1 Tiˆmoˇseˬ 4:3 - Akha

³ Sheuˬ dahˬ dzaˬ taꞈ-eu maˬ tsaˬ-a lehˇ mehˬ-eu uˬ taꞈ, dzaˬ dzaˬ dawˇ dawˇ tiˬ paˆ na deuˬ-ahˇ maˬ dzaˬ kʼmˬ-a lehˇ aˬ yawꞈ maꞈ mehˬ-eu meh. Ehˇ kʼawꞈ, dzaˬ dzaˬ dawˇ dawˇ kʼoeˇ deuˬ-aˬ, yaw tsaˬ yaw dawˇ jeˬ-ahˇ siˬ nya laˇ-euˬ tsawˇ haˬ deuˬ Miˬyehˇ-euˬ guiˬ lahˬ-ahˇ ja ceuˬ gʼaˬ-awˇ bi dzaˬ-eu gʼaˇ duˬ Miˬyehˇ neh beh taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Miqzaq taqsheuq, smrmir taqir laer aqyawfmaf aer-awr, khoerjeq heujeq maq dzaqkhmq-a laer aer-eu mae. Yawtsaq yawdawr-anr jan-awr siqnya-eu tsawrhaq-aq, Miqyaer-anr jaceuq-awr dzaq nar-aq, dzaqdzaq dawrdawr khoerdeuq-aq, Miqyaer nae baetaq-euq mae.

1 Tiˆmoˇseˬ 4:3 Σταυροειδείς Αναφορές

Aˇ dahˬ 9:3

Kʼoeˇ deuˬ-ahˇ maˬ ehˇ, sahˬ lahˬ gʼawˬ daˇ deuˬ-ahˇ maˬ ehˇ, naw maꞈ dzaˬ nya tehꞈ-a. Kʼoeˇ deuˬ dawˬ tawˆ luꞈ naw maꞈ bi dzaˬ-eu gʼaˇ duˬ, naw maꞈ-ahˇ ngaˇ biꞈ-eu ma.

Dawˬ tsoˆ 5:18

Ngaˇ heu loꞈ-ehˇ noeˬ duˬ taˬ-euˬ ma. Muiˬ dzehˬ-eu jeˬ-aˬ, Miˬyehˇ aˬ dui-ahˇ miˇ tsaˬ kʼoeˇ taˆ tiˬ kʼehˇ laˇ kʼehˬ yaw dehꞈ bi dehꞈ laꞈ ngeh, dzaˬ byawˬ dawˇ byawˬ-awˇ, aˬ dui neh mˇ-euˬ gaˇ-ahˇ nui kʼahˇ shiˇ-eu jeˬ muiˬ dzehˬ meh.

Daˬyeˬlaˇ 11:37

Aˬ yawꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ hawˇ-eu zaˬ miˬ zaˬ deuˬ gaˬ-eu miˬ yehˇ-ahˇ, aˬ yawꞈ myaˆ maˬ haw cawˬ ni jawˇ tehꞈ-a. Miˬyehˇ dawˬ tawˆ luꞈ naˆ maˬ tseˇ aˬ yawꞈ huiˬ dzehˬ ma lehˇ noeˬ-awˇ, miˬ yehˇ-ahˇ miˬ yehˇ lehˇ maˬ sawˇ ni dehꞈ tehꞈ-a.

Maꞈtehˬ 14:19

Tsawˇ haˬ aˇ maꞈ-ahˇ, daˬ zawˬ deh kʼoeˇ taˆ nuiˇ-eu gʼaˇ duˬ, Yeˬsuˇ dawˬ biꞈ-euˬ meh. Kʼoeˇ naˇ, kaˬ muˇ kʼoeˇ ngaˬ yaˆ hawˇ-eu ngaˬ shaˬ kʼoeˇ nyiˬ mawˇ aˬ yawꞈ yuˇ-awˇ, mˬ paw gʼawˇ leuˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, kaˬ muˇ kʼoeˇ deuˬ aˬ yawꞈ ngawˬ pyehˬ-awˇ, zaˬ lahˇ deuˬ-ahˇ biꞈ nehˬ-awˇ, tsawˇ haˬ aˇ maꞈ-ahˇ bi biˇ nehˬ-euˬ meh.

