2 Laˬsaˬbaˬ 4:7 - Akha

⁷ Aˬ yawꞈ maꞈ shuiˇ yuˇ-awˇ aˬ myah myah luꞈ jahˇ haw-euˬ hui ni ahˇ-eu tsiˇ kʼmˬ doꞈ taˬ duˬ tseˇ hmˬ jahˇ-awˇ, Uˬ duˬ tahˬ nymˇ nymˇ ma laꞈ kʼoeˇ, laꞈ oˆ paw ngaˬ hmˬ, laꞈ taˆ paw ngaˬ hmˬ bi jaˆ-euˬ meh.

2 Laˬsaˬbaˬ 4:7 Σταυροειδείς Αναφορές

1 Sahˬpaˬ 7:39

Laˆ lawˬ kʼoeˇ deuˬ, Uˬ duˬ tahˬ nymˇ nymˇ ma-euˬ laꞈ oˆ paw pyawˬ-ahˇ ngaˬ laˇ bi jaˆ-awˇ, laꞈ taˆ paw pyawˬ-ahˇ ngaˬ laˇ bi jaˆ-euˬ meh. Guiˬ shuiˇ lah kʼoeˇ lah-ahˇ, laꞈ oˆ paw nahˇ ma doˆ kʼehˬ paw coeˇ-ahˇ bi jaˆ-euˬ meh.

1 Sahˬpaˬ 7:49

Muiˬ dui shawˇ dui dui-eu jawˇ duˬ mehˬ shi laꞈ oˆ paw pyawˬ-ahˇ ngaˬ hmˬ, laꞈ taˆ paw pyawˬ-ahˇ ngaˬ hmˬ bi jaˆ-eu gʼaˇ duˬ, shuiˇ neh jahˇ taˬ-euˬ tsiˇ kʼmˬ doꞈ taˬ duˬ tseˇ hmˬ, shuiˇ aˇ yehˆ deuˬ, shuiˇ tsiˇ kʼmˬ deuˬ hawˇ-eu shuiˇ ciˆ nyawˆ deuˬ,

1 Laˬsaˬbaˬ 28:12

Poˆ kaˬ deuˬ hawˇ-eu, poˆ kaˬ jawˬ jawˬ-ehˇ bi jaˆ-eu aˇ lawˆ deuˬ tsoˆ-eu gʼaˇ duˬ maˬ ehˇ, Uˬ duˬ tahˬ nymˇ nymˇ ma-ahˇ zmˬ-eu mˇ myawˬ keu ka deuˬ hawˇ-eu, Sahˬpaˬ Miˬyehˇ-ahˇ kʼaˇ damˬ nehˬ laˇ-euˬ jeˬ-ahˇ bi jeˬ hmˬ taˬ-eu aˇ lawˆ deuˬ tsoˆ-eu gʼaˇ duˬ maˬ ehˇ, aˬ yawꞈ neh kʼaˇ noeˬ doˆ-euˬ loꞈ-ehˇ aˇ kawˆ kawˆ taˬ-euˬ jeˬ kʼawꞈ, biꞈ nehˬ-euˬ meh.

1 Laˬsaˬbaˬ 28:14

Uˬ duˬ tahˬ nymˇ nymˇ ma-ahˇ zmˬ-eu mˇ myawˬ keu ka deuˬ jahˇ ngeh, pyuˇ aˇ myaˆ ni hawˇ-eu shuiˇ aˇ myaˆ ni ya zmˬ-eu gaˇ kawˆ, aˬ yawꞈ mehˬ nehˬ tsoˆ nehˬ-euˬ meh.

1 Laˬsaˬbaˬ 28:15

Tsiˇ kʼmˬ hawˇ-eu tsiˇ kʼmˬ doꞈ taˬ duˬ aˬ yawꞈ hmˬ yawꞈ jahˇ gaˇ maˬ ehˇ,

1 Laˬsaˬbaˬ 28:19

“Heu deuˬ dawˬ tawˆ luꞈ aˬ joˆ-ehˇ ya mˇ-eu gaˇ kawˆ, Sahˬpaˬ Miˬyehˇ neh ngaˬ-ahˇ mehˬ nehˬ laꞈ-euˬ loꞈ-ehˇ aˇ kawˆ kawˆ-awˇ boꞈ doˆ taˬ-euˬ laꞈ kʼoeˇ ahˇ jiˇ meh” lehˇ, sahˬ paˬ Daˬbiˇ ehˇ-eu meh.

Yoˇhaˬ 8:12

Kʼoeˇ naˇ, Paˬliˬsehˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Ngaˇ-aˬ, miˇ tsaˬ-euˬ yaw shehꞈ ma. Ngaˬ-euˬ mehˬ nah kʼaˇ caw teh-eu tsawˇ haˬ-aˬ, dehꞈ-eu saꞈ laˇ yaw shehꞈ za-awˇ, yaw zahˇ laꞈ kʼoeˇ maˬ paˇ cah-aˇ.”

HeˬByehˇ 8:5

Aˬ yawꞈ maꞈ piˇ ma geuꞈ-awˇ mˇ luꞈ-eu kʼoeˇ-aˬ, mˬ kʼoeˇ taˆ mˇ luꞈ-eu jeˬ-euˬ naˇ shmˇ aˇ baˇ loˆ ni tehꞈ meh. Aˬ yawꞈ maꞈ-aˬ, Moˇseˬ neh kʼaˇ mˇ-euˬ loꞈ-ehˇ mˇ luꞈ-eu tehꞈ meh. Moˇseˬ aˬ yawꞈ Dawˬ ma saˇ jaˇ Sehˬ gʼawˆ tsoˆ-eu lehˇ gʼeh ngeh, “Yawˬ jeˬ na luꞈ gawˬ jawˬ kʼoeˇ taˆ nawˬ-ahˇ mehˬ nehˬ-euˬ Sehˬ gʼawˆ-ahˇ duˇ leˇ ni yaw duˬ duˬ-ehˇ tsoˆ-awˬ” lehˇ, aˬ yawꞈ-ahˇ Miˬyehˇ ehˇ nehˬ-euˬ meh.

Panmaeq 1:20

Ngaˬ-euˬ aˇ maˇ laꞈ-ahˇ tuˆ tehˬ taˬ-euˬ nawˇ mawˇ-euˬ aˬ guiˇ shiꞈ siˬ hawˇ-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-ahˇ taꞈ leˇ-awˇ, zaꞈ taˬ-euˬ dawˬ tsuiꞈ heu loꞈ-ehˇ meh. Aˬ guiˇ shiꞈ siˬ kʼoeˇ-aˬ, Ka li zaˬ aˇ muˇ kʼoeˇ shiꞈ muˇ-euˬ mˬ taˆ gʼaˬ kʼehˇ deuˬ pyeuꞈ-awˇ, tsiˇ kʼmˬ doꞈ taˬ duˬ shiꞈ hmˬ kʼoeˇ-aˬ, Ka li zaˬ aˇ muˇ kʼoeˇ shiꞈ muˇ pyeuꞈ-eu meh.