2 Laˬsaˬbaˬ 17:1 - Akha

¹ Aˬsaˬ-euˬ aˬ li Yeˬhawˇshaˬpaˇ gʼaˬ aˬ yawꞈ aˬ da-euˬ dah zaˇ sahˬ paˬ geuꞈ-awˇ, Iˇsaˬleˬlaˆ miˇ kʼahˬ naˆ maˬ tseˇ aˬ yawꞈ-euˬ miˇ kʼahˬ gʼaˬ kʼaˆ laˇ ni leh jeh-euˬ meh.

2 Laˬsaˬbaˬ 17:1 Σταυροειδείς Αναφορές

1 Sahˬpaˬ 15:24

Aˬsaˬ ziˇ jiˇ-awˇ, Daˬbiˇ-euˬ meuˬ-ahˇ jaˆ-eu sahˬ paˬ-euˬ lmˬ bymˇ-ahˇ baꞈ pahˬ-euˬ meh. Aˬ yawꞈ-euˬ dah zaˇ, aˬ yawꞈ-euˬ aˬ li Yeˬhawˇshaˬpaˇ sahˬ paˬ geuꞈ-euˬ meh.

1 Sahˬpaˬ 22:41

Sahˬ paˬ Aˬhaˆ Iˇsaˬleˬlaˆ miˇ kʼahˬ-ahˇ uˆ lahˇ-eu oeˬ kʼoꞈ tiˬ kʼoꞈ-ahˇ, Aˬsaˬ-euˬ aˬ li Yeˬhawˇshaˬpaˇ gʼaˬ Yuˇdaˆ sahˬ paˬ pyeuꞈ laˇ-euˬ meh.

2 Sahˬpaˬ 1:17

Sahˬpaˬ Miˬyehˇ neh Eˇliˇyaˆ-ahˇ kʼehˇ-awˇ bi ehˇ-euˬ loꞈ-ehˇ, Aˬhaˬziˇ shiˇ-euˬ meh. Aˬhaˬziˇ aˬ li maˬ jawˇ-eu miˇ neh, Yeˬhawˇshaˬpaˇ-euˬ aˬ li Yeˬhawˇlamˬ gʼaˬ Yuˇdaˆ miˇ kʼahˬ-ahˇ uˆ lahˇ-euˬ nyiˬ kʼoꞈ tiˬ kʼoꞈ-ahˇ, Aˬhaˬziˇ-euˬ aˬ nyiˇ Yoˇlamˬ Iˇsaˬleˬlaˆ sahˬ paˬ pyeuꞈ laˇ-euˬ meh.

1 Laˬsaˬbaˬ 11:10

Heu-aˬ, tsawˇ myahˇ doˆ dui dui-eu Daˬbiˇ-euˬ yehˇ deuˬ-euˬ tsawˇ myahˇ meh. Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu loꞈ-ehˇ, Daˬbiˇ sahˬ paˬ pyeuꞈ laˇ ni Iˇsaˬleˬlaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ aˬ yawꞈ maꞈ caw ba-awˇ, aˬ yawꞈ maꞈ baˬ da neh Daˬbiˇ-euˬ miˇ kʼahˬ baoˬ huiˬ-euˬ meh.

2 Laˬsaˬbaˬ 12:1

Leˬhawˇbamˬ sahˬ paˬ pyeuꞈ laˇ-awˇ, miˇ kʼahˬ-ahˇ ziꞈ dah ni uˆ lahˇ gʼaˬ ngeh jawˇ, aˬ yawꞈ hawˇ-eu aˬ yawꞈ-eu tsawˇ haˬ dawˬ tawˆ luꞈ Sahˬpaˬ Miˬyehˇ-euˬ Zahˇ dawˬ kʼoꞈ dawˬ-ahˇ byehˇ dzeh-euˬ meh.

