1 Saˬmeuˬlaˆ 9:9 - Akha

⁹ (Aˇ hu maˇ diˇ aˇ hu-aˬ, tsawˇ haˬ tiˬ gʼaˬ na Miˬyehˇ gaˇ kawˆ siˬ mawꞈ naˇ, ‘Laˇ-awˬ. Shaˆ ma jawˇ gaˇ le kaˇ-euˇ’ lehˇ ehˇ-eu meh. Aˬ jeˬ miˇ neh ehˇ naˇ, nymˬ-mˇ Miˬyehˇ gʼaˇ duˬ ngehˬ dah-eu gʼaˬ lehˇ kuˇ gaˇ, aˇ hu shaˆ ma lehˇ kuˇ-euˬ meh.)

1 Saˬmeuˬlaˆ 9:9 Σταυροειδείς Αναφορές

Aˇ dahˬ 25:22

Leˬbehˇkaꞈ-euˬ uˬ maˆ laꞈ kʼoeˇ zaˬ nyiˬ gʼaˬ uˇ-awˇ, zaˬ kʼoeˇ nyiˬ gʼaˬ maˬ dehꞈ doˆ le mi naˆ-ehˇ, uˬmaˆ laꞈ kʼoeˇ dawꞈ dawꞈ-ehˇ ceh-eu meh. “Aˬ jeˬ miˇ neh ngaˬ-euˬ uˬ maˆ laꞈ kʼoeˇ teu naˆ naˆ-ehˇ luˆ-eu maˬ siˬ miˇ-a. Aˬ jeˬ keuˆ le-eu gʼeh-eu maˬ siˬ miˇ-a” lehˇ Leˬbehˇkaꞈ ehˇ-eu meh. Kʼoeˇ miˇ neh, Sahˬpaˬ Miˬyehˇ-ahˇ aˬ yawꞈ naˇ haˬ leˇ-euˬ meh.

2 Saˬmeuˬlaˆ 24:11

Uˬ shawˬ paw Daˬbiˇ uˬ suˇ tuˇ ngeh yamˬ-ahˇ, Daˬbiˇ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Gaˆ-ahˇ, Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Daˬbiˇ jawˇ gaˇ iˇ-awˇ, gaˇ kawˆ smˇ jeˬ laꞈ kʼoeˇ aˬ yawꞈ-ahˇ tiˬ jeˬ bi tseˇ geuꞈ-awˇ, aˬ yawꞈ neh kʼaˇ tseˇ geuꞈ-euˬ jeˬ ngaˇ bi keuˆ ma lehˇ ehˇ nehˬ-iˇ-awˬ.”

2 Sahˬpaˬ 17:13

Sahˬpaˬ Miˬyehˇ-aˬ, aˬ yawꞈ-euˬ gʼaˬ kʼehˇ deuˬ hawˇ-eu aˬ yawꞈ-euˬ gʼaˇ duˬ ngehˬ dah-eu tsawˇ haˬ deuˬ pyehˬ gʼeh leꞈ-awˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ heu loꞈ-ehˇ bi ehˇ le-euˬ meh. “Naw maꞈ mˇ luꞈ-eu yaw haiˬ jeˬ-ahˇ byehˇ dzeh-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ zahˇ dawˬ kʼoꞈ dawˬ laꞈ kʼoeˇ ahˇ-eu dawˬ deuˬ hawˇ-eu, ngaˬ-euˬ zaˬ kʼaˆ deuˬ hawˇ-eu ngaˬ-euˬ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, ngaˇ naw maꞈ-ahˇ biꞈ taˬ-euˬ dawˬ deuˬ-ahˇ naˇ haˬ geuꞈ-awˬ.”

