2 Laˬsaˬbaˬ 18:9 - Akha

⁹ Iˇsaˬleˬlaˆ sahˬ paˬ hawˇ-eu Yuˇdaˆ sahˬ paˬ Yeˬhawˇshaˬpaˇ aˬ nyaꞈ-aˬ, sahˬ paˬ-euˬ dm gʼaˬ dm lmˇ dm-awˇ, Saˬmaˬliˆ meuˬ-euˬ laꞈ nyiˇ paw cehˇ baw duˬ-ahˇ, sahˬ paˬ nuiˇ-eu nuiˇ mahˬ-ahˇ nuiˇ luꞈ-eu meh. Miˬyehˇ gʼaˇ duˬ ngehˬ dah-eu deuˬ dawˬ tawˆ luꞈ kʼawꞈ, aˬ yawꞈ nyaꞈ-euˬ mehˬ shi miˬ yehˇ gʼaˇ duˬ ngehˬ dah ngehˬ dah-ehˇ jawˇ luꞈ-eu meh.

2 Laˬsaˬbaˬ 18:9 Σταυροειδείς Αναφορές

2 Laˬsaˬbaˬ 18:10

Aˬ yawꞈ maꞈ laꞈ kʼoeˇ Sheˬnaˬnahˬ-euˬ aˬ li Zeˬdaˬkiˇ gʼaˬ, shmˇ uˬ coeˇ tehˆ-awˇ, “Heu loꞈ-ehˇ gʼeh-eu uˬ coeˇ neh Suˇliˆ tsawˇ haˬ deuˬ-ahˇ naw maꞈ deuˆ-awˇ, naw maꞈ gʼaˬ leˇ tehꞈ-a lehˇ, Sahˬpaˬ Miˬyehˇ ehˇ-eu meh” lehˇ ngehˬ dah-euˬ meh.

2 Laˬsaˬbaˬ 18:29

“Aˇ nyaꞈ guiˇ deuˆ ngeh, ngaˬ-ahˇ aˬ cawˬ maˬ bi haw siˬ-eu gʼaˇ duˬ mehˬ tsoeˬ pyehˇ-awˇ deuˆ ma. Ehˇ kʼawꞈ, nawˇ-aˬ sahˬ paˬ-euˬ dm gʼaˬ dm lmˇ dm-awˇ deuˆ-awˬ” lehˇ, Yeˬhawˇshaˬpaˇ-ahˇ Aˬhaˆ ehˇ nehˬ-euˬ meh. Kʼoeˇ naˇ, Iˇsaˬleˬlaˆ sahˬ paˬ gʼaˬ aˬ cawˬ maˬ bi haw siˬ ni mehˬ tsoeˬ pyehˇ-awˇ guiˇ deuˆ-euˬ meh.

2 Laˬsaˬbaˬ 18:8

Kʼoeˇ naˇ, sahˬ paˬ Aˬhaˆ-aˬ, aˬ yawꞈ-euˬ saˇ naˇ-ahˇ gaˇ mˇ luꞈ-eu yaw huiˬ yaw mahˇ tiˬ gʼaˬ-ahˇ kuˇ-awˇ, Miˇkaˬyaˇ-ahˇ heu gaˇ yaw kawˇ-ehˇ sheuˬ laꞈ-awˬ” lehˇ ehˇ nehˬ-eu meh.

Iˇsaˬyaˇ 14:9

“Nawˬ-ahˇ ha laˬ laˇ-eu gʼaˇ duˬ, shiˇ-eu miˇ kʼahˬ lawꞈ gʼa luꞈ meh. Nawˬ-ahˇ bi ha geuꞈ-eu gʼaˇ duˬ, shiˇ dzeuˇ-euˬ yaw huiˬ yaw mahˇ deuˬ-eu saꞈ laˇ-ahˇ aˬ yawꞈ maꞈ laˆ noeˬ luꞈ-awˇ, miˇ kʼahˬ sahˬ paˬ deuˬ-euˬ saꞈ laˇ deuˬ-ahˇ, nuiˇ mahˬ-ahˇ nuiˇ luꞈ-eu laˆ tuˇ luꞈ meh.

Yeˬsaˬgeˬlaˇ 26:16

Iˬ ma laˆ shaˆ paw kʼaˇ jawˇ-eu sahˬ paˬdawˬ tawˆ luꞈ sahˬ paˬ-euˬ nuiˇ mahˬ-ahˇ byehˇ-awˇ, pehˇ kʼahˬ pehˇ mahˇ hawˇ-eu aˇ boꞈ aˇ yehˆ yehˆ taˬ-euˬ mehˬ tsoeˬ deuˬ lehˆ dzeh-awˇ, yaw dzuˬ dzuˬ dzuˬ-ehˇ miˇ tsa ga nuiˇ tehꞈ-a. Nawˇ guiˬ lahˬ doeˇ gaˇ aˬ yawꞈ maꞈ haw guˆ-awˇ, yaw dzuˬ dzuˬ-eu maˬ naˬ leˇ nya-ehˇ shaˬ tehꞈ-a.

