2 Saˬmeuˬlaˆ 11:11 - Akha

¹¹ Uˇliˇyaˆ ehˇ-eu, “Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ aˬ cawˬ-ahˇ guiˇ deuˆ luꞈ-awˇ, Dawˬ ma saˇ jaˇ Bahˬ keuˆ kʼawꞈ, aˬ yawꞈ maꞈ nehˬ-ehˇ jaˆ-eu meh. Nga maꞈ kʼoeˇ taˆ uˆ lahˇ-eu Yoˇbaˬ hawˇ-eu aˬ yawꞈ-euˬ guiˇ maꞈ deuˬ kʼoeˇ taˆ aˬ yuiꞈ geuꞈ luꞈ-eu deuˬ, deh ga-ahˇ guiˇ daˬ daˬ-awˇ jawˇ luꞈ-eu meh. Aˬ yawꞈ maꞈ kʼoeˇ loꞈ-ehˇ guiˇ deuˆ deuˆ-ehˇ jawˇ ngeh, ngaˇ iˇ kahˇ-ahˇ gʼoꞈ-iˇ-awˇ dzaˬ byawˬ dawˇ byawˬ-eu laꞈ kʼoeˇ, ngaˬ-euˬ miˬ zaˬ nehˬ-ehˇ aˬ joˆ-ehˇ yuꞈ taꞈ-iˇ nmˇ. Yawˬ ha-euˬ gʼawˇ mawˇ yaw muiˬ yaw shawˇ shawˇ-ehˇ ya jawˇ-eu, heu loꞈ-ehˇ gʼeh-eu guiˇ deuˆ luꞈ-eu aˇ yamˬ-ahˇ, kʼoeˇ loꞈ-ehˇ gʼeh-eu jeˬ ngaˇ maˬ mˇ.”

2 Saˬmeuˬlaˆ 11:11 Σταυροειδείς Αναφορές

2 Saˬmeuˬlaˆ 11:10

Uˇliˇyaˆ iˇ kahˇ maˬ gʼoꞈ-iˇ ni jawˇ-eu gaˇ kawˆ Daˬbiˇ ya gaˬ ngeh, “Nawˇ doˆ-iˇ-euˬ gʼawˬ myahˇ ni keuˆ laˇ-awˇ, gʼoꞈ keuˆ laˇ-euˬ tiˬ dehˬ maˬ ngeuˇ te loˇ. Aˬ jeˬ miˇ neh iˇ kahˇ-ahˇ maˬ gʼoꞈ-iˇ ni jawˇ te” lehˇ naˇ haˬ nehˬ-euˬ meh.

2 Saˬmeuˬlaˆ 14:19

Sahˬ paˬ aˬ yawꞈ-ahˇ naˇ haˬ-eu, “Yoˇbaˬ neh nawˬ-ahˇ heu loꞈ-ehˇ bi ehˇ laˇ-euˬ maˬ ngeuˇ-a loˇ.” Zaˬ miˬ zaˬ kʼoeˇ gʼaˬ ehˇ-eu, “Sahˬ paˬ-oˇ, nawˬ neh kʼaˇ naˇ haˬ-euˬ jeˬ-ahˇ gaˇ jaw maˬ jaw-ehˇ dawˇ coe ni ehˇ kʼoꞈ nehˬ ma lehˇ, yaw muiˬ yaw shawˇ jeˬ dawˬ tawˆ luꞈ mehˬ shi ngaˇ kamˬ-eu ma. Aˬ joˆ-ehˇ ya mˇ ya shaˇ-awˇ, aˬ joˆ-ehˇ ya ngehˬ ya tmˇ-eu gaˇ kawˆ ngaˬ-ahˇ mehˬ nehˬ laꞈ-euˬ gʼaˬ-aˬ, maˇ maˇ ni nawˬ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu Yoˇbaˬ meh.

2 Saˬmeuˬlaˆ 20:6

Kʼoeˇ ngeh, Aˬbiˇshaiˇ-ahˇ sahˬ paˬ ehˇ nehˬ-eu, “Sheˬba gʼaˬ Aˬbaˇsaˬloˬ naˆ maˬ tseˇ aˬ dui-ahˇ laˆ bahˬ tehꞈ-a. Ngaˬ-euˬ tsawˇ haˬ deuˬ sheuˬ-awˇ aˬ yawꞈ-euˬ mehˬ nah teh-iˇ-awˬ. Kʼoeˇ loꞈ-ehˇ maˬ jahˇ naˇ, meuˬ meuˬ lahˇ yaw muiˬ paˬ-ehˇ gawˬ ziꞈ taˬ-euˬ meuˬ deuˬ-ahˇ aˬ yawꞈ cehˆ uˇ-iˇ-awˇ, aˬ dui-euˬ laꞈ-ahˇ neh cehˆ buˬ tehꞈ-a.”

2 Saˬmeuˬlaˆ 7:2

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ-ahˇ aˬ yawꞈ ehˇ nehˬ-eu, “Shuˬ liˇ neh tsoˆ taˬ-euˬ nymˇ laꞈ kʼoeˇ ngaˇ jawˇ luꞈ-eu ma. Ehˇ kʼawꞈ, Miˬyehˇ-euˬ Dawˬ ma saˇ jaˇ Bahˬ keuˆ-aˬ, sehˬ gʼawˆ laꞈ kʼoeˇ tehꞈ-ehˇ jaˆ luꞈ-a siˬ.”

2 Saˬmeuˬlaˆ 7:6

Iˇsaˬleˬlaˆ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ ka kʼoꞈ doˆ nehˬ laꞈ-euˬ nah-ahˇ neh aˇ dahˬ beh-awˇ, iˬ nah keuˆ ni uˬ duˬ tahˬ nymˇ laꞈ kʼoeˇ ngaˇ maˬ ya jawˇ haw-aˬ. Sehˬ gʼawˆ laꞈ kʼoeˇ tehꞈ-ehˇ jawˇ jawˇ-ehˇ cah-euˬ ma.

Bawˇtsahˬ 32:6

Moˇseˬ ehˇ-eu, “Naw maꞈ-euˬ cawˬ Iˇsaˬleˬlaˆ tsawˇ haˬ deuˬ guiˇ deuˆ leˇ ngeh naw maꞈ heu gaˇ jawˇ yaꞈ mawꞈ-eu nya loˇ.

Yoˇhaˬ 13:14

Naw maꞈ-euˬ Sahˬpaˬ hawˇ-eu naw maꞈ-euˬ saˬ laˬ pyeuꞈ-eu ngaˇ-aˬ, naw maꞈ-euˬ aˬ kuiˇ dzuiꞈ nehˬ gʼaˬ-euˬ ma. Kʼoeˇ miˇ neh, naw maꞈ kʼawꞈ tiˬ gʼaˬ tiˇ gʼaˬ aˬ kuiˇ dzuiꞈ nehˬ-eu tsaˬ meh.

2 Tiˆmoˇseˬ 2:12

Aˬ dui daˬ dzeuˇ oˇ dzeuˇ coeˇ naˇ, aˬ yawꞈ nehˬ-ehˇ ya dzoeˬ tehꞈ-a. Aˬ dui aˬ yawꞈ-ahˇ byehˇ dzeh naˇ, aˬ yawꞈ aˬ dui-ahˇ byehˇ tehꞈ-a.

1 Saˬmeuˬlaˆ 1:26

Eˇliˆ-ahˇ Haˬnahˬ ehˇ nehˬ-eu, “Aˬ bawˇ piˇ ma-oˇ, nawˇ ngaˬ-ahˇ noeˬ nya siˬ loˇ. Nawˬ-euˬ mehˬ shi heu tsahˇ yawꞈ-awˇ Sahˬpaˬ Miˬyehˇ-ahˇ guiˬ lahˬ shaˇ-euˬ zaˬ miˬ zaˬ zaˬ guˬ kʼoeˇ gʼaˬ ngaˇ ma tawˇ.

1 Saˬmeuˬlaˆ 14:18

Kʼoeˇ ngeh, “Miˬyehˇ-euˬ Dawˬ ma saˇ jaˇ Bahˬ keuˆ baꞈ laꞈ sheˇ” lehˇ, piˇ ma Aˬhiˇyaˬ-ahˇ Sawˇluˆ ehˇ nehˬ-euˬ meh. Aˇ nah aˇ yamˬ kʼoeˇ yamˬ laꞈ kʼoeˇ, Aˬhiˇyaˬ gʼaˬ Dawˬ ma saˇ jaˇ Bahˬ keuˆ kʼoeˇ baꞈ-awˇ, Iˇsaˬleˬlaˆ tsawˇ haˬ deuˬ-euˬ mehˬ hu cah luꞈ-eu meh.

1 Saˬmeuˬlaˆ 17:55

Gawˇliˇyaˆ-ahˇ deuˆ ceh ceh-eu lehˇ Daˬbiˇ le luꞈ gaˇ Sawˇluˆ ya mawˇ ngeh, aˬ yawꞈ-euˬ guiˇ maꞈ kʼoeˇ taˆ aˬ yuiꞈ geuꞈ luꞈ-eu Aˬbaˬnaˬ-ahˇ, “Aˬbaˬnaˬ-oˇ, aˬ li teu gʼaˬ aˬ suˇ gʼaˬ-euˬ zaˬ-a” lehˇ naˇ haˬ-euˬ meh. Aˬbaˬnaˬ gʼeh, “Sahˬ paˬ-oˇ, ngaˇ maˬ siˬ nya nya” lehˇ paˇ ehˇ kʼoꞈ nehˬ-euˬ meh.

1 Saˬmeuˬlaˆ 20:3

Ehˇ kʼawꞈ, Daˬbiˇ ehˇ-eu, “Nawˇ ngaˬ-ahˇ aˇ naˆ ni gʼoeˇ-eu gaˇ kawˆ nawˬ da siˬ duˬ-eu miˇ neh, nawˇ noeˬ shaˬ gaˇ guˆ-awˇ, aˬ yawꞈ mˇ-eu lehˇ gʼeh-eu gaˇ kawˆ heu hmˬ nawˬ-ahˇ maˬ bi siˬ ni mˇ ma lehˇ aˬ yawꞈ noeˬ tsehˆ-euˬ tehꞈ-a. Ngaˇ ya shiˇ-eu gʼaˇ duˬ kuiˇ toꞈ tiˬ toꞈ ca-eu tehꞈ miˇ-a lehˇ, dehꞈ luꞈ-eu Sahˬpaˬ Miˬyehˇ mehˬ shi nawˬ-ahˇ ngaˇ ehˇ-eu ma.”

1 Saˬmeuˬlaˆ 25:26

Nawˬ-ahˇ muiˇ-eu deuˬ-ahˇ nawˇ laꞈ poˆ poˆ nehˬ-awˇ maˬ ya sehꞈ ni, nawˬ-ahˇ ha lahˇ-eu gʼaˬ-aˬ Sahˬpaˬ Miˬyehˇ meh. Nawˬ-ahˇ muiˇ-eu deuˬ hawˇ-eu nawˬ-ahˇ laˆ coeˬ laˆ ciˆ mawꞈ-euˬ deuˬ-aˬ, Naˬbaˬlaˇ loꞈ-ehˇ kʼehˬ nehˬ kʼaˆ nehˬ-eu jeˬ-ahˇ ya daˬ luꞈ-uˇ lehˇ, dehꞈ luꞈ-eu Sahˬpaˬ Miˬyehˇ mehˬ shi nymˬ-mˇ ngaˇ yaˬ kʼehˇ yaˬ-eu ma.

1 Saˬmeuˬlaˆ 4:4

Kʼoeˇ naˇ, Shiˇloˬ meuˬ-ahˇ tsawˇ haˬ pyehˬ gʼeh-awˇ, Baoˬ huiˬ-eu Miˬyehˇ-euˬ muiˬ-eu shawˇ-eu nuiˇ duˬ bi geuꞈ dah taˬ-euˬ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ keuˆ bi baꞈ laˬ leˇ-euˬ meh. Eˇliˆ-euˬ aˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ, dawˬ ma saˇ jaˇ Bahˬ keuˆ mehˬ nah caw teh gʼeh leꞈ-euˬ meh.