1 Laˬsaˬbaˬ 21:9

Daˬbiˇ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Gaˆ-ahˇ, Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

1 Laˬsaˬbaˬ 26:28

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Saˬmeuˬlaˆ neh hehˇ laꞈ-euˬ maˬ ehˇ, sahˬ paˬ Sawˇluˆ neh hehˇ laꞈ-euˬ maˬ ehˇ, Neˬlaˇ-euˬ aˬ li Aˬbaˬnaˬ neh hehˇ laꞈ-euˬ maˬ ehˇ, Zeˬluˇyaˆ-euˬ aˬ li Yoˇbaˬ neh hehˇ laꞈ-euˬ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ bi zmˬ-eu gʼaˇ duˬ kʼaˇ damˬ nehˬ laˇ-euˬ jeˬ dawˬ tawˆ luꞈ-ahˇ, Sheˬloˇmiˇ hawˇ-eu aˬ yawꞈ-euˬ zaˬ deuˬ uˆ deuˬ ya jeˬ hmˬ-eu meh.

1 Laˬsaˬbaˬ 29:29

Sahˬ paˬ Daˬbiˇ yaw dehꞈ dehꞈ yaꞈ-euˬ gaˇ kawˆ, aˇ dahˬ beh gaˇ neh aˇ saˬ saˬ gaˇ keuˆ ni, Miˬyehˇ gʼaˇ duˬ ngehˬ dah-eu deuˬ pyeuꞈ-eu Saˬmeuˬlaˆ, Naˬdaˬ, Gaˆ aˬ ha smˇ gʼaˬ-euˬ sahˬ boꞈ deuˬ laꞈ kʼoeˇ boꞈ ahˇ taˬ-euˬ meh.

1 Laˬsaˬbaˬ 9:22

Gʼoˆ kʼehˬ hawˇ-eu lahˇ kʼehˬ dawˬ tawˆ luꞈ-ahˇ bi loꞈ-eu gʼaˇ duˬ tseˇ doˆ-euˬ tsawˇ haˬ dawˬ tawˆ luꞈ, nyiˬ yaˇ tseˇ nyiꞈ gʼaˬ byah-eu meh. Aˬ yawꞈ maꞈ-euˬ tsawˇ myahˇ hawˇ-eu, aˬ yawꞈ maꞈ jawˇ-eu pu tsawˇ myahˇ yuˇ taˬ-euˬ meh. Sahˬ paˬ Daˬbiˇ hawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Saˬmeuˬlaˆ aˬ nyaꞈ neh, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ gaˇ kʼoeˇ biꞈ-euˬ meh.

2 Laˬsaˬbaˬ 16:10

Dawˬ kʼoeˇ dawˬ baˬ da neh Aˬsaˬ nui ma pehˇ dui dui laˇ-awˇ, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, tawˬ-ahˇ dawˆ-euˬ meh. Kʼoeˇ ngeh neh aˇ dahˬ beh-awˇ, tsawˇ haˬ tiˬ paˆ na deuˬ-ahˇ Aˬsaˬ yaw kʼaˆ-ehˇ kʼehˬ nehˬ kʼaˆ nehˬ-euˬ meh.

2 Laˬsaˬbaˬ 16:7

Aˇ yamˬ kʼoeˇ yamˬ-ahˇ, Miˬyehˇ gʼaˇ duˬ ngehˬ dah-eu Haˬnaˬniˇ gʼaˬ sahˬ paˬ Aˬsaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ maˬ gʼoe-ehˇ, Suˇliˆ sahˬ paˬ-ahˇ nawˇ laꞈ jeuˬ shaˇ-euˬ miˇ neh, Iˇsaˬleˬlaˆ sahˬpaˬ-euˬ guiˇ maꞈ deuˬ nawˬ-euˬ laꞈ-ahˇ neh cehˆ dzeuˇ-euˬ meh.

