1 Tiˆmoˇseˬ 2:2 - Akha

² Sahˬ paˬ sahˬ ma deuˬ hawˇ-eu dzoeˬ dzaˬ-eu tsawˇ haˬ dawˬ tawˆ luꞈ gʼaˇ duˬ kʼawꞈ, kʼoeˇ loꞈ-ehˇ shaˇ-awˬ. Kʼoeˇ loꞈ-ehˇ shaˇ naˇ, aˬ dui coꞈ ngehˇ ni nui saˇ oꞈ-awˇ, Miˬyehˇ-ahˇ yaw zeu baw baw-ehˇyaw muiˬ yaw shawˇ laꞈ kʼoeˇ ya dehꞈtehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Sanqpaq deuq hawr-eu aryaq jav-eu yawqghaq navluf-euq gharduq khawf khoerlof-aer shar-awq. Khoerlof-aer shar nar-aq, aqdui nuisar of-awr, cofngaerni Miqyaer-anr yawzeu bawbaw-aer, yawtsaq yawdawr-euq lafkhoer daefnya taef-a.

1 Tiˆmoˇseˬ 2:2 Σταυροειδείς Αναφορές

2 Saˬmeuˬlaˆ 20:19

Nga maꞈ-euˬ meuˬ heu meuˬ-aˬ, huiˬ-eu meuˬ tiˬ meuˬ pyeuꞈ-awˇ, nui saˇ oꞈ-eu meuˬ tiˬ meuˬ pyeuꞈ-eu uˬ taꞈ, Iˇsaˬleˬlaˆ miˇ kʼahˬ laꞈ kʼoeˇ aˬ cawˬ naˆ maˬ tseˇ saˇ jaˇ ziꞈ-eu meuˬ tiˬ meuˬ kʼawꞈ pyeuꞈ-eu ma. Aˬ jeˬ miˇ neh meuˬ heu meuˬ-ahˇ laˆ cawˆ-eu lehˇ nawˇ leh jeh te. Sahˬpaˬ Miˬyehˇ-euˬ myawˬ-ahˇ nawˇ laˆ luˬ laˆ seˇ nehˬ mawꞈ te loˇ.”

Eˇzaˬlaˬ 6:10

Mˬ taˆ Miˬyehˇ nui ma tsaˬ-eu lawˇ-eu shehˇ-eu jeˬ aˬ yawꞈ maꞈ mˇ-awˇ, ngaˇ hawˇ-eu ngaˬ li deuˬ kʼoeˇ taˆ guiˬ lahˬ biꞈ nehˬ laꞈ ni aˬ yawꞈ maꞈ guiˬ lahˬ bi shaˇ-eu gʼaˇ duˬ, aˬ yawꞈ maꞈ-ahˇ kʼoeˇ loꞈ-ehˇ caw ba nehˬ-awˬ.

Neˬhaˬmiˇ 1:11

Ngaˬ-euˬ shaˇ dawˬ hawˇ-eu, nawˬ-ahˇ yaw zeu baw-eu nawˬ-euˬ zaˬ kʼaˆ deuˬ-euˬ shaˇ dawˬ-ahˇ naˇ haˬ nehˬ laꞈ-awˬ. Ngaˇ mˇ-eu gaˇ pyeuꞈ leˇ-eu gʼaˇ duˬ sahˬ paˬ ngaˬ-ahˇ nui ma tsaˬ ni iˬ nah nawˇ caw ba nehˬ laꞈ-awˬ lehˇ ngaˇ guiˬ lahˬ shaˇ-euˬ ma.” Ngaˇ-aˬ, sahˬ paˬ-ahˇ kʼmˬ maˬ ciˬ miˇ nehˬ-eu gʼaˬ pyeuꞈ-eu ma.

Jaceuq 72:1

Miˬyehˇ-oˇ, nawˬ-euˬ yaw tsaˬ yaw dawˇ jeˬ laꞈ kʼoeˇ yaˇ kʼaˬ daˇ nya ni, sahˬ paˬ-ahˇ mehˬ nehˬ tsoˆ nehˬ-awˬ. Nawˬ-euˬ yaw tsaˬ yaw dawˇ jeˬ aˬ yawꞈ-ahˇ biꞈ nehˬ-awˬ.

Dawqdaq 24:21

Ngaˬ li-oˇ, Sahˬpaˬ Miˬyehˇ-ahˇ guˆ-awˇ, nawˬ-euˬ sahˬ paˬ-ahˇ taˬ huiˬ taˬ mahˇ-awˬ. Aˬ yawꞈ nyaꞈ-ahˇ puiˬ-eu tsawˇ haˬ deuˬ nehˬ-ehˇ cawˬ taˬ cawˬ.

