2 Saˬmeuˬlaˆ 10:19 - Akha

¹⁹ Haˬdaˬdeˬzaˬ uˆ lahˇ-eu uˬ moˆ jawˇ luꞈ-eu sahˬ paˬ deuˬ, Iˇsaˬleˬlaˆ tsawˇ haˬ deuˬ neh aˬ yawꞈ maꞈ-ahˇ guiˇ deuˆ gʼaˬ-euˬ gaˇ ya mawˇ ngeh, Iˇsaˬleˬlaˆ tsawˇ haˬ deuˬ nehˬ-ehˇ ja tsaˬ geuꞈ-awˇ, Iˇsaˬleˬlaˆ tsawˇ jeuˬ uˆ lahˇ-eu uˬ moˆ jawˇ-euˬ meh. Kʼoeˇ ngeh neh naˇ, Suˇliˆ tsawˇ haˬ deuˬ Aˬmoˬ tsawˇ haˬ deuˬ-ahˇ maˬ paˇ caw ba nehˬ peuˬ ni pyeuꞈ-iˇ-euˬ meh.

2 Saˬmeuˬlaˆ 10:19 Σταυροειδείς Αναφορές

2 Saˬmeuˬlaˆ 8:3

Suˇliˆ miˇ kʼahˬ Zoˇbaˬ sahˬ paˬ Leˬhawˇbaˆ-euˬ aˬ li Maˬdaˬdeˬzaˬ-aˬ, Uˇpaˬlaˇ lawˇ baˬ laꞈ taˆ paw dzaˬ-ahˇ jaˆ-eu miˇ kʼahˬ deuˆ geuꞈ le-eu lehˇ oe gaˇ, Daˬbiˇ neh bi deuˆ gʼaˬ-euˬ meh.

2 Saˬmeuˬlaˆ 8:6

Aˬ yawꞈ maꞈ-euˬ miˇ kʼahˬ laꞈ kʼoeˇ Daˬbiˇ taˆ tsoˆ-awˇ, aˬ yawꞈ-euˬ yehˇ deuˬ bi jawˇ-euˬ meh. Aˬ yawꞈ maꞈ Daˬbiˇ uˆ lahˇ-eu uˬ moˆ ya jawˇ-awˇ, Daˬbiˇ-ahˇ kawˬ doˆ nehˬ-euˬ meh. Sahˬ paˬ Miˬyehˇ neh Daˬbiˇ-ahˇ yawˬ paw na luꞈ guiˇ bi deuˆ gʼaˬ-euˬ meh.

1 Sahˬpaˬ 20:1

Suˇliˆ sahˬ paˬ Beˬhaˬdaˇ-aˬ, aˬ yawꞈ-euˬ guiˇ maꞈ dawˬ tawˆ luꞈ kuˇ uiˬ-awˇ, sahˬ paˬ smˬ tseˇ nyiꞈ gʼaˬ, mahˬ hawˇ-eu mahˬ laˆ lawˬ deuˬ teh-awˇ aˬ yawꞈ nehˬ-ehˇ gm leˇ-euˬ laꞈ kʼoeˇ, Saˬmaˬliˆ meuˬ-ahˇ loꞈ jawˬ le-awˇ guiˇ deuˆ le-euˬ meh.

1 Laˬsaˬbaˬ 19:19

Haˬdaˬdeˬzaˬ uˆ lahˇ-eu uˬ moˆ jawˇ-eu sahˬ paˬ kʼoeˇ deuˬ, Iˇsaˬleˬlaˆ tsawˇ haˬ deuˬ aˬ yawꞈ maꞈ-ahˇ guiˇ deuˆ gʼaˬ-euˬ gaˇ ya mawˇ ngeh, Daˬbiˇ nehˬ-ehˇ jahˇ tsaˬ geuꞈ-awˇ, aˬ yawꞈ uˆ lahˇ-eu uˬ moˆ jawˇ-euˬ meh. Kʼoeˇ naˇ, Suˇliˆ tsawˇ haˬ deuˬ Aˬmoˬ tsawˇ haˬ deuˬ-ahˇ tiˬ jawˇ-iˬ maˬ paˇ caw ba nehˬ mawꞈ ni pyeuꞈ-iˇ-euˬ meh.

