2 Laˬsaˬbaˬ 1:12 - Akha

¹² Ngaˇ nawˬ-ahˇ zaˬ siˬ tsawˇ gahˇ biꞈ ma. Kʼoeˇ uˬ taꞈ, aˇ hu ba neh aˬ kaˇ kaˇ ziˇ keuˆ ni sahˬ paˬ kʼaˇ geuꞈ-eu tsawˇ haˬ deuˬ tiˬ jawˇ-iˬ maˬ za haw-euˬ smˇ muiˬ smˇ baw baw-eu jeˬ maˬ ehˇ, pyuˇ shuiˇ myawˬ gahˬ maˬ ehˇ, tsawˇ myahˇ doˆ-eu jeˬ maˬ ehˇ, ngaˇ nawˬ-ahˇ biꞈ lahˬ nehˬ ma.”

2 Laˬsaˬbaˬ 1:12 Σταυροειδείς Αναφορές

1 Sahˬpaˬ 10:24

Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ jawˇ gaˇ laˇ-awˇ, Miˬyehˇ neh aˬ yawꞈ-ahˇ biꞈ taˬ-euˬ yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ-ahˇ naˇ haˬ geuꞈ laˇ mawꞈ-eu meh.

1 Laˬsaˬbaˬ 29:12

Pyuˇ shuiˇ myawˬ gahˬ hawˇ-eu smˇ muiˬ smˇ baw baw-eu jeˬ dawˬ tawˆ luꞈ, nawˇ jawˇ gaˇ neh doˆ le-euˬ tehꞈ meh. Nawˬ-euˬ gʼaˬ hawˇ-eu nawˬ-euˬ baoˬ-ahˇ gʼoe-awˇ, yawˬ jeˬ na luꞈ-ahˇ nawˇ uˆ lahˇ-eu meh.

1 Laˬsaˬbaˬ 29:25

Iˇsaˬleˬlaˆ tsawˇ jeuˬ jeuˬ lah ni Sawˇlaˬmoˬ-euˬ mehˬ shi yawꞈ-awˇ zahˬ leˇ tsoˆ leˇ jiˇ ni Sahˬpaˬ Miˬyehˇ jahˇ-awˇ, Iˇsaˬleˬlaˆ miˇ kʼahˬ-ahˇ kʼaˇ uˆ lahˇ dzeuˇ yaꞈ-euˬ sahˬ paˬ dawˬ tawˆ luꞈ naˆ maˬ tseˇ, Sawˇlaˬmoˬ-euˬ yaw shehꞈ kʼahˬ sehˇ huiˬ dzehˬ ni aˬ yawꞈ jahˇ-euˬ meh.

2 Laˬsaˬbaˬ 9:22

Sahˬ paˬ Sawˇlaˬmoˬ-aˬ, miˇ tsaˬ kʼoeˇ taˆ kʼaˇ jawˇ-eu sahˬ paˬ dawˬ tawˆ luꞈ naˆ maˬ tseˇ smˇ muiˬ muiˬ dui dui-awˇ, zaˬ siˬ tsawˇ gahˇ ahˇ dzehˬ-eu meh.

Neˬhaˬmiˇ 13:26

Aˬ yawꞈ maꞈ-ahˇ ngaˇ heu loꞈ-ehˇ ehˇ nehˬ-euˬ ma. “Aˬ cawˬ tsawˇ jeuˬ zaˬ miˬ zaˬ baˬ da neh sahˬpaˬ Sawˇlaˬmoˬ iˬ baˇ mˇ-euˬ maˬ ngeuˇ-a loˇ. Aˬ yawꞈ-aˬ, aˬ cawˬ tsawˇ jeuˬ-euˬ sahˬpaˬ deuˬ naˆ maˬ tseˇ huiˬ dzehˬ mahˇ dzehˬ-eu gʼaˬ pyeuꞈ-eu meh. Miˬyehˇ aˬ yawꞈ-ahˇ gaˬ-awˇ Iˇsaˬleˬlaˆ tsawˇ jeuˬ dawˬ tawˆ luꞈ kʼoeˇ taˆ sahˬpaˬ bi geuꞈ-euˬ kʼawꞈ, aˬ cawˬ tsawˇ jeuˬ zaˬ miˬ zaˬ baˬ da neh aˬ yawꞈ kʼoeˇ loꞈ-ehˇ iˬ baˇ mˇ-euˬ meh.

Dawˬ tsoˆ 2:9

Ngaˇ-aˬ, tsawˇ myahˇ huiˬ dui dui-awˇ, Yeˬluˇsaˬlehˬ meuˬ-ahˇ kʼaˇ jawˇ dzeuˇ yaꞈ-euˬ dawˬ tawˆ luꞈ kʼoeˇ taˆ, aˬ cawˬ naˆ maˬ tseˇ tsawˇ myahˇ doˆ-eu gʼaˬ ma. Ngaˬ-euˬ zaˬ siˬ nui gahˇ ngaˬ nehˬ-ehˇ aˬ myah luꞈ jawˇ luꞈ meh.

Dawˬ tsoˆ 5:19

Tsawˇ haˬ tiˬ gʼaˬ-ahˇ Miˬyehˇ pyuˇ shuiˇ myawˬ gahˬ biꞈ naˇ, guiˬ lahˬ-ahˇ noeˬ keuˆ-awˇ, yawˬ ha neh mˇ-euˬ gaˇ-ahˇ laˬ kʼaˬ cehˇ nui kʼahˇ shiˇ-eu tsaˬ meh. Kʼoeˇ-aˬ, Miˬyehˇ neh biꞈ-euˬ laꞈ sawˬ meh.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Eˇpeˇsu 3:20

Aˬ dui maˬ noeˬ keuˆ maˬ shaˇ keuˆ nya gaˇ keuˆ ni, aˬ dui laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ-ahˇ gʼoe-awˇ biꞈ byah nehˬ laꞈ nya-eu gʼaˬ pyeuꞈ-eu

Yaˬkoˆ 1:5

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.