Aˬmaˬziˇ-oˇ, Eˬdoˬ tsawˇ haˬ-ahˇ nawˇ guiˇ deuˆ gʼaˬ-euˬ miˇ neh, maˬ gaˇ ma lehˇ noeˬ-awˇ nui ma huiˬ luꞈ-eu nga laˬ. Nawˇ teu naˆ ni tsawˇ myahˇ doˆ-eu-aˬ, nui kʼahˇ shiˇ-awˇ iˇ kahˇ-ahˇ ciˬ cuˇ ni jawˇ-awˬ. Nawˇ hawˇ-eu nawˬ-euˬ miˇ kʼahˬ zaˬ deuˬ kʼoeˇ taˆ yaw cawˆ jeˬ keuˆ le ni, aˬ jeˬ gʼeh-eu leh jeh te.”
1 Tiˆmoˇseˬ 3:6 - Akha6 Nehꞈ sahˬ pahˬ nui ma huiˬ-eu mahˇ-eu baˬ da neh Miˬyehˇ neh yaˇ kʼaˬ daˇ nehˬ-euˬ jeˬ-ahˇ ya daˬ-euˬ loꞈ-ehˇ maˬ ya pyeuꞈ ni, jah-eu jeˬ laꞈ kʼoeˇ gʼaˬ kʼaˆ loꞈ laˇ-euˬ tsawˇ haˬ ya bi pyeuꞈ meh. Δείτε το κεφάλαιοYawshawr Yaerbof Dawqma Sarjax Yawshuif Jaceuq-eu Hawr-eu Dawqdaq6 Janlar-euq yawshuif tiq ghaq maqya bigeuf-a. Bigeuf nar-aq, nuima huiqlar-awr, naef sanqpaq yarkhaq dar-eu jeq-anr yadaq-eu lof-aer yadaq-eu baw-mr. Δείτε το κεφάλαιο |
1 Tiˆmoˇseˬ 3:6
24 Σταυροειδείς Αναφορές
Sahˬ paˬ Awˇziˇ baoˬ huiˬ laˇ ngeh jawˇ, aˬ yawꞈ nui ma huiˬ laˇ-euˬ miˇ neh, luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le-euˬ meh. Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-awˇ, yaw saw jeˬ lawˇ-eu lawˇ duˬ kʼoeˇ taˆ aˬ yawꞈ-euˬ gʼawˇ mawˇ yaw saw jeˬ doꞈ-awˇ lawˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ mˇ bahˬ-euˬ meh.
Naw maꞈ neh ngaˬ-ahˇ boꞈ naˇ haˬ laꞈ-euˬ tahˬ pahˬ aˬ ma mawˇ kawˇ-ahˇ lawˇ-euˬ dzaˇ gaˇ kawˆ-ahˇ taꞈ leˇ-awˇ, ngaˇ heu loꞈ-ehˇ ehˇ-eu ma. “Aˬ dui yawˬ gʼaˬ na luꞈ zaˬ siˬ tsawˇ gahˇ ahˇ ma” leˇ siˬ nya ma. Ehˇ kʼawꞈ, zaˬ siˬ tsawˇ gahˇ-aˬ tsawˇ haˬ zaˬ-ahˇ nui ma bi huiˬ laˇ-awˇ, gʼoeˇ-eu gaˬ-eu jeˬ-aˬ, tsawˇ haˬ zaˬ-ahˇ bi huiˬ bi mahˇ laˇ-eu meh.
Yaw sahˇ laꞈ kʼoeˇ pah mehˬ nehˬ laꞈ-euˬ gʼawˬ mya jeˬ-ahˇ ngaˇ ya mawˇ-euˬ baˬ da neh, ngaˇ nui ma maˬ ya huiˬ maˬ ya mahˇ ni, ngaˬ-euˬ shiˬ shaˬ jiˇ gʼawˇ mawˇ-ahˇ daˇ ceh tsawˆ ahˇ nehˬ laꞈ-euˬ meh. Kʼoeˇ-aˬ, ngaˇ nui ma maˬ ya huiˬ maˬ ya mahˇ ni nehꞈ Saˬdaˬ-euˬ gʼaˬ kʼehˇ neh ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ pyeuꞈ-eu meh.
Kʼoeˇ loꞈ-ehˇ gui naˇ, “Ngaˇ-aˬ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ naˆ maˬ tseˇ huiˬ dzehˬ ma’ lehˇ aˬ yawꞈ maˬ noeˬ-ehˇ, Sahˬpaˬ Miˬyehˇ -euˬ zahˇ dawˬ kʼoꞈ dawˬ-ahˇ tiˬ jeˬ gʼeh-awˇ neh-iˬ maˬ puiˬ ni dehꞈ tehꞈ-a. Kʼoeˇ naˇ, aˬ yawꞈ gʼawˬ mya kʼoꞈ keuˆ ni sahˬ paˬ geuꞈ-awˇ ya uˆ lahˇ tehꞈ-a. Aˬ yawꞈ-euˬ zaˬ deuˬ uˆ deuˬ kʼawꞈ, gʼawˬ mya ziˇ keuˆ ni Iˇsaˬleˬlaˆ miˇ kʼahˬ-ahˇ ya uˆ lahˇ tehꞈ-a.
Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.
Yawˬ ha-ahˇ biꞈ taˬ-euˬ baoˬ laꞈ kʼoeˇ maˬ jawˇ-ehˇ, yawˬ ha-ahˇ bi jawˇ-euˬ jawˇ duˬ-ahˇ byehˇ dzeh-euˬ mˬ taˆ gʼaˬ kʼehˇ kʼoeˇ deuˬ-euˬ gaˇ kawˆ shaˇ noeˬ haw sheˇ. Miˇ oˆ yaw zahˇ laꞈ kʼoeˇ aˬ yawꞈ maꞈ-ahˇ mˬ maˬ maˬ byaˆ zaˇ ziˇ shmˇ caˆ neh paꞈ tawꞈ taˬ-awˇ, aˬ yawꞈ maꞈ-ahˇ yaˇ kʼaˬ daˇ nehˬ-eu Aˇ nah nah huiˬ kʼoeˇ Nah-ahˇ bi dawˬ-euˬ meh.
Διαφημίσεις