2 Laˬsaˬbaˬ 12:9 - Akha

⁹ Sahˬ paˬ Shiˇshehˆ Yeˬluˇsaˬlehˬ meuˬ-ahˇ laˇ-awˇ, Uˬ duˬ tahˬ nymˇ nymˇ ma hawˇ-eu sahˬ paˬ jawˇ-eu nymˇ-ahˇ jaˆ-eu pyuˇ shuiˇ myawˬ gahˬ dawˬ tawˆ luꞈ yuˇ geuꞈ jiˇ-euˬ meh. Sahˬ paˬ Sawˇlaˬmoˬ neh shuiˇ neh jahˇ taˬ-euˬ dehˬ daˬ duˬ kʼoeˇ deuˬ ahˇ leˇ-ehˇ, yawˬ jeˬ na luꞈ aˬ yawꞈ yuˇ jiˇ-euˬ meh.

2 Laˬsaˬbaˬ 12:9 Σταυροειδείς Αναφορές

1 Sahˬpaˬ 15:18

Kʼoeˇ ngeh jawˇ, Uˬ duˬ tahˬ nymˇ nymˇ ma hawˇ-eu sahˬ paˬ-euˬ hawˇ nymˇ laꞈ kʼoeˇ kʼaˇ dzeˇ-eu pyuˇ hawˇ-eu shuiˇ deuˬ-ahˇ sahˬ paˬ Aˬsaˬ yuˇ-awˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ biꞈ-awˇ, Heˬzoˬ-euˬ aˬ li Taˬbiˇmoˇ-euˬ aˬ li pyeuꞈ-eu Daˬmaˬsehˇ meuˬ-ahˇ jawˇ-eu Suˇliˆ sahˬ paˬ Beˬhaˬdaˇ jawˇ gaˇ bi yuˇ gʼeh-awˇ, heu loꞈ-ehˇ dawˬ tsaꞈ bi tsaꞈ leˇ-euˬ meh.

2 Sahˬpaˬ 16:8

Uˬ duˬ tahˬ nymˇ nymˇ ma laꞈ kʼoeˇ hawˇ-eu sahˬ paˬ-euˬ pyuˇ cehˇ jiˇ laꞈ kʼoeˇ jaˆ-eu pyuˇ hawˇ-eu shuiˇ deuˬ, sahˬ paˬ Tiˇgaˬlaˇpaˬleˬsaˬ-ahˇ laꞈ sawˬ bi biꞈ leˇ-euˬ meh.

2 Laˬsaˬbaˬ 12:10

Shuiˇ neh jahˇ taˬ-euˬ dehˬ daˬ duˬ kʼoeˇ deuˬ dah zaˇ, Leˬhawˇbamˬ gʼaˬ, guiˬ shuiˇ neh dehˬ daˬ duˬ paˇ jahˇ-awˇ, sahˬ paˬ jawˇ-eu nymˇ-euˬ lahˇ kʼehˬ deuˬ-ahˇ loꞈ-eu paw aˬ yuiꞈ geuꞈ-eu yaw huiˬ yaw mahˇ deuˬ-ahˇ a nehˬ-euˬ meh.

Ngoeˇ dawˬ 1:10

Yawꞈ-euˬ pyuˇ shuiˇ myawˬ gahˬ kʼoeˇ taˆ, muiˇ-eu deuˬ aˬ laꞈ cawˬ leꞈ-awˇ, lawˇ ciꞈ zaˬ maˬ ya le-a lehˇ, Sahˬpaˬ Miˬyehˇ daˇ tsehˆ taˬ-euˬ, muiˬ-eu shawˇ-eu jawˇ duˬ laꞈ kʼoeˇ, aˬ cawˬ tsawˇ jeuˬ deuˬ le uˇ gaˇ, aˬ yawꞈ myaˆ nuiˆ ya mawˇ-euˬ meh.