2 Saˬmeuˬlaˆ 11:4 - Akha

⁴ Daˬbiˇ tsawˇ haˬ pyehˬ gʼeh-awˇ, zaˬ miˬ zaˬ kʼoeˇ gʼaˬ-ahˇ bi sheuˬ laˬ-iˇ-awˇ, yuꞈ taꞈ jawˇ taꞈ-euˬ meh. (Zaˬ miˬ zaˬ kʼoeˇ gʼaˬ ba la mawˇ le gʼaˬ-awˇ, aˬ yawˇ yawꞈ mˇ shawˇ gʼaˬ-euˬ tiˬ dehˬ pyeuꞈ-eu meh.) Kʼoeˇ loꞈ-ehˇ yuꞈ taꞈ jawˇ taꞈ gʼaˬ-awˇ, zaˬ miˬ zaˬ kʼoeˇ gʼaˬ gʼoꞈ-iˇ-euˬ meh.

2 Saˬmeuˬlaˆ 11:4 Σταυροειδείς Αναφορές

Aˇ dahˬ 34:2

Miˇ kʼahˬ kʼoeˇ kʼahˬ-ahˇ uˆ lahˇ luꞈ-eu, Hiˇbiˇ tsawˇ jeuˬ Haˬmawˬ-euˬ aˬ li Sheˬkmˬ lehˇ myahˇ-eu gʼaˬ Diˇnaˆ-ahˇ ya mawˇ ngeh, dawꞈ-awˇ yehˬ bawˬ sehˇ lu-ehˇ jahˇ nehˬ-euˬ meh.

Aˇ dahˬ 39:7

Aˇ yamˬ ui cuiˆ myahˇ laˇ ngeh jawˇ, Yoˇsehˆ-ahˇ cu luꞈ-eu yaw huiˬ yaw mahˇ kʼoeˇ gʼaˬ-euˬ miˬ zaˬ Yoˇsehˆ-ahˇ mawꞈ dui dui leˇ-eu miˇ neh, Ngaˬ nehˬ-ehˇ yuꞈ kaˇ-euˇ lehˇ, Yoˇsehˆ-ahˇ cawˬ-euˬ meh.

2 Saˬmeuˬlaˆ 12:12

Nawˇ ciˬ cuˇ ni iˬ baˇ mˇ kʼoeˬ-euˬ kʼawꞈ, Iˇsaˬleˬlaˆ tsawˇ haˬ dawˬ tawˆ luꞈ ya mawˇ ni, nah gʼahˇ nah gaˆ-ahˇ ngaˇ kʼoeˇ loꞈ-ehˇ bi pyeuꞈ laˇ ma’ lehˇ ehˇ-eu meh.”

Jaceuq 50:18

Smˇ kʼoeˬ kʼaˇ tahˬ puˬ le gaˇ naw maꞈ cawˬ cawˬ taꞈ-awˇ, aˬ cawˬ-euˬ miˬ zaˬ yo zaˬ-ahˇ bahˬ-eu deuˬ nehˬ-ehˇ, naw maꞈ mehˬ bawˬ gm-eu meh.

Dawqdaq 30:20

Saˇ jaˇ maˬ jawˇ-eu miˬ zaˬ tiˬ gʼaˬ-euˬ bawˬ toˆ-aˬ, aˬ cawˬ aˬ da nehˬ-ehˇ joe-awˇ, iˇ cuꞈ dzuiꞈ shawˇ gʼaˬ-awˇ neh, “Ngaˇ tiˬ jeˬ-iˬ maˬ bahˬ” lehˇ ehˇ nya-eu meh.

Uˬ duˬ 15:18

Kʼaˬ dzeˇ zaˬ hawˇ-eu zaˬ miˬ zaˬ yuꞈ taꞈ jawˇ taꞈ gʼaˬ naˇ, nyiˬ gʼaˬ luꞈ yawˬ ha-euˬ gʼawˇ mawˇ ya dzuiꞈ shawˇ-awˇ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 18:19

Ba la mawˇ luꞈ-eu zaˬ miˬ zaˬ nehˬ-ehˇ maˬ ya yuꞈ taꞈ-a. Aˬ jeˬ miˇ neh ehˇ naˇ, zaˬ miˬ zaˬ kʼoeˇ gʼaˬ maˬ shawˇ-a.

Dawˬmehˬ 5:18

“Aˬ cawˬ-euˬ miˬ zaˬ yo zaˬ-ahˇ nawˇ maˬ ya bahˬ-a.