2 Saˬmeuˬlaˆ 10:6 - Akha

⁶ Aˬ yawꞈ maꞈ neh kʼoeˇ loꞈ-ehˇ jahˇ nehˬ-euˬ miˇ neh, Daˬbiˇ aˬ yawꞈ maꞈ-ahˇ muiˇ-eu gaˇ kawˆ Aˬmoˬ tsawˇ haˬ deuˬ noeˬ siˬ ngeh, tsawˇ haˬ pyehˬ gʼeh-awˇ, Behˬleˬhawˇbaˆ meuˬ hawˇ-eu Zoˇbaˬ meuˬ-ahˇ jawˇ-eu Suˇliˆ yehˇ nyiˬ muiˇ gʼaˬ, Tawˇbaˬ meuˬ-ahˇ jawˇ-eu tsawˇ haˬ tiˬ muiˇ nyiˬ heˇ gʼaˬ hawˇ-eu, Mawˇkah sahˬ paˬ hawˇ-eu aˬ yawꞈ-euˬ tsawˇ haˬ tiˬ heˇ gʼaˬ-ahˇ ngaˬ laˬ-iˇ-euˬ meh.

2 Saˬmeuˬlaˆ 10:6 Σταυροειδείς Αναφορές

Aˇ dahˬ 34:30

Suˇmoˬ hawˇ-eu Leˬbiˇ aˬ nyaꞈ nmˇ-ahˇ Yaˬkoˆ ehˇ nehˬ-eu, “Naw nyaꞈ nmˇ ngaˬ-ahˇ laˆ shaˬ nehˬ laꞈ-euˬ nga. Nymˬ-mˇ poˆ jawˇ-aˬ, miˇ kʼahˬ heu kʼahˬ laꞈ kʼoeˇ kʼaˇ jawˇ-eu Kaˬnaˬ tsawˇ jeuˬ maˬ ehˇ, Paˬyehˆ tsawˇ jeuˬ maˬ ehˇ, nui deuˬ tsawˇ jeuˬ dawˬ tawˆ luꞈ maˬ ehˇ, ngaˬ-ahˇ muiˇ-eu nga. Ngaˬ nehˬ-ehˇ tsawˇ haˬ gʼawˬ mya ni jawˇ-eu maˬ ngeuˇ. Aˬ yawꞈ maꞈ dawˬ tawˆ luꞈ ga uiˬ-awˇ ngaˬ-ahˇ guiˇ deuˆ laˇ naˇ, aˬ dui pehˬ pehˬ zaˬ ma zaˬ-ehˇ bi sehꞈ jiˇ gaˇ keuˆ-eu nga.”

2 Saˬmeuˬlaˆ 10:5

Tsawˇ haˬ kʼoeˇ deuˬ shaꞈ dawˇ dui dui-eu miˇ neh, iˇ kahˇ-ahˇ maˬ gʼoꞈ keuˆ leˇ peuꞈ-a. Kʼoeˇ loꞈ-ehˇ pyeuꞈ laˇ-euˬ gaˇ kawˆ-ahˇ Daˬbiˇ ya gaˬ ngeh, aˬ yawꞈ maꞈ-euˬ mehˬ mahˬ maˬ mahˇ le kʼoeˇ keuˆ ni, iˇ kahˇ-ahˇ maˬ gʼoꞈ laˇ-ehˇ Yeˬliˇkoˇ meuˬ-ahˇ jawˇ naˬ tawˬ-eu gʼaˇ duˬ bi tsaꞈ gaˬ-iˇ-euˬ meh.

2 Saˬmeuˬlaˆ 10:7

Gaˇ kawˆ kʼoeˇ Daˬbiˇ ya gaˬ ngeh, Yoˇbaˬ-ahˇ guiˇ guiˇ maꞈ maꞈ lah ni bi sheuˬ gʼeh-awˇ, aˬ yawꞈ maꞈ-ahˇ guiˇ bi deuˆ-iˇ-euˬ meh.

2 Saˬmeuˬlaˆ 16:21

Aˬhiˇtawˇpeˬlaˆ ehˇ-eu, “Sahˬ paˬ-euˬ hawˇ nymˇ-ahˇ bi loꞈ piˇ-eu lehˇ nawˬ da neh taˬ yaꞈ-euˬ nawˬ da-euˬ ma nyiˇ kʼoeˇ deuˬ nehˬ-ehˇ yuꞈ leˇ-awˬ. Kʼoeˇ ngeh, nawˬ da-ahˇ nawˬ neh yehˬ bawˬ sehˇ lu-ehˇ gʼeh nehˬ-euˬ gaˇ kawˆ, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ ya siˬ-awˇ, nawˬ-euˬ mehˬ nah caw teh-eu tsawˇ haˬ deuˬ gʼaˬ ahˇ dui dui laˇ tehꞈ-a.”

