʼoeˇ, aˬ yawꞈ-euˬ deh yaˇ hawˇ-eu mˇ myawˬ gʼawˬ mya ni jaˆ-eu meh. Yawˇ smˬ heˇ mawˇ hawˇ-eu ciꞈ myehꞈ tiˬ heˇ mawˇ jawˇ-awˇ, Gaˬlaˬmeˬlaˇ meuˬ-ahˇ aˬ yawꞈ yawˇ caꞈ hm tehˬ luꞈ-eu meh.

1 Saˬmeuˬlaˆ 25:36

Naˬbaˬlaˇ jawˇ gaˇ Aˬbiˇgeˬlaˆ gʼoꞈ-iˇ ngeh, sahˬ paˬ dzaˬ-eu dzaˬ byawˇ dawˇ gʼawˆ loꞈ-ehˇ saˇ dahˇ taˬ-awˇ, Naˬbaˬlaˇ dzaˬ luꞈ dawˇ luꞈ gaˇ ya mawˇ-euˬ meh. Aˬ yawꞈ dzaˬ yehꞈ dawˇ yehꞈ taˬ-euˬ miˇ neh, yawˬ nah yawˬ uˬ shawˬ paw keuˆ ni tiˬ jeˬ-iˬ maˬ ehˇ nehˬ ni jawˇ-euˬ meh.

1 Saˬmeuˬlaˆ 25:4

Bawˇ tsahˬ bawˇ dahˇ laꞈ kʼoeˇ Daˬbiˇ jawˇ luꞈ ngeh, Naˬbaˬlaˇ yawˇ caꞈ hm tehˬ luꞈ-eu gaˇ kawˆ ya gaˬ-euˬ meh.

1 Saˬmeuˬlaˆ 25:7

Nawˇ yawˇ caꞈ hm tehˬ luꞈ-eu gaˇ kawˆ ngaˇ ya gaˬ-euˬ ma. Nawˬ-euˬ yawˇ bo-eu tsawˇ haˬ deuˬ nga maꞈ nehˬ-ehˇ jawˇ ngeh, nga maꞈ tiˬ jeˬ-iˬ maˬ jahˇ nehˬ-aˬ. Aˬ yawꞈ maꞈ Gaˬlaˬmeˬlaˇ meuˬ-ahˇ kʼaˇ jawˇ-eu nmˇ kaˬ, aˬ yawꞈ maꞈ-euˬ myawˬ tiˬ jeˬ-iˬ maˬ bi byoˆ-aˬ.