2 Saˬmeuˬlaˆ 12:5 - Akha

⁵ Kʼoeˇ ngeh, smˇ muiˬ smˇ baw kʼoeˇ gʼaˬ-ahˇ Daˬbiˇ nui ma pehˇ dui dui laˇ-awˇ ehˇ-eu, “Kʼoeˇ naˆ naˆ-ehˇ doeˇ-eu jeˬ mˇ-eu tsawˇ haˬ kʼoeˇ gʼaˬ shiˇ-eu tsaˬ meh lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ kamˬ-eu ma.

2 Saˬmeuˬlaˆ 12:5 Σταυροειδείς Αναφορές

Aˇ dahˬ 38:24

Kʼoeˇ sawˇ miˇ tsa ba la smˇ siˬ keuˆ laˇ-awˇ, “Nawˬ-euˬ kuiˬ ma Taˬmaˬ kʼaˇ dehꞈ mawꞈ-eu dehꞈ-awˇ aˬ nyiˇ pi leˇ taˬ nga” lehˇ, Yuˇdaˆ-ahˇ aˬ cawˬ ehˇ nehˬ ngeh, “Aˬ yawꞈ-ahˇ laꞈ nyiˇ sheuˬ doˆ-awˇ miˬ dzaˬ dzah puiˆ sehꞈ-awˬ” lehˇ, Yuˇdaˆ ehˇ kʼoꞈ nehˬ-euˬ meh.

2 Saˬmeuˬlaˆ 12:4

Tiˬ nah keuˆ laˇ ngeh, smˇ muiˬ smˇ baw gʼaˬ-euˬ nymˇ-ahˇ, daˬ yah tiˬ gʼaˬ daˆ laˇ-euˬ meh. Smˇ muiˬ smˇ baw kʼoeˇ gʼaˬ daˬ yah-ahˇ bi dzaˬ bi dawˇ-eu gʼaˇ duˬ aˬ yawꞈ-euˬ yawˇ maˬ sehꞈ mawꞈ-eu miˇ neh, iˇ shaˬ iˇ taw kʼoeˇ gʼaˬ-euˬ yawˇ kʼoeˇ mawˇ sehꞈ-awˇ, daˬ yah-ahˇ hawˬ byawˇ lawˇ nehˬ-euˬ meh.”

2 Saˬmeuˬlaˆ 14:8

Sahˬ paˬ ehˇ-eu, “Iˇ kahˇ-ahˇ gʼoꞈ-iˇ-awˬ. Gaˇ kawˆ heu hmˬ ngaˇ haw nehˬ ma.”

Luˇkaꞈ 9:55

Yeˬsuˇ aˬ yawꞈ nyaꞈ jawˇ paw ciˬ pyawˇ-awˇ dehˬ-euˬ meh.

Lormav 2:1

Cawˬ deuˬ-oˇ, naw maꞈ aˬ cawˬ-ahˇ yaw lehˬ poˆ te loˇ. Nawˇ aˬ joˆ-ehˇ gʼeh-eu tsawˇ haˬ ma lehˇ yawˬ haˇ yawˬ ha noeˬ kʼawꞈ, yaw lehˬ maˬ ahˇ-eu tsawˇ haˬ maˬ ngeuˇ-a. Yawˬ ha aˬ cawˬ kʼaˇ dehꞈ-eu loꞈ-ehˇ dehꞈ-awˇ, aˬ cawˬ-ahˇ yaw lehˬ poˆ te lehˇ ngeuˇ naˇ, yawˬ haˇ yawˬ ha yaw lehˬ poˆ gaˇ duˇ-eu tehꞈ meh.

1 Saˬmeuˬlaˆ 14:39

Iˇsaˬleˬlaˆ tsawˇ haˬ deuˬ-ahˇ muiˇ-eu deuˬ kʼoeˇ taˆ bi gʼaˬ leˇ nehˬ laꞈ-euˬ gʼaˬ pyeuꞈ-eu dehꞈ luꞈ-eu Miˬyehˇ mehˬ shi, ngaˇ heu loꞈ-ehˇ saˇ jaˇ dzaˬ-eu ma. Ngaˬ li Yawˇnaˆshaˬ-ahˇ keuˆ ni, tsawˇ haˬ aˬ geu gʼaˬ maˬ kaˬ iˬ baˇ ahˇ naˇ, sehꞈ gaˇ ya daˬ tehꞈ-a.” Sawˇluˆ Kʼoeˇ loꞈ-ehˇ ehˇ kʼawꞈ, tsawˇ haˬ tiˬ gʼaˬ-iˬ dawˬ maˬ ngehˬ-a.

1 Saˬmeuˬlaˆ 20:31

Daˬbiˇ yaw dehꞈ kʼaˇ dehꞈ kʼoeˇ keuˆ ni, nawˇ miˇ kʼahˬ heu kʼahˬ-euˬ sahˬ paˬ maˬ ya geuꞈ-a lehˇ maˬ siˬ nya nya loˇ. Nymˬ-mˇ aˬ yawꞈ-ahˇ sheuˬ kʼoꞈ laˬ-iˇ-awˬ. Aˬ yawꞈ-ahˇ maˬ sehꞈ-ehˇ maˬ gʼeh nya-a.”

1 Saˬmeuˬlaˆ 26:16

Nawˇ nawˬ-euˬ gaˇ-ahˇ yaw muiˬ paˬ-ehˇ maˬ mˇ nga. Sahˬpaˬ Miˬyehˇ neh dzoeˬ dzaˬ biꞈ nehˬ taˬ-euˬ naw maꞈ-euˬ sahˬ paˬ-ahˇ yaw muiˬ paˬ-ehˇ maˬ loꞈ piˇ-eu miˇ neh, naw maꞈ yawˬ gʼaˬ na luꞈ shiˇ-eu geuˇ meh lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ ehˇ tsehˆ peuˬ ma. Sahˬ paˬ-euˬ gahˬ aˬ gaˇ iˇ ta. Sahˬ paˬ-euˬ uˬ duˬ dawˬ peh ciˬ taˬ-euˬ iˇ puˬ kʼoeˇ siˬ aˬ gaˇ jaˆ taˬ.”