2 Laˬsaˬbaˬ 9:1 - Akha

¹ Sawˇlaˬmoˬ tsawˇ myahˇ doˆ-eu gaˇ kawˆ Sheˬba sahˬ paˬ ma ya gaˬ ngeh, naꞈ dui dui-eu dawˬ deuˬ naˇ haˬ-awˇ tsawˇ gahˇ teh haw-eu gʼaˇ duˬ, Yeˬluˇsaˬlehˬ meuˬ-ahˇ le-euˬ meh. Aˬ yawꞈ le ngeh, zaˬ kʼaˆ gʼawˬ mya ni sheuˬ gʼeh-awˇ, dzaˇ muiˇ dzaˇ sawˇ, tsiˇ yaw saw jeˬ, aˇ poeˬ kʼaˆ-eu kʼaˬ lo sehˇ deuˬ hawˇ-eu, shuiˇ gʼawˬ mya ni, law taw neh tawˬ-awˇ le-euˬ meh. Sawˇlaˬmoˬ-ahˇ aˬ yawꞈ tahˬ puˬ ngeh, aˬ yawꞈ kʼaˇ noeˬ doˆ nya-eu yawˬ jeˬ na luꞈ naˇ haˬ-euˬ meh.

2 Laˬsaˬbaˬ 9:1 Σταυροειδείς Αναφορές

Aˇ dahˬ 10:28

Awˇbaˬlaˇ tsawˇ jeuˬ, Aˬbiˇmeˬlaˇ tsawˇ jeuˬ, Sheˬba tsawˇ jeuˬ,

Aˇ dahˬ 10:7

Kuˇshaˆ-euˬ zaˬ deuˬ uˆ deuˬ-aˬ, Seˬbaˇ tsawˇ jeuˬ, Haˬbiˇlaˬ tsawˇ jeuˬ, Saˬbaˬtah tsawˇ jeuˬ, Laˬmaˬ tsawˇ jeuˬ, Saˬteˬkaˬ tsawˇ jeuˬ, heu deuˬ pyeuꞈ-eu meh. Laˬmaˬ-euˬ zaˬ deuˬ uˆ deuˬ-aˬ, Sheˬba tsawˇ jeuˬ hawˇ-eu Deˬdaˬ tsawˇ jeuˬ pyeuꞈ-eu meh.

Aˇ dahˬ 25:3

Yoˇshaˬ-aˬ, Sheˬba hawˇ-eu Deˬdaˬ-euˬ aˬ da pyeuꞈ-awˇ, Deˬdaˬ-euˬ zaˬ deuˬ uˆ deuˬ-aˬ, Aˬshuˇlmˬ tsawˇ jeuˬ, Leˬtuˇshmˬ tsawˇ jeuˬ, Lmˬmiˬ tsawˇ jeuˬ heu deuˬ pyeuꞈ-eu meh.

1 Sahˬpaˬ 4:31

Eˇzaˬlahˬ tsawˇ jeuˬ pyeuꞈ-eu Eˇdaˬ hawˇ-eu, Maˬhawˇlaˆ-euˬ aˬ li deuˬ pyeuꞈ-eu Heˬmaˬ, Kaˬlaˬkawˇlaˆ, Daˬdaˬ aˬ ha mehˇ nmˇ naˆ maˬ tseˇ aˬ yawꞈ tsawˇ gahˇ ahˇ-awˇ, tsawˇ haˬ zaˬ dawˬ tawˆ luꞈ kʼoeˇ taˆ aˬ cawˬ naˆ maˬ tseˇ tsawˇ gahˇ ahˇ dzehˬ-eu miˇ neh, aˬ yawꞈ nehˬ-ehˇ miˇ kaˬ taꞈ-eu miˇ kʼahˬ deuˬ laꞈ kʼoeˇ, aˬ yawꞈ tsawˇ myahˇ huiˬ dui dui-eu meh.

2 Laˬsaˬbaˬ 1:1

Sahˬ paˬ Daˬbiˇ-euˬ aˬ li Sawˇlaˬmoˬ-aˬ, Iˇsaˬleˬlaˆ miˇ kʼahˬ-ahˇ ziꞈ dah ni uˆ lahˇ-awˇ, Sahˬpaˬ Miˬyehˇ pyeuꞈ-eu Miˬyehˇ aˬ yawꞈ-ahˇ guiˬ lahˬ biꞈ-awˇ, baoˬ huiˬ-eu sahˬ paˬ tiˬ gʼaˬ bi pyeuꞈ laˇ-euˬ meh.

2 Laˬsaˬbaˬ 1:12

Ngaˇ nawˬ-ahˇ zaˬ siˬ tsawˇ gahˇ biꞈ ma. Kʼoeˇ uˬ taꞈ, aˇ hu ba neh aˬ kaˇ kaˇ ziˇ keuˆ ni sahˬ paˬ kʼaˇ geuꞈ-eu tsawˇ haˬ deuˬ tiˬ jawˇ-iˬ maˬ za haw-euˬ smˇ muiˬ smˇ baw baw-eu jeˬ maˬ ehˇ, pyuˇ shuiˇ myawˬ gahˬ maˬ ehˇ, tsawˇ myahˇ doˆ-eu jeˬ maˬ ehˇ, ngaˇ nawˬ-ahˇ biꞈ lahˬ nehˬ ma.”