2 Laˬsaˬbaˬ 17:2

Yuˇdaˆ miˇ kʼahˬ laꞈ kʼoeˇ jaˆ-eu ziꞈ dah ni tsoˆ taˬ-euˬ meuˬ deuˬ-ahˇ maˬ ehˇ, meuˬ-ahˇ gaˇ mahˇ kaˬ-eu jawˇ duˬ deuˬ-ahˇ maˬ ehˇ, Eˇpaˬleˬ miˇ kʼahˬ laꞈ kʼoeˇ aˬ yawꞈ-euˬ aˬ da Aˬsaˬ neh deuˆ za taˬ-euˬ meuˬ deuˬ-ahˇ maˬ ehˇ, aˬ yawꞈ-euˬ guiˇ maꞈ deuˬ bi jawˇ byah-euˬ meh.

2 Laˬsaˬbaˬ 26:8

Aˬmoˬ tsawˇ haˬ deuˬ kʼawꞈ aˬ yawꞈ-ahˇ kawˬ taꞈ ha nehˬ laˇ-awˇ, aˬ yawꞈ baoˬ huiˬ dui dui laˇ-euˬ miˇ neh, Iˇjiˇtuˆ miˇ kʼahˬ-ahˇ keuˆ ni aˬ yawꞈ tsawˇ myahˇ doˆ-euˬ meh.

2 Laˬsaˬbaˬ 32:5

Heˬsaˬgiˇ-aˬ, meuˬ meuˬ lahˇ yaw muiˬ paˬ-ehˇ paˇ gawˬ ziꞈ-awˇ, loꞈ-eu nymˇ goˇ deuˬ tsoˆ lahˬ-euˬ uˬ taꞈ, laꞈ nyiˇ paw meuˬ lahˇ tiˬ tiˆ paˇ gawˬ-eu laꞈ kʼoeˇ, Yeˬluˇsaˬlehˬ meuˬ-ahˇ maˬ bi deuˆ gʼaˬ-eu gʼaˇ duˬ yaw muiˬ paˬ-ehˇ laˆ ziꞈ-euˬ meh. Yeˬluˇsaˬlehˬ meuˬ meuˬ oeˇ-euˬ nahˇ ma doˆ kʼehˬ paw miˇ tsaˬ duˬ dzm taˬ-euˬ tsahˇ-ahˇ tsoˆ taˬ-euˬ taˆ kʼoeˇ taˆ kʼawꞈ, aˬ yawꞈ paˇ laˆ muiˬ-euˬ meh. Gahˬ hawˇ-eu dehˬ daˬ duˬ deuˬ kʼawꞈ, gʼawˬ mya ni paˇ jahˇ lahˬ-euˬ meh.

Yeˬsaˬgeˬlaˇ 7:27

Miˇ kʼahˬ sahˬ paˬ tsawˇ ngoeˇ ngoeˇ-awˇ, sahˬ paˬ zaˬ yo deuˬ nui ma ga ka jiˇ-awˇ, miˇ kʼahˬ zaˬ deuˬ yaw dzuˬ dzuˬ tawˆ tawˆ tehꞈ-a. Naw maꞈ neh kʼaˇ mˇ-euˬ loꞈ-ehˇ naw maꞈ-ahˇ ngaˇ kʼehˬ nehˬ kʼaˆ nehˬ-awˇ, naw maꞈ neh aˬ cawˬ-ahˇ yaˇ kʼaˬ daˇ-euˬ loꞈ-ehˇ, naw maꞈ-ahˇ ngaˇ yaˇ kʼaˬ daˇ poˆ ma. Heu-aˬ, ngaˇ Sahˬpaˬ Miˬyehˇ pyeuꞈ-eu gaˇ kawˆ, naw maꞈ-ahˇ bi siˬ bi mawˇ-eu tiˬ jeˬ ma.”

Maꞈtehˬ 1:8

Aˬsaˬ-euˬ aˬ li Yeˬhawˇshaˬpaˇ, Yeˬhawˇshaˬpaˇ-euˬ aˬ li Yoˇlamˬ, Yoˇlamˬ-euˬ aˬ li Awˇziˇ,

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

1 Saˬmeuˬlaˆ 23:16

Daˬbiˇ jawˇ-eu Hawˇlehˆ-ahˇ Yawˇnaˆshaˬ le-awˇ, “Miˬyehˇ nawˬ-ahˇ haw piˇ nehˬ laꞈ tehꞈ-a” lehˇ ehˇ-awˇ gʼaˬ biꞈ nehˬ-euˬ meh.