2 Laˬsaˬbaˬ 15:8 - Akha

⁸ Awˇdehˇ-euˬ a li Aˬzaˬyiˇ neh Miˬyehˇ gʼaˇ duˬ ngehˬ dah-euˬ dawˬ kʼoeˇ dawˬ-ahˇ Aˬsaˬ ya gaˬ ngeh, nui ma laꞈ kʼoeˇ gʼaˬ ahˇ dui dui laˇ-awˇ, Yuˇdaˆ miˇ kʼahˬ hawˇ-eu Beˬyaˬmiˬ miˇ kʼahˬ laꞈ kʼoeˇ kʼaˇ jaˆ-eu tahˬ pahˬ aˬ ma mawˇ kawˇ dawˬ tawˆ luꞈ hawˇ-eu, Eˇpaˬleˬ miˇ kʼahˬ gawˬ jawˬ gawˬ duˇ-ahˇ aˬ yawꞈ neh deuˆ za-euˬ meuˬ deuˬ-ahˇ kʼaˇ jaˆ-eu tahˬ pahˬ aˬ ma mawˇ kawˇ dawˬ tawˆ luꞈ-ahˇ aˬ yawꞈ yuˇ dzeh-euˬ meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-euˬ pu ka jaˆ-eu lawˇ duˬ-ahˇ aˬ yawꞈ laˆ muiˬ-euˬ meh.

2 Laˬsaˬbaˬ 15:8 Σταυροειδείς Αναφορές

1 Sahˬpaˬ 11:5

Siˇdoˬ tsawˇ jeuˬ-euˬ Aˬsaˇtaˬteˬ miˬ yehˇ ma hawˇ-eu, Aˬmoˬ tsawˇ jeuˬ-euˬ miˬ yehˇ pyeuꞈ-eu nui daˆ daˆ laˇ paˬ-ehˇ gʼeh-eu Moˇlehˆ miˬ yehˇ-ahˇ, aˬ yawꞈ uˬ duˬ tahˬ-euˬ meh.

1 Sahˬpaˬ 11:7

Yeˬluˇsaˬlehˬ meuˬ-euˬ nahˇ ma doˆ kʼehˬ paw jaˆ-euˬ gawˬ jawˬ kʼoeˇ taˆ, Mawˇbaˆ tsawˇ jeuˬ-euˬ miˬ yehˇ pyeuꞈ-eu nui daˆ daˆ laˇ paˬ-ehˇ, gʼeh-eu Sheˬmoˇshaˆ miˬ yehˇ-ahˇ uˬ duˬ tahˬ-eu jawˇ duˬ tiˬ tsahˇ hawˇ-eu, Aˬmoˬ tsawˇ jeuˬ-euˬ miˬ yehˇ pyeuꞈ-eu nui daˆ daˆ laˇ paˬ-ehˇ gʼeh-eu Moˇlehˆ miˬ yehˇ-ahˇ uˬ duˬ tahˬ-eu jawˇ duˬ tiˬ tsahˇ aˬ yawꞈ tsoˆ-euˬ meh.

1 Sahˬpaˬ 15:9

Iˇsaˬleˬlaˆ sahˬ paˬ Yeˬyawˇbamˬ uˆ lahˇ-eu nyiˬ tseˇ kʼoꞈ tiˬ kʼoꞈ-ahˇ, Aˬsaˬ Yuˇdaˆ miˇ kʼahˬ-euˬ sahˬ paˬ pyeuꞈ laˇ-euˬ meh.

2 Sahˬpaˬ 16:14

Sahˬpaˬ Miˬyehˇ-ahˇ a nehˬ taˬ-euˬ guiˬ shuiˇ neh jahˇ-euˬ lawˇ duˬ kʼoeˇ hmˬ-aˬ, lawˇ duˬ yaw shuiꞈ kʼoeˇ hmˬ hawˇ-eu Uˬ duˬ tahˬ nymˇ nymˇ ma yaw kaˬ-ahˇ jaˆ-eu meh.

2 Sahˬpaˬ 18:22

“Kʼoeˇ loꞈ-ehˇ maˬ ngeuˇ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe luꞈ-eu ma lehˇ, naw maꞈ ngaˬ-ahˇ ehˇ-eu gʼeh te loˇ. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-ahˇ, Yeˬluˇsaˬlehˬ meuˬ laꞈ kʼoeˇ jaˆ-eu lawˇ duˬ kʼoeˇ tsahˇ-ahˇ tehꞈ-ehˇ uˬ duˬ ya tahˬ laˇ meh lehˇ Heˬsaˬgiˇ ehˇ-awˇ, Sahˬpaˬ Miˬyehˇ-ahˇ uˬ duˬ tahˬ-eu nymˇ deuˬ hawˇ-eu, lawˇ duˬ deuˬ-ahˇ aˬ yawꞈ laˆ cawˆ jiˇ-euˬ maˬ ngeuˇ-a loˇ.

