1 Saˬmeuˬlaˆ 9:21 - Akha

²¹ Sawˇluˆ ehˇ-eu, “Ngaˇ-aˬ, Iˇsaˬleˬlaˆ tsawˇ jeuˬ tsawˇ ca deuˬ laꞈ kʼoeˇ aˬ cawˬ naˆ maˬ tseˇ nyiˇ teˬ dzehˬ-eu Beˬyaˬmiˬ tsawˇ haˬ tiˬ gʼaˬ ma. Ngaˬ-euˬ tsawˇ jeuˬ laꞈ kʼoeˇ kʼawꞈ, nga pehˬ-euˬ nymˇ jiˇ aˬ cawˬ naˆ maˬ tseˇ nyiˇ teˬ dzehˬ-eu ma. Aˬ jeˬ miˇ neh nawˇ ngaˬ-ahˇ teu loꞈ-ehˇ ehˇ te.”

1 Saˬmeuˬlaˆ 9:21 Σταυροειδείς Αναφορές

Jaceuq 68:27

Aˬ cawˬ naˆ maˬ tseˇ nyiˇ teˬ-eu Beˬyaˬmiˬ tsawˇ jeuˬ aˬ cawˬ jeˬ hu doˆ laˇ-awˬ. Kʼoeˇ naˇ, Yuˇdaˆ tsawˇ jeuˬ aˬ yuiꞈ aˬ tsu deuˬ, aˇ muˇ muˇ muˇ-ehˇ doˆ laˇ-awˬ. Kʼoeˇ naˇ, Zeˬbuˬloˬ tsawˇ jeuˬ hawˇ-eu Naˬtaˬliˇ tsawˇ jeuˬ-euˬ aˬ yuiꞈ aˬ tsu deuˬ doˆ laˇ-awˬ.

Jaceuq 68:28

Miˬyehˇ-oˇ, nawˬ-euˬ baoˬ pah mehˬ-awˬ. Nga maꞈ-ahˇ ka kʼoꞈ-euˬ nawˬ-euˬ baoˬ pah mehˬ-awˬ.

Hawˇseˬ 13:1

Eˇpaˬleˬ tsawˇ jeuˬ dawˬ ngehˬ ngeh, Iˇsaˬleˬlaˆ tsawˇ jeuˬ nui deuˬ, guˆ-awˇ taˬ huiˬ taˬ mahˇ-euˬ meh. Ehˇ kʼawꞈ ni Baˬlaˇ miˬ yehˇ-ahˇ, uˬ duˬ tahˬ-euˬ baˬ da baˇ neh. Aˬ yawꞈ maꞈ ya shiˇ gaˇ keuˆ meh.

Luˇkaꞈ 14:11

Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ yawˬ gʼaˬ na luꞈ, aˬ cawˬ taˬ nyiˇ nehˬ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ yawˬ gʼaˬ na luꞈ, taˬ huiˬ nehˬ-eu jeˬ-ahˇ za tehꞈ-a.”

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

1 Saˬmeuˬlaˆ 10:27

Ehˇ kʼawꞈ, gaˇ dahˇ maˬ tsoeˬ-eu tsawˇ haˬ tiˬ paˆ na deuˬ aˬ yawꞈ-ahˇ yaw zeu maˬ baw-ehˇ, “Tsawˇ haˬ heu gʼaˬ aˬ dui-ahˇ muiˬ laˇ ni tiˬ jeˬ-iˬ maˬ mˇ nya luꞈ-a” lehˇ ehˇ-awˇ, aˬ yawꞈ-ahˇ laꞈ sawˬ tiˬ jeˬ-iˬ maˬ biꞈ leˇ ni jawˇ-eu meh.

1 Saˬmeuˬlaˆ 14:51

Sawˇluˆ-euˬ aˬ da Giˇshaˆ hawˇ-eu Aˬbaˬnaˬ-euˬ aˬ da Neˬlaˇ aˬ nyaꞈ nmˇ-aˬ, Aˬbyeˬlaˆ-euˬ aˬ li pyeuꞈ-eu meh.

1 Saˬmeuˬlaˆ 15:17

Saˬmeuˬlaˆ ehˇ-eu, “Nawˇ-aˬ, huiˬ-eu tsawˇ haˬ tiˬ gʼaˬ maˬ ngeuˇ lehˇ yawˬ haˇ yaw ha noeˬ kʼawꞈ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu kʼoeˇ taˆ aˬ yuiꞈ geuꞈ-awˇ sheuˬ gʼeh luꞈ-eu tsawˇ haˬ tiˬ gʼaˬ meh. Iˇsaˬleˬlaˆ miˇ kʼahˬ-euˬ sahˬ paˬ bi geuꞈ-eu gʼaˇ duˬ, Sahˬpaˬ Miˬyehˇ neh nawˬ-ahˇ tsiˇ shehˆ daˆ taˬ-euˬ meh.

1 Saˬmeuˬlaˆ 18:18

Daˬbiˇ ehˇ-eu, “Sahˬ paˬ-euˬ aˬ zaˬ geuꞈ paˬ-ehˇ ngaˇ aˬ joˆ-ehˇ gʼeh-eu tsawˇ haˬ nga. Iˇsaˬleˬlaˆ miˇ kʼahˬ laꞈ kʼoeˇ ngaˬ da-euˬ nymˇ jiˇ aˬ jeˬ ehˇ nyaꞈ nyeuˆ ta.”

1 Saˬmeuˬlaˆ 18:23

Gaˇ kawˆ kʼoeˇ Daˬbiˇ-ahˇ aˬ yawꞈ maꞈ ehˇ nehˬ ngeh, “Ngaˇ loꞈ-ehˇ gʼeh-eu teˬ dui dui-eu yaw shaˬ zaˬ tiˬ gʼaˬ, sahˬ paˬ-euˬ zaˬ miˬ yuˇ-eu gʼaˇ duˬ maˬ awˬ-a” lehˇ Daˬbiˇ ehˇ-eu meh.

1 Saˬmeuˬlaˆ 9:22

Kʼoeˇ naˇ, Sawˇluˆ hawˇ-eu aˬ yawꞈ-euˬ zaˬ kʼaˆ-ahˇ, jeˇ lo ni gʼeh-eu kuˆ lawˆ tiˬ lawˆ laꞈ kʼoeˇ Saˬmeuˬlaˆ sheuˬ uˇ gʼeh-awˇ, daˬ yah smˬ tseˇ gʼaˬ byah ni jawˇ luꞈ-eu hawˬ jeh-euˬ kʼawˇ mehˇ paw bi jawˬ-euˬ meh.