2 Saˬmeuˬlaˆ 1:19 - Akha

¹⁹ “Iˇsaˬleˬlaˆ nawˬ-euˬ kʼahˬ sehˇ, gawˬ jawˬ kʼoeˇ taˆ bi sehꞈ-euˬ meh. Baoˬ huiˬ dui dui-eu yehˇ kʼoeˇ deuˬ, aˬ joˆ-ehˇ bi sehꞈ byoˆ jiˇ taˬ.

2 Saˬmeuˬlaˆ 1:19 Σταυροειδείς Αναφορές

2 Saˬmeuˬlaˆ 1:23

Sawˇluˆ hawˇ-eu Yawˇnaˆshaˬ-ahˇ, gaˬ dui dui nya gʼoeˇ dui dui nya. Aˬ nyaꞈ dehꞈ ngeh maˬ gʼawˬ-iˇ-ehˇ, shiˇ ngeh kʼawꞈ maˬ gʼawˬ-iˇ kʼmˬ-aˇ. Kʼaˬ dzeˇ dzeˇ ma maˬ tseˇ kawˇ-awˇ, aˇ laˬ jaˬ shiˇ maˬ tseˇ kʼaˆ meh.

2 Saˬmeuˬlaˆ 1:25

Nui ma kʼaˬ dui dui-eu yehˇ deuˬ, guiˇ deuˆ luꞈ ngeh bi sehꞈ-euˬ meh. Gawˬ jawˬ yaw goˇ jaˆ-eu tsahˇ-ahˇ, Yawˇnaˆshaˬ shiˇ-awˇ ga-eu meh.

2 Saˬmeuˬlaˆ 1:27

Kʼaˬ duˬ ni gʼeh-eu yehˇ kʼoeˇ deuˬ, guiˇ deuˆ gaˇ bi sehꞈ byoˆ jiˇ-awˇ, guiˇ deuˆ gaˇ zmˬ-euˬ keu ka deuˬ, cawˆ jiˇ-awˇ maˬ paˇ zmˬ nya meh.”

Iˇsaˬyaˇ 4:2

Miˇ kʼahˬ heu kʼahˬ laꞈ kʼoeˇ, Sahˬpaˬ Miˬyehˇ sahˬ lahˬ aˇ bawˇ deuˬ paˇ bi jeˬ laˇ-awˇ, haw muiˬ dui dui-eu aˇ nah keuˆ le tehꞈ-a. Kʼaˇ dzeuˇ-iˇ-euˬ Iˇsaˬleˬlaˆ tsawˇ haˬ dawˬ tawˆ luꞈ, dzaˬ la gʼo cehˇ za dui dui le gaˇ kʼahˬ sehˇ ya jehˆ tehꞈ-a.

Iˇsaˬyaˇ 53:2

Miˇ tsaˬ gui gaˇ duˬ ciˇ toeˬ-eu aˇ bawˇ loꞈ-ehˇ, aˬ yawꞈ-euˬ zaˬ kʼaˆ dehꞈ ziꞈ laˇ nya ni, Sahˬpaˬ Miˬyehˇ nui kʼahˇ jaˆ meh. Zaˬ kʼaˆ gʼaˬ-ahˇ aˬ dui haw tsaˬ tsoˆ paˬ-ehˇ, haw muiˬ-eu jeˬ hawˇ-eu kʼahˬ sehˇ tiˬ pawꞈ-iˬ maˬ ahˇ-a. Aˬ yawꞈ-ahˇ aˬ dui haw nahˇ paˬ-ehˇ maˬ gʼeh-a. Aˬ yawꞈ laꞈ kʼoeˇ aˬ dui ya leˇ-eu jeˬ tiˬ pawꞈ-iˬ maˬ ahˇ-a.

Ngoeˇ dawˬ 2:1

“Sahˬpaˬ Miˬyehˇ nui ma pehˇ-awˇ, zahˇ tsui ni gʼeh-eu mˬ dmˇ neh, Ziˇoˬ meuˬ-ahˇ dehˬ kaˬ-euˬ meh. Iˇsaˬleˬlaˆ yaw shehꞈ kʼahˬ sehˇ, mˬ yaw goˇ-ahˇ bi jaˆ-euˬ kʼoeˇ, miˇ tsaˬ-ahˇ biˬ dzeh nehˬ-euˬ meh. Aˬ yawꞈ nui ma pehˇ-eu kʼoeˇ nah, Uˬ duˬ tahˬ nymˇ nymˇ ma-ahˇ kʼawꞈ, byehˇ dzeh nehˬ peuˬ gaˇ keuˆ ni meh.

Ngoeˇ dawˬ 5:16

Yaw shehꞈ kʼahˬ sehˇ byoˆ jiˇ miˇ-a. Nga maꞈ iˬ baˇ mˇ-euˬ miˇ neh, noeˬ shaˬ noeˬ zahˬ dui dui luꞈ ma.

Zaˬkaˬliˇ 11:10

Kʼoeˇ naˇ, Sahˬpaˬ Miˬyehˇ neh miˇ kʼahˬ tsawˇ jeuˬ dawˬ tawˆ luꞈ-ahˇ dzaˬ taˬ-euˬ dawˬ ma saˇ jaˇ bi cawˆ-iˇ-eu gʼaˇ duˬ, “Gʼawˬ shaˬ gaˬ-eu jeˬ” lehˇ kuˇ-eu daˇ cuiˇ kʼoeˇ ngaˇ ngawˬ kʼehꞈ-euˬ ma.

Zaˬkaˬliˇ 11:7

Yawˇ gaꞈ-eu deuˬ neh sehꞈ-eu gʼaˇ duˬ zeuˇ taˬ-euˬ yawˇ deuˬ-ahˇ ngaˇ bo-euˬ ma. Daˇ cuiˇ nyiˬ cuiˇ ngaˇ tuˆ tehˬ taˬ-euˬ ma. Tiˬ cuiˇ-ahˇ “Gʼawˬ shaˬ gaˬ-eu jeˬ” lehˇ myahˇ-awˇ, biˬ cuiˇ-ahˇ “nui ma gm-eu jeˬ” lehˇ myahˇ-euˬ ma. Kʼoeˇ naˇ, yawˇ kʼoeˇ deuˬ-ahˇ ngaˇ bo-euˬ ma.

1 Saˬmeuˬlaˆ 31:8

Guiˇ deuˆ gʼaˬ-awˇ yawˬ nah yawˬ-ahˇ, shiˇ taˬ-euˬ tsawˇ haˬ deuˬ-euˬ mˇ myawˬ poˆ geuꞈ-eu lehˇ Piˇliˇtiˆ tsawˇ haˬ deuˬ laˇ ngeh, Giˇlaˬbawˬ gawˬ jawˬ kʼoeˇ taˆ Sawˇluˆ hawˇ-eu aˬ yawꞈ-euˬ aˬ li smˇ gʼaˬ shiˇ taˬ-awˇ ga gaˇ ya mawˇ-euˬ meh.