2 Laˬsaˬbaˬ 9:2

Kʼaˇ naˇ haˬ-euˬ yawˬ jeˬ na luꞈ-ahˇ Sawˇlaˬmoˬ ehˇ kʼoꞈ nehˬ-euˬ meh. Sawˇlaˬmoˬ maˬ ehˇ kʼoꞈ nehˬ nya-eu tiˬ jeˬ-iˬ maˬ jaˆ-a.

2 Laˬsaˬbaˬ 9:9

Aˬ yawꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ nyiˬ heˇ oeˬ yaˇ jawꞈ-i dzehˬ ni maˬ ehˇ, dzaˇ muiˇ dzaˇ sawˇ deuˬ, tsiˇ yaw saw jeˬ hawˇ-eu aˇ poeˬ kʼaˆ-eu kʼaˬ lo sehˇ deuˬ maˬ ehˇ, sahˬ paˬ Sawˇlaˬmoˬ-ahˇ aˬ yawꞈ biꞈ-euˬ meh. Sheˬba sahˬ paˬ ma neh sahˬ paˬ Sawˇlaˬmoˬ-ahˇ biꞈ-euˬ loꞈ-ehˇ muiˬ-euˬ dzaˇ muiˇ dzaˇ sawˇ hawˇ-eu tsiˇ yaw saw jeˬ miˇ tsaˬ kʼoeˇ taˆ tiˬ gaˇ-iˬ maˬ jaˆ-a.

Jaceuq 142:2

Ngaˇ nui ma cawˆ-eu jeˬ dawˬ tawˆ luꞈ aˬ yawꞈ-ahˇ tsaꞈ gaˬ-awˇ, ngaˬ-euˬ shaˬ zahˬ dawˬ tawˆ luꞈ aˬ yawꞈ-ahˇ dzawˇ nehˬ-euˬ ma.

Jaceuq 49:4

Tsawˇ mawˬ dawˬ daˬ-ahˇ ngaˇ shaˇ noeˬ-awˇ, deuˇ-mˬ diˬ-awˇ dawˬ tsuiꞈ yuˇ doˆ ma.

Jaceuq 72:10

Saˬbeˬ sahˬ paˬ hawˇ-eu iˇ jaw lahˇ deuˬ-ahˇ jawˇ-eu sahˬ paˬ deuˬ, aˬ yawꞈ-ahˇ laꞈ sawˬ ya biꞈ ha laˇ tehꞈ-a. Sheˬba sahˬ paˬ hawˇ-eu Seˬbaˬ sahˬ paˬ aˬ nyaꞈ aˬ yawꞈ-ahˇ damˬ nehˬ laˇ tehꞈ-a.

Jaceuq 72:15

Sahˬ paˬ ziˇ baw ziˇ za luꞈ-uˇ. Sheˬba miˇ kʼahˬ-ahˇ jaˆ-eu shuiˇ deuˬ aˬ yawꞈ-ahˇ damˬ nehˬ luꞈ-uˇ. Aˬ yawꞈ gʼaˇ duˬ aˬ cawˬ aˬ myah luꞈ guiˬ lahˬ shaˇ nehˬ luꞈ-uˇ. Miˬyehˇ-euˬ guiˬ lahˬ yaw dzahˇ aˬ yawꞈ kʼoeˇ taˆ maˬ tsehˆ leˇ ni jaˆ luꞈ-uˇ.

Jaceuq 78:2

Tsawˇ gahˇ ahˇ-eu dawˬ daˬ deuˬ ngaˇ zmˬ-awˇ, dzeuˇ yaꞈ-euˬ gaˇ kawˆ dawˬ tsuiꞈ pah mehˬ nehˬ ma.

Dawqdaq 1:6

dawˬ tsuiꞈ naꞈ-eu dawˬ daˬ-ahˇ aˬ yawꞈ maꞈ gʼoˆ shaw nya-awˇ, nui gahˇ byah-eu deuˬ neh tsaˬ dzoˆ dzoˆ-euˬ dawˬ-ahˇ puiˇ pyehˬ nya-eu meh.

Iˇsaˬyaˇ 60:6

Miˇdiˬyaˬ miˇ kʼahˬ hawˇ-eu Eˇpaˬ miˇ kʼahˬ-ahˇ neh, myawˬ tawˬ luꞈ-eu law taw baꞈ maꞈ nawˇ jawˇ gaˇ oe tehꞈ-a. Sheˬba miˇ kʼahˬ-ahˇ neh aˬ yawꞈ maꞈ doˆ laˇ-awˇ, shuiˇ hawˇ-eu tsiˇ yaw saw tawˬ laꞈ tehꞈ-a. Sahˬpaˬ Miˬyehˇ-euˬ guiˬ lahˬ-ahˇ, miˇ kʼahˬ zaˬ deuˬ ja byah tehꞈ-a.

