2 Saˬmeuˬlaˆ 1:17 - Akha

¹⁷ Daˬbiˇ heu loꞈ-ehˇ dawˬ caˇ caˇ-awˇ, Sawˇluˆ hawˇ-eu Yawˇnaˆshaˬ gʼaˇ duˬ tsawˇ ngoeˇ ngoeˇ-euˬ meh.

2 Saˬmeuˬlaˆ 1:17 Σταυροειδείς Αναφορές

Aˇ dahˬ 50:11

Aˬtaˆ lehˇ kuˇ-eu jawˇ duˬ kʼoeˇ tsahˇ-ahˇ aˬ yawꞈ maꞈ tsawˇ ngoeˇ ngoeˇ luꞈ gaˇ, Kaˬnaˬ miˇ kʼahˬ-ahˇ jawˇ-eu tsawˇ haˬ deuˬ ya mawˇ ngeh, “Iˇjiˇtuˆ tsawˇ haˬ deuˬ tsawˇ ngoeˇ ngoeˇ-eu bawˬ-iˬ teu naˆ naˆ-ehˇ jahˇ jahˇ-ehˇ jawˇ law hawˇ ngaˬ tawˇ” lehˇ ehˇ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ Aˬbeˬlaˆmiˇzaˬleˬ lehˇ myahˇ nehˬ-euˬ meh.

2 Saˬmeuˬlaˆ 1:19

“Iˇsaˬleˬlaˆ nawˬ-euˬ kʼahˬ sehˇ, gawˬ jawˬ kʼoeˇ taˆ bi sehꞈ-euˬ meh. Baoˬ huiˬ dui dui-eu yehˇ kʼoeˇ deuˬ, aˬ joˆ-ehˇ bi sehꞈ byoˆ jiˇ taˬ.

2 Saˬmeuˬlaˆ 3:33

Aˬbaˬnaˬ gʼaˇ duˬ Daˬbiˇ heu loꞈ-ehˇ dawˬ kawˬ kawˬ kawˬ-ehˇ ngoeˇ-euˬ meh. “Aˬ jeˬbaˬda neh Aˬbaˬnaˬʼ aˬdzawˬ loꞈ-ehˇ bi sehꞈ-euˬ ta.

2 Laˬsaˬbaˬ 35:25

Miˬyehˇ gʼaˇ duˬ ngehˬ dah-eu Yeˬlaˬmiˇ neh, sahˬ paˬ Yawˇshiˆ shiˇ-euˬ gaˇ tsawˇ ngoeˇ ngoeˇ nehˬ-eu caˇ dawˬ tiˬ bymˇ yuˇ doˆ-euˬ meh. Aˬ yawꞈ gʼaˇ duˬ tsawˇ ngoeˇ kʼaˇ ngoeˇ ngeh, caˇ dawˬ caˇ-eu Iˇsaˬleˬlaˆ tsawˇ haˬ kʼaˬ dzeˇ zaˬ zaˬ miˬ zaˬ dawˬ tawˆ luꞈ, tsawˇ ngoeˇ caˇ dawˬ heu bymˇ caˇ-eu zahˇ pyeuꞈ-iˇ-euˬ meh. Tsawˇ ngoeˇ ngoeˇ-eu caˇ dawˬ deuˬ boꞈ ahˇ taˬ-euˬ sahˬ boꞈ laꞈ kʼoeˇ, caˇ dawˬ heu bymˇ ahˇ-eu meh.

Jaceuq 35:14

Aˇdoˆhawˇ-eu cawˬdeuˬshiˇngeh, shaˬzahˬnaꞈ-awˇngoeˇgaˇduˇni, aˬma shiˇ-awˇngoeˇgaˇduˇni, yawꞈmaꞈgʼaˇduˬngaˇngoeˇ-euˬma.

Yeˬsaˬgeˬlaˇ 32:16

“Maˇ jawˆ ni gʼeh-eu dawˬ heu deuˬ-aˬ, tsawˇ ngoeˇ ngoeˇ-eu caˇ dawˬ pyeuꞈ laˇ tehꞈ-a. Iˇjiˇtuˆ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ gʼaˇ duˬ, miˇ kʼahˬ tsawˇ jeuˬ zaˬ miˬ zaˬ deuˬ caˇ dawˬ heu bymˇ caˇ tehꞈ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”