2 Gawˇliˬtu 3:3 - Akha

³ Naw maꞈ-aˬ, Ka li neh boꞈ ahˇ leꞈ-awˇ nga maꞈ neh hehˇ leꞈ-euˬ sahˬ boꞈ tiˬ dzeh pyeuꞈ-eu meh. Sahˬ boꞈ heu dzeh-ahˇ sahˬ uiˇ zmˬ-awˇ boꞈ taˬ-euˬ maˬ ngeuˇ-a. Dehꞈ luꞈ-eu Miˬyehˇ-euˬ Yaw sahˇ-ahˇ zmˬ-awˇ boꞈ taˬ-euˬ meh. Kʼaˬ lo teˇ byaꞈ kʼoeˇ taˆ boꞈ taˬ-euˬ maˬ ngeuˇ-a. Tsawˇ haˬ-euˬ nui ma teˇ byaꞈ kʼoeˇ taˆ boꞈ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawmaf-aq, Kali nae nga’maf-anr ghoe-awr boftaq-euq sanqbof ngar-a laer byacaevni javluf-eu mae. Sanquir nae boftaq-euq sanqbof maqngeur-a, daefluf-eu Miqyaer-euq Saflar nae boftaq-euq mae. Khaqlo terbyaf-anr boftaq-euq khawf maqngeur-a, shiqshaq-euq terbyaf pyeuf-eu nuima-euq lafkhoer boftaq-euq sanqbof mae.

2 Gawˇliˬtu 3:3 Σταυροειδείς Αναφορές

Jaceuq 40:8

Miˬyehˇnawˬ-euˬnui kʼahˇbyah ni, ngaˇmˇmawꞈ-eu nui ma ahˇma. nawˬneh mehˬ-euˬtsoˆ-euˬdawˬdeuˬ, nui ma laꞈkʼoeˇboꞈtaˬ-euˬma.

Jaceuq 42:2

Iˇcuꞈmehꞈdui dui-eu loꞈ-ehˇ, dehꞈluꞈ-eu ngaˬ-euˬMiˬyehˇ-ahˇ, ngaˬ-euˬsaꞈlaˇmehꞈluꞈ-eu ma. Nawˬ-euˬmehˬshi ngaˇle keuˆ-awˇ, aˬmyah uˬduˬya tahˬleˇnmˇ.

Jaceuq 84:2

Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ, ngaˇ jawˇ leˇ mawꞈ dui dui miˇ-a. Ngaˬ-euˬ nui ma gʼawˇ mawˇ dawˬ tawˆ luꞈ dehꞈ luꞈ-eu Miˬyehˇ-ahˇ laˬ kʼaˬ tiˬ cehˇ caˇ-awˇ ja ceuˬ-eu ma.

Doˆ-iˇ 24:12

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Gawˬ jawˬ-ahˇ, ngaˇ jawˇ gaˇ daˆ laˇ-awˬ. Nawˇ heu gaˇ laˇ keuˆ-awˇ jawˇ ngeh, Iˇsaˬleˬlaˆ tsawˇ haˬ-ahˇ mehˬ nehˬ tsoˆ nehˬ-eu gʼaˇ duˬ, ngaˬ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ nawˬ-ahˇ ngaˇ biꞈ ma.”

Doˆ-iˇ 31:18

Siˇnaˆ gawˬ jawˬ kʼoeˇ taˆ, Moˇseˬ-ahˇ Miˬyehˇ dawˬ ngehˬ cawˬ gʼaˬ ngeh, Miˬyehˇ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ Moˇseˬ-ahˇ Miˬyehˇ biꞈ nehˬ-euˬ meh.

Doˆ-iˇ 32:15

Nyiˬ paw paˆ luꞈ zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ-ahˇ Moˇseˬ baꞈ-awˇ, gawˬ jawˬ laꞈ oˆ zaꞈ ka-iˇ-euˬ meh.

Doˆ-iˇ 34:1

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Kʼaˬ lo teˇ byaꞈ yaw beh kʼoeˇ nyiˬ byaꞈ-ahˇ duˇ-eu kʼaˬ lo teˇ byaꞈ nyiˬ byaꞈ taꞈ-awˬ. Nawˬ neh laˆ paˆ-euˬ kʼoeˇ nyiˬ byaꞈ kʼoeˇ taˆ boꞈ taˬ-euˬ dawˬ deuˬ, heu nyiˬ byaꞈ kʼoeˇ taˆ ngaˇ paˇ boꞈ ma.

