2 Saˬmeuˬlaˆ 13:22 - Akha

²² Aˬbaˇsaˬloˬ gʼaˬ gʼeh, aˬ yawꞈ-euˬ dmˇ ma tsi tsi ni gʼeh-eu Taˬmaˬ-ahˇ, Aˬmaˬnoˬ neh kʼoeˇ loꞈ-ehˇ jahˇ nehˬ-euˬ miˇ neh, Aˬmaˬnoˬ-ahˇ bye dui dui-awˇ, dawˬ maˬ ngehˬ cawˬ ni jawˇ-euˬ meh.

2 Saˬmeuˬlaˆ 13:22 Σταυροειδείς Αναφορές

Aˇ dahˬ 24:50

Laˬbaˬ hawˇ-eu Beˬtuˬlaˇ ehˇ-eu, “Gaˇ heu hmˬ-aˬ, Sahˬpaˬ Miˬyehˇ neh mˇ-euˬ gaˇ pyeuꞈ-eu miˇ neh, nga maꞈ tiˬ jeˬ-iˬ maˬ paˇ ja ma.

Aˇ dahˬ 31:24

Kʼoeˇ ngeh miˇ, yuꞈ maˆ laꞈ kʼoeˇ Laˬbaˬ jawˇ gaˇ Miˬyehˇ oe-awˇ, “Tiˬ jeˬ gʼeh-awˇ neh-iˬ Yaˬkoˆ-ahˇ maˬ ya laˆ guˆ-eu gʼaˇ duˬ, yaw kʼaˆ kʼaˆ-ehˇ yahˇ-awˬ” lehˇ ehˇ nehˬ le-euˬ meh.

Aˇ dahˬ 31:29

Nymˬ-mˇ poˆ jawˇ-aˬ, ngaˇ nawˬ-ahˇ yehˬ bawˬ-ehˇ jahˇ nehˬ mawꞈ law nmˇ-aˬ, jahˇ nya ma. Ehˇ kʼawꞈ, ‘Tiˬ jeˬ gʼeh-awˇ neh-iˬ nawˬ-ahˇ taˬ laˆ guˆ nehˬ’ lehˇ, nawˬ da-euˬ Miˬyehˇ miˇ ciꞈ ngaˬ-ahˇ ehˇ le-euˬ meh.

2 Saˬmeuˬlaˆ 13:21

Kʼoeˇ loꞈ-ehˇ pyeuꞈ laˇ-euˬ gaˇ kawˆ sahˬ paˬ Daˬbiˇ-ahˇ gaˬ leˇ ngeh nui ma pehˇ dui dui-euˬ meh.

Dawqdaq 10:18

Bye-eu jeˬ yuˇ zaꞈ taˬ-euˬ tsawˇ haˬ jaˬ myawꞈ myawꞈ-awˇ, yaw doeˇ ja byah-eu tsawˇ haˬ aˬ dzawˬ meh.

Dawqdaq 25:9

Nawˬ-euˬ dawˬ peh jawˇ-eu tsawˇ haˬ nehˬ-ehˇ noeˬ beu duˬ jaˆ laˇ naˇ, aˬ cawˬ-ahˇ maˬ siˬ leˇ mi naˆ-ehˇ ciˬ cuˇ ni laˆ tsaˬ geuꞈ-awˬ.

Dawqdaq 26:24

Tsawˇ muiˬ jahˇ geuꞈ-eu deuˬ-aˬ, yawˬ ha-euˬ nui noeˬ yaw doeˇ-ahˇ dawˬ muiˬ neh dehˬ kaˬ-eu meh.

Dawqdaq 26:26

Aˬ yawꞈ yaw muiˬ jahˇ geuꞈ kʼawꞈ, aˬ yawꞈ mˇ doˆ laꞈ-eu yaw doeˇ jeˬ-ahˇ yawˬ gʼaˬ na luꞈ ya mawˇ tehꞈ-a.

Dawˬ tsoˆ 7:9

Nui ma pehˇ-eu taˬ tehˬ. Nui pehˇ-euˬ jawˇ duˬ-aˬ, aˬ dzawˬ aˇ gah-euˬ bawˇ kʼahˇ meh.

Maꞈtehˬ 18:15

Nawˬ-euˬ mehˇ nmˇ nawˬ-ahˇ mˇ lehˬ laꞈ naˇ, aˬ yawꞈ jawˇ gaˇ iˇ-awˇ, aˬ yawꞈ-euˬ yaw lehˬ toeˬ mehˬ nehˬ-awˬ. Kʼoeˇ loꞈ-ehˇ jahˇ ngeh, yawˬ ha mehˇ nmˇ yaw kaˬ tehꞈ-ehˇ ciˬ cuˇ ni jahˇ-awˬ. Nawˬ-euˬ ehˇ dawˬ-ahˇ aˬ yawꞈ naˇ haˬ nehˬ laꞈ naˇ, nawˬ-euˬ mehˇ nmˇ-ahˇ nawˇ paˇ za kʼoꞈ-euˬ gaˇ duˇ-eu meh.

