1 Saˬmeuˬlaˆ 9:6 - Akha

⁶ Zaˬ kʼaˆ kʼoeˇ gʼaˬ ehˇ-eu, “Taˬ tehˬ lawˬ siˬ, Meuˬ heu meuˬ laꞈ kʼoeˇ muiˬ-eu shawˇ-eu tsawˇ haˬ tiˬ gʼaˬ jawˇ meh. Aˬ yawꞈ neh ja maw kʼaˇ maw-euˬ yawˬ jeˬ na luꞈ tsaˬ-eu miˇ neh, aˬ cawˬ aˬ yawꞈ-ahˇ yaw zeu baw dui dui meh. Aˇ nyaꞈ gʼeh aˬ yawꞈ jawˇ gaˇ le haw kaˇ-euˇ. Mahˬ tahˬ laˆ aˬ gaˇ jawˇ-eu aˬ yawꞈ ehˇ nehˬ laꞈ nya-eu baw le.”

1 Saˬmeuˬlaˆ 9:6 Σταυροειδείς Αναφορές

Aˇ dahˬ 24:42

Aˬbyaˬhaˬ-euˬ zaˬ kʼaˆ kʼoeˇ gʼaˬ paˇ ehˇ-eu, “Iˬ nah ngaˇ lah duˬ kʼoeˇ duˬ-ahˇ laˇ keuˆ ngeh, heu loꞈ-ehˇ guiˬ lahˬ shaˇ-euˬ ma. ‘Ngaˬ-euˬ baw leˬ Aˬbyaˬhaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ. Iˬ nah ngaˇ mˇ luꞈ-eu gaˇ heu hmˬ pyeuꞈ leˇ ni caw ba nehˬ laꞈ-awˬ.

2 Saˬmeuˬlaˆ 15:27

Zaˬdoˆ-ahˇ aˬ yawꞈ tiˬ poˆ paˇ ehˇ nehˬ-eu, “Heu gaˇ haw sheˇ. Nawˬ li Aˬhiˇmaˆ hawˇ-eu Aˬbyaˬdaˬ-euˬ aˬ li Yawˇnaˆshaˬ-ahˇ sheuˬ-awˇ, nui ma saˇ lehˆ ni taˬ-eu laꞈ kʼoeˇ meuˬ-ahˇ gʼoꞈ jawˇ-iˇ-awˬ.

1 Sahˬpaˬ 13:1

Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-ahˇ, Yuˇdaˆ miˇ kʼahˬ-ahˇ neh Sahˬpaˬ Miˬyehˇ neh pyehˬ gʼeh laꞈ-awˇ, lawˇ-eu shehˇ-eu jeˬ mˇ-eu lehˇ lawˇ duˬ dawˬ peh Yeˬyawˇbamˬ yawꞈ luꞈ gaˇ laˇ keuˆ-euˬ meh.

2 Sahˬpaˬ 5:8

Iˇsaˬleˬlaˆ sahˬ paˬ mehˬ tsoeˬ cehˬ pyaˬ-euˬ gaˇ kawˆ Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Eˇliˇshehˇ ya gaˬ ngeh, heu loꞈ-ehˇ bi ehˇ gaˬ leˇ-euˬ meh. “Aˬ jeˬ miˇ neh nawˇ nui ma cawˆ luꞈ te. Tsawˇ haˬ kʼoeˇ gʼaˬ-ahˇ ngaˇ jawˇ gaˇ pyehˬ gʼeh leꞈ-awˬ. Iˇsaˬleˬlaˆ miˇ kʼahˬ laꞈ kʼoeˇ miˬyehˇ gʼaˇ duˬ ngehˬ dah-eu tiˬ gʼaˬ jawˇ-eu gaˇ kawˆ, aˬ yawꞈ yaw muiˬ paˬ-ehˇ ya siˬ duˬ tehꞈ-a.”

2 Sahˬpaˬ 6:6

“Aˬ geu tsahˇ-ahˇ ga puꞈ-euˬ ta” lehˇ, Eˇliˇshehˇ aˬ yawꞈ-ahˇ naˇ haˬ-euˬ meh. Deuˆ haˬ seuˬ ga puꞈ-euˬ kʼoeˇ tsahˇ Eˇliˇshehˇ-ahˇ mehˬ nehˬ ngeh, Eˇliˇshehˇ daˇ kawˬ tiˬ kawˬ deuˆ-awˇ, kʼoeˇ gaˇ biˬ puꞈ-euˬ meh. Kʼoeˇ ngeh, deuˆ haˬ seuˬ kʼoeˇ iˇ cuꞈ kʼoeˇ taˆ gʼa doˆ laˇ-euˬ meh.