Dawqdaq 3:3

Saˇ jaˇ ziꞈ-eu jeˬ-ahˇ maˬ pyehˬ dzeh-ehˇ nawˬ-euˬ kawˬ lahˇ-ahˇ dah-awˇ, nawˬ-euˬ nui ma-ahˇ boꞈ ahˇ taˬ-awˬ.

Dawqdaq 7:3

Dawˬ kʼoeˇ deuˬ nawˬ-euˬ laꞈ noeˇ laꞈ ma-ahˇ paꞈ tawꞈ taˬ-awˇ, nawˬ-euˬ nui ma laꞈ kʼoeˇ boꞈ ahˇ taˬ-awˬ.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Yeˬlaˬmiˇ 17:1

Sahˬpaˬ Miˬyehˇ ehˇ-eu, “Yuˇdaˆ tsawˇ haˬ deuˬ-oˇ, naw maꞈ-euˬ iˬ baˇ-ahˇ shmˇ sahˬ duˇ neh boꞈ taˬ-euˬ meh. Gʼahˇ dui dui-eu kʼaˬ lo sehˇ daˇ ceh neh naw maꞈ-euˬ nui ma-ahˇ kawˆ boꞈ taˬ-awˇ, naw maꞈ-euˬ lawˇ duˬ laꞈ coeˇ doe ni taꞈ boꞈ taˬ-euˬ meh.

Yeˬlaˬmiˇ 31:33

Iˇsaˬleˬlaˆ tsawˇ haˬ nehˬ-ehˇ ngaˇ dzaˬ-eu lehˇ gʼeh-eu dawˬ ma saˇ jaˇ yaw shuiꞈ-aˬ, heu loꞈ-ehˇ ma. Ngaˬ-euˬ zahˇ dawˬ kʼoꞈ dawˬ aˬ yawꞈ maꞈ laꞈ kʼoeˇ dawˆ ahˇ-awˇ, aˬ yawꞈ maꞈ-euˬ nui ma laꞈ kʼoeˇ boꞈ ahˇ nehˬ ma. Ngaˇ aˬ yawꞈ maꞈ-euˬ Miˬyehˇ pyeuꞈ laˇ-awˇ, aˬ yawꞈ maꞈ-ahˇ ngaˬ-euˬ tsawˇ haˬ bi pyeuꞈ laˇ ma.

Yeˬsaˬgeˬlaˇ 11:19

Aˬ yawꞈ maꞈ-ahˇ ngaˇ nui ma saꞈ laˇ yaw shuiꞈ biꞈ paˇ nehˬ ma. Kʼaˬ lo loꞈ-ehˇ gʼahˇ-eu aˬ yawꞈ maꞈ-euˬ nui ma ngaˇ yuˇ dzeh-awˇ, shaˬ jiˇ loꞈ-ehˇ nahˬ-eu nui ma dawˆ paˇ nehˬ ma.

Daˬyeˬlaˇ 6:26

Ngaˬ-euˬ miˇ kʼahˬ kʼahˬ ma heu kʼahˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, Daˬyeˬlaˇ-euˬ Miˬyehˇ-ahˇ guˆ-awˇ yaw zeu baw-awˬ lehˇ, ngaˇ dawˬ biꞈ-eu ma. “Aˬ yawꞈ dehꞈ-eu Miˬyehˇ pyeuꞈ-awˇ, mˬ maˬ maˬ byaˆ uˆ lahˇ tehꞈ-a. Yawꞈ-euˬ miˇ kʼahˬ maˬ cawˆ-iˇ-ehˇ, yawꞈ-euˬ dzoeˬ dzaˬ maˬ byoˆ-iˇ-a.

Maꞈtehˬ 16:16

Siˇmoˬ Beˬtuˆluˆ ehˇ-eu, “Nawˇ-aˬ, Dehꞈ luꞈ-eu Miˬyehˇ-euˬ Zaˬmaˇ pyeuꞈ-eu Meˬsiˇya meh.”

