2 Gawˇliˬtu 2:14 - Akha

¹⁴ Ehˇ kʼawꞈ, Miˬyehˇ-euˬ guiˬ lahˬ-ahˇ ja ceuˬ-eu ma. Aˬ jeˬ miˇ neh ehˇ naˇ, Ka li laꞈ kʼoeˇ aˬ dui gʼaˬ leˇ nya ni aˬ yawꞈ sheuˬ gʼeh nehˬ laꞈ-awˇ, tsiˇ yaw saw jeˬ yawˬ gaˇ na luꞈ saw keuˆ-iˇ-eu loꞈ-ehˇ, Ka li-ahˇ siˬ nya-eu jeˬ yawˬ gaˇ na luꞈ byah-iˇ ni nga maꞈ-ahˇ aˬ yawꞈ zmˬ nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aerkhawf, Miqyaer-anr jaceuq ma. Aqyawf, aqmyanluf Kali-anr ghoe-awr ghaqler-eu lafkhoer, aqdui-anr sheuqghae naeqlaf luf-eu mae. Kali-anr siqnya-eu tsawrganr-euq baqda’nae dovlar-eu yawsaw jeq, Miqyaer, aqdui-anr ghoe-awr yawqgar navluf bi sawkeuv-ir luf-eu mae.

2 Gawˇliˬtu 2:14 Σταυροειδείς Αναφορές

Jaceuq 106:47

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ-ahˇ ka kʼoꞈ nehˬ laꞈ. Nga maꞈ nawˬ-ahˇ guiˬ lahˬ huiˬ-awˇ, muiˬ-eu shawˇ-eu nawˬ-euˬ tsawˇ myahˇ-ahˇ ja ceuˬ nya ni, tsawˇ jeuˬ teu myaˆ ni gʼeh-eu yaw kaˬ-ahˇ jawˇ luꞈ-eu, nga maꞈ-ahˇ sheuˬ kʼoꞈ doˆ nehˬ laꞈ.

Jaceuq 148:14

Aˬ yawꞈ-euˬ tsawˇ jeuˬ-ahˇ aˬ yawꞈ gʼaˬ bi kʼaˆ laˇ-euˬ meh. Kʼoeˇ miˇ neh aˬ yawꞈ-euˬ tsawˇ haˬ deuˬ aˬ yawꞈ-ahˇ ja ceuˬ-awˬ. Aˬ yawꞈ-ahˇ peh-eu Iˇsaˬleˬlaˆ tsawˇ haˬ deuˬ aˬ yawꞈ-ahˇ ja ceuˬ-awˬ. Sahˬpaˬ Miˬyehˇ-ahˇ ja ceuˬ-awˬ.

Dawˬ caˇ 1:3

Nawˬ-euˬ gʼawˇ mawˇ tiˬ jawˬ saw dui dui-awˇ, nawˬ-euˬ tsawˇ myahˇ tsiˇ yaw saw shehˆ kʼaˇ gaˇ duˇ nya. Nawˬ-ahˇ maˬ mawꞈ-eu zaˬ miˬ zaˬ maˬ jawˇ-a.

Yeˬsaˬgeˬlaˇ 20:41

Naw maꞈ cehˆ byaˆ taˬ-euˬ miˇ kʼahˬ deuˬ laꞈ kʼoeˇ neh, naw maꞈ-ahˇ ngaˇ sheuˬ kʼoꞈ uiˬ laꞈ ngeh, naw maꞈ neh lawˇ-euˬ miˬ dzaˬ-ahˇ dzah puiˆ-awˇ lawˇ-eu jeˬ-ahˇ ngaˇ ha geuꞈ-awˇ, ngaˇ muiˬ-eu shawˇ-eu gaˇ kawˆ miˇ kʼahˬ tsawˇ jeuˬ deuˬ ya mawˇ duˬ tehꞈ-a.