Maꞈtehˬ 15:11

Tsawˇ haˬ zaˬ-ahˇ maˬ shawˇ ni bi pyeuꞈ-iˇ-eu jeˬ-aˬ, kʼaˬ meh laꞈ kʼoeˇ ahˇ-iˇ-eu jeˬ maˬ ngeuˇ-a. Kʼaˬ meh laꞈ kʼoeˇ neh doˆ le-euˬ jeˬ meh.”

Maꞈtehˬ 15:36

Kʼoeˇ naˇ, kaˬ muˇ kʼoeˇ shiꞈ yaˆ hawˇ-eu ngaˬ shaˬ kʼoeˇ deuˬ aˬ yawꞈ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ gʼaˬ miˇ tsa, ngawˬ pyehˬ-awˇ, zaˬ lahˇ deuˬ-ahˇ biꞈ-awˇ, tsawˇ haˬ aˇ maꞈ-ahˇ bi biˇ nehˬ-euˬ meh.

Luˇkaꞈ 24:30

Aˬ yawꞈ nyaꞈ nehˬ-ehˇ hawˬ jawˬ jawˬ leˇ ngeh, aˬ yawꞈ kaˬ muˇ yuˇ-awˇ dawˬ ngehˬ gʼeh nehˬ-euˬ meh. Kʼoeˇ naˇ, ngawˬ pyehˬ-awˇ aˬ yawꞈ nyaꞈ-ahˇ biˇ nehˬ-euˬ meh.

Yoˇhaˬ 6:23

Ehˇ kʼawꞈ, Sahˬpaˬ Yeˬsuˇ neh Miˬyehˇ-euˬ guiˬ lahˬ-ahˇ ja ceuˬ-awˇ aˬ yawꞈ maꞈ kaˬ muˇ dzaˬ-euˬ jawˇ duˬ kʼoeˇ tsahˇ-euˬ dawˬ peh, Deˬbeˬliˇ meuˬ-ahˇ neh lawˬ tiˬ deuˬ oe-euˬ meh.

Gʼaˬkʼehˇ 27:35

Kʼoeˇ loꞈ-ehˇ ehˇ gʼaˬ naˇ, Pawˇluˆ kaˬ muˇ yuˇ-awˇ, aˬ yawꞈ maꞈ dawˬ tawˆ luꞈ-euˬ mehˬ shi Miˬyehˇ guiˬ lahˬ-ahˇ ja ceuˬ-awˇ, ngawˬ pyehˬ-awˇ dzaˬ-euˬ meh.

Lormav 14:17

Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, dzaˬ-eu dawˇ-eu jeˬ maˬ ngeuˇ-a. Kʼoeˇ-aˬ, yaw tsaˬ yaw dawˇ jeˬ, Miˬyehˇ laꞈ kʼoeˇ nui saˇ oꞈ-eu jeˬ hawˇ-eu, Muiˬ-eu Shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬ pyeuꞈ-eu meh.

Lormav 14:3

Yawˬ jeˬ na luꞈ dzaˬ-eu tsawˇ haˬ-aˬ, maˬ dzaˬ-eu tsawˇ haˬ-ahˇ taˬ nyiˇ-eu maˬ tsaˬ-a. Yawˬ jeˬ na luꞈ maˬ dzaˬ-eu gʼaˬ kʼawꞈ, dzaˬ-eu gʼaˬ-ahˇ iˬ baˇ poˆ-eu maˬ tsaˬ-a. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ ha geuꞈ taˬ-euˬ meh.

