2 Gawˇliˬtu 7:2 - Akha

² Nga maꞈ gʼaˇ duˬ naw maꞈ-euˬ nui ma pah nehˬ laꞈ-awˬ. Tsawˇ haˬ tiˬ gʼaˬ-ahˇ-iˬ nga maꞈ maˬ mˇ lehˬ haw-aˬ. Tsawˇ haˬ tiˬ gʼaˬ-ahˇ-iˬ nga maꞈ maˬ laˆ cawˆ haw-aˬ. Tsawˇ haˬ tiˬ gʼaˬ-ahˇ-iˬ nga maꞈ maˬ myawꞈ maˬ shuiˇ haw-aˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Nga’maf-anr nawmaf-euq nuima pannaeq laf-awq. Nga’maf tiqghaq-anr-iq maq mrlaeq-aq, tiqghaq-anr-iq maq lavcawv-aq, tiqghaq-anr-iq maq shuirdzaq haw-aq.

2 Gawˇliˬtu 7:2 Σταυροειδείς Αναφορές

Bawˇtsahˬ 16:15

Moˇseˬ nui ma pehˇ laˇ-awˇ, Sahˬpaˬ Miˬyehˇ-ahˇ ehˇ nehˬ-eu, “Tsawˇ haˬ heu deuˬ neh yuˇ laꞈ-euˬ lawˇ-eu jeˬ-ahˇ taˬ ha geuꞈ. Aˬ yawꞈ maꞈ kʼoeˇ taˆ yaw lehˬ tiˬ jeˬ-iˬ ngaˇ maˬ mˇ haw-aˬ. Aˬ yawꞈ maꞈ-euˬ mahˬ tahˬ laˆ tiˬ mawˇ tsahˇ geuꞈ taˬ-euˬ kʼawꞈ maˬ jaˆ.”

Maꞈtehˬ 10:14

Nymˇ kʼoeˇ nymˇ-euˬ nymˇ kʼahˬ zaˬ deuˬ maˬ ehˇ, meuˬ kʼoeˇ meuˬ-ahˇ jawˇ-eu tsawˇ haˬ deuˬ maˬ ehˇ, tiˬ gʼaˬ-iˬ naw maꞈ-ahˇ maˬ ha geuꞈ nehˬ laꞈ-ehˇ, naw maꞈ dawˬ mehˬ mehˬ gaˇ maˬ naˇ haˬ nehˬ laꞈ naˇ, kʼoeˇ gaˇ neh doˆ-iˇ ngeh, aˬ kuiˇ pehˬ zaˬ-ahˇ lehꞈ-eu kʼaˬ lehˇ sawˆ kʼaˇ nehˬ yaꞈ-awˬ.

Maꞈtehˬ 10:40

“Naw maꞈ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-awˇ, ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼaˬ-ahˇ ha geuꞈ gaˇ duˇ-eu meh.

Luˇkaꞈ 10:8

Meuˬ aˬ geu meuˬ-ahˇ uˇ leˇ-eu maˬ kaˬ, naw maꞈ-ahˇ ha nehˬ laꞈ naˇ, kʼaˇ bi dzaˬ laꞈ-euˬ jeˬ dzaˬ-awˬ.

Gʼaˬkʼehˇ 20:33

Aˬ cawˬ-euˬ pyuˇ-ahˇ maˬ ehˇ, shuiˇ-ahˇ maˬ ehˇ, dm gʼaˬ dm lmˇ-ahˇ maˬ ehˇ, mehˇ juiˇ juiˇ-eu nui ma ngaˇ maˬ ahˇ.

Lormav 16:18

Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu tsawˇ haˬ deuˬ-aˬ, aˬ dui-euˬ Sahˬpaˬ Yeˬsuˇ Ka li-euˬ gaˇ mˇ-eu maˬ ngeuˇ-a. Yawˬ ha-euˬ uˬ maˆ gʼaˇ duˬ shaˇ noeˬ-awˇ mehˇ shuiˇ shuiˇ-eu laꞈ kʼoeˇ iˬ baˇ maˬ ahˇ-eu tsawˇ haˬ deuˬ-ahˇ sheuˬ bahˬ-eu meh.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

2 Gawˇliˬtu 11:16

Ngaˇ tiˬ poˆ paˇ ehˇ-eu ma. Tsawˇ haˬ tiˬ gʼaˬ-iˬ ngaˬ-ahˇ aˬ dzawˬ nga lehˇ taˬ noeˬ nehˬ laꞈ. Naw maꞈ kʼoeˇ loꞈ-ehˇ maˇ diˇ noeˬ naˇ kʼawꞈ, ngaˇ gʼeh aˬ cawˬ loꞈ-ehˇ kʼahˬ sehˇ ui cuiˆ jehˆ nya paˬ-ehˇ aˬ dzawˬ tiˬ gʼaˬ loꞈ-ehˇ ha geuꞈ nehˬ laꞈ-awˬ.