Iˇsaˬyaˇ 26:11

Nawˇ kʼehˬ-eu kʼaˆ-eu lehˇ gʼeh-eu gaˇ kawˆ-ahˇ, nawˬ-ahˇ muiˇ-eu kʼoeˇ deuˬ maˬ siˬ nya-a. Sahˬpaˬ Miˬyehˇ-oˇ, aˬ yawꞈ maꞈ-ahˇ bi shaꞈ dawˇ-awˇ, shaˬ zahˬ bi mˇ-awˬ. Nawˬ neh lehˬ hmˬ taˬ-euˬ kʼehˬ-eu kʼaˆ-eu jeˬ, aˬ yawꞈ maꞈ kʼoeˇ taˆ bi keuˆ le-awˇ, nawˬ-euˬ tsawˇ jeuˬ-ahˇ nawˇ aˇ naˆ ni gaˬ-eu gaˇ kawˆ, aˬ yawꞈ maꞈ bi siˬ bi mawˇ-awˬ.

Daˬyeˬlaˇ 2:37

Sahˬ paˬ-oˇ, nawˇ-aˬ, sahˬ paˬ dawˬ tawˆ kʼoeˇ taˆ huiˬ dzehˬ-eu sahˬ paˬ pyeuꞈ-eu meh. Mˬ taˆ Miˬyehˇ neh nawˬ-ahˇ baoˬ hawˇ-eu gʼaˬ biꞈ-euˬ uˬ taꞈ, aˬ cawˬ taˬ huiˬ taˬ mahˇ-eu jeˬ kʼawꞈ biꞈ-euˬ meh.

Yawˇshuˆ 11:10

Kʼoeˇ naˇ, Yawˇshuˆ paˇ gʼoꞈ ka le-awˇ, Haˬzawˇ meuˬ-ahˇ deuˆ geuꞈ-awˇ, Haˬzawˇ sahˬ paˬ-ahˇ sehꞈ-euˬ meh. Aˇ yamˬ kʼoeˇ yamˬ laꞈ kʼoeˇ, Haˬzawˇ meuˬ-aˬ, miˇ kʼahˬ kʼoeˇ deuˬ laꞈ kʼoeˇ aˬ cawˬ naˆ maˬ tseˇ kʼaˆ dzehˬ-eu meuˬ pyeuꞈ-eu meh.

Panmaeq 18:10

Aˬ yawꞈ maꞈ-aˬ, aˬ yawꞈ-euˬ shaˬ zahˬ ya caw pi gaˇ guˆ-eu miˇ neh gaˇ mahˇ kaˬ gaˇ yawꞈ-awˇ haw tehꞈ-a. Aˬ yawꞈ maꞈ ehˇ-eu, “Aˇ naˆ ni guˆ laˇ paˬ-ehˇ gʼeh-eu nga. Aˇ naˆ ni zahˬ leˇ paˬ-ehˇ gʼeh-eu nga. Baoˬ huiˬ dui dui-eu Baˬbuˇloˬ-oˇ, nawˇ-aˬ, naˬ liˬ tiˬ laꞈ laꞈ kʼoeˇ tehꞈ-ehˇ bi kʼehˬ byoˆ leꞈ-euˬ ngaˇ.”

Yaˇ kʼaˬ daˇ 1:7

Aˬdoˬniˇbeˬzehˇ ehˇ-eu, “Kuiˇ ma laꞈ ma bi toˆ tsehˆ-euˬ sahˬ paˬ shiꞈ tseˇ gʼaˬ, ngaˬ-eu hawˬ jeh uˬ moˆ dzaˬ dzeh dawˇ dzeh gʼoˆ dzaˬ-euˬ meh. Aˬ yawꞈ maꞈ-ahˇ ngaˬ neh jahˇ nehˬ-euˬ jeˬ, Miˬyehˇ ngaˬ-ahˇ paˇ bi keuˆ le laꞈ-euˬ nga.” Aˬ yawꞈ-ahˇ Yeˬluˇsaˬlehˬ meuˬ-ahˇ nyehꞈ kʼoꞈ gʼeh-awˇ, kʼoeˇ gaˇ shiˇ-euˬ meh.