Lormav 14:6

Aˇ nah tiˬ nah na-ahˇ lah-eu daw-eu tsawˇ haˬ-aˬ, Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ lah-eu daw-eu meh. Yawˬ jeˬ na luꞈ dzaˬ-eu tsawˇ haˬ kʼawꞈ, Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ dzaˬ-eu meh. Aˬ jeˬ miˇ neh ehˇ naˇ, aˬ yawꞈ Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˇ dzaˬ-eu meh. Yawˬ jeˬ na luꞈ maˬ dzaˬ-eu tsawˇ haˬ kʼawꞈ, Sahˬpaˬ Miˬyehˇ-ahˇ taˬ huiˬ-eu miˇ neh maˬ dzaˬ-eu meh. Kʼoeˇ-euˬ gʼaˇ duˬ Sahˬpaˬ miˬyehˇ-euˬ guiˬ lahˬ-ahˇ aˬ yawꞈ ja ceuˬ-eu meh.

1 Gawˇliˬtu 6:13

“Dzaˬ-eu jeˬ-aˬ, uˬ maˆ gʼaˇ duˬ pyeuꞈ-awˇ, uˬ maˆ-aˬ, dzaˬ-eu jeˬ-euˬ gʼaˇ duˬ meh.” Ehˇ kʼawꞈ, nyiˬ jeˬ luꞈ-ahˇ Miˬyehˇ laˆ cawˆ tehꞈ-a. Gʼawˇ mawˇ-aˬ, aˬ cawˬ nehˬ-ehˇ joe-eu gʼaˇ duˬ maˬ ngeuˇ-a. Sahˬpaˬ Yeˬsuˇ-euˬ gaˇ mˇ-eu gʼaˇ duˬ meh. Gʼawˇ mawˇ-ahˇ bi dzaˬ bi dawˇ-eu gʼaˬ-aˬ, Sahˬpaˬ Yeˬsuˇ meh.

1 Gawˇliˬtu 7:28

Nawˇ miˬ zaˬ sheuˬ naˇ, sheuˬ-euˬ kʼoeˇ iˬ baˇ mˇ-eu maˬ ngeuˇ-a. Kʼaˬ dzeˇ zaˬ maˬ baw-eu zaˬ miˬ zaˬ tiˬ gʼaˬ smˇ miˇ iˇ naˇ kʼawꞈ, smˇ miˇ iˇ-euˬ kʼoeˇ iˬ baˇ mˇ-eu maˬ ngeuˇ-a. Ehˇ kʼawꞈ, gʼeh nya naˇ, sheuˬ dahˬ dzaˬ-euˬ tsawˇ haˬ deuˬ miˇ tsaˬ heu kʼoeˇ taˆ ya tahˬ puˬ-eu shaˬ zahˬ kʼoeˇ deuˬ naw maꞈ kʼoeˇ taˆ maˬ bi keuˆ le mawꞈ nya.

1 Gawˇliˬtu 8:8

Dzaˇ ehˇ-eu jeˬ-aˬ, aˬ dui hawˇ-eu Miˬyehˇ yaw kaˬ cawˬ cawˬ taꞈ gaˇ bi muiˬ laˇ-eu jeˬ maˬ ngeuˇ-a. Maˬ dzaˬ-euˬ baˬ da neh smˬ-iˇ-eu maˬ baw-ehˇ, dzaˬ-euˬ baˬ da neh lahˬ laˇ duˬ kʼawꞈ maˬ jaˆ-a.

Gawˇlawˇsehˇ 2:16

Kʼoeˇ miˇ neh, naw maꞈ dzaˬ-eu dawˇ-eu gaˇ kawˆ maˬ ehˇ, nah lah lah-eu gaˇ kawˆ maˬ ehˇ, la loˆ la tsehˆ lah-eu gaˇ kawˆ maˬ ehˇ, Jawˇ nah tawˬ-eu gaˇ kawˆ maˬ ehˇ, tsawˇ haˬ tiˬ gʼaˬ neh-iˬ naw maꞈ gʼaˇ duˬ zahˇ sahˇ kʼoꞈ taˬ bi taˬ.

Gawˇlawˇsehˇ 3:17

Naw maꞈ kʼaˇ mˇ kʼaˇ shaˇ kʼaˇ ngehˬ kʼaˇ tmˇ-eu jeˬ laꞈ kʼoeˇ, Sahˬ paˬ Yeˬsuˇ-euˬ tsawˇ myahˇ uˬ moˆ Aˬ da Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ mˇ-awˬ.

