1 Saˬmeuˬlaˆ 9:7 - Akha

⁷ Sawˇluˆ ehˇ-eu, “Aˇ nyaꞈ aˬ yawꞈ jawˇ gaˇ le naˇ aˬ jeˬ yuˇ gʼeh nehˬ nmˇ. Aˇ nyaꞈ-euˬ pehˇ tahˇ laꞈ kʼoeˇ kaˬ muˇ maˬ paˇ ahˇ meh. Aˇ nyaꞈ aˬ yawꞈ-ahˇ biꞈ paˬ-ehˇ aˬ jeˬ paˇ ahˇ ta.”

1 Saˬmeuˬlaˆ 9:7 Σταυροειδείς Αναφορές

1 Sahˬpaˬ 13:7

Kʼoeˇ naˇ, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, “Ngaˬ nehˬ-ehˇ ngaˬ-euˬ nymˇ-ahˇ laˇ-awˇ, tiˬ jeˬ paˬ dzaˬ laˇ dawˇ laˇ-awˬ. Nawˬ neh mˇ-euˬ jeˬ gʼaˇ duˬ, ngaˇ nawˬ-ahˇ laꞈ sawˬ biꞈ nehˬ ma” lehˇ, sahˬ paˬ ehˇ nehˬ-euˬ meh.

1 Sahˬpaˬ 14:3

Kaˬ muˇ tseˇ siˬ, kaˬ muˇ aˇ yaˆ yaˆ zaˬ ui cuiˆ hawˇ-eu, byaˬ byaˬ uiˇ kʼawꞈ tiˬ tsahˬ yuˇ gʼeh nehˬ-awˬ. Aˬ dui pehˬ-euˬ aˬ li pyaˬ-eu taˬ leˇ nya nga loˇ, maˬ taˬ leˇ nya nga loˇ lehˇ aˬ yawꞈ-ahˇ naˇ haˬ naˇ, aˬ yawꞈ ehˇ nehˬ laꞈ nya tehꞈ-a.”

2 Sahˬpaˬ 4:42

Yawˬ poˆ yawˬ-aˬ, tsawˇ haˬ tiˬ gʼaˬ Baˬlaˇshaˬliˇshahˬ meuˬ-ahˇ neh Eˇliˇshehˇ jawˇ gaˇ laˇ-awˇ, yehˬ beh beh-euˬ cehˇ neh jahˇ-euˬ kaˬ muˇ nyiˬ tseˇ siˬ hawˇ-eu, keuˆ beh beh le-euˬ cehˇ ui cuiˆ yuˇ laꞈ nehˬ-euˬ meh. “Dzaˇ kʼoeˇ deuˬ yuˇ-awˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ bi dzaˬ-awˬ” lehˇ, aˬ yawꞈ-euˬ zaˬ kʼaˆ-ahˇ Eˇliˇshehˇ ehˇ nehˬ-euˬ meh.

2 Sahˬpaˬ 5:15

Kʼoeˇ naˇ, aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ, Eˇliˇshehˇ jawˇ gaˇ paˇ gʼoꞈ poˆ leˇ-awˇ, heu loꞈ-ehˇ ehˇ-eu meh. “Nymˬ-mˇ poˆ jawˇ-aˬ, Iˇsaˬleˬlaˆ-euˬ Miˬyehˇ maˬ ngeuˇ naˇ miˬyehˇ nui gʼaˬ maˬ jawˇ-eu ngaˇ lehˇ ngaˇ siˬ duˬ-eu ma. Teu miˇ neh, ngaˬ neh biꞈ-euˬ laꞈ sawˬ-ahˇ ha geuꞈ nehˬ laꞈ-awˬ.”

2 Sahˬpaˬ 5:5

Kʼoeˇ ngeh, “Iˇsaˬleˬlaˆ sahˬ paˬ jawˇ gaˇ iˇ-awˇ, sahˬ boꞈ heu taꞈ yuˇ gʼeh nehˬ-awˬ” lehˇ, sahˬ paˬ ehˇ-eu meh. Kʼoeˇ naˇ, Neˬmaˬ-aˬ, pyuˇ maˇ byaˆ smˬ muiˇ byaˆ, shuiˇ maˇ byaˆ koꞈ heˇ byaˆ hawˇ-eu, muiˬ dui dui-eu mehˬ tsoeˬ tseˇ shehˆ yuˇ-awˇ iˇ-euˬ meh.

2 Sahˬpaˬ 8:8

aˬ yawꞈ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu Haˬzeˬlaˇ-ahˇ ehˇ nehˬ-eu, “Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ laꞈ sawˬ biꞈ-iˇ-awˇ, ngaˬ-euˬ naˇ gawˇ heu taˬ leˇ nya ngaˇ loˇ lehˇ, Sahˬpaˬ Miˬyehˇ-ahˇ bi naˇ haˬ haw sheˇ.”

2 Sahˬpaˬ 8:9

Kʼoeˇ ngeh, Daˬmaˬsehˇ meuˬ-ahˇ doˆ-eu muiˬ dui dui-eu myawˬ gahˬ deuˬ, law taw oeˬ tseˇ mawˇ kʼoeˇ taˆ Haˬzeˬlaˇ kaꞈ daˆ-awˇ, Eˇliˇshehˇ jawˇ gaˇ iˇ-euˬ meh. Eˇliˇshehˇ-ahˇ aˬ yawꞈ ya mawˇ ngeh heu loꞈ-ehˇ ehˇ nehˬ-euˬ meh. “Nawˬ-euˬ zaˬ kʼaˆ pyeuꞈ-eu sahˬ paˬ Beˬhaˬdaˇ ngaˬ-ahˇ pyehˬ gʼeh leꞈ-awˇ, aˬ yawꞈ-euˬ naˇ gawˇ taˬ leˇ nya meh loˇ lehˇ bi naˇ haˬ le-euˬ meh.”

Yeˬsaˬgeˬlaˇ 13:19

Lawˬ loeˇ hawˇ-eu kaˬ muˇ ui cuiˆ za laˇ gaˇ haw-awˇ, ngaˬ-euˬ tsawˇ haˬ deuˬ-euˬ mehˬ shi, naw maꞈ ngaˬ-ahˇ yehˬ bawˬ sehˇ lu-ehˇ gʼeh-eu meh. Maˬ bi shiˇ paˬ-ehˇ gʼeh-eu tsawˇ haˬ deuˬ-ahˇ naw maꞈ laˆ sehꞈ-awˇ, bi shiˇ paˬ-ehˇ gʼeh-eu tsawˇ haˬ deuˬ-ahˇ naw maꞈ bi dehꞈ-euˬ meh. Ngaˬ-euˬ tsawˇ haˬ deuˬ naw maꞈ-ahˇ jah laˇ ni, naw maꞈ mehˇ shuiˇ shuiˇ-euˬ meh.”

Yaˇ kʼaˬ daˇ 6:18

Ngaˇ dzaˬ dzaˬ dawˇ dawˇ lawˇ-eu jeˬ maˬ yuˇ keuˆ laꞈ kʼoeˇ keuˆ ni, maˬ gʼoꞈ-iˇ ni jawˇ tawˬ-awˬ.” Sahˬpaˬ Miˬyehˇ ehˇ-eu, “Nawˇ maˬ gʼoꞈ keuˆ laˇ kʼoeˇ keuˆ ni ngaˇ heu gaˇ jawˇ tawˬ ma.”