2 Saˬmeuˬlaˆ 23:34

Mawˇkah meuˬ-ahˇ jawˇ-eu Aˬhaˇsaˬbehˇ-euˬ aˬ li Eˇliˇpaˬlehˇ, Giˇloˬ meuˬ-ahˇ jawˇ-eu Aˬhiˇtawˇpeˬlaˇ-euˬ aˬ li Eˇlamˬ,

2 Saˬmeuˬlaˆ 8:12

Shuiˇ hawˇ-eu pyuˇ kʼoeˇ deuˬ-aˬ, Eˬdoˬ miˇ kʼahˬ, Mawˇbaˆ miˇ kʼahˬ, Aˬmoˬ miˇ kʼahˬ, Piˇliˇtiˆ miˇ kʼahˬ hawˇ-eu, Aˬmaˬlehˇ miˇ kʼahˬ-ahˇ neh yuˇ kʼoꞈ laꞈ-euˬ deuˬ uˬ taꞈ, Zoˇbaˬ sahˬ paˬ Leˬhawˇbaˆ-euˬ aˬ li Haˬdaˬdeˬzaˬ-ahˇ deuˆ za-euˬ deuˬ tiˬ paˆ paˆ ahˇ-eu meh.

2 Saˬmeuˬlaˆ 8:3

Suˇliˆ miˇ kʼahˬ Zoˇbaˬ sahˬ paˬ Leˬhawˇbaˆ-euˬ aˬ li Maˬdaˬdeˬzaˬ-aˬ, Uˇpaˬlaˇ lawˇ baˬ laꞈ taˆ paw dzaˬ-ahˇ jaˆ-eu miˇ kʼahˬ deuˆ geuꞈ le-eu lehˇ oe gaˇ, Daˬbiˇ neh bi deuˆ gʼaˬ-euˬ meh.

2 Saˬmeuˬlaˆ 8:5

Sahˬ paˬ Haˬdaˬdeˬzaˬ-ahˇ bi caw ba le-eu gʼaˇ duˬ, Daˬmaˬsehˇ meuˬ-ahˇ jawˇ-eu Suˇliˆ tsawˇ haˬ deuˬ neh pyehˬ gʼeh leꞈ-euˬ guiˇ maꞈ-ahˇ Daˬbiˇ deuˆ ceh ceh-awˇ, nyiˬ muiˇ nyiˬ heˇ gʼaˬ paˇ deuˆ sehꞈ nehˬ-euˬ meh.

1 Sahˬpaˬ 11:24

Aˬ yawꞈ-aˬ, haiˬ-eu tsawˇ haˬ aˇ maꞈ tiˬ maꞈ-euˬ aˬ yuiꞈ pyeuꞈ laˇ-euˬ meh. (Haˬdaˬdeˬzaˬ-ahˇ Daˬbiˇ guiˇ deuˆ gʼaˬ-awˇ aˬ yawꞈ-ahˇ nui ma taꞈ-eu Suˇliˆ tsawˇ haˬ deuˬ-ahˇ sehꞈ jiˇ nehˬ gʼaˬ miˇ tsa, Leˬzoˇ kʼoeˇ loꞈ-ehˇ pyeuꞈ laˇ-euˬ meh.) Leˬzoˇ hawˇ-eu aˬ yawꞈ-euˬ tsawˇ haˬ deuˬ Daˬmaˬsehˇ meuˬ-ahˇ jawˇ leˇ-awˇ, aˬ yawꞈ-euˬ tsawˇ haˬ deuˬ neh aˬ yawꞈ-ahˇ Suˇliˆ sahˬ paˬ ka nehˬ-euˬ meh.

2 Sahˬpaˬ 7:6

Mahˬ hawˇ-eu mahˬ laˆ lawˬ deuˬ ahˇ-eu guiˇ maꞈ maꞈ ma tiˬ maꞈ laˇ luꞈ-eu teˇ saˇ Suˇliˆ tsawˇ haˬ deuˬ-ahˇ Sahˬpaˬ Miˬyehˇ bi gaˬ leˇ-euˬ meh. Kʼoeˇ ngeh, Heˬtaˆ sahˬ paˬ hawˇ-eu Iˇjiˇtuˆ sahˬ paˬ-ahˇ Iˇsaˬleˬlaˆ tsawˇ haˬ deuˬ neh kuˇ laˬ-iˇ-awˇ, aˬ yawꞈ maꞈ-ahˇ guiˇ bi deuˆ laˇ-euˬ nga lehˇ, Suˇliˆ tsawˇ haˬ deuˬ noeˬ-euˬ meh.

