2 Laˬsaˬbaˬ 22:7 - Akha

⁷ Yoˇlamˬ jawˇ gaˇ Aˬhaˬziˇ dawˬ deh gʼa leˇ-eu laꞈ kʼoeˇ, Aˬhaˬziˇ kʼoeˇ taˆ luˬ-iˇ seˇ-iˇ-eu jeˬ keuˆ le ni Sahˬpaˬ Miˬyehˇ jahˇ-euˬ meh. Aˬhaˬziˇ kʼoeˇ gaˇ le keuˆ-awˇ jawˇ ngeh, Aˬhaˆ-euˬ nymˇ jiˇ-ahˇ bi laˆ luˬ bi laˆ seˇ-eu gʼaˇ duˬ Sahˬpaˬ Miˬyehˇ neh tseˇ doˆ-euˬ gʼaˬ pyeuꞈ-eu Nmˇshiˇ-euˬ aˬ li Yeˬhuˇ-ahˇ Yoˇlamˬ aˬ yawꞈ nyaꞈ ya tahˬ puˬ-euˬ meh.

2 Laˬsaˬbaˬ 22:7 Σταυροειδείς Αναφορές

2 Laˬsaˬbaˬ 10:15

Sahˬ paˬ Leˬhawˇbamˬ-aˬ, tsawˇ haˬ kʼoeˇ deuˬ gʼaˇ duˬ yaw muiˬ paˬ-ehˇ maˬ shaˇ noeˬ nehˬ-a. Aˬ jeˬ miˇ neh ehˇ naˇ, Shiˇloˬ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Aˬhiˇyaˬ-ahˇ gʼoe-awˇ, Miˬyehˇ pyeuꞈ-eu Sahˬpaˬ Miˬyehˇ neh Neˬbaˇ-euˬ aˬ li Yeˬyawˇbamˬ-ahˇ ehˇ nehˬ-euˬ dawˬ byah laˇ ni, Sahˬpaˬ Miˬyehˇ nui ma tsaˬ-eu miˇ neh meh.

2 Sahˬpaˬ 9:21

Kʼoeˇ ngeh, “Ngaˬ-euˬ mahˬ laˆ lawˬ lehˬ hmˬ-awˬ” lehˇ Yoˇlamˬ ehˇ-eu meh. Mahˬ laˆ lawˬ lehˬ hmˬ gʼaˬ ngeh, Iˇsaˬleˬlaˆ sahˬ paˬ Yoˇlamˬ hawˇ-eu Yuˇdaˆ sahˬ paˬ Aˬhaˬziˇ aˬ nyaꞈ, yawˬ ha-euˬ mahˬ laˆ lawˬ-ahˇ yawˬ ha dziˬ leˇ-awˇ, Yeˬhuˇ-ahˇ tahˬ puˬ-iˇ-euˬ meh. Naˬboˆ-euˬ deh yaˇ deh dzeˇ aˬ yawꞈ nyaꞈ aˬ yawꞈ-ahˇ tahˬ pu-euˬ meh.

Maˬlaˬkiˇ 4:3

Ngaˇ luˆ laˇ ngeh nah, maˬ tsaˬ maˬ dawˇ-eu tsawˇ haˬ deuˬ-ahˇ naw maꞈ gʼaˬ leˇ-awˇ, aˬ yawꞈ maꞈ-aˬ, naw maꞈ-euˬ aˬ kuiˇ pehˬ zaˬ uˬ moˆ jaˆ-eu kʼaˬ lehˇ-ahˇ duˇ tehꞈ-a.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Iˇsaˬyaˇ 46:10

Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Jaceuq 9:16

SahˬpaˬMiˬyehˇ yaˇkʼaˬdaˇ-awˇ, yawˬhaˇyawˬha pah mehˬ-euˬmeh. yaw haiˬdeuˬlahˇju kʼmˇtaˬ-awˇ, yawˬhaˇyawˬha teuˆpaꞈ-eu meh.

1 Sahˬpaˬ 22:20

Kʼoeˇ ngeh, Laˬmoˆ meuˬ-ahˇ Aˬhaˆ le-awˇ aˬ cawˬ neh bi sehꞈ ni, aˬ yawꞈ-ahˇ aˬ suˇ gʼaˬ mehˇ shuiˇ shuiˇ-iˇ nmˇ lehˇ, Sahˬpaˬ Miˬyehˇ ehˇ ngeh, mˬ taˆ gʼaˬ kʼehˇ kʼoeˇ deuˬ tiˬ gʼaˬ tiˬ jeˬ ehˇ-eu meh.

1 Sahˬpaˬ 19:16

Nmˇshiˇ-euˬ aˬ li Yeˬhuˇ-ahˇ tsiˇ lehꞈ nehˬ-awˇ, Iˇsaˬleˬlaˆ miˇ kʼahˬ-euˬ sahˬ paˬ ka nehˬ-awˬ. Nawˬ-euˬ dah zaˇ Miˬyehˇ gʼaˇ duˬ ngehˬ dah-eu gʼaˬ bi geuꞈ daˆ leꞈ-eu gʼaˇ duˬ, Aˬbeˬlaˆmeˬhawˇlahˬ meuˬ-ahˇ jawˇ-eu Shaˬpaˇ-euˬ aˬ li Eˇliˇshehˇ-ahˇ tsiˇ lehꞈ nehˬ-awˬ.

1 Sahˬpaˬ 12:15

Sahˬ paˬ Leˬhawˇbamˬ-aˬ, tsawˇ haˬ kʼoeˇ deuˬ gʼaˇ duˬ yaw muiˬ paˬ-ehˇ maˬ shaˇ noeˬ nehˬ-a. Aˬ jeˬ miˇ neh ehˇ naˇ, Shiˇloˬ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Aˬhiˇyaˬ-ahˇ gʼoe-awˇ, Sahˬpaˬ Miˬyehˇ pyeuꞈ-eu Miˬyehˇ neh Neˬbaˇ-euˬ aˬ li Yeˬyawˇbamˬ-ahˇ ehˇ nehˬ taˬ-euˬ dawˬ byah laˇ ni, Sahˬpaˬ Miˬyehˇ nui ma tsaˬ-euˬ meh.

Yaˇ kʼaˬ daˇ 14:4

Sahˬpaˬ Miˬyehˇ-aˬ, Piˇliˇtiˆ tsawˇ haˬ deuˬ-ahˇ guiˇ deuˆ mawꞈ-eu miˇ neh, Saˬsoˬ kʼoeˇ loꞈ-ehˇ mˇ ni laˆ saˆ taˬ-euˬ gaˇ kawˆ aˬ yawꞈ-euˬ aˬ da aˬ ma maˬ siˬ nya-a. Aˇ yamˬ kʼoeˇ yamˬ laꞈ kʼoeˇ, Piˇliˇtiˆ tsawˇ haˬ deuˬ Iˇsaˬleˬlaˆ tsawˇ jeuˬ-ahˇ uˆ lahˇ luꞈ-eu meh.

Dawˬmehˬ 32:35

Aˬ yawꞈ neh laꞈ poˆ bi poˆ-awˇ, muiˇ-eu deuˬ ya coˬ dzeh-iˇ-eu, aˇ nah kʼoeˇ nah peh le luꞈ meh.

2 Sahˬpaˬ 9:27

Kʼoeˇ loꞈ-ehˇ pyeuꞈ luꞈ gaˇ sahˬ paˬ Aˬhaˬziˇ ya mawˇ ngeh, mahˬ laˆ lawˬ dziˬ-awˇ, Behˬhaˬgaˬ paw cehˆ-euˬ meh. Yeˬhuˇ gʼaˬ aˬ yawꞈ-euˬ mehˬ nah teh-awˇ, “Aˬ yawꞈ-ahˇ gʼeh sehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ dawˬ biꞈ-euˬ meh. Kʼoeˇ naˇ, Eˇbaˬleˬ meuˬ dawˬ peh jaˆ-eu Guˇluˆ meuˬ-ahˇ le-eu gaˇ ma caw caw-ehˇ, aˬ yawꞈ mahˬ laˆ lawˬ teh-awˇ sehˇ daˆ leꞈ ngeh, aˬ yawꞈ maꞈ aꞈ yawꞈ-ahˇ beuˆ zaw-euˬ meh. Ehˇ kʼawꞈ, Meˬgiˇdoˬ meuˬ-ahˇ keuˆ ni aˬ yawꞈ le gʼeh leꞈ-awˇ, kʼoeˇ gaˇ shiˇ tsehˆ leˇ-euˬ meh.

2 Laˬsaˬbaˬ 22:6

Yoˇlamˬ gʼaˬ Yeˬzaˬleˬlaˇ meuˬ-ahˇ gʼoꞈ le-awˇ, Laˬmoˆ meuˬ-ahˇ bi deuˆ tahˬ-euˬ naˇ gawˇ kʼoeˇ bi laˆ saˆ luꞈ ngeh, aˬ yawꞈ jawˇ gaˇ Aˬhaˬziˇ dawˬ deh gʼa leˇ-euˬ meh.

Yawˇshuˆ 11:20

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, tsawˇ jeuˬ kʼoeˇ deuˬ-ahˇ geuꞈ-eu jeˬ maˬ ahˇ ni bi laˆ luˬ bi laˆ seˇ jiˇ-awˇ, gʼawˬ shaˬ maˬ gaˬ nehˬ ni bi sehꞈ jiˇ-eu gʼaˇ duˬ, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ maˬ guˆ-ehˇ guiˇ deuˆ peuˬ ni, aˬ yawꞈ maꞈ-euˬ nui ma gʼahˇ laˇ ni Sahˬpaˬ Miˬyehˇ jahˇ-euˬ meh.

1 Sahˬpaˬ 12:24

‘Naw maꞈ-euˬ aˬ yuiꞈ aˬ nyiˇ pyeuꞈ-eu Iˇsaˬleˬlaˆ tsawˇ haˬ deuˬ-ahˇ guiˇ taˬ deuˆ leˇ. Naw maꞈ dawˬ tawˆ luꞈ yawˬ ha-euˬ nymˇ-ahˇ gʼoꞈ-iˇ-awˬ. Kʼaˇ pyeuꞈ laˇ-euˬ gaˇ kawˆ dawˬ tawˆ luꞈ ngaˇ nui ma tsaˬ-eu miˇ neh bi pyeuꞈ laˇ-euˬ ma lehˇ Sahˬpaˬ Miˬyehˇ ehˇ-eu meh’ lehˇ ehˇ nehˬ-awˬ.” Aˬ yawꞈ maꞈ dawˬ tawˆ luꞈ, Sahˬpaˬ Miˬyehˇ-euˬ dawˬ-ahˇ naˇ haˬ-awˇ gʼoꞈ-iˇ-euˬ meh.

2 Sahˬpaˬ 10:11

Kʼoeˇ naˇ, Yeˬzaˬleˬlaˇ meuˬ-ahˇ jawˇ-eu Aˬhaˆ-euˬ aˇ jeuˬ aˇ ca dawˬ tawˆ luꞈ-ahˇ maˬ ehˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, aˬ yawꞈ-ahˇ gʼoe-eu cawˬ deuˬ-ahˇ maˬ ehˇ, aˬ yawꞈ-euˬ piˇ ma deuˬ-ahˇ maˬ ehˇ, tiˬ gʼaˬ-iˬ maˬ bi dehꞈ ni Yeˬhuˇ neh sehꞈ jiˇ-euˬ meh.

Dawqdaq 16:9

Tsawˇ haˬ zaˬ nui noeˬ bym kʼawꞈ, Sahˬpaˬ Miˬyehˇ neh kʼaˇ sheu pyawˆ-euˬ jeˬ ya geuꞈ-eu meh.