Daˬyeˬlaˇ 7:9

Ngaˇ haw haw-ehˇ jawˇ ngeh, dzoeˬ dzaˬ nuiˇ mahˬ ciˬ taˬ le-euˬ meh. Mˬ bymˬ miˇ bymˬ bymˬ ngeh neh dehꞈ luꞈ-eu gʼaˬ, dzoeˬ dzaˬ nuiˇ mahˬ tiˬ mahˬ kʼoeˇ taˆ nuiˇ le-euˬ meh. Aˬ yawꞈ dm luꞈ-eu mehˬ tsoeˬ saˬ laˬ loꞈ-ehˇ pyuˇ deuˬ ni gʼeh-awˇ, aˬ yawꞈ-euˬ uˬ duˬ tsehˇ kahˇ shawˇ jehˆ ni gʼeh-eu yawˇ caꞈ hm-ahˇ duˇ-eu meh. Aˬ yawꞈ-euˬ dzoeˬ dzaˬ nuiˇ mahˬ miˬ dzaˬ doꞈ luꞈ-eu daˇ jawˇ kʼoeˇ taˆ jaˆ-awˇ, miˬ lmˇ nyehˆ oˬ ni jaˆ-eu meh.

Maꞈtehˬ 11:8

Maˬ ngeuˇ naˇ, aˬ jeˬ-ahˇ haw-iˇ-eu lehˇ iˇ teˬ. Muiˬ dui dui-eu mehˬ tsoeˬ dm luꞈ-eu tsawˇ haˬ-ahˇ haw-iˇ teˬ loˇ. Kʼoeˇ loꞈ-ehˇ gʼeh-eu mehˬ tsoeˬ dm-eu tsawˇ haˬ-aˬ, sahˬ paˬ-euˬ hawˇ nymˇ-ahˇ jawˇ-eu maˬ ngeuˇ-a loˇ.

Maꞈtehˬ 19:28

Aˬ yawꞈ maꞈ-ahˇ Yeˬsuˇ ehˇ nehˬ-eu, “Miˇ tsaˬ tahˬ kʼawˇ yaw shuiꞈ paˇ laˇ-awˇ, yaw shehꞈ kʼahˬ sehˇ huiˬ-eu dzoeˬ dzaˬ nuiˇ mahˬ kʼoeˇ taˆ Tsawˇhaˬ-euˬ Zaˬmaˇ nuiˇ le ngeh, ngaˬ-euˬ mehˬ nah caw teh-eu naw maꞈ tseˇ nyiꞈ gʼaˬ kʼawꞈ, dzoeˬ dzaˬ nuiˇ mahˬ kʼoeˇ taˆ nuiˇ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ ya uˆ lahˇ tehꞈ-a.

Maꞈtehˬ 6:29

Ehˇ kʼawꞈ, ngaˇ naw maꞈ-ahˇ ehˇ nehˬ nyaˇ. Yaw shehꞈ kʼahˬ sehˇ huiˬ dui dui-eu sahˬ paˬ Sawˇlaˬmoˬ neh dm-euˬ poeˬ dui dui-eu dm gʼaˬ dm lmˇ-aˬ, aˇ yehˆ kʼoeˇ tiˬ yehˆ naˆ ni kʼawꞈ maˬ haw muiˬ-a.

Luˇta 4:1

Meuˬ lahˇ kʼehˬ dawˬ peh jaˆ-eu, meuˬ-ahˇ jawˇ-eu tsawˇ haˬ deuˬ mehˬ bawˬ bawˬ dzaˬ duˬ-ahˇ Bawˇza le-awˇ, nuiˇ luꞈ-eu meh. Kʼoeˇ ngeh, aˬ yawꞈ neh Luˇta-ahˇ ehˇ nehˬ-euˬ Aˬliˇmaˬlehˇ-ahˇ aˬ yuiꞈ aˬ nyiˇ peh dzehˬ-eu tsawˇ haˬ kʼoeˇ gʼaˬ iˇ tsehˆ gʼeh gaˇ aˬ yawꞈ mawˇ-awˇ, “Mawˬ cawˬ-oˇ, heu gaˇ laˇ-awˇ nuiˇ laˇ-awˬ” lehˇ kuˇ-euˬ meh. Kʼoeˇ ngeh, tsawˇ haˬ kʼoeˇ gʼaˬ kʼoeˇ gaˇ le-awˇ nuiˇ leˇ-euˬ meh.