Jaceuq 48:4

Miˇ kʼahˬ sahˬ paˬ deuˬ tiˬ kawˆ loꞈ-ehˇ uiˬ leˇ-awˇ, Ziˇoˬ gawˬ jawˬ-ahˇ guiˇ deuˆ-eu lehˇ laˇ-eu meh.

Doˆ-iˇ 5:21

Moˇseˬ hawˇ-eu Aˬloˬ-ahˇ aˬ yawꞈ maꞈ ehˇ nehˬ-eu, “Naw nyaꞈ neh mˇ-euˬ gaˇ-ahˇ, Sahˬpaˬ Miˬyehˇ mawˇ luꞈ meh. Iˇjiˇtuˆ sahˬ paˬ hawˇ-eu, aˬ yawꞈ-euˬ gaˇ mˇ-eu yaw huiˬ yaw mahˇ deuˬ nga maꞈ-ahˇ bye ni naw nyaꞈ jahˇ-euˬ miˇ neh, Sahˬpaˬ Miˬyehˇ naw nyaꞈ-ahˇ kʼehˬ nehˬ tehꞈ-a. Naw nyaꞈ-aˬ, nga maꞈ-ahˇ bi sehꞈ-eu lehˇ, Iˇjiˇtuˆ tsawˇ haˬ-euˬ aˬ laꞈ-ahˇ mi cehˇ nmꞈ ahˇ nehˬ gaˇ duˇ meh.”

Dawqdaq 25:8

Nawˇ ya tahˬ puˬ-euˬ tiˬ jeˬ na gaˇ kawˆ-ahˇ, yaˇ kʼaˬ daˇ duˬ-ahˇ tsaꞈ gaˬ leˇ-eu taˬ tehˬ. Nui gʼaˬ nawˇ naˆ maˬ tseˇ duˬ-awˇ, nawˬ neh ehˇ-euˬ dawˬ yaw lehˬ meh lehˇ saˇ kiˇ kamˬ naˇ, nawˇ aˬ joˆ-ehˇ jahˇ nmˇ.

Yeˬlaˬmiˇ 40:8

Kʼoeˇ naˇ, Naˬdaˬneˬlaˇ-euˬ aˬ li Iˇshaˬmeˬlaˇ, Kaˬyaˬ-euˬ aˬ li Yoˇhaˬnaˬ, Taˬhuˇmehˇ-euˬ aˬ li Seˬlehˇyaˬ, Neˬtawˇpaˬ meuˬ-ahˇ jawˇ-eu Eˇpoeˬ-euˬ aˬ li deuˬ hawˇ-eu, Mawˇkah meuˬ-ahˇ jawˇ-eu Yeˬzaˬniˆ aˬ ha maꞈ-aˬ, aˬ yawꞈ maꞈ-euˬ tsawˇ haˬ deuˬ sheuˬ-awˇ, Miˇzaˬpaˬ meuˬ-ahˇ Geˬdaˬliˇ jawˇ gaˇ le-euˬ meh.

Yeˬlaˬmiˇ 46:21

Aˬ yawꞈ neh aˇ poeˬ biꞈ-awˇ kuˇ-euˬ yehˇ deuˬ kʼawꞈ, mawˇ neˇ mawˇ zaˬ loˆ ni tehꞈ meh. Aˬ yawꞈ maꞈ yawꞈ daˬ-awˇ guiˇ maˬ deuˆ ni, dawˬ tawˆ luꞈ cehˆ byoˆ jiˇ tehꞈ-a. Yaw cawˆ jeˬ oꞈ-eu aˇ nah keuˆ le-awˇ, ya luˬ ya seˇ-iˇ-eu aˇ yamˬ keuˆ le-euˬ meh.

Dawˬmehˬ 3:14

Maˬnaˇseˬ tsawˇ jeuˬ Yaˬiˇlaˆ tsawˇ haˬ deuˬ-aˬ, Aˬgawˆ lehˇ kʼawꞈ kuˇ-eu Baˬshaˬ miˇ gahˬ gahˬ lah ni geuꞈ-euˬ meh. Kʼoeˇ-aˬ, Geˬshuˇlaˆ meuˬ hawˇ-eu Mawˇkah meuˬ-ahˇ keuˆ ni meh. Yaˬiˇlaˆ-aˬ, kʼoeˇ gaˇ jaˆ-eu pu deuˬ-ahˇ aˬ yawꞈ-euˬ tsawˇ myahˇ biꞈ-awˇ, iˬ nah keuˆ ni Yaˬiˇlaˆ-euˬ pu deuˬ lehˇ aˬ cawˬ kuˇ luꞈ-eu meh.)

Yaˇ kʼaˬ daˇ 11:3

Aˬ yawꞈ-euˬ mehˇ nmˇ deuˬ jawˇ gaˇ neh Yeˬpaˬtaˆ cehˆ-awˇ, Tawˇbaˬ miˇ kʼahˬ-ahˇ cehˆ jawˇ-iˇ-euˬ meh. Kʼoeˇ gaˇ jawˇ-eu gaˇ dahˇ maˬ tsoeˬ-eu tsawˇ haˬ deuˬ aˬ yawꞈ jawˇ gaˇ uiˬ laˇ-awˇ, aˬ yawꞈ-euˬ mehˬ nah doe doe-ehˇ cah cah-ehˇ jawˇ-euˬ meh.

Yaˇ kʼaˬ daˇ 11:5

Kʼoeˇ loꞈ-ehˇ pyeuꞈ laˇ ngeh, Giˇlaˆ miˇ kʼahˬ-ahˇ jawˇ-eu aˬ yuiꞈ aˬ tsu deuˬ Tawˇbaˬ miˇ kʼahˬ-ahˇ jawˇ-eu Yeˬpaˬtaˆ-ahˇ sheuˬ kʼoꞈ laˬ-iˇ-euˬ meh.

Yaˇ kʼaˬ daˇ 18:28

Tsawˇ haˬ kʼoeˇ deuˬ-ahˇ ka kʼoꞈ nehˬ-eu tiˬ gʼaˬ-iˬ maˬ jawˇ-a. Aˬ jeˬ miˇ neh ehˇ naˇ, Siˇdoˬ meuˬ-ahˇ neh gaˇ mahˇ kaˬ gaˇ aˬ yawꞈ maꞈ jawˇ-awˇ, aˬ cawˬ nehˬ-ehˇ cawˬ cawˬ taꞈ-eu laꞈ kʼoeˇ iˇ tawꞈ laˇ tawꞈ-eu maˬ jaˆ-eu miˇ neh meh. Meuˬ kʼoeˇ meuˬ-aˬ, Behˬleˬhawˇbaˆ meuˬ dawˬ peh deh kʼawꞈ-ahˇ jaˆ-eu meh. Daˬ tsawˇ haˬ deuˬ meuˬ kʼoeˇ meuˬ-ahˇ paˇ tsoˆ muiˬ-awˇ jawˇ-euˬ meh.

1 Saˬmeuˬlaˆ 13:4

Piˇliˇtiˆ guiˇ maꞈ kʼoeˇ taˆ uˆ lahˇ-eu yaw huiˬ gʼaˬ-ahˇ Sawˇluˆ neh sehꞈ-euˬ miˇ neh, Piˇliˇtiˆ tsawˇ haˬ deuˬ aˬ yawꞈ maꞈ-ahˇ muiˇ luꞈ-eu gaˇ kawˆ, Iˇsaˬleˬlaˆ tsawˇ haˬ dawˬ tawˆ luꞈ-ahˇ ehˇ gaˬ-euˬ meh. Kʼoeˇ ngeh, Iˇsaˬleˬlaˆ deuˬ, Giˇlaˇgaˬlaˇ meuˬ-ahˇ Sawˇluˆ jawˇ gaˇ uiˬ laˇ-euˬ meh.

1 Saˬmeuˬlaˆ 27:12

Aˬkiˇ-euˬ nui ma laꞈ kʼoeˇ, “Daˬbiˇ-euˬ tsawˇ jeuˬ Iˇsaˬleˬlaˆ tsawˇ haˬ deuˬ Daˬbiˇ-ahˇ bye dui dui-eu miˇ neh, maˬ shiˇ tiˬ ziˇ ngaˬ-euˬ zaˬ kʼaˆ aˬ yawꞈ ya geuꞈ-eu ngaˇ” lehˇ noeˬ-awˇ, Daˬbiˇ-ahˇ jah dui dui-euˬ meh.