Eˇpeˇsu 4:26

Naw maꞈ nui ma pehˇ laˇ ngeh, iˬ baˇ mˇ gaˇ maˬ bi keuˆ leˇ-eu uꞈ taꞈ, nahˇ ma ga ahˇ ngeh keuˆ ni nui ma pehˇ-eu jeˬ taˬ bi pyeuꞈ.

Eˇpeˇsu 4:31

Aˬ cawˬ-ahˇ nui ma naˇ-eu jeˬ maˬ ehˇ, nui ma nymˇ-eu jeˬ maˬ ehˇ, nui ma pehˇ-eu jeˬ maˬ ehˇ, byehˇ dzeh jiˇ-awˬ. Aˬ cawˬ-ahˇ guˇ guˇ-ehˇ ceh-awˇ yaˬ kʼehˇ yaˬ-eu jeˬ hawˇ-eu, aˬ cawˬ-ahˇ bye-eu jeˬ taˬ paˇ mˇ.

1 Yoˇhaˬ 2:11

Ehˇ kʼawꞈ, yawˬ ha-euˬ cawˬ Ka li zaˬ deuˬ-ahˇ bye-eu tsawˇ haˬ-aˬ, yaw zahˇ laꞈ kʼoeˇ jawˇ luꞈ-eu meh. Yaw zahˇ laꞈ kʼoeˇ cah luꞈ-awˇ, yawˬ ha aˬ gaˇ iˇ luꞈ-eu gaˇ kawˆ maˬ siˬ nya-a. Aˬ jeˬ miˇ neh ehˇ naˇ, yaw zahˇ kʼoeˇ aˬ yawꞈ-ahˇ myaˆ behꞈ bi behꞈ-iˇ-euˬ meh.

1 Yoˇhaˬ 2:9

Tsawˇ haˬ tiˬ gʼaˬ na yaw shehꞈ laꞈ kʼoeˇ jawˇ luꞈ ma lehˇ ehˇ kʼawꞈ, Ka li zaˬ cawˬ cawˬ bye naˇ, yaw zahˇ laꞈ kʼoeˇ jawˇ luꞈ-a siˬ.

1 Yoˇhaˬ 3:10

Miˬyehˇ-euˬ zaˬ hawˇ-eu Nehꞈ sahˬ paˬ-euˬ zaˬ yaw kaˬ kʼoeˇ naˆ ni beu gaˇ-eu meh. Yaw tsaˬ yaw dawˇ jeˬ maˬ mˇ-ehˇ, Ka li zaˬ cawˬ cawˬ maˬ gaˬ-eu tsawˇ haˬ-aˬ, Miˬyehˇ-euˬ zaˬ maˬ ngeuˇ-a.

1 Yoˇhaˬ 3:12

Aˬ dui-aˬ, Gaˬiˇnaˆ loꞈ-ehˇ maˬ ya gʼeh-a. Aˬ yawꞈ-aˬ, Haiˬ dui dui-eu Gʼaˬ-ahˇ taꞈ-eu tsawˇ haˬ pyeuꞈ-awˇ, aˬ yawꞈ-euˬ aˬ nyiˇ tsi tsi ni gʼeh-eu Aˬbeˬlaˆ-ahˇ sehꞈ-euˬ meh. Aˬ jeˬ miˇ neh yawˬ ha-euˬ aˬ nyiˇ-ahˇ sehꞈ-euˬ ta. Aˬ yawꞈ neh mˇ-euˬ jeˬ lehˬ-awˇ, aˬ yawꞈ-euˬ aˬ nyiˇ neh mˇ-euˬ jeˬ tsaˬ-eu miˇ neh sehꞈ-euˬ meh.

1 Yoˇhaˬ 3:15

Yawˬ ha-euˬ cawˬ pyeuꞈ-eu Ka li zaˬ deuˬ-ahˇ bye-eu tsawˇ haˬ-aˬ, aˬ cawˬ-ahˇ sehꞈ gaˇ duˇ-eu meh. Aˬ cawˬ-ahˇ sehꞈ-eu tsawˇ haˬ-aˬ, yawˬ ha laꞈ kʼoeˇ mˬ maˬ maˬ byaˆ zaˇ ziˆ dehꞈ-eu jeˬ-ahˇ maˬ za nya-a lehˇ naw maꞈ siˬ nya meh.