Jaceuq 25:12

SahˬpaˬMiˬyehˇ-ahˇzeu-eu deuˬ, ya tseˇgeuꞈ-eu gaˇma tiˬkahˇ, SahˬpaˬMiˬyehˇtoeˬmehˬtehꞈ-a.

Iˇsaˬyaˇ 44:26

Ehˇ kʼawꞈ, ngaˬ-euˬ zaˬ kʼaˆ aˬ kaˇ pyeuꞈ-eu gaˇ kawˆ mehˬ ngeh, ngaˬ-euˬ gʼaˬ kʼehˇ-ahˇ ngaˇ pyehˬ gʼeh leꞈ-awˇ, ngaˬ neh lehˬ hmˬ taˬ-euˬ gaˇ kawˆ bi ja mehˬ ngeh, aˬ yawꞈ neh kʼaˇ ehˇ-euˬ jeˬ ngaˇ bi pyeuꞈ laˇ ma. Yeˬluˇsaˬlehˬ meuˬ-ahˇ tsawˇ haˬ paˇ jawˇ byah-awˇ, Yuˇdaˆ meuˬ deuˬ paˇ teˬ ziꞈ jiˇ tehꞈ-a lehˇ ehˇ-euˬ ma. Meuˬ meuˬ tsoeˬ kʼoeˇ deuˬ meuˬ shuiꞈ paˇ shuiꞈ laˇ tehꞈ-a.

Maꞈtehˬ 24:35

Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Dawˬmehˬ 33:1

Heu-aˬ, Miˬyehˇ-euˬ tsawˇ haˬ pyeuꞈ-eu Moˇseˬ maˬ shiˇ mi naˆ-ehˇ, Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ-eu laꞈ kʼoeˇ biꞈ yaꞈ-euˬ guiˬ lahˬ deuˬ meh.

1 Teˇsaˬloˇni 2:10

Naw maꞈ jawˇ gaˇ nga maꞈ neh mˇ yaꞈ shaˇ yaꞈ-euˬ kʼoeˇ-aˬ, muiˬ-eu shawˇ-eu tsaˬ-eu dawˇ-eu jeˬ pyeuꞈ-awˇ, iˬ baˇ taˬ kʼaˇ maˬ za-eu gaˇ kawˆ naw maꞈ hawˇ-eu Miˬyehˇ siˬ duˬ mawˇ duˬ-euˬ meh.

1 Teˇsaˬloˇni 5:13

Aˬ yawꞈ maꞈ Miˬyehˇgaˇ mˇ-eu baˬ da neh gʼoeˇ-eu gaˬ-eu laꞈ kʼoeˇ taˬ huiˬ taˬ mahˇ nehˬ-awˬ. Naw maꞈ yaw kaˬ kʼawꞈ, tsaˬ leˇ dzoeˇ leˇ-eu jeˬ bi jaˆ-awˬ.

1 Tiˆmoˇseˬ 6:11

Ehˇ kʼawꞈ, Miˬyehˇ-euˬ tsawˇ haˬ pyeuꞈ-eu nawˇ-aˬ, heu deuˬ dawˬ tawˆ luꞈ-ahˇ gaˇ jaw jaw-awˬ. Yaw tsaˬ yaw dawˇ jeˬ, Miˬyehˇ-ahˇ yaw zeu baw-eu jeˬ, jah-eu jeˬ, gʼoeˇ-eu gaˬ-eu jeˬ, daˬ coeˇ oˇ coeˇ-eu jeˬ, nui nahˬ nui yu ahˇ-eu jeˬ, heu deuˬ-ahˇ leh jeh dui dui-awˬ.

1 Saˬmeuˬlaˆ 2:27

Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ Eˇliˆ jawˇ gaˇ laˇ-awˇ, Sahˬpaˬ Miˬyehˇ-euˬ dawˬ heu loꞈ-ehˇ tsaꞈ nehˬ laˇ-euˬ meh. “Nawˬ-euˬ aˬ poeˬ Aˬloˬ hawˇ-eu aˬ yawꞈ-euˬ miˬ sawˇ zaˬ deuˬ Iˇjiˇtuˆ sahˬ paˬ-euˬ zaˬ kʼaˆ geuꞈ luꞈ ngeh, ngaˬ-euˬ gʼawˇ mawˇ Aˬloˬ-ahˇ pah mehˬ nehˬ-euˬ ma.

1 Saˬmeuˬlaˆ 9:8

Zaˬ kʼaˆ kʼoeˇ gʼaˬ ehˇ-eu, “Ngaˇ pyuˇ maˇ byaˆ byaˆ zaˬ tiˬ byaˆ ahˇ ma. Mahˬ tahˬ laˆ aˬ gaˇ jawˇ nga lehˇ bi ehˇ mehˬ-eu gʼaˇ duˬ, pyuˇ maˇ byaˆ heu byaˆ aˬ yawꞈ-ahˇ biꞈ nehˬ ma.”