2 Saˬmeuˬlaˆ 12:14 - Akha

¹⁴ Ehˇ kʼawꞈ, kʼoeˇ loꞈ-ehˇ mˇ-eu laꞈ kʼoeˇ Sahˬpaˬ Miˬyehˇ-ahˇ nawˇ yaw zeu maˬ baw-euˬ miˇ neh, nawˬ-euˬ aˬ li ya shiˇ tehꞈ-a.”

2 Saˬmeuˬlaˆ 12:14 Σταυροειδείς Αναφορές

2 Saˬmeuˬlaˆ 12:15

Kʼoeˇ naˇ, Naˬdaˬ gʼoꞈ leˇ-euˬ meh. Uˇliˇyaˆ-euˬ miˬ zaˬ neh ciˬ-euˬ Daˬbiˇ-euˬ aˬ li kʼoeˇ li-ahˇ, Sahˬpaˬ Miˬyehˇ neh yaw kʼaˆ-ehˇ bi naˇ laˇ-euˬ meh.

Neˬhaˬmiˇ 5:9

Kʼoeˇ naˇ, ngaˇ heu loꞈ-ehˇ ehˇ-euˬ ma. “Naw maꞈ mˇ luꞈ-eu teu maˬ tsaˬ-a. Naw maꞈ Miˬyehˇ-ahˇ guˆ-awˇ yaw tsaˬ jeˬ mˇ-eu laꞈ kʼoeˇ, aˬ dui-ahˇ muiˇ-eu lawˇ ciꞈ zaˬ deuˬ neh bi ja doeˇ kʼaˇ maˬ za ni dehꞈ-eu tsaˬ meh.

Jaceuq 69:6

Dawˬ tawˆ kʼoeˇ taˆ uˆ lahˇ-eu baoˬ huiˬ-eu Sahˬpaˬ Miˬyehˇ-oˇ, ngaˇ baˬ da neh nawˬ-ahˇ gʼoe-eu tsawˇ haˬ deuˬ kʼoeˇ taˆ, shaꞈ dawˇ-eu jeˬ taˬ bi keuˆ le nehˬ laꞈ. Iˇsaˬleˬlaˆ tsawˇ jeuˬ-euˬ Miˬyehˇ-oˇ, ngaˇ baˬ da neh nawˬ-ahˇ uˬ duˬ tahˬ-eu tsawˇ haˬ deuˬ kʼoeˇ taˆ, myaˆ pyawˬ naˇ mehˇ cawˆ-eu jeˬ taˬ bi keuˆ le nehˬ laꞈ.

Jaceuq 74:10

Miˬyehˇ-oˇ, nga maꞈ-ahˇ muiˇ-eu tsawˇ haˬ deuˬ aˇ myah keuˆ ni nawˬ-ahˇ uiˇ uiˇ-ehˇ bi jawˇ-eu gʼeh te. Mˬ maˬ maˬ byaˆ zaˇ ziˇ nawˬ-euˬ tsawˇ myahˇ-ahˇ aˬ yawꞈ maꞈ bi ja doeˇ-eu lehˇ gʼeh te loˇ.

Jaceuq 94:12

Sahˬpaˬ Miˬyehˇ-oˇ, nawˬ neh mehˬ nehˬ tsoˆ nehˬ-euˬ gʼaˬ aˇ naˆ ni laˬ kʼaˬ ya cehˇ-eu nga. Nawˬ neh nawˬ-euˬ zahˇ dawˬ kʼoꞈ dawˬ mehˬ nehˬ-euˬ gʼaˬ aˇ naˆ ni guiˬ lahˬ huiˬ-eu nga.

Jaceuq 99:8

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-euˬ shaˇ dawˬ-ahˇ nawˇ naˇ haˬ nehˬ-euˬ meh. Aˬ yawꞈ maꞈ-euˬ iˬ baˇ baˬ da neh kʼehˬ nehˬ kʼaˆ nehˬ taˬ-euˬ jaˆ kʼawꞈ, nawˇ iˬ baˇ pyehˬ-eu Miˬyehˇ pyeuꞈ-eu gaˇ kawˆ, aˬ yawꞈ maꞈ-ahˇ bi siˬ bi mawˇ-euˬ meh.

Iˇsaˬyaˇ 52:5

Nymˬ-mˇ Baˬbuˇloˬ miˇ kʼahˬ kʼawꞈ, naw maꞈ-ahˇ kʼoeˇ loꞈ-ehˇ jahˇ nehˬ-euˬ meh. Naw maꞈ-ahˇ nyehꞈ geuꞈ gʼeh-awˇ, aˇ poeˬ maˬ biꞈ nehˬ-a. Naw maꞈ-ahˇ uˆ lahˇ-eu tsawˇ haˬ kʼoeˇ deuˬ kʼahˬ sehˇ jehˆ-awˇ, ngaˬ-ahˇ yaw zeu maˬ baw ni dehꞈ haw-eu maˬ naˬ leˇ-a.

Aˬmoˆ 3:2

“Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, naw maꞈ-ahˇ tehꞈ-ehˇ ngaˇ myaˆ pyawˬ pyuˇ-awˇ ngehˬ gʼeh nehˬ-euˬ ma. Kʼoeˇ miˇ neh naw maꞈ iˬ baˇ mˇ ngeh ngaˬ-euˬ nui ma-ahˇ zaw dui dui laˇ-awˇ, kʼoeˇ loꞈ-ehˇ iˬ baˇ mˇ-euˬ aˇ poeˬ naw maꞈ-ahˇ ngaˇ ya kʼehˬ nehˬ meh.”

Maꞈtehˬ 18:7

Tsawˇ haˬ zaˬ-euˬ jah-eu nui ma byoˆ-iˇ ni jahˇ-eu gʼawˬ mya jeˬ jaˆ-eu baˬ da neh, miˇ tsaˬ tahˬ kʼawˇ heu aˇ naˆ ni guˆ laˇ paˬ-ehˇ gʼeh-eu nga. Kʼoeˇ loꞈ-ehˇ gʼeh-eu jeˬ aˬ myah luꞈ jaˆ luꞈ meh. Ehˇ kʼawꞈ, kʼoeˇ loꞈ-ehˇ gʼeh-eu jeˬ bi doˆ laˇ ni mˇ-eu tsawˇ haˬ deuˬ ya noeˬ shaˬ dui dui tehꞈ-a.

Lormav 2:24

“Naw maꞈ Yuˇdaˆ tsawˇ haˬ deuˬ baˬ da neh, Yuˇdaˆ tsawˇ haˬ maˬ ngeuˇ-eu deuˬ Miˬyehˇ-euˬ tsawˇ myahˇ cawˆ ni ngehˬ luꞈ tmˇ luꞈ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

1 Gawˇliˬtu 11:32

Ehˇ kʼawꞈ, Sahˬpaˬ Yeˬsuˇ aˬ dui-ahˇ yaˇ kʼaˬ daˇ-awˇ kʼehˬ nehˬ laꞈ-eu kʼoeˇ-aˬ, miˇ tsaˬ zaˬ deuˬ nehˬ-ehˇ tiˬ kawˆ loꞈ-ehˇ yaˇ kʼaˬ daˇ nehˬ-eu jeˬ-ahˇ maˬ bi daˬ-eu gʼaˇ duˬ pyeuꞈ-eu meh.

HeˬByehˇ 12:6

Aˬ jeˬ miˇ neh ehˇnaˇ, Sahˬpaˬ Miˬyehˇ gaˬ-eu gʼaˬ-ahˇ, aˬ yawꞈ mehˬ paˇ tsoˆ paˇ nehˬ-awˇ, Yawꞈ-euˬ zaˬ lehˇ sawˇ-euˬ gʼaˬ-ahˇ, aˬ yawꞈ diˬ paˇ dzaw paˇ-eu meh.”

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.