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Lormav 1:8

Yeˬsuˇ Ka li-ahˇ gʼoe-awˇ, naw maꞈ-euˬ gʼaˇ duˬ Miˬyehˇ-ahˇ guiˬ lahˬ huiˬ-eu dawˬ huˬ teˇ ngehˬ-eu ma. Aˬ jeˬ miˇ neh ehˇ naˇ, naw maꞈ jah-eu gaˇ kawˆ, miˇ kʼahˬ dawˬ tawˆ luꞈ gaˬ byah jiˇ-euˬmeh.

Lormav 15:19

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ nya-eu baoˬ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ mˇ-euˬ jeˬ pyeuꞈ-eu meh. Yeˬluˇsaˬlehˬ meuˬ-ahˇ neh Iˇluˇliˆ miˇ kʼahˬ-ahˇ keuˆ ni iˇ-euˬ gaˇ pehˇ kahˇ li, Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ doe-euˬ ma.

Lormav 6:17

Ehˇ kʼawꞈ, Miˬyehˇ-euˬ guiˬ lahˬ yaw dzahˇ-ahˇ ja ceuˬ-eu tsaˬ meh. Aˬ jeˬ miˇ neh ehˇ naˇ, dzeuˇ laˇ ngeh naw maꞈ iˬ baˇ-euˬ zaˬ kʼaˆ pyeuꞈ-euˬ kʼawꞈ, naw maꞈ-ahˇ mehˬ nehˬ tsoˆ nehˬ-euˬ laꞈ kʼoeˇ ya mawˇ taˬ-euˬ yaw tsaˬ yaw dawˇ jeˬ-ahˇ nui ma laꞈ kʼoeˇ keuˆ ni naw maꞈ naˇ haˬ geuꞈ-euˬ meh.

Lormav 8:37

Maˬ ngeuˇ. Aˬ dui-ahˇ gaˬ-eu gʼaˬ baˬ da neh kʼoeˇ deuˬ dawˬ tawˆ luꞈ-ahˇ aˬ dui yaw muiˬ paˬ-ehˇ gʼaˬ leˇ-euˬ ma.

1 Gawˇliˬtu 12:8

Tiˬ gʼaˬ-ahˇ yaw muiˬ yaw doeˇ tseˇ paˆ geuꞈ-eu nui gahˇ ahˇ-eu dawˬ mehˬ nya-eu jeˬ biꞈ-awˇ, tiˬ gʼaˬ-ahˇ zaˬ siˬ tsawˇ gahˇ ahˇ-eu dawˬ mehˬ nya-eu jeˬ biꞈ taˬ-euˬ meh. Kʼoeˇ nyiˬ jeˬ luꞈ-ahˇ Yaw sahˇ Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh.

1 Gawˇliˬtu 15:37

Cehˇ siˬ yoeˬ maˬ ngeuˇ naˇ nui jeˬ siˬ yoeˬ naw maꞈ sehꞈ ngeh, naw maꞈ neh sehˬ-euˬ kʼoeˇ-aˬ, aˇ nuiˆ tehꞈ meh. Dehꞈ laˇ mehˇ laˇ gʼaˬ-euˬ aˇ bawˬ sehˬ-eu maˬ ngeuˇ-a.

1 Gawˇliˬtu 15:57

Ehˇ kʼawꞈ, Sahˬpaˬ Yeˬsuˇ ka li-ahˇ gʼoe-awˇ aˬ dui-ahˇ gʼaˬ leˇ-eu jeˬ biꞈ laꞈ-euˬ Miˬyehˇ-aˬ, guiˬ lahˬ huiˬ luꞈ-uˇ.

2 Gawˇliˬtu 8:16

Ngaˇ naw maꞈ gʼaˇ duˬ nui ma keuˆ-eu loꞈ-ehˇ, Tiˇtuˆ kʼawꞈ nui ma keuˆ ni Miˬyehˇ jahˇ-euˬ miˇ neh, Miˬyehˇ-euˬ guiˬ lahˬ-ahˇ ja ceuˬ ngeh maˬ jiˇ nya.

2 Gawˇliˬtu 9:15

Miˬyehˇ aˬ dui-ahˇ maˬ ehˇ jiˇ coeˇ-eu laꞈ sawˬ biꞈ laꞈ-euˬ miˇ neh, aˬ yawꞈ-euˬ guiˬ lahˬ-ahˇ ja ceuˬ kaˇ-euˇ.