1 Gawˇliˬtu 3:5

Aˬpawˇluˆ aˬ suˇ gʼaˬ-a. Pawˇluˆ aˬ suˇ gʼaˬ-a. Nga nyaꞈ-aˬ, naw maꞈ jah laˇ ni sheuˬ gʼeh nehˬ-eu Miˬyehˇ-euˬ zaˬ kʼaˆ pyeuꞈ-eu tehꞈ ma. Nyiˬ gʼaˬ luꞈ yawˬ ha-ahˇ Miˬyehˇ neh kʼaˇ bi mˇ laꞈ-euˬ jeˬ mˇ-eu tehꞈ ma.

2 Gawˇliˬtu 3:6

Boꞈ doˆ taˬ-euˬ zahˇ dawˬ kʼoꞈ dawˬ-ahˇ maˬ taꞈ-ehˇ, Yaw sahˇ Miˬyehˇ-ahˇ taꞈ-eu dawˬ ma saˇ jaˇ yaw shuiꞈ gʼaˇ duˬ nga maꞈ gaˇ mˇ nya ni Miˬyehˇ neh jahˇ nehˬ laꞈ-euˬ meh. Boꞈ doˆ taˬ-euˬ zahˇ dawˬ kʼoꞈ dawˬ-aˬ, bi shiˇ-eu jeˬ pyeuꞈ-eu meh. Ehˇ kʼawꞈ Yaw sahˇ Miˬyehˇ-aˬ, bi dehꞈ laˇ-eu jeˬ pyeuꞈ-eu meh.

2 Gawˇliˬtu 3:7

Zahˇ dawˬ kʼoꞈ dawˬ kʼoeˇ-aˬ, kʼaˬ lo kʼoeˇ taˆ taꞈ boꞈ taˬ-awˇ, Zahˇ dawˬ kʼoꞈ dawˬ kʼoeˇ biꞈ le ngeh, Miˬyehˇ-euˬ yaw shehꞈ kʼahˬ sehˇ doˆ le-euˬ meh. Moˇseˬ-euˬ myaˆ pyawˬ kʼoeˇ taˆ bya-eu yaw shehꞈ kʼoeˇ-aˬ, tiˬ kʼehˇ laˇ kʼehˬ tehꞈ-ehˇ gmˬ-eu yaw shehꞈ pyeuꞈ kʼawꞈ, yaw shehꞈ aˇ dzehˬ-ehˇ kʼaˆ-eu miˇ neh Iˇsaˬleˬlaˇ tsawˇ haˬ deuˬ Moˇseˬ-euˬ myaˆ pyawˬ-ahˇ maˬ haw peuˬ-a. Shiˇ-eu jeˬ bi keuˆ le-eu Zahˇ dawˬ kʼoꞈ dawˬ kʼawꞈ, kʼoeˇ naˆ naˆ-ehˇ gʼeh-eu yaw shehꞈ kʼahˬ sehˇ laꞈ kʼoeˇ oe-euˬ ngeuˇ naˇ,

2 Gawˇliˬtu 6:16

Miˬyehˇ-euˬ uˬ duˬ tahˬ nymˇ hawˇ-eu lawˇ ciꞈ zaˬ-euˬ tahˬ pahˬ aˬ ma mawˇ kawˇ aˬ joˆ-ehˇ tiˬ gaˇ jaˆ nya nmˇ. Aˬ dui-aˬ, dehꞈ luꞈ-eu Miˬyehˇ-euˬ uˬ duˬ tahˬ nymˇ pyeuꞈ-eu ma. Jaˇliꞈ laꞈ kʼoeˇ Miˬyehˇ heu loꞈ-ehˇ ehˇ taˬ-euˬ meh. “Ngaˬ-euˬ tsawˇ haˬ nehˬ-ehˇ jawˇ-awˇ, yawꞈ maꞈ nehˬ-ehˇ cah ma. Ngaˇ yawꞈ maꞈ-euˬ Miˬyehˇ geuꞈ-awˇ, yawꞈ maꞈ ngaˬ-euˬ tsawˇ haˬ geuꞈ ma.”