Maꞈtehˬ 12:34

Aˇ lawˇ uiˇ naˆ-euˬ zaˬ deuˬ-oˇ, naw maꞈ haiˬ dui dui-eu tsawˇ haˬ pyeuꞈ-eu-aˬ, dawˬ yaw muiˬ aˬ joˆ-ehˇ ngehˬ doˆ laꞈ nya nmˇ. Kʼaˬ meh-aˬ, nui ma laꞈ kʼoeˇ tiˬ byah ni shaˇ dawˆ taˬ-euˬ jeˬ ngehˬ doˆ laꞈ-eu meh.

Maꞈtehˬ 12:42

Yaˇ kʼaˬ daˇ-eu Aˇ nah keuˆ le ngeh, Sheˬba sahˬ paˬ ma tuˇ laˇ-awˇ, naw maꞈ-ahˇ iˬ baˇ taˬ tehꞈ-a. Aˬ jeˬ miˇ neh ehˇ naˇ, sahˬ paˬ Sawˇlaˬmoˬ-euˬ zaˬ siˬ tsawˇ gahˇ byah-eu dawˬ mehˬ dawˬ tsoˆ-ahˇ naˇ haˬ geuꞈ laˇ-eu lehˇ, gaˇ mahˇ kaˬ-eu aˬ yawꞈ-euˬ miˇ kʼahˇ-ahˇ neh a yawꞈ laˇ keuˆ-euˬ meh. Sawˇlaˬmoˬ naˆ maˬ tseˇ huiˬ dzehˬ-eu gʼaˬ, nymˬ-mˇ heu gaˇ jawˇ luꞈ ma lehˇ, naw maꞈ-ahˇ ngaˇ ehˇ duˬ-eu ma.

Maꞈtehˬ 13:11

Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Maꞈtehˬ 13:35

Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ heu deuˬ byah laˇ ni, aˬ yawꞈ kʼoeˇ loꞈ-ehˇ mehˬ nehˬ-euˬ meh. “Ngaˬ-euˬ kʼaˬ meh ngaˇ mˇ nga-awˇ, yaw jeˬ ma jeˬ ja mehˬ nehˬ-awˇ, Miˇ beh ngeh neh zaꞈ taˬ-euˬ jeˬ, aˬ yawꞈ maꞈ-ahˇ dzawˇ duˬ nehˬ ma.”

Maꞈtehˬ 2:11

Aˬ yawꞈ maꞈ nymˇ laꞈ kʼoeˇ uˇ leˇ ngeh, zaˬ nahˬ hawˇ-eu aˬ ma Maˬliˇ-ahˇ ya mawˇ-awˇ, pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh. Aˬ yawꞈ maꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ, lawˇ baoˬ, muˇ laˬ, heu deuˬ yuˇ doˆ-awˇ, aˬ yawꞈ-ahˇ damˬ nehˬ-euˬ meh.

Luˇkaꞈ 11:31

Yaˇ kʼaˬ daˇ-eu Aˇ nah keuˆ laˇ ngeh, Sheˬba sahˬ paˬ ma tsawˬ tuˇ laˇ-awˇ, heu ziˇ-euˬ tsawˇ haˬ deuˬ-euˬ iˬ baˇ poˆ -awˇ yaˇ kʼaˬ ja tehꞈ-a. Aˬ jeˬ miˇ neh ehˇ naˇ, sahˬ paˬ Sawˇlaˬmoˬ-euˬ zaˬ siˬ tsawˇ gahˇ byah-eu dawˬ-ahˇ naˇ haˬ laˇ-eu gʼaˇ duˬ, mˬ dzeˇ miˇ dzeˇ-ahˇ neh aˬ yawꞈ laˇ-euˬ meh. Ngaˇ naw maꞈ-ahˇ ehˇ nehˬ nyaˇ. Sawˇlaˬmoˬ naˆ maˬ tseˇ huiˬ-eu gʼaˬ heu gaˇ jawˇ luꞈ ma.

1 Saˬmeuˬlaˆ 1:15

Haˬnahˬ ehˇ-eu, “Aˬ bawˇ piˇ ma-oˇ, ngaˇ aˬ gaꞈ dzaˇ uiˇ yehꞈ-eu maˬ ngeuˇ. Nui ma cawˆ dui dui-eu miˇ neh, ngaˬ-euˬ nui ma laꞈ kʼoeˇ shaˬ zahˬ kʼaˇ mˇ luꞈ-eu jeˬ dawˬ tawˆ luꞈ, guiˬ lahˬ shaˇ-eu laꞈ kʼoeˇ Sahˬpaˬ Miˬyehˇ-ahˇ dzawˇ nehˬ luꞈ-eu ma.