2 Laˬsaˬbaˬ 12:12 - Akha

¹² Sahˬpaˬ Miˬyehˇ mehˬ shi aˬ yawꞈ nui ma nahˬ yu ni taˬ-euˬ miˇ neh, aˬ yawꞈ-euˬ gʼawˇ mawˇ maˬ ya luˬ maˬ ya seˇ-iˇ-ehˇ, Yuˇdaˆ miˇ kʼahˬ kʼawꞈ maˬ piˬ maˬ byoˆ-iˇ ni jaˆ-euˬ meh.

2 Laˬsaˬbaˬ 12:12 Σταυροειδείς Αναφορές

Aˇ dahˬ 18:24

Iˬ baˇ maˬ mˇ-eu tsawˇ haˬ ngaˬ tseˇ gʼaˬ jawˇ lawˬ naˇ kʼawꞈ, meuˬ kʼoeˇ meuˬ meuˬ lah ni nawˇ laˆ cawˆ ma loˇ. Maˬ ngeuˇ naˇ, kʼoeˇ ngaˬ tseˇ gʼaˬ baˬ da neh, meuˬ kʼoeˇ meuˬ-ahˇ nawˇ maˬ laˆ cawˆ ni taˬ nehˬ nmˇ loˇ.

1 Sahˬpaˬ 14:13

Iˇsaˬleˬlaˆ tsawˇ haˬ dawˬ tawˆ luꞈ aˬ yawꞈ gʼaˇ duˬ tsawˇ ngoeˇ ngoeˇ-awˇ, aˬ yawꞈ-ahˇ baꞈ pahˬ tehꞈ-a. Yeˬyawˇbamˬ-euˬ nymˇ jiˇ laꞈ kʼoeˇ, aˬ yawꞈ tiˬ gʼaˬ-ahˇ tehꞈ-ehˇ yaw muiˬ paˬ-ehˇ ya baꞈ pahˬ nehˬ tehꞈ-a. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ nui ma tsaˬ-eu aˬ yawꞈ tiˬ gʼaˬ jawˇ-eu tehꞈ meh.

2 Laˬsaˬbaˬ 12:11

Uˬ duˬ tahˬ nymˇ nymˇ ma-ahˇ sahˬ paˬ kʼaˇ le ngeh, sahˬ paˬ-ahˇ loꞈ piˇ-eu yehˇ deuˬ dehˬ daˬ duˬ kʼoeˇ yuˇ-awˇ aˬ yawꞈ nehˬ-ehˇ le-eu meh. Gʼoꞈ le gʼaˬ ngeh, dehˬ daˬ duˬ kʼoeˇ deuˬ-ahˇ, loꞈ piˇ-eu deuˬ-euˬ lawˆ-ahˇ paˇ yuˇ kʼoꞈ taˬ-iˇ-eu meh.

2 Laˬsaˬbaˬ 19:3

Ehˇ kʼawꞈ, nawˬ-euˬ laꞈ kʼoeˇ yaw muiˬ jeˬ ahˇ-a siˬ. Aˬ jeˬ miˇ neh ehˇ naˇ, miˇ kʼahˬ zaˬ deuˬ uˬ duˬ tahˬ luꞈ-eu Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ dawˬ tawˆ luꞈ-ahˇ nawˇ laˆ cawˆ jiˇ-awˇ, Sahˬpaˬ Miˬyehˇ-euˬ nui noeˬ-ahˇ nawˇ caw teh-euˬ meh.”

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Iˇsaˬyaˇ 6:13

Tseˇ pu-ahˇ tiˬ pu dzeˇ yaꞈ-euˬ kʼawꞈ, paˇ bi puiˆ byoˆ jiˇ tehꞈ-a. Ehˇ kʼawꞈ, tsuiꞈ kaˆ aˇ bawˇ bi tuˇ dzeh ngeh, tsuiꞈ kaˆ sahˬ nyiꞈ tsawˬ tuˇ-ehˇ jaˆ yaꞈ-euˬ loꞈ-ehˇ, muiˬ-eu shawˇ-eu tsawˇ haˬ aˇ yoeˬ, miˇ kʼahˬ kʼoeˇ kʼahˬ laꞈ kʼoeˇ sahˬ nyiꞈ loꞈ-ehˇ dzeˇ yaꞈ tehꞈ-a.” (Sahˬ nyiꞈ-euˬ dawˬ tsuiꞈ-aˬ, Miˬyehˇ-euˬ tsawˇ haˬ yaw shuiꞈ dehꞈ tuˇ laˇ gaˇ ehˇ mawꞈ-eu meh.)

Ngoeˇ dawˬ 3:22

Sahˬpaˬ Miˬyehˇ gʼoeˇ-eu gaˬ-eu, tiˬ jawˇ-iˬ maˬ tsehˆ leˇ nya-ehˇ, aˬ yawꞈ-euˬ gʼawˬ shaˬ gaˬ-eu jeˬ, tiˬ jawˇ-iˬ maˬ tsiˇ leˇ nya-ehˇ,

Ngoeˇ dawˬ 3:33

Tsawˇ haˬ zaˬ bi noeˬ shaˬ-eu lehˇ, daˇ miˬ-ehˇ aˬ yawꞈ maˬ jahˇ-a.

Ngoeˇ dawˬ 3:42

“Nga maꞈ lehˬ-awˇ nawˬ-ahˇ puiˬ-euˬ, nawˇ iˬ baˇ maˬ pyehˬ nehˬ laꞈ-a.

1 Beˬtuˆluˆ 5:6

Miˬyehˇ neh noeˬ taˬ-euˬ aˇ yamˬ tsaˬ laˇ ngeh, aˬ cawˬ kʼoeˇ taˆ naw maꞈ-ahˇ ciˬ huiˬ ciˬ mahˇ nehˬ laꞈ ni, Miˬyehˇ-euˬ baoˬ huiˬ-eu aˬ laꞈ uˬ moˆ naw maꞈ nui ma nahˬ yu ni taˬ-awˬ.