1 Teˇsaˬloˇni 1:9

Nga maꞈ naw maꞈ jawˇ gaˇ oe ngeh naw maꞈ neh nga maꞈ-ahˇ aˬ joˆ-ehˇ ha geuꞈ nehˬ laꞈ-euˬ gaˇ kawˆ hawˇ-eu, maˇ maˇ ni gʼeh-eu dehꞈ luꞈ-eu Miˬyehˇ-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ-ahˇ naw maꞈ aˬ joˆ-ehˇ byehˇ dzeh-euˬ gaˇ kawˆ, tsawˇ haˬ kʼoeˇ deuˬ dawˬ tawˆ luꞈ ja luꞈ-eu meh.

HeˬByehˇ 10:16

“Sahˬpaˬ Miˬyehˇ ehˇ-eu, Dawˬ ma saˇ jaˇ heu hmˬ, mehˬ hu paw-euˬ aˇ yamˬ laꞈ kʼoeˇ, aˬ yawꞈ maꞈ nehˬ-ehˇ ngaˇ dzaˬ ma. Aˬ yawꞈ maꞈ-euˬ nui noeˬ laꞈ kʼoeˇ, zahˇ dawˬ kʼoꞈ dawˬ dawˆ ahˇ nehˬ-awˇ, nui ma laꞈkʼoeˇ boꞈ myahˬ nehˬ ma.”

HeˬByehˇ 8:10

Nymˬ-mˇ dawˬ ma saˇ jaˇ heu hmˬ, aˬ kaˇ mehˬ hu aˇ yamˬ laꞈ kʼoeˇ, Iˇsaˬleˬlaˇ tsawˇ haˬ nehˬ-ehˇ, ngaˇ dzaˬ taꞈ mˇ taꞈ geuꞈ ma lehˇ, Sahˬpaˬ Miˬyehˇ ehˇ taˬ-euˬ meh. Aˬ yawꞈ maꞈ-euˬ nui noeˬ laꞈ kʼoeˇ, zahˇ dawˬ kʼoꞈ dawˬ dawˆ ahˇ nehˬ-awˇ, nui ma laꞈ kʼoeˇ boꞈ myahˬ nehˬ ma. Ngaˇ yawꞈ maꞈ-euˬ Miˬyehˇ geuꞈ-awˇ, Yawꞈ maꞈ ngaˬ-euˬ tsawˇ haˬ geuꞈ ma.

HeˬByehˇ 9:14

Kʼoeˇ loꞈ-ehˇ jahˇ-eu baˬ da neh shawˇ laˇ nya naˇ, Ka li-euˬ shiˬ baˬ da neh aˇ naˆ ni paˇ shawˇ dzehˬ laˇ nmˇ. Mˬ maˬ maˬ byaˆ zaˇ ziˇ dehꞈ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, byah dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ Miˬyehˇ-ahˇ damˬ nehˬ-euˬ meh. Dehꞈ luꞈ-eu Miˬyehˇ-euˬ nui kʼahˇ aˬ dui mˇ nya ni, gaˇ dahˇ maˬ tsoeˬ-eu zahˇ sahˇ kʼoꞈ kʼoeˇ deuˬ neh maˬ shawˇ nehˬ laꞈ nya-euˬ aˬ dui-euˬ nui ma-ahˇ aˬ yawꞈ shawˇ nehˬ laꞈ tehꞈ-a.

Yawˇshuˆ 3:10

Naw maꞈ mehˬ hu paw le gʼeh leꞈ-eu nehˬ ehˇ, Kaˬnaˬ tsawˇ jeuˬ, Heˇtaˆ tsawˇ jeuˬ, Hiˇbiˇ tsawˇ jeuˬ, Paˬyehˆ tsawˇ jeuˬ, Geuˬgaˬshaˆ tsawˇ jeuˬ, Aˬmawˇliˆ tsawˇ jeuˬ hawˇ-eu, Yeˬbuˇ tsawˇ jeuˬ heu deuˬ-ahˇ, aˬ yawꞈ aˬ diˇ aˬ maˇ teh doˆ gʼeh tehꞈ-a. Miˇ tsaˬ dawˬ tawˆ luꞈ-ahˇ uˆ lahˇ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ,

Panmaeq 2:1

Eˇpeˇsu meuˬ-ahˇ jawˇ-eu Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-euˬ gʼahˇ ceh cah luꞈ-eu gʼaˬ-euˬ dawˬ meh.

Panmaeq 2:12

Beˬlaˬgaˬ meuˬ-ahˇ jawˇ-eu Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, mi seuˬ nyiˬ pyawˬ tsoꞈ-eu mi cehˇ jaˆ-eu gʼaˬ-euˬ dawˬ meh.