2 Sahˬpaˬ 23:13

Siˇdoˬ miˬ yehˇ ma Aˬshaˇtaˬteˬ, Mawˇbaˆ miˬ yehˇ Sheˬmoˇshaˆ hawˇ-eu, Aˬmoˬ miˬ yehˇ Moˇlehˆ heu deuˬ-ahˇ uˬ duˬ tahˬ-eu gʼaˇ duˬ, Yeˬluˇsaˬlehˬ meuˬ-euˬ nahˇ ma doˆ kʼehˬ paw, Saˬloˬ gawˬ jawˬ-euˬ laꞈ oˆ sahˬ paˬ Sawˇlaˬmoˬ neh tehˆ taˬ yaꞈ-euˬ tahˬ pahˬ aˬ ma mawˇ kawˇ deuˬ-ahˇ kʼawꞈ, Yawˇshiˆ laˆ cawˆ-euˬ meh.

2 Laˬsaˬbaˬ 13:19

Aˬbiˇyaˬ-aˬ, Yeˬhawˇbamˬ-euˬ mehˬ nah teh-awˇ, Yeˬyawˇbamˬ-euˬ meuˬ deuˬ pyeuꞈ-eu Beˬdeˬlaˇ meuˬ, Yeˬshaˬnahˬ meuˬ, Eˇpyoˬ meuˬ heu deuˬ hawˇ-eu, meuˬ heu deuˬ-euˬ daw peh jaˆ-eu pu deuˬ-ahˇ deuˆ za-euˬ meh.

2 Laˬsaˬbaˬ 17:2

Yuˇdaˆ miˇ kʼahˬ laꞈ kʼoeˇ jaˆ-eu ziꞈ dah ni tsoˆ taˬ-euˬ meuˬ deuˬ-ahˇ maˬ ehˇ, meuˬ-ahˇ gaˇ mahˇ kaˬ-eu jawˇ duˬ deuˬ-ahˇ maˬ ehˇ, Eˇpaˬleˬ miˇ kʼahˬ laꞈ kʼoeˇ aˬ yawꞈ-euˬ aˬ da Aˬsaˬ neh deuˆ za taˬ-euˬ meuˬ deuˬ-ahˇ maˬ ehˇ, aˬ yawꞈ-euˬ guiˇ maꞈ deuˬ bi jawˇ byah-euˬ meh.

2 Laˬsaˬbaˬ 19:11

Piˇ ma Yaw huiˬ gʼaˬ pyeuꞈ-eu Aˬmaˬliˇ-aˬ, uˬ duˬ tahˬ-eu zahˇ sahˇ kʼoꞈ paw taꞈ leˇ-eu gaˇ dawˬ tawˆ luꞈ-ahˇ jahˇ jiˇ nya-eu baoˬ jaˆ-awˇ, Yuˇdaˆ miˇ kʼahˬ-ahˇ haw pyaˆ uˆ lahˇ-eu gʼaˬ pyeuꞈ-eu Iˇshaˬmeˬlaˇ-euˬ aˬ li Zeˬbaˬdiˇ-aˬ, miˇ kʼahˬ zahˇ sahˇ kʼoꞈ-ahˇ taꞈ-eu gaˇ yawˬ jeˬ na luꞈ-ahˇ jahˇ jiˇ nya-eu baoˬ jaˆ-eu meh. Leˬbiˇ tsawˇ haˬ deuˬ-aˬ, saˇ naˇ gaˇ mˇ-eu paw haw-eu pyaˆ-eu deuˬ ya geuꞈ meh. Nui ma kʼaˬ duˬ ni mˇ-awˬ. Yaw tsaˬ yaw dawˇ dawˇ-ehˇ mˇ-eu deuˬ jawˇ paw Sahˬpaˬ Miˬyehˇ pyawˬ luꞈ-uˇ.”