Iˇsaˬyaˇ 29:10

Naw maꞈ yuꞈ kʼaˆ byoˆ ni, Sahˬpaˬ Miˬyehˇ jahˇ-euˬ meh. Miˬyehˇ gʼaˇ duˬ ngehˬ dah-eu deuˬ myaˆ nuiˆ bi dehˬ kaˬ-awˇ, nyiˇ paˬ shaˆ ma deuˬ myaˆ maˬ mawˇ nya-a.

Iˇsaˬyaˇ 30:10

Miˬyehˇ gʼaˇ duˬ ngehˬ dah luꞈ-eu deuˬ-ahˇ, aˬ yawꞈ maꞈ kʼaˬ meh paꞈ tsoeˬ tsoeˬ nehˬ-awˇ, “Yaw tsaˬ yaw dawˇ jeˬ gaˇ kawˆ maˬ mehˬ ni, nga maꞈ naˇ haˬ mawꞈ-eu dawˬ deuˬ hawˇ-eu, gaˇ jaw jaw-eu dawˬ mehˬ le-awˬ” lehˇ ehˇ-eu meh.

Aˬmoˆ 7:12

Kʼoeˇ naˇ, Aˬmoˆ-ahˇ Aˬmaˬziˇ ehˇ nehˬ-eu, “Miˬyehˇ gʼaˇ duˬ ngehˬ dah-eu gʼaˬ-oˇ, teu naˆ ni ehˇ naˇ gʼaˬ-aˇ. Yuˇdaˆ miˇ kʼahˬ-ahˇ gʼoꞈ-iˇ-awˇ, kʼoeˇ gaˇ dawˬ mehˬ mehˬ-iˇ-awˬ. Kʼoeˇ gaˇ jawˇ-eu tsawˇ haˬ deuˬ neh nawˬ-ahˇ dawˬ mehˬ mehˬ poeˬ bi biꞈ-awˬ.

1 Gawˇliˬtu 12:17

Gʼawˇ mawˇ mawˇ lah-ehˇ myaˆ nuiˆ tiˬ nuiˆ tehꞈ-ehˇ tsoꞈ naˇ, teˇ saˇ gaˬ nya tehꞈ-a loˇ. Naˬ bawˇ tehꞈ-ehˇ tsoꞈ naˇ, yaw saꞈ behꞈ laꞈ nya tehꞈ-a loˇ.

Yaˇ kʼaˬ daˇ 1:1

Yawˇshuˆ shiˇ dzeuˇ ngeh, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ naˇ haˬ-eu, “Nga maꞈ tsawˇ jeuˬ deuˬ laꞈ kʼoeˇ, tsawˇ jeuˬ aˬ geu jeuˬ aˬ cawˬ mehˬ hu le-awˇ, Kaˬnaˬ tsawˇ jeuˬ-ahˇ guiˇ ya deuˆ leˇ nmˇ.”

Yaˇ kʼaˬ daˇ 18:5

Aˬ yawꞈ maꞈ ehˇ-eu, “Nga maꞈ gaˇ ma doˆ-iˇ ngeh, nga maꞈ neh noeˬ taˬ-eu loꞈ-ehˇ mˇ pyeuꞈ nya paˬ-ehˇ gʼeh ngaˇ loˇ lehˇ, Miˬyehˇ-ahˇ tiˬ poˆ naˇ haˬ nehˬ laꞈ sheˇ.”

1 Saˬmeuˬlaˆ 9:10

“Nawˇ ehˇ-eu tsaˬ miˇ-a. Aˇ nyaꞈ shaˆ ma kʼoeˇ gʼaˬ jawˇ gaˇ le kaˇ-euˇ” lehˇ, zaˬ kʼaˆ kʼoeˇ gʼaˬ-ahˇ Sawˇluˆ ehˇ nehˬ-euˬ meh. Kʼoeˇ naˇ, Miˬyehˇ-euˬ tsawˇ haˬ kʼoeˇ gʼaˬ jawˇ-eu meuˬ kʼoeˇ meuˬ-ahˇ aˬ yawꞈ nyaꞈ le-euˬ meh.