2 Gawˇliˬtu 11:9

Naw maꞈ nehˬ-ehˇ ngaˇ jawˇ ngeh, pyuˇ loˬ laˇ kʼawꞈ naw maꞈ-ahˇ maˬ shaˇ haw-aˬ. Maˬgeˬdawˇniˆˆ miˇ kʼahˬ-ahˇ neh oe-euˬ aˬ yuiꞈ aˬ nyiˇ Ka li zaˬ deuˬ ngaˇ kʼaˇ loˬ-eu jeˬ sha ha le-euˬ meh. Dzeuˇ laˇ ngeh naw maꞈ-ahˇ tiˬ jeˬ-iˬ maˬ shaˇ haw-euˬ loꞈ-ehˇ, aˬ kaˇ mehˬ hu paw kʼawꞈ maˬ shaˇ ni mˇ daˆ leꞈ ma.

2 Gawˇliˬtu 4:2

Shaꞈ dawˇ paˬ-ehˇ gʼeh-eu zaꞈ taˬ-euˬ jeˬ-ahˇ nga maꞈ tiˬ jawˇ-iˬ maˬ mˇ. Mehˇ shuiˇ shuiˇ-eu jeˬ hawˇ-eu Miˬyehˇ dawˬ kawˬ-ahˇ yuˇ pyawˆ-eu jeˬ nga maꞈ maˬ jahˇ. Yaw tsaˬ yaw dawˇ jeˬ-ahˇ bya cehˆ ni mehˬ-awˇ , nga maꞈ-ahˇ aˬ cawˬ jah coeˇ ni Miˬyehˇ-euˬ mehˬ shi dehꞈ luꞈ-eu ma.

Piˇliˇpiˆ 2:29

Sahˬpaˬ Yeˬsuˇ laꞈ kʼoeˇ aˬ yuiꞈ aˬ nyiˇ tiˬ gʼaˬ loꞈ-ehˇ aˬ yawꞈ-ahˇ laˬ kʼaˬ tiˬ cehˇ ha nehˬ-awˬ. Aˬ yawꞈ loꞈ-ehˇ gʼeh-eu tsawˇ haˬ deuˬ-ahˇ yaw zeu baw-eu tsaˬ meh.

Gawˇlawˇsehˇ 4:10

Ngaˬ nehˬ-ehˇ tiˬ kawˆ loꞈ-ehˇ tawˬ-ahˇ uˇ luꞈ-eu Aˬliˬdaˬguˇ naw maꞈ-ahˇ dawˬ cawˬ puˬ ahˇ laꞈ-euˬ meh. Kʼoeˇ loꞈ-ehˇ duˇ ni, Baˬnaˬbaˇ-euˬ aˬ yuiꞈ aˬ nyiˇ tsaˬ-eu Maˬkuˆ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. (Maˬkuˆ laˇ naˇ, aˬ joˆ-ehˇ ya ha nehˬ-eu gaˇ kawˆ naw maꞈ-ahˇ mehˬ nehˬ gʼaˬ-euˬ ma.)

1 Teˇsaˬloˇni 2:10

Naw maꞈ jawˇ gaˇ nga maꞈ neh mˇ yaꞈ shaˇ yaꞈ-euˬ kʼoeˇ-aˬ, muiˬ-eu shawˇ-eu tsaˬ-eu dawˇ-eu jeˬ pyeuꞈ-awˇ, iˬ baˇ taˬ kʼaˇ maˬ za-eu gaˇ kawˆ naw maꞈ hawˇ-eu Miˬyehˇ siˬ duˬ mawˇ duˬ-euˬ meh.

Piˇleˇmoˬ 1:12

Nymˬ-mˇ ngaˇ aˬ yawꞈ-ahˇ nawˇ jawˇ gaˇ bi gʼoꞈ laˇ-eu ma. Aˬ yawꞈ-ahˇ ngaˇ gaˬ dui dui-eu ma.

Piˇleˇmoˬ 1:17

Kʼoeˇ miˇ neh, nawˇ ngaˬ-ahˇ nawˬ-euˬ gaˇ mˇ cawˬ ma lehˇ sawˇ naˇ, ngaˬ-ahˇ ha geuꞈ-eu loꞈ-ehˇ aˬ yawꞈ-ahˇ ha geuꞈ-awˬ.

2 Yoˇhaˬ 1:10

Kʼoeˇ miˇ neh, Ka li neh mehˬ-euˬ tsoˆ-euˬ jeˬ maˬ yuˇ laꞈ ni naw maꞈ jawˇ gaˇ kʼaˇ laˇ-eu tsawˇ haˬ deuˬ-ahˇ iˇ kahˇ laꞈ kʼoeˇ taˬ ha ahˇ. Dawˬ cawˬ kʼawꞈ taˬ puˬ nehˬ.