2 Laˬsaˬbaˬ 19:4

Sahˬ paˬ Yeˬhawˇshaˬpaˇ-aˬ, Yeˬluˇsaˬlehˬ meuˬ-ahˇ jawˇ kʼawꞈ, miˇ kʼahˬ zaˬ deuˬ kʼaˇ jawˇ gaˇ cah doe-euˬ meh. Laꞈ oˆ paw pyawˬ-ahˇ jaˆ-eu Beˬlaˇsheˬba meuˬ-ahˇ neh, laꞈ taˆ paw Eˇpaˬleˬ miˇ kʼahˬ gawˬ jawˬ gawˬ duˇ-ahˇ keuˆ ni cah doe-awˇ, miˇ kʼahˬ zaˬ deuˬ-ahˇ aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ gʼoꞈ kʼoꞈ laˇ-awˬ lehˇ kuˇ-euˬ meh.

2 Laˬsaˬbaˬ 29:18

Leˬbiˇ tsawˇ haˬ deuˬ sahˬ paˬ Heˬsaˬgiˇ jawˇ gaˇ iˇ-awˇ, heu loꞈ-ehˇ ehˇ gaˬ-iˇ-euˬ meh. “Miˬ dzaˬ dzah puiˆ-awˇ lawˇ-eu jeˬ lawˇ duˬ maˬ ehˇ, muiˬ-eu shawˇ-eu kaˬ muˇ ciˬ daˆ duˬ hawˬ jeh maˬ ehˇ, kʼoeˇ gaˇ taꞈ leˇ-eu keu ka deuˬ maˬ ehˇ, dawˬ tawˆ luꞈ ahˇ leˇ-ehˇ, Uˬ duˬ tahˬ nymˇ nymˇ lah-ehˇ nga maꞈ mˇ shawˇ gʼaˬ jiˇ-euˬ ma.

2 Laˬsaˬbaˬ 4:1

Sahˬ paˬ Sawˇlaˬmoˬ-aˬ, ngaˬ lmˇ oeˬ bawˬ byah-awˇ, nyiˬ lmˇ nui paˆ goˇ-eu lawˇ duˬ tiˬ hmˬ guiˬ shuiˇ neh jahˇ-euˬ meh.

2 Laˬsaˬbaˬ 8:12

Sawˇlaˬmoˬ-aˬ, Uˬ duˬ tahˬ nymˇ nymˇ ma-euˬ mehˬ shi aˬ yawꞈ neh tsoˆ taˬ-euˬ lawˇ duˬ kʼoeˇ hmˬ kʼoeˇ taˆ, Sahˬpaˬ Miˬyehˇ-ahˇ lawˇ nehˬ shehˇ nehˬ-euˬ meh.

Iˇsaˬyaˇ 44:14

Shuˬ liˇ aˇ bawˇ maˬ ehˇ, tsuiꞈ kaˆ aˇ bawˇ maˬ ehˇ, guˇ baˬ luˇ aˇ bawˇ maˬ ehˇ, yawˬ ha kʼaˇ geuꞈ mawꞈ-eu jeˬ aˇ bawˇ sahˬ kʼaˆ-ahˇ tuˇ doˆ laˬ-iˇ-eu meh. Maˬ ngeuˇ naˇ, aˇ bawˇ yaw muiˬ jeˬ ka-awˇ, uˬ yehˇ bi yehˇ shehˬ-awˇ huiˬ laˇ gaˇ dawˬ-eu meh.

Iˇsaˬyaˇ 65:4

Uˬ ciꞈ sehˇ gʼahˇ lmˬ bymˇ lo kʼahˬ doe ni iˇ-awˇ, shiˇ dzeuˇ-euˬ tsawˇ haˬ-ahˇ mehˬ bawˬ mˇ-iˇ-eu meh. Aˬ yawꞈ maꞈ aˬ zaꞈ shaˬ jiˇ dzaˬ-euˬ meh. Lawˇ ciꞈ zaˬ neh lawˇ-euˬ shaˬ jiˇ puꞈ dawˇ-euˬ meh.

Yeˬlaˬmiˇ 16:18

Shiˇ taˬ-euˬ tsawˇ haˬ loꞈ-ehˇ saꞈ maˬ gʼawˇ nya-eu tahˬ pahˬ aˬ ma mawˇ kawˇ deuˬ neh ngaˬ-euˬ miˇ kʼahˬ-ahˇ aˬ yawꞈ maꞈ laˆ jawꞈ-awˇ, maˬ ngeuˇ-eu miˬ yehˇ deuˬ hehˇ byah leꞈ taˬ-euˬ miˇ neh, aˬ yawꞈ maꞈ neh mˇ-euˬ iˬ baˇ aˇ poeˬ aˬ yawꞈ maꞈ-ahˇ ngaˇ nyiˬ bymˇ paˇ kʼehˬ poˆ nehˬ ma.”

