2 Saˬmeuˬlaˆ 11:2 - Akha

² Tiˬ nah-aˬ, uˬ ciꞈ uˬ taw taw le ngeh Daˬbiˇ yuꞈ cawˬ-awˇ gʼaˬ naˬ naˬ luꞈ-eu tuˇ laˇ-awˇ, aˬ yawꞈ jawˇ-eu sahˬ paˬ hawˇ nymˇ-euˬ nymˇ mˬ-ahˇ le daˆ-euˬ meh. Aˬ yawꞈ kʼoeˇ gaˇ cah niˇ gʼa luꞈ ngeh, zaˬ miˬ zaˬ tiˬ gʼaˬ iˇ cuꞈ dzuiꞈ shawˇ luꞈ gaˇ ya mawˇ-euˬ meh. Zaˬ miˬ zaˬ kʼoeˇ gʼaˬ aˇ gʼehˇ muiˬ dui dui-eu meh.

2 Saˬmeuˬlaˆ 11:2 Σταυροειδείς Αναφορές

Aˇ dahˬ 12:11

Iˇjiˇtuˆ miˇ kʼahˬ-ahˇ iˇ uˇ-eu gʼaˇ duˬ miˇ kaˬ tsehˆ doˆ-eu lehˇ gʼeh ngeh, aˬ yawꞈ-euˬ miˬ zaˬ Saˬlehˇ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Nawˇ-aˬ, aˇ gʼehˇ zawˇ muiˬ-eu zaˬ miˬ zaˬ tiˬ gʼaˬ pyeuꞈ-eu meh.

Aˇ dahˬ 3:6

Aˇ bawˇ kʼoeˇ bawˇ haw muiˬ dui dui-awˇ, aˇ siˬ kʼawꞈ kuiˇ dui dui paˬ-ehˇ gʼeh gaˇ, zaˬ miˬ zaˬ kʼoeˇ gʼaˬ ya mawˇ-euˬ meh. Aˇ siˬ kʼoeˇ ya pyaˆ dzaˬ-awˇ, zaˬ siˬ tsawˇ gahˇ ahˇ laˇ law nmˇ-aˬ, maˬ gaˇ dui dui tehꞈ-a lehˇ aˬ yawꞈ noeˬ-euˬ meh. Kʼoeˇ miˇ neh, aˇ siˬ ui cuiˆ pyaˆ-awˇ dzaˬ haw-euˬ meh. Kʼoeˇ naˇ, aˬ yawꞈ-euˬ kʼaˬ dzeˇ zaˬ gʼaˬ-ahˇ kʼawꞈ ui cuiˆ biꞈ-awˇ, kʼaˬ dzeˇ zaˬ gʼaˬ kʼawꞈ dzaˬ-euˬ meh.

Aˇ dahˬ 34:2

Miˇ kʼahˬ kʼoeˇ kʼahˬ-ahˇ uˆ lahˇ luꞈ-eu, Hiˇbiˇ tsawˇ jeuˬ Haˬmawˬ-euˬ aˬ li Sheˬkmˬ lehˇ myahˇ-eu gʼaˬ Diˇnaˆ-ahˇ ya mawˇ ngeh, dawꞈ-awˇ yehˬ bawˬ sehˇ lu-ehˇ jahˇ nehˬ-euˬ meh.

Aˇ dahˬ 39:6

Pawˇtiˇpaˬ-aˬ, aˬ yawꞈ dzaˬ-eu dawˇ-eu gʼaˇ duˬ hawˬ mˇ dzaˇ saꞈ gʼeh-eu gaˇ maˬ ngeuˇ naˇ, aˬ yawꞈ kʼaˇ jaˆ-eu jeˬ dawˬ tawˆ luꞈ Yoˇsehˆ neh bi haw bi pyaˆ-awˇ, kʼahˇ kʼoꞈ duˬ maˬ jaˆ ni dehꞈ-euˬ meh. Yoˇsehˆ-aˬ, aˬ lmˬ mehˇ-awˇ aˇ gʼehˇ muiˬ dui dui-eu zaˬ guˬ tiˬ gʼaˬ pyeuꞈ-eu meh.

Aˇ dahˬ 6:2

Kʼoeˇ ngeh, mˬ taˆ zaˬ yo deuˬ miˇ tsa zaˬ miˬ kʼoeˇ deuˬ aˇ gʼehˇ muiˬ gaˇ ya mawˇ-awˇ, yawˬ ha kʼaˇ mawꞈ leˇ-eu gʼaˬ-ahˇ sheuˬ geuꞈ-euˬ meh.

2 Saˬmeuˬlaˆ 13:1

Daˬbiˇ-euˬ aˬ li Aˬbaˇsaˬloˬ-aˬ, Taˬmaˬ lehˇ myahˇ-euˬ aˇ gʼehˇ muiˬ dui dui-eu dmˇ ma miˬ daꞈ tiˬ gʼaˬ jawˇ-eu meh. Aˬ ma yawˬ ma yawˬ-euˬ zaˬ pyeuꞈ-eu Aˬmaˬnoˬ lehˇ myahˇ-euˬ Daˬbiˇ-euˬ aˬ li tiˬ li-aˬ, aˬ yawꞈ-euˬ dmˇ ma kʼoeˇ gʼaˬ-ahˇ mawꞈ dui dui leˇ-eu meh.

2 Saˬmeuˬlaˆ 14:27

Aˬbaˇsaˬloˬ-aˬ, aˬ li smˬ li hawˇ-eu, Taˬmaˬ lehˇ myahˇ-euˬ pyawˬ naˬ aˇ gʼehˇ muiˬ dui dui-eu aˬ buˇ tiˬ buˇ jawˇ-eu meh.

2 Saˬmeuˬlaˆ 4:5

Biˇyoˆ meuˬ-ahˇ jawˇ-eu Leˬmoˬ-euˬ aˬ li Leˬkaˆ hawˇ-eu Baˬnahˬ aˬ nyaꞈ nmˇ Iˇshaˬbawˇshehˆ-euˬ nymˇ-ahˇ le-awˇ, nah gʼahˇ paw nahˇ tsaˇ kʼaˆ dui dui ngeh le keuˆ-euˬ meh. Nah loˆ ceh laˇ-euˬ miˇ neh, Iˇshaˬbawˇshehˆ gʼaˬ naˬ naˬ luꞈ-eu aˇ yamˬ pyeuꞈ-eu meh.

2 Saˬmeuˬlaˆ 4:7

Laꞈ kʼoeˇ uˇ keuˆ leˇ-eu nehˬ-ehˇ, Iˇshaˬbawˇshehˆ yuꞈ luꞈ-eu lawˆ-ahˇ uˇ leˇ-awˇ, yuꞈ kʼaˆ taˬ-euˬ Iˇshaˬbawˇshehˆ-ahˇ sehꞈ-awˇ, uˬ duˬ toˆ tsehˆ-euˬ meh. Kʼoeˇ naˇ, uˬ duˬ kʼoeˇ siˬ yuˇ-awˇ, uˬ ciꞈ miˇ lah-ehˇ Yawˇdaˬ lawˇ baˬ deh kʼawꞈ iˇ tsehˆ-euˬ meh.

Yawˇbaˆ 31:1

Zaˬ miˬ aˬ buˇ-ahˇ mehˇ juiˇ juiˇ-eu myaˆ nuiˆ neh maˬ paˇ haw ma lehˇ, nymˬ-mˇ ngaˇ ziˇ tsehˆ-eu ma.

Jaceuq 119:37

Gaˇ dahˇ maˬ tsoeˬ-eu jeˬ-ahˇ ngaˇ nui kʼahˇ maˬ ya jaˆ ni caw ba nehˬ laꞈ-awˇ, nawˬ neh saˇ jaˇ dzaˬ taˬ-euˬ loꞈ-ehˇ yaw muiˬ jeˬ biꞈ nehˬ laꞈ.

Dawqdaq 19:15

Yaw doeˇ yuꞈ ngeh maˬ dehˆ. Nymˇ gawˬ hawˬ mehꞈ maˬ loꞈ.

Dawqdaq 31:30

Aˬ cawˬ bi haw mawꞈ-eu jeˬ maˬ ziꞈ-ehˇ, aˇ gʼehˇ muiˬ-eu jeˬ kʼawꞈ maˬ gmˬ-a. Ehˇ kʼawꞈ, Sahˬpaˬ Miˬyehˇ-ahˇ taˬ huiˬ taˬ mahˇ-eu zaˬ miˬ zaˬ-ahˇ aˬ cawˬ ya ja ceuˬ tehꞈ-a.

Dawqdaq 6:25

Aˇ gʼehˇ muiˬ gaˇ mehˇ juiˇ taˬ juiˇ. Aˬ yawꞈ-euˬ myaˆ nuiˆ neh taˬ bi ju lahˇ.

Dawqdaq 7:8

Laꞈ coeˇ-ahˇ tsoˆ taˬ-euˬ zaˬ miˬ zaˬ tiˬ gʼaˬ-euˬ nymˇ dawˬ peh, gaˇ ma caw caw-ehˇ aˬ yawꞈ iˇ luꞈ-eu meh.

Yeˬlaˬmiˇ 19:13

Yeˬluˇsaˬlehˬ meuˬ-ahˇ jaˆ-eu nymˇ deuˬ maˬ ehˇ, Yuˇdaˆ sahˬ paˬ deuˬ-euˬ nymˇ deuˬ maˬ ehˇ, nymˇ mˬ kʼoeˇ taˆ aˬ guiˇ deuˬ-ahˇ tsiˇ yaw saw jeˬ doꞈ damˬ-awˇ, miˬ yehˇ nui deuˬ-ahˇ aˬ gaꞈ dzaˇ uiˇ kʼaˇ-awˇ lawˇ nehˬ-euˬ nymˇ yawˬ nymˇ na luꞈ, Tawˇpehˆ lehˇ kuˇ-eu jawˇ duˬ loꞈ-ehˇ, maˬ muiˬ maˬ shawˇ-eu jeˬ pyeuꞈ-iˇ tehꞈ-a.”

Maꞈtehˬ 10:27

Ngaˬ neh naw maꞈ-ahˇ zahˇ tsui ni gʼeh gaˇ ehˇ nehˬ-euˬ dawˬ heu deuˬ, nah gʼahˇ paw bya cehˆ ni gʼeh gaˇ naw maꞈ paˇ ya ehˇ poˆ-awˇ, ngaˬ neh naw maꞈ-ahˇ kʼoeˬ saˆ nehˬ-euˬ dawˬ heu deuˬ, naw maꞈ nymˇ mˬ kʼoeˇ taˆ daˆ leˇ-awˇ ya guˇ gaˬ tehꞈ-a.

Maꞈtehˬ 24:17

Nymˇ mˬ kʼoeˇ taˆ jawˇ luꞈ-eu tsawˇ haˬ, nymˇ laꞈ kʼoeˇ zaꞈ uˇ-iˇ-awˇ myawˬ laˬ doˆ laˬ-iˇ-eu maˬ dah-aˇ.

Maꞈtehˬ 5:28

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Tsawˇ haˬ tiˬ gʼaˬ zaˬ miˬ zaˬ tiˬ gʼaˬ-ahˇ haw-awˇ, yuꞈ taꞈ jawˇ taꞈ mawꞈ-eu nui ma ahˇ naˇ, nui ma laꞈ kʼoeˇ zaˬ miˬ zaˬ kʼoeˇ gʼaˬ-ahˇ bahˬ-euˬ muˆ-euˬ meh.

Gʼaˬkʼehˇ 10:9

Yawˬ nah yawˬ aˬ ha smˇ gʼaˬ Yuˇbeˬ meuˬ dawˬ peh iˇ keuˆ ngeh, Beˬtuˆluˆ-aˬ, nah loˆ ceh laˇ-euˬ miˇ neh guiˬ lahˬ shaˇ leˇ-eu lehˇ, nymˇ mˬ -ahˇ daˆ leˇ-euˬ meh.

Dawˬmehˬ 22:8

“Nawˇ nymˇ yaw shuiꞈ tsoˆ ngeh, nymˇ mˬ jawˬ jawˬ-ehˇ ya taw lahˇ meh. Tsawˇ haˬ tiˬ gʼaˬ na ga sehꞈ naˇ, nawˬ-euˬ kʼoeˇ taˆ iˬ baˇ maˬ ya bi keuˆ le-eu gʼaˇ duˬ, kʼoeˇ loꞈ-ehˇ ya jahˇ meh.

Dawˬmehˬ 5:21

“Aˬ cawˬ-euˬ miˬ zaˬ-ahˇ nawˇ mehˇ juiˇ maˬ ya juiˇ-a. Aˬ cawˬ-euˬ nymˇ-ahˇ maˬ ehˇ, miˇ tsaˬ-ahˇ maˬ ehˇ, zaˬ kʼaˆ deuˬ-ahˇ maˬ ehˇ, mawˇ neˇ deuˬ-ahˇ maˬ ehˇ, mahˬ tahˬ laˆ deuˬ-ahˇ maˬ ehˇ, aˬ cawˬ kʼaˇ jaˆ-eu jeˬ-ahˇ maˬ ehˇ, nawˇ mehˇ juiˇ maˬ ya juiˇ-a.’

1 Beˬtuˆluˆ 4:7

Yawˬ jeˬ na luꞈ laꞈ kʼoeˇ aˇ saˬ saˬ-eu aˇ yamˬ peh le-euˬ meh. Kʼoeˇ miˇ neh, naw maꞈ guiˬ lahˬ shaˇ nya-eu gʼaˇ duˬ yawˬ ha-euˬ nui ma-ahˇ gʼaˬ leˇ ni nyehꞈ tehˬ-awˇ, yaw beuˇ beuˇ-ehˇ dehꞈ-awˬ.

1 Yoˇhaˬ 2:16

Miˇ tsaˬ heu kʼoeˇ taˆ jaˆ-eu jeˬ pyeuꞈ-eu, shiˬ shaˬ jiˇ nui kʼahˇ, myaˆ nuiˆ-euˬ nui kʼahˇ, huiˬ mawꞈ mahˇ mawꞈ-eu nui ma, heu deuˬ dawˬ tawˆ luꞈ Aˬda Miˬyehˇ jawˇ gaˇ neh doˆ le-euˬ jeˬ maˬ ngeuˇ-a. Miˇ tsaˬ heu kʼoeˇ taˆ jaˆ-eu jeˬ pyeuꞈ-eu meh.

1 Saˬmeuˬlaˆ 9:25

Uˬ duˬ tahˬ-eu jawˇ duˬ-ahˇ neh meuˬ-ahˇ aˬ yawꞈ maꞈ gʼoꞈ ka-iˇ ngeh, Sawˇluˆ gʼaˇ duˬ nymˇ mˬ kʼoeˇ taˆ aˬ yawꞈ maꞈ yuꞈ duˬ laˆ saˆ nehˬ-euˬ meh.