1 Tiˆmoˇseˬ 2:4

Aˬ yawꞈ-aˬ, tsawˇ haˬ yawˬ gʼaˬ na luꞈ ka kʼoꞈ-eu jeˬ bi za mawꞈ-awˇ, yaw tsaˬ yaw dawˇ jeˬ-ahˇ bi siˬ nya mawꞈ-eu meh.

1 Tiˆmoˇseˬ 4:4

Miˬyehˇ neh kʼaˇ beh taˬ-euˬ yawˬ jeˬ na luꞈ, yaw muiˬ jeˬ pyeuꞈ-eu meh. Biˬ dzeh-eu jeˬ maˬ ahˇ-a. Yawˬ jeˬ na luꞈ-ahˇ Miˬyehˇ-euˬ guiˬ lahˬ-ahˇ ja ceuˬ-awˇ dzaˬ nya dawˇ nya-eu meh.

1 Tiˆmoˇseˬ 5:14

Kʼoeˇ miˇ neh, aˬ dui-ahˇ muiˇ-eu deuˬ aˬ dui-euˬ gaˇ kawˆ ja bu ja doeˇ kʼaˇ maˬ bi za ni, aˇ kʼoꞈ maˬ kʼawˆ laˇ-euˬ zaˬ miˬ zaˬ deuˬ bi dahˬ dzaˬ-iˇ-awˇ, zaˬ ciˬ zaˬ cu mˇ-eu laꞈ kʼoeˇ yawˬ ha-euˬ nymˇ jiˇ-ahˇ bo saˆ-eu jeˬ-ahˇ ngaˇ geuꞈ mawꞈ-eu ma.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.

HeˬByehˇ 13:9

La kʼaˬ cehˇ-eu Guiˬ lahˬ dawˬ-ahˇ beu gaˇ-eu mehˬ-eu tsoˆ-eu gʼawˬ mya jeˬ neh gaˇ ma taˬ bi sheuˬ bahˬ. Dzaˇ dzaˬ sheuˬ-eu baˬ da neh naw maꞈ-euˬ saꞈ laˇ gʼaˬ kʼaˆ laˇ-eu maˬ ngeuˇ-a. Miˬyehˇ-euˬ guiˬ lahˬ yaw dzahˇ-aˬ, naw maꞈ-euˬ saꞈ laˇ gʼaˬ bi kʼaˆ laˇ-eu gʼaˇ duˬ muiˬ dui dui-eu jeˬ pyeuꞈ-eu meh. Dzaˇ dzaˬ sheuˬ-eu kʼoeˇ-aˬ, tsawˇ haˬ zaˬ gʼaˇ duˬ gaˇ dahˇ maˬ tsoeˬ-a.

1 Saˬmeuˬlaˆ 9:13

Naw nyaꞈ meuˬ-ahˇ le uˇ ngeh, gawˬ duˇ-ahˇ laˆ dawˆ taˬ-euˬ dzaˬ byawˇ dzaˬ leˇ-eu lehˇ aˬ yawꞈ maˬ le mi naˆ-ehˇ, aˬ yawꞈ-ahˇ ya mawˇ tehꞈ-a. Aˬ yawꞈ maˬ le keuˆ kʼoeˇ keuˆ ni, tiˬ gʼaˬ-iˬ maˬ dzaˬ maˬ dawˇ ni dawˬ luꞈ tehꞈ-a. Aˬ jeˬ miˇ neh ehˇ naˇ, lawˇ-eu shehˇ-eu jeˬ-ahˇ aˬ yawꞈ dawˬ ngehˬ ya gʼeh nehˬ-eu meh. Kʼoeˇ sawˇ miˇ tsa hawˇ-eu, kuˇ taˬ-euˬ tsawˇ haˬ deuˬ dzaˬ dahˬ dawˇ dahˬ beh-eu meh. Nymˬ-mˇ yaw kawˇ-ehˇ le gʼeh leꞈ-awˬ. Naw nyaꞈ aˬ yawꞈ-ahˇ ja pyuˬ ni ya tahˬ puˬ tehꞈ-a.”