Panmaeq 2:18

“Saˬdiˬlehˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, myaˆ nuiˆ miˬ dzaˬ loꞈ-ehˇ nyehˆ-awˇ, aˬ kuiˇ guiˬ shuiˇ jeˬ ba taˬ-euˬ loꞈ-ehˇ guiˇ nyiˬ ni gʼeh-eu gʼaˬ pyeuꞈ-eu Miˬyehˇ-euˬ Zaˬmaˇ-euˬ dawˬ meh.

Panmaeq 2:8

“Saˬmuˇlaˬnaˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu, shiˇ-awˇ paˇ gʼoꞈ dehꞈ laˇ-euˬ gʼaˬ-euˬ dawˬ meh.

Panmaeq 3:1

“Saˬdiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, Miˬyehˇ-euˬ Yaw sahˇ shiꞈ sahˇ jawˇ-awˇ, aˬ guiˇ shiꞈ siˬ jaˆ-eu gʼaˬ-euˬ dawˬ meh. Nawˇ aˬ jeˬ mˇ luꞈ-eu gaˇ kawˆ ngaˇ siˬ nya ma. Nawˇ-aˬ, shiˇ-euˬ kʼawꞈ, dehꞈ luꞈ-eu meh lehˇ aˬ cawˬ sawˇ taˬ-euˬ meh.

Panmaeq 3:14

“Lawˬdiˬciˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, saˇ jaˇ ziꞈ-eu laꞈ kʼoeˇ dawˇ coe ni saˇ kiˇ kamˬ-eu gʼaˬ pyeuꞈ-awˇ, Miˬyehˇ neh kʼaˇ beh taˬ-eu jeˬ dawˬ tawˆ luꞈ kʼoeˇ taˆ uˆ lahˇ-eu, Aˬmiˬ lehˇ kuˇ-eu gʼaˬ-euˬ dawˬ meh.

Panmaeq 3:22

“Nawˇ naˬ bawˇ tsoꞈ-eu ngeuˇ naˇ, Yaw sahˇ Miˬyehˇ neh Ka li zaˬ aˇ muˇ deuˬ-ahˇ ehˇ nehˬ-euˬ dawˬ-ahˇ naˇ haˬ-awˬ.

Panmaeq 3:7

“Piˇlaˬdeˬpiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, muiˬ-eu shawˇ-eu tsaˬ-eu dawˇ-eu gʼaˬ pyeuꞈ-awˇ, Daˬbiˇ-euˬ mahˬ tawꞈ kahˬ tuˆ tehˬ taˬ-awˇ, aˬ yawꞈ laˇ gʼoˆ pah ngeh tsawˇ haˬ tiˬ gʼaˬ-iˬ maˬ piˬ tehꞈ kʼoꞈ nya-eu uˬ taꞈ, aˬ yawꞈ laˇ gʼoˆ piˬ tehˬ ngeh tsawˇ haˬ tiˬ gʼaˬ-iˬ maˬ pah nya-eu gʼaˬ-euˬ dawˬ meh.

1 Saˬmeuˬlaˆ 17:26

Aˬ yawꞈ dawˬ peh jawˇ-eu deuˬ-ahˇ Daˬbiˇ naˇ haˬ-eu, “Tsawˇ haˬ heu gʼaˬ-ahˇ sehꞈ-awˇ, Iˇsaˬleˬlaˆ miˇ kʼahˬ-ahˇ noeˬ shaˬ noeˬ zahˬ-eu jeˬ laꞈ kʼoeˇ neh ka kʼoꞈ nehˬ nya-eu gʼaˬ aˬ jeˬ laꞈ sawˬ za meh ehˇ ta lehˇ. Dehꞈ luꞈ-eu Miˬyehˇ-euˬ guiˇ maꞈ-ahˇ guˇ guˇ-ehˇ lmˬ paˬ-ehˇ, Miˬyehˇ-ahˇ maˬ siˬ nya-eu teu loꞈ-ehˇ gʼeh-eu lawˇ ciꞈ ciꞈ kʼaˆ pyeuꞈ-eu Piˇliˇtiˆ tsawˇ haˬ teu gʼaˬ aˬ pa jeˬ-a.”