1 Saˬmeuˬlaˆ 9:23 - Akha

²³ Kʼoeˇ naˇ, hawˬ mˇ dzaˇ saꞈ gʼeh-eu gʼaˬ-ahˇ, “Dzaˇ nui deuˬ nehˬ-ehˇ maˬ bi keuˬ leˇ ni yuˇ paˆ taˬ-awˇ bi jaˆ-eu gʼaˇ duˬ ngaˬ neh nawˬ-ahˇ biꞈ-euˬ shaˬ jiˇ kʼoeˇ yuˇ laꞈ-awˬ” lehˇ, Saˬmeuˬlaˆ ehˇ nehˬ-euˬ meh.

1 Saˬmeuˬlaˆ 9:23 Σταυροειδείς Αναφορές

Aˇ dahˬ 43:34

Yoˇsehˆ-euˬ hawˬ jeh kʼoeˇ taˆ jaˆ-eu dzaˇ deuˬ aˬ ha mehˇ nmˇ-ahˇ kuˬ ahˇ nehˬ-awˇ bi dzaˬ-euˬ meh. Beˬyaˬmiˬ gʼaˬ-ahˇ-aˬ, aˬ yawꞈ-euˬ aˇ doˆ deuˬ-ahˇ naˆ maˬ tseˇ, ngaˬ poˆ keuˆ ni kuˬ lahˬ nehˬ-euˬ meh. Aˬ yawꞈ maꞈ dzaˬ yehꞈ dawˇ yehꞈ jiˇ ngeh keuˆ ni, tiˬ kawˆ loꞈ-ehˇ dzaˬ taꞈ dawˇ taꞈ-euˬ meh.

1 Saˬmeuˬlaˆ 1:5

Haˬnahˬ-ahˇ aˬ yawꞈ gaˬ dui dui kʼawꞈ, shaˬ jiˇ tiˬ bymˇ tehꞈ-ehˇ aˬ yawꞈ biˇ oꞈ nehˬ-eu meh. Aˬ jeˬ miˇ neh ehˇ naˇ, Haˬnahˬ-ahˇ Sahˬpaˬ Miˬyehˇ zaˬ maˬ bi jawˇ le-euˬ miˇ neh meh.

1 Saˬmeuˬlaˆ 9:22

Kʼoeˇ naˇ, Sawˇluˆ hawˇ-eu aˬ yawꞈ-euˬ zaˬ kʼaˆ-ahˇ, jeˇ lo ni gʼeh-eu kuˆ lawˆ tiˬ lawˆ laꞈ kʼoeˇ Saˬmeuˬlaˆ sheuˬ uˇ gʼeh-awˇ, daˬ yah smˬ tseˇ gʼaˬ byah ni jawˇ luꞈ-eu hawˬ jeh-euˬ kʼawˇ mehˇ paw bi jawˬ-euˬ meh.

1 Saˬmeuˬlaˆ 9:24

Hawˬ mˇ dzaˇ saꞈ gʼeh-eu gʼaˬ muiˬ dui dui-eu shaˬ pyaˬ shaˬ jiˇ yuˇ doˆ laꞈ-awˇ, Sawˇluˆ mehˬ shi ciˬ taˬ le-euˬ meh. Kʼoeˇ ngeh, Sawˇluˆ-ahˇ Saˬmeuˬlaˆ ehˇ nehˬ-eu, “Haw sheˇ. Heu-aˬ nawˬ-euˬ gʼaˇ duˬ taˬ taˬ-euˬ shaˬ jiˇ ma. Shaˬ jiˇ heu dzaˬ-awˬ. Aˇ yamˬ heu yamˬ-ahˇ ngaˬ neh kuˇ uiˬ taˬ-euˬ tsawˇ haˬ heu deuˬ nehˬ-ehˇ bi dzaˬ bi dawˇ taꞈ-eu lehˇ, shaˬ jiˇ heu ngaˇ yuˇ doˆ taˬ-euˬ ma.” Kʼoeˇ loꞈ-ehˇ, kʼoeˇ ngeh nah Sawˇluˆ Saˬmeuˬlaˆ nehˬ-ehˇ dzaˬ taꞈ dawˇ taꞈ-euˬ meh.