Eˇpeˇsu 5:2

Ka li aˬ dui-ahˇ gaˬ-eu miˇ neh, Miˬyehˇ nui kʼahˇ shiˇ-eu saw dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ aˬ dui gʼaˇ duˬ lawˇ nehˬ-euˬ gaˇ duˇ ni, gʼoeˇ-eu gaˬ-eu jeˬ laꞈ kʼoeˇ dehꞈ gʼeh-awˬ.

Eˇpeˇsu 5:20

A dui-euˬ Sahˬpaˬ Yeˬsuˇ Ka li-euˬ tsawˇ myahˇ laꞈ kʼoeˇ yawˬ jeˬ na luꞈ gʼaˇ duˬ Aˬda Miˬyehˇ-euˬ guiˬ lahˬ-ahˇ ja ceuˬ-awˬ.

Piˇliˇpiˆ 4:18

Naw maꞈ neh kʼaˇ biꞈ laꞈ-euˬ yawˬ jeˬ na luꞈ gʼaˇ duˬ, guiˬ lahˬ huiˬ-eu dawˬ tsaꞈ ahˇ laꞈ-eu ma. Ngaˇ loˬ-eu myaˆ maˬ tseˇ naw maꞈ ngaˬ-ahˇ biꞈ laˬ-euˬ meh. Naw maꞈ neh biꞈ laꞈ-euˬ laꞈ sawˬ deuˬ-ahˇ Iˇbaˬpawˬdiˇ neh hehˇ keuˆ nehˬ leꞈ-euˬ miˇ neh, ngaˇ kʼaˇ loˬ-eu jeˬ nymˬ-mˇ byah miˇ-a. Laꞈ sawˬ heu deuˬ-aˬ, Miˬyehˇ nui kʼahˇ shiˇ-awˇ ha geuꞈ-euˬ saw dui dui-eu lawˇ-eu jeˬ pyeuꞈ-eu meh.

Gawˇlawˇsehˇ 1:23

Naw maꞈ jah-eu jeˬ laꞈ kʼoeˇ ziꞈ dah ni ya dehꞈ daˆ gʼeh-awˇ, Laˬ kʼaˬ cehˇ-eu Guiˬ lahˬ dawˬ ya gaˬ ngeh za taˬ-euˬ noeˬ tmˬ-eu jeˬ poˆ poˆ laˆ laˆ-ehˇ maˬ ya bi gʼeh-a. Ngaˇ Pawˇluˆ zaˬ kʼaˆ geuꞈ luꞈ-eu heu-aˬ, miˇ tsaˬ kʼoeˇ taˆ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ mehˬ nehˬ-euˬ Laˬ kʼaˬ cehˇ-eu Guiˬ lahˬ dawˬ heu-euˬ gʼaˇ duˬ ma.

Gawˇlawˇsehˇ 1:6

Miˬyehˇ-euˬ guiˬ lahˬ yaw dzahˇ gaˇ kawˆ naw maꞈ gaˬ dahˬ beh-awˇ yaw muiˬ paˬ-ehˇ ya siˬ duˬ ngeh nah neh naw maꞈ kʼoeˇ taˆ muiˬ-eu guiˬ lahˬ gʼawˬ mya jeˬ keuˆ le luꞈ-eu loꞈ-ehˇ, Laˬ kʼaˬ cehˇ-eu Guiˬ lahˬ dawˬ-aˬ, tsawˇ haˬ zaˬ kʼoeˇ taˆ muiˬ-eu guiˬ lahˬ gʼawˬ mya jeˬ maˬ tsehˆ leˇ ni bi keuˆ le luꞈ-awˇ, miˇ kʼahˬ doe ni gaˬ byah-iˇ luꞈ-eu meh.

Gawˇlawˇsehˇ 2:15

Laꞈ yaꞈ kʼoeˇ-euˬ kʼoeˇ taˆ, mˬ hawˇ-eu miˇ yaw kaˬ-ahˇ uˆ lahˇ luꞈ-eu yaw sahˇ deuˬ hawˇ-eu baoˬ deuˬ-euˬ aˬ laꞈ laꞈ kʼoeˇ, Ka li yawˬ haˇ yawˬ ha bi buˬ-iˇ-euˬ meh. Aˬ yawꞈ gʼaˬ leˇ-euˬ bawˬ-iˬ gʼeh ngeh miˇ kʼahˬ zaˬ deuˬ bi haw-eu gʼaˇ duˬ, aˬ yawꞈ maꞈ-ahˇ paꞈ-awˇ tsahˇ tsahˇ-ehˇ cah-euˬ meh.

1 Teˇsaˬloˇni 1:8

Aˬ jeˬ miˇ neh ehˇ naˇ, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ doe ni, Sahˬpaˬ Yeˬsuˇ gaˇ kawˆ guiˬ lahˬ dawˬ gaˬ keuˆ-iˇ-euˬ kʼoeˇ-aˬ, naw maꞈ baˬ da neh gaˬ keuˆ-iˇ-euˬ uˬ jeˬ pyeuꞈ-eu uˬ taꞈ, naw maꞈ Miˬyehˇ-ahˇ jah-eu gaˇ kawˆ yawˬ gaˇ na luꞈ gaˬ doe-iˇ-euˬ meh. Kʼoeˇ miˇ neh, nga maꞈ tiˬ jeˬ-iˬ ehˇ kʼaˇ maˬ paˇ za miˇ-a.

1 Teˇsaˬloˇni 3:9

Naw maꞈ gʼaˇ duˬ Miˬyehˇ-euˬ guiˬ lahˬ-ahˇ nymˬ-mˇ nga maꞈ ja ceuˬ-eu ma. Naw maꞈ baˬ da neh aˬ yawꞈ-euˬ mehˬ shi nga maꞈ laˬ kʼaˬ ya cehˇ-eu miˇ neh, aˬ yawꞈ-euˬ guiˬ lahˬ-ahˇ ja ceuˬ-eu ma.

1 Tiˆmoˇseˬ 2:8

Ka li zaˬ aˇ muˇ uˬ duˬ kʼaˇ tahˬ ngeh, kʼaˬ dzeˇ zaˬ deuˬ-ahˇ guiˬ lahˬ bi shaˇ mawꞈ-eu ma. Yawˬ ha-euˬ gʼawˇ mawˇ Miˬyehˇ-ahˇ a nehˬ taˬ-euˬ tsawˇ haˬ deuˬ pyeuꞈ-eu, nui ma maˬ pehˇ-eu uˬ taꞈ, tsawˇ pyehˇ maˬ pyehˇ ni aˬ laꞈ baꞈ diˇ-awˇ guiˬ lahˬ shaˇ nya-eu tsawˇ haˬ deuˬ guiˬ lahˬ bi shaˇ mawꞈ-eu ma.

2 Tiˆmoˇseˬ 2:2

Tsawˇ kaˬ gʼawˬ mya ni-euˬ mehˬ shi ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ yuˇ-awˇ, aˬ cawˬ-ahˇ mehˬ nehˬ tsoˆ nehˬ nya-eu jah coeˇ paˬ-ehˇ gʼeh-eu tsawˇ haˬ deuˬ-ahˇ a nehˬ-awˬ.

Panmaeq 7:12

Aˬ yawꞈ maꞈ ehˇ-eu, “Aˬ miˬ. Ja ceuˬ-eu jeˬ, yaw shehꞈ kʼahˬ sehˇ, zaˬ siˬ tsawˇ gahˇ, guiˬ lahˬ-ahˇ ja ceuˬ-eu jeˬ, taˬ huiˬ taˬ mahˇ-eu jeˬ, baoˬ hawˇ-eu gʼaˬ dawˬ tawˆ luꞈ, mˬ maˬ maˬ byaꞈ zaˇ ziˇ aˬ dui-euˬ Miˬyehˇ-ahˇ oꞈ-eu meh. Aˬ miˬ.”