2 Saˬmeuˬlaˆ 10:5 - Akha

⁵ Tsawˇ haˬ kʼoeˇ deuˬ shaꞈ dawˇ dui dui-eu miˇ neh, iˇ kahˇ-ahˇ maˬ gʼoꞈ keuˆ leˇ peuꞈ-a. Kʼoeˇ loꞈ-ehˇ pyeuꞈ laˇ-euˬ gaˇ kawˆ-ahˇ Daˬbiˇ ya gaˬ ngeh, aˬ yawꞈ maꞈ-euˬ mehˬ mahˬ maˬ mahˇ le kʼoeˇ keuˆ ni, iˇ kahˇ-ahˇ maˬ gʼoꞈ laˇ-ehˇ Yeˬliˇkoˇ meuˬ-ahˇ jawˇ naˬ tawˬ-eu gʼaˇ duˬ bi tsaꞈ gaˬ-iˇ-euˬ meh.

2 Saˬmeuˬlaˆ 10:5 Σταυροειδείς Αναφορές

2 Saˬmeuˬlaˆ 10:4

Daˬbiˇ neh pyehˬ gʼeh leꞈ-euˬ tsawˇ haˬ kʼoeˇ deuˬ-ahˇ Haˬnuˬ nyehꞈ-awˇ, mehˬ mahˬ tiˬ paw paˆ jehˆ dzeh nehˬ-euˬ uˬ taꞈ, aˬ yawꞈ maꞈ-euˬ pehˇ kʼahˬ daˇ tsuiꞈ-ahˇ keuˆ ni pyehˆ tsehˆ nehˬ-awˇ, pyehˬ kʼoꞈ gʼeh-euˬ meh.

2 Saˬmeuˬlaˆ 10:6

Aˬ yawꞈ maꞈ neh kʼoeˇ loꞈ-ehˇ jahˇ nehˬ-euˬ miˇ neh, Daˬbiˇ aˬ yawꞈ maꞈ-ahˇ muiˇ-eu gaˇ kawˆ Aˬmoˬ tsawˇ haˬ deuˬ noeˬ siˬ ngeh, tsawˇ haˬ pyehˬ gʼeh-awˇ, Behˬleˬhawˇbaˆ meuˬ hawˇ-eu Zoˇbaˬ meuˬ-ahˇ jawˇ-eu Suˇliˆ yehˇ nyiˬ muiˇ gʼaˬ, Tawˇbaˬ meuˬ-ahˇ jawˇ-eu tsawˇ haˬ tiˬ muiˇ nyiˬ heˇ gʼaˬ hawˇ-eu, Mawˇkah sahˬ paˬ hawˇ-eu aˬ yawꞈ-euˬ tsawˇ haˬ tiˬ heˇ gʼaˬ-ahˇ ngaˬ laˬ-iˇ-euˬ meh.

1 Sahˬpaˬ 16:34

Aˬ yawꞈ uˆ lahˇ-euˬ aˇ yamˬ laꞈ kʼoeˇ, Hiˇlaˆ gʼaˬ Yeˬliˇkoˇ meuˬ paˇ tsoˆ muiˬ-euˬ meh. Nuˬ-euˬ aˬ li Yawˇshuˆ-ahˇ gʼoe-awˇ Sahˬpaˬ Miˬyehˇ neh ehˇ taˬ-euˬ loꞈ-ehˇ, Yeˬliˇkoˇ meuˬ-ahˇ Hiˇlaˆ gawˬ dahˬ beh ngeh, aˬ yawꞈ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Aˬbiˇlamˬ shiˇ-awˇ, meuˬ-euˬ lahˇ kʼehˬ laˇ gʼoˆ jahˇ ahˇ ngeh, aˬ yawꞈ-euˬ aˬ li aˬ nyiˇ nyiˇ saˬ gʼaˬ pyeuꞈ-eu Seˬguˇ shiˇ-euˬ meh.

1 Laˬsaˬbaˬ 19:5

Tsawˇ haˬ kʼoeˇ deuˬ shaꞈ dawˇ dui dui-eu miˇ neh, iˇ kahˇ-ahˇ maˬ gʼoꞈ keuˆ leˇ saˇ-a. Gaˇ kawˆ kʼoeˇ Daˬbiˇ ya gaˬ ngeh, aˬ yawꞈ maꞈ-euˬ mehˬ mahˬ maˬ mahˇ laˇ kʼoeˇ keuˆ ni, iˇ kahˇ maˬ gʼoꞈ laˇ ni Yeˬliˇkoˇ meuˬ-ahˇ jawˇ tawˬ-eu gʼaˇ duˬ bi tsaꞈ gaˬ-iˇ-euˬ meh.

Yawˇshuˆ 6:1

Yeˬliˇkoˇ meuˬ-euˬ meuˬ lahˇ laˇ gʼoˆ deuˬ piˬ tehˬ taˬ-awˇ, Iˇsaˬleˬlaˆ tsawˇ haˬ deuˬ maˬ uˇ leˇ nya ni loꞈ jawˬ taˬ-euˬ meh. Tsawˇ haˬ tiˬ gʼaˬ-iˬ maˬ uˇ leˇ nya-eu uˬ taꞈ, doˆ kʼawꞈ maˬ doˆ le nya-a.