2 Saˬmeuˬlaˆ 13:14 - Akha

¹⁴ Ehˇ kʼawꞈ, Aˬmaˬnoˬ gʼaˬ maˬ naˇ haˬ-ehˇ, Taˬmaˬ naˆ maˬ tseˇ aˬ yawꞈ gʼaˬ kʼaˆ dzehˬ-eu miˇ neh, Taˬmaˬ-ahˇ dawꞈ-awˇ, yehˬ bawˬ-ehˇ gʼeh nehˬ-euˬ meh.

2 Saˬmeuˬlaˆ 13:14 Σταυροειδείς Αναφορές

Aˇ dahˬ 34:2

Miˇ kʼahˬ kʼoeˇ kʼahˬ-ahˇ uˆ lahˇ luꞈ-eu, Hiˇbiˇ tsawˇ jeuˬ Haˬmawˬ-euˬ aˬ li Sheˬkmˬ lehˇ myahˇ-eu gʼaˬ Diˇnaˆ-ahˇ ya mawˇ ngeh, dawꞈ-awˇ yehˬ bawˬ sehˇ lu-ehˇ jahˇ nehˬ-euˬ meh.

2 Saˬmeuˬlaˆ 12:11

Nawˬ-euˬ nymˇ kʼahˬ zaˬ tiˬ gʼaˬ na baˬ da neh, nawˬ-euˬ nymˇ jiˇ kʼoeˇ taˆ shaˬ-eu zahˬ-eu jeˬ bi keuˆ le ma lehˇ ngaˇ kamˬ-eu ma. Nawˬ-euˬ miˬ zaˬ deuˬ-ahˇ ngaˇ yuˇ-awˇ, yawˬ gʼaˬ yawˬ-ahˇ biꞈ nehˬ ngeh, ngaˬ neh ehˇ-euˬ loꞈ-ehˇ ngaˇ aˬ diˇ mˇ luꞈ-eu ngaˇ lehˇ siˬ nya-awˬ. Nah gʼahˇ nah gaˆ-ahˇ, nawˬ-euˬ miˬ zaˬ deuˬ nehˬ-ehˇ aˬ yawꞈ yuꞈ taꞈ jawˇ taꞈ tehꞈ-a.

2 Saˬmeuˬlaˆ 13:15

Kʼoeˇ loꞈ-ehˇ gʼeh gʼaˬ ngeh jawˇ, Taˬmaˬ-ahˇ Aˬmaˬnoˬ tiˬ pawꞈ-iˬ maˬ haw nahˇ-a. Yaw beh gaˬ-euˬ naˆ maˬ tseˇ, nymˬ-mˇ bye-eu kʼoeˇ aˇ dzehˬ dzeuˇ-eu miˇ neh, “Doˆ-iˇ-awˬ” lehˇ teh-euˬ meh.

Iˇsaˬtaˆ 7:8

Sahˬ paˬ yaˇ kmˇ-ahˇ neh nymˇ laꞈ kʼoeˇ paˇ gʼoꞈ uˇ keuˆ laˇ ngeh, Haˬmaˬ gʼaˬ Iˇsaˬtaˆ nuiˇ luꞈ-eu nuiˇ mahˬ dawˬ peh coˬ lah-awˇ gʼawˬ shaˬ bi gaˬ nehˬ-eu gʼaˇ duˬ tahˬ shaˇ luꞈ-eu tiˬ dehˬ pyeuꞈ-eu meh. Kʼoeˇ loꞈ-ehˇ coꞈ lah gʼeh gaˇ sahˬ paˬ ya mawˇ ngeh, “Tsawˇ haˬ heu gʼaˬ ngaˬ-euˬ nymˇ laꞈ kʼoeˇ, ngaˬ-euˬ mehˬ shi nyiˬ paˆ-ehˇ, sahˬ paˬ miˬ zaˬ-ahˇ dawꞈ-awˇ yehˬ bawˬ-ehˇ jahˇ-eu gʼeh ta loˇ” lehˇ yaw kʼaˆ-ehˇ guˇ-eu meh. Sahˬ paˬ kʼoeˇ loꞈ-ehˇ guˇ doˆ laˇ-euˬ nehˬ-ehˇ, sahˬ paˬ-euˬ zaˬ miˬ zaˬ deuˬ-ahˇ haw luꞈ pyaˆ luꞈ-eu tsawˇ haˬ deuˬ Haˬmaˬ-euˬ uˬ duˬ-ahˇ dehˬ kaˬ-euˬ meh.

Uˬ duˬ 18:9

Yawˬ ha-euˬ dmˇ ma nehˬ-ehˇ maˬ ehˇ, ma caw dmˇ ma nehˬ-ehˇ maˬ ehˇ, yawˬ ha nehˬ-ehˇ tiˬ nymˇ dahˬ laꞈ kʼoeˇ jawˇ huiˬ laꞈ-euˬ maˬ kaˬ, tiˬ gʼaˬ tiˬ gaˇ jawˇ huiˬ laꞈ-euˬ maˬ kaˬ, maˬ ya yuꞈ taꞈ-a.

Dawˬmehˬ 27:22

“ ‘Yawˬ ha-euˬ dmˇ ma ci ci ni gʼeh-eu gʼaˬ nehˬ-ehˇ maˬ ehˇ, ma caw dmˇ ma nehˬ-ehˇ maˬ ehˇ, yuꞈ taꞈ-eu tsawˇ haˬ kʼoeˇ taˆ Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Yaˇ kʼaˬ daˇ 20:5

Giˇbyaˬ meuˬ-ahˇ jawˇ-eu tsawˇ haˬ deuˬ ngaˬ-ahˇ yehˬ baw sehˇ lu-ehˇ gʼeh-eu lehˇ, nga nyaꞈ dzeˇ zaˬ yaꞈ luꞈ-eu nymˇ-ahˇ uˬ ciꞈ paw loꞈ jawˬ le-euˬ meh. Ngaˬ-ahˇ sehꞈ-eu lehˇ aˬ yawꞈ maꞈ uiˬ laˇ-euˬ jeˬ pyeuꞈ-eu meh. Ehˇ kʼawꞈ, ngaˬ-eu ma nyiˇ-ahˇ aˬ yawꞈ maꞈ kʼaˇ gʼeh mawꞈ-eu gʼeh nehˬ-awˇ bi shiˇ-euˬ meh.