Yeˬsaˬgeˬlaˇ 8:10

Ngaˇ laꞈ kʼoeˇ uˇ-iˇ haw ngeh, kaˇ pyawˇ-ahˇ, aˇ lawˇ mawˇ kawˇ hawˇ-eu maˬ shawˇ-eu jeˬ zaˬ deuˬ-euˬ mawˇ kawˇ deuˬ maˬ ehˇ, Iˇsaˬleˬlaˆ tsawˇ haˬ deuˬ, uˬ duˬ tahˬ-eu jeˬ-euˬ mawˇ kawˇ deuˬ boꞈ taˬ-euˬ meh.

Uˬ duˬ 18:30

Kʼoeˇ naˇ, Sahˬpaˬ Miˬyehˇ ehˇ-eu, “Ngaˬ neh biꞈ taˬ-euˬ dawˬ deuˬ-ahˇ naw maꞈ caw teh-awˬ. Naw maꞈ-euˬ mehˬ hu, miˇ kʼahˬ kʼoeˇ kʼahˬ laꞈ kʼoeˇ jawˇ luꞈ-eu tsawˇ haˬ kʼoeˇ deuˬ loꞈ-ehˇ taˬ gʼeh. Yawˬ haˇ yawˬ ha maˬ shawˇ-eu tsawˇ haˬ bi pyeuꞈ laˇ ni, gaˇ kʼoeˇ deuˬ naw maꞈ taˬ mˇ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.”

Maꞈtehˬ 25:16

Shuiˇ maˇ byaˆ ngaˬ heˇ byaˆ ha geuꞈ taˬ-euˬ gʼaˬ-aˬ, tiˬ poˆ tehꞈ-ehˇ jeˬ gaꞈ gaꞈ-iˇ-awˇ, ngaˬ heˇ byaˆ paˇ gaꞈ jeuˬ-euˬ meh.

Gʼaˬkʼehˇ 28:15

Loˇmaˆ meuˬ-ahˇ jawˇ-eu jah-eu tsawˇ haˬ deuˬ nga maꞈ gaˇ kawˆ ya gaˬ-awˇ, Aˬbiˇ-euˬ Lehˆ lehˇ kuˇ-eu meuˬ hawˇ-eu Saˆlaˬ Smˇlaˬ lehˇ kuˇ-eu meuˬ-ahˇ keuˆ ni oe-awˇ, nga maꞈ-ahˇ tahˬ puˬ le-euˬ meh. Aˬ yawꞈ maꞈ-ahˇ Pawˇluˆ ya mawˇ ngeh, nui ma gʼaˬ tiˬ tiˆ paˇ ahˇ laˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh.

Dawˬmehˬ 27:15

“ ‘Kʼaˬ lo neh maˬ ehˇ, daˇ kawˬ neh maˬ ehˇ, shmˇ, shuiˇ, pyuˇ, guiˬ shuiˇ, heu deuˬ neh maˬ ehˇ, tahˬ pahˬ aˬ ma mawˇ kawˇ tehˆ-awˇ uˬ duˬ tahˬ kʼoeˬ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ. Tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ-ahˇ Sahˬpaˬ Miˬyehˇ maˬ haw nahˇ-a’ lehˇ guˇ-awˇ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

1 Beˬtuˆluˆ 4:3

Miˬyehˇ-ahˇ maˬ siˬ nya-eu tsawˇ haˬ deuˬ mˇ-eu jeˬ-ahˇ , dzeuˇ laˇ ngeh naw maꞈ mˇ dehˆ shaˇ dehˆ gʼaˬ-euˬ meh. Kaˬ miˬ sheu-eu, shiˬ shaˬ jiˇ nui loˆ geuꞈ-eu, jiˇ baˬ yehꞈ-eu, byawˬ gʼaˬ mo gʼa-eu, dzaˬ yehꞈ dawˇ yehꞈ dzaˬ boˆ dawˇ boˆ boˆ-eu, tahˬ paˬ aˬ ma mawˇ kawˇ-ahˇ uˬ duˬ tahˬ-eu, heu deuˬ laꞈ kʼoeˇ naw maꞈ dehꞈ dzeuˇ jawˇ dzeuˇ yaꞈ-euˬ meh.

Yaˇ kʼaˬ daˇ 10:16

Kʼoeˇ naˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ aˬ yawꞈ maꞈ byehˇ dzeh-awˇ, Sahˬpaˬ Miˬyehˇ-ahˇ uˬ duˬ tahˬ ngeh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ haw gaˬ-euˬ meh.