Yeˬlaˬmiˇ 29:7

Ngaˬ neh naw maꞈ-ahˇ bi nyehꞈ gʼeh-awˇ, naw maꞈ-ahˇ bi jawˇ-euˬ meuˬ kʼoeˇ deuˬ muiˬ laˇ jaˬ laˇ ni leh jeh-awˬ. Aˬ yawꞈ maꞈ gʼaˇ duˬ ngaˬ-ahˇ guiˬ lahˬ shaˇ-awˬ. Aˬ jeˬ miˇ neh ehˇ naˇ, aˬ yawꞈ maꞈ baw le za le naˇ, naw maꞈ kʼawꞈ baw le za le tehꞈ-a.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Luˇkaꞈ 2:25

Kʼoeˇ ngeh yamˬ-ahˇ, Suˇmoˬ lehˇ myahˇ-euˬ tsawˇ haˬ tiˬ gʼaˬ Yeˬluˇsaˬlehˬ meuˬ-ahˇ jawˇ-eu meh. Aˬ yawꞈ-aˬ, Miˬyehˇ-ahˇ guˆ-eu nui ma ahˇ-eu tsawˇ haˬ yaw muiˬ tiˬ gʼaˬ pyeuꞈ-awˇ, Iˇsaˬleˬlaˆ tsawˇ jeuˬ ka kʼoꞈ-eu jeˬ za-eu aˇ nah-ahˇ dawˬ luꞈ-eu tiˬ gʼaˬ meh. Muiˬ-eu shawˇ-eu Yaw sahˇ Miˬyehˇ aˬ yawꞈ nehˬ-ehˇ jawˇ-eu meh.

Gʼaˬkʼehˇ 10:22

Aˬ ha smˇ gʼaˬ ehˇ-eu, “Guiˇ maꞈ-ahˇ uˆ lahˇ-eu yaw huiˬ yaw mahˇ pyeuꞈ-eu Gawˬneˬliˇ neh nga maꞈ-ahˇ kʼehˇ leꞈ-euˬ meh. Aˬ yawꞈ-aˬ, Miˬyehˇ-ahˇ uˬ duˬ tahˬ-eu tsawˇ haˬ yaw muiˬ tiˬ gʼaˬ pyeuꞈ-awˇ, Yuˇdaˆ tsawˇ haˬ dawˬ tawˆ luꞈ aˬ yawꞈ-ahˇ yaw zeu baw-eu meh. Nawˬ-ahˇ aˬ yawꞈ-euˬ nymˇ-ahˇ kuˇ ahˇ-awˇ, nawˬ neh ngehˬ-euˬ tmˇ-euˬ dawˬ-ahˇ naˇ haˬ-eu gʼaˇ duˬ, Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ-ahˇ ehˇ le-euˬ meh.”

Gʼaˬkʼehˇ 24:16

Miˬyehˇ mehˬ shi maˬ ehˇ, tsawˇ haˬ zaˬ mehˬ shi maˬ ehˇ, ngaˬ-euˬ nui ma aˬ myah luꞈ shawˇ jehˆ ni jaˆ ni leh jeh luꞈ-eu ma.

Lormav 12:18

Tsawˇ haˬ yawˬ gʼaˬ na luꞈ nehˬ-ehˇ tsaˬ leˇ ni, yawˬ ha kʼaˇ gʼeh nya-eu loꞈ-ehˇ leh jeh-awˇ dehꞈ-awˬ.

Piˇliˇpiˆ 4:8

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ-eu ma. Yaw muiˬ jeˬ hawˇ-eu ja ceuˬ paˬ-ehˇ gʼeh-eu jeˬ pyeuꞈ-eu, tsaˬ-eu dawˇ-eu jeˬ, aˬ cawˬ yaw zeu baw paˬ-ehˇ gʼeh-eu jeˬ, aˬ cawˬ-ahˇ dehꞈ tsaˬ dehꞈ tsahˇ-eu jeˬ, muiˬ-eu shawˇ-eu jeˬ, aˬ cawˬ haw gaˬ paˬ-ehˇ gʼeh-eu jeˬ, aˬ cawˬ taˬ huiˬ taˬ mahˇ paˬ-ehˇ gʼeh-eu jeˬ, heu deuˬ naw maꞈ laꞈ kʼoeˇ bi ahˇ-awˬ.

1 Teˇsaˬloˇni 4:11

Nga maꞈ neh naw maꞈ-ahˇ ehˇ nehˬ yaꞈ-euˬ loꞈ-ehˇ, yawˬ ha-euˬ kʼaˬ boeˬ yawˬ ha boeˬ-awˇ, yawˬ haˬ-euˬ gaˇ yawˬ ha mˇ mˇ-ehˇ ciˬ cuˇ ni dehꞈ daˆ leꞈ-awˬ.

HeˬByehˇ 12:14

Tsawˇ haˬ yawˬ gʼaˬ na luꞈ nehˬ-ehˇ tsaˬ leˇ tsahˇ leˇ-eu laꞈ kʼoeˇ yaw muiˬ yaw shawˇ shawˇ-ehˇ dehꞈ-awˬ. Kʼoeˇ loꞈ-ehˇ maˬ dehꞈ naˇ, tsawˇ haˬ tiˬ gʼaˬ-iˬ Sahˬpaˬ Miˬyehˇ-ahˇ maˬ mawˇ nya-a.