2 Saˬmeuˬlaˆ 12:24 - Akha

²⁴ Kʼoeˇ naˇ, aˬ yawꞈ-euˬ miˬ zaˬ Baˬsheˬba-ahˇ Daˬbiˇ gʼaˬ biꞈ nehˬ-euˬ meh. Aˬ yawꞈ nyaꞈ paˇ yuꞈ paˇ jawˇ taꞈ-awˇ, aˬ li tiˬ li paˇ jawˇ le-euˬ meh. Aˬ li kʼoeˇ li-ahˇ Daˬbiˇ neh Sawˇlaˬmoˬ lehˇ myahˇ nehˬ-awˇ, Sahˬpaˬ Miˬyehˇ gaˬ-eu aˬ li tiˬ li pyeuꞈ-eu meh.

2 Saˬmeuˬlaˆ 12:24 Σταυροειδείς Αναφορές

2 Saˬmeuˬlaˆ 12:25

Aˬ li heu li-ahˇ Yeˬdiˇdiˬ lehˇ myahˇ nehˬ-awˬ lehˇ, Miˬyehˇ gʼaˇ duˬ ngehˬ dah-eu Naˬdaˬ-ahˇ Sahˬpaˬ Miˬyehˇ dawˬ biꞈ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ Sahˬpaˬ Miˬyehˇ gaˬ-eu meh.

2 Saˬmeuˬlaˆ 5:14

Yeˬluˇsaˬlehˬ meuˬ-ahˇ dehꞈ le-euˬ aˬ yawꞈ-euˬ zaˬ deuˬ-aˬ, Shaˬmeuˬ, Shawˇbaˆ, Naˬdaˬ, Sawˇlaˬmoˬ,

2 Saˬmeuˬlaˆ 7:12

Nawˇ ziˇ dehꞈ jiˇ-awˇ, nawˬ-euˬ aˬ poeˬ aˬ bawˇ deuˬ nehˬ-ehˇ gʼaˬ naˬ ya naˬ ngeh, nawˬ-euˬ aˬ li tiˬ gʼaˬ-ahˇ ngaˇ sahˬ paˬ ka nehˬ-awˇ, aˬ yawꞈ-euˬ miˇ kʼahˬ-ahˇ baoˬ huiˬ-eu miˇ kʼahˬ tiˬ kʼahˬ bi pyeuꞈ laˇ ma.

1 Sahˬpaˬ 1:10

Ehˇ kʼawꞈ, aˬ yawꞈ-euˬ mehˇ nmˇ Sawˇlaˬmoˬ-ahˇ maˬ ehˇ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ-ahˇ maˬ ehˇ, Baˬnaˇyaˬ-ahˇ maˬ ehˇ, sahˬ paˬ-ahˇ loꞈ piˇ-eu guiˇ maꞈ-ahˇ maˬ ehˇ, aˬ yawꞈ maˬ kuˇ-a.

1 Sahˬpaˬ 1:11

Kʼoeˇ naˇ, Sawˇlaˬmoˬ-euˬ aˬ ma Baˬsheˬba jawˇ gaˇ Naˬdaˬ iˇ-awˇ ehˇ nehˬ-eu, “Haˬgiˇdaˇ-euˬ aˬ li Aˬdawˇniˇyaˆ gʼaˬ, yawˬ haˇ yawˬ ha sahˬ paˬ tsaˬ geuꞈ gʼaˬ-awˇ, gaˇ kawˆ kʼoeˇ sahˬ paˬ Daˬbiˇ maˬ siˬ nya-aˬ siˬ lehˇ ja-eu nawˇ gaˬ maˬ loˇ.

1 Laˬsaˬbaˬ 29:1

Tsawˇ haˬ aˇ maꞈ aˇ muˇ dawˬ tawˆ luꞈ-ahˇ, sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Ngaˬ li Sawˇlaˬmoˬ-aˬ, Miˬyehˇ neh tseˇ doˆ-euˬ gʼaˬ pyeuꞈ-eu meh. Ehˇ kʼawꞈ, aˬ yawꞈ zaˬ guˬ pyeuꞈ-awˇ, maˬ mˇ maˬ shaˇ haw-euˬ tsawˇ haˬ tiˬ gʼaˬ meh. Nymˬ-mˇ mˇ-eu lehˇ gʼeh-eu gaˇ heu hmˬ-aˬ, huiˬ dui dui-eu gaˇ meh. Aˬ jeˬ miˇ neh ehˇ naˇ, tsawˇ haˬ zaˬ jawˇ-eu gʼaˇ duˬ nymˇ nymˇ ma tsoˆ-eu maˬ ngeuˇ-a. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ uˬ duˬ tahˬ nymˇ tsoˆ-eu jeˬ pyeuꞈ-eu meh.

1 Laˬsaˬbaˬ 3:5

Kʼoeˇ gaˇ kʼawꞈ, aˬ li gʼawˬ mya li paˇ jawˇ le-euˬ meh. Aˬmeˬlaˆ-euˬ aˬ buˇ Baˬsheˬba o neh aˬ li oeˬ li jawˇ le-euˬ meh. Aˬ li kʼoeˇ oeˬ li-aˬ, Shiˇmehˇ, Shawˇbaˆ, Naˬdaˬ, Sawˇlaˬmoˬ aˬ ha mehˇ nmˇ meh.

Neˬhaˬmiˇ 13:26

Aˬ yawꞈ maꞈ-ahˇ ngaˇ heu loꞈ-ehˇ ehˇ nehˬ-euˬ ma. “Aˬ cawˬ tsawˇ jeuˬ zaˬ miˬ zaˬ baˬ da neh sahˬpaˬ Sawˇlaˬmoˬ iˬ baˇ mˇ-euˬ maˬ ngeuˇ-a loˇ. Aˬ yawꞈ-aˬ, aˬ cawˬ tsawˇ jeuˬ-euˬ sahˬpaˬ deuˬ naˆ maˬ tseˇ huiˬ dzehˬ mahˇ dzehˬ-eu gʼaˬ pyeuꞈ-eu meh. Miˬyehˇ aˬ yawꞈ-ahˇ gaˬ-awˇ Iˇsaˬleˬlaˆ tsawˇ jeuˬ dawˬ tawˆ luꞈ kʼoeˇ taˆ sahˬpaˬ bi geuꞈ-euˬ kʼawꞈ, aˬ cawˬ tsawˇ jeuˬ zaˬ miˬ zaˬ baˬ da neh aˬ yawꞈ kʼoeˇ loꞈ-ehˇ iˬ baˇ mˇ-euˬ meh.

Dawqdaq 4:3

Ngaˇ ngaˬ da-euˬ aˬ li pyeuꞈ luꞈ ngeh, ngaˬ ma-euˬ aˬ li zaˬ nahˬ pyeuꞈ luꞈ ngeh,

Maꞈtehˬ 1:6

Yeˬshehˇ-euˬ aˬ li sahˬ paˬ Daˬbiˇ meh. Daˬbiˇ-euˬ aˬ li Sawˇlaˬmoˬ, (Sawˇlaˬmoˬ-euˬ aˬ ma-aˬ, Uˇliˇyaˆ-ahˇ huˬ zahˇ iˇ-euˬ meh),

Dawˬmehˬ 33:12

Beˬyaˬmiˬ-euˬ gaˇ kawˆ ehˇ-eu, “Sahˬpaˬ Miˬyehˇ gaˬ-eu tsawˇ jeuˬ, aˬ yawꞈ neh haw piˇ-euˬ tsawˇ jeuˬ, aˬ yawꞈ maꞈ gʼahˇ ceh jawˇ-eu meh.”