1 Saˬmeuˬlaˆ 9:24 - Akha

²⁴ Hawˬ mˇ dzaˇ saꞈ gʼeh-eu gʼaˬ muiˬ dui dui-eu shaˬ pyaˬ shaˬ jiˇ yuˇ doˆ laꞈ-awˇ, Sawˇluˆ mehˬ shi ciˬ taˬ le-euˬ meh. Kʼoeˇ ngeh, Sawˇluˆ-ahˇ Saˬmeuˬlaˆ ehˇ nehˬ-eu, “Haw sheˇ. Heu-aˬ nawˬ-euˬ gʼaˇ duˬ taˬ taˬ-euˬ shaˬ jiˇ ma. Shaˬ jiˇ heu dzaˬ-awˬ. Aˇ yamˬ heu yamˬ-ahˇ ngaˬ neh kuˇ uiˬ taˬ-euˬ tsawˇ haˬ heu deuˬ nehˬ-ehˇ bi dzaˬ bi dawˇ taꞈ-eu lehˇ, shaˬ jiˇ heu ngaˇ yuˇ doˆ taˬ-euˬ ma.” Kʼoeˇ loꞈ-ehˇ, kʼoeˇ ngeh nah Sawˇluˆ Saˬmeuˬlaˆ nehˬ-ehˇ dzaˬ taꞈ dawˇ taꞈ-euˬ meh.

1 Saˬmeuˬlaˆ 9:24 Σταυροειδείς Αναφορές

Doˆ-iˇ 29:22

“Yawˇ aˬ buˬ kʼoeˇ mawˇ-euˬ tsiˇ maˬ ehˇ, tsiˇ dawꞈ myaˬ-eu dawˬ miˬ maˬ ehˇ, tsahˬ nahˬ uˇ jiˇ deuˬ-ahˇ dawꞈ-eu tsiˇ maˬ ehˇ, muiˬ dui dui-eu shaˬ tsahˬ ui cuiˆ maˬ ehˇ, gʼawˬ siˬ nyiˬ siˬ hawˇ-eu gʼawˬ siˬ-ahˇ dawꞈ-eu tsiˇ maˬ ehˇ, saˬ pyaˬ aˇ maˇ paw pyaˬ maˬ ehˇ, yehˬ doˆ-awˬ.

Doˆ-iˇ 29:27

“Piˇ ma-ahˇ aˇ yaˬ biꞈ ngeh sehꞈ-eu yawˇ aˬ buˬ-euˬ kʼahˬ hawˇ-euˬ shaˬ pyaˬ-ahˇ, muiˬ dui dui-eu laꞈ sawˬ loꞈ-ehˇ ngaˬ-ahˇ ya damˬ meh. Kʼoeˇ-aˬ, piˇ ma deuˬ-euˬ shaˬ bymˇ meh.

Yeˬsaˬgeˬlaˇ 24:4

Muiˬ dui dui-eu shaˬ jiˇ pyeuꞈ-eu, laꞈ byaˆ hawˇ-eu shaˬ pyaˬ shaˬ jiˇ, oeˬ lahˬ-ahˇ jehˆ ahˇ-awˇ puꞈ-awˇ, shaˬ yoeˬ yoeˬ nahˬ deuˬ dawˆ puꞈ-awˬ.

Bawˇtsahˬ 18:18

Yaw zawˇ muiˬ-eu lawˇ-eu jeˬ-euˬ kʼahˬ hawˇ-eu aˬ kuiˇ naw maꞈ-ahˇ oꞈ-eu loꞈ-ehˇ, jeˬ zaˬ kʼoeˇ deuˬ-euˬ shaˬ jiˇ kʼawꞈ naw maꞈ-ahˇ oꞈ-eu meh.

1 Saˬmeuˬlaˆ 9:23

Kʼoeˇ naˇ, hawˬ mˇ dzaˇ saꞈ gʼeh-eu gʼaˬ-ahˇ, “Dzaˇ nui deuˬ nehˬ-ehˇ maˬ bi keuˬ leˇ ni yuˇ paˆ taˬ-awˇ bi jaˆ-eu gʼaˇ duˬ ngaˬ neh nawˬ-ahˇ biꞈ-euˬ shaˬ jiˇ kʼoeˇ yuˇ laꞈ-awˬ” lehˇ, Saˬmeuˬlaˆ ehˇ nehˬ-euˬ meh.