1 Saˬmeuˬlaˆ 9:2 - Akha

² Giˇshaˆ-aˬ, Sawˇluˆ lehˇ myahˇ-euˬ huiˬ loˆ laˇ-euˬ aˬ li tiˬ li jawˇ-eu meh. Sawˇluˆ-aˬ, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ deuˬ naˆ maˬ tseˇ uˬ duˬ tiˬ siˬ goˇ dzehˬ-awˇ, dawˬ tawˆ luꞈ naˆ maˬ tseˇ aˇ gʼehˇ muiˬ dui dui-eu zaˬ guˬ tiˬ gʼaˬ pyeuꞈ-eu meh.

1 Saˬmeuˬlaˆ 9:2 Σταυροειδείς Αναφορές

Aˇ dahˬ 6:2

Kʼoeˇ ngeh, mˬ taˆ zaˬ yo deuˬ miˇ tsa zaˬ miˬ kʼoeˇ deuˬ aˇ gʼehˇ muiˬ gaˇ ya mawˇ-awˇ, yawˬ ha kʼaˇ mawꞈ leˇ-eu gʼaˬ-ahˇ sheuˬ geuꞈ-euˬ meh.

1 Laˬsaˬbaˬ 8:33

Neˬlaˇ-aˬ, Giˇshaˆ-euˬ aˬ da pyeuꞈ-awˇ, Giˇshaˆ-aˬ, sahˬ paˬ Sawˇluˆ-euˬ aˬ da pyeuꞈ-eu meh. Sawˇluˆ-aˬ, Yawˇnaˆshaˬ, Maˬlaˬkiˇshuˬ, Aˬbiˇnaˬdehˇ, Eˇshaˬbaˬlaˇ lehˇ myahˇ-euˬ aˬ li oeˬ li jawˇ-eu meh.

Yeˬlaˬmiˇ 9:23

Sahˬpaˬ Miˬyehˇ ehˇ-eu, “Tsawˇ gahˇ ahˇ-eu tsawˇ haˬ tsawˇ gahˇ kʼahˬ sehˇ taˬ jehˆ. Baoˬ ahˇ-eu tsawˇ haˬ baoˬ kʼahˬ sehˇ taˬ jehˆ. Pyuˇ shuiˇ jaˆ-eu tsawˇ haˬ pyuˇ shuiˇ kʼahˬ sehˇ taˬ jehˆ.

Bawˇtsahˬ 13:33

Aˬnaˬkaˆ-euˬ zaˬ deuˬ uˆ deuˬ pyeuꞈ-eu huiˬ dui goˇ dui dui-eu tsawˇ haˬ deuˬ-ahˇ kʼawꞈ nga maꞈ mawˇ yaꞈ-euˬ ma. Aˬ dui yawˬ haˇ yawˬ ha paˇ haw ngeh, nyehˇ bahˇ hui ni tehꞈ-ehˇ ahˇ gaˇ duˇ nya. Aˬ yawꞈ maꞈ aˬ dui-ahˇ paˇ haw law hawˇ kʼawꞈ, kʼoeˇ hui tehꞈ nga lehˇ duˇ tehꞈ-a.”

1 Saˬmeuˬlaˆ 10:21

Kʼoeˇ naˇ, Beˬyaˬmiˬ tsawˇ jeuˬ laꞈ kʼoeˇ aˇ ca aˬ yawꞈ ca yawꞈ-ahˇ mehˬ hu paw paˇ bi doˆ laˇ-awˇ, Maˬtaˬliˇ aˇ ca-ahˇ Saˬmeuˬlaˆ tseˇ doˆ-euˬ meh. Kʼoeˇ naˇ, Maˬtaˬliˇ aˇ ca laꞈ kʼoeˇ, kʼaˬ dzeˇ zaˬ aˬ yawꞈ gʼaˬ yawꞈ-ahˇ mehˬ hu paw paˇ bi doˆ laˇ-awˇ, Giˇshaˆ-euˬ aˬ li Sawˇluˆ-ahˇ tseˇ doˆ-euˬ meh. Ehˇ kʼawꞈ, Sawˇluˆ-ahˇ aˬ yawꞈ maꞈ maˬ poˆ mawˇ nya-a.

1 Saˬmeuˬlaˆ 16:7

Ehˇ kʼawꞈ, aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Aˬ yawꞈ aˇ gahˬ aˇ goˇ muiˬ-awˇ aˇ gʼehˇ muiˬ gaˇ taˬ haw. Aˬ yawꞈ-ahˇ ngaˇ tseˇ doˆ-euˬ maˬ ngeuˇ. Aˬ jeˬ miˇ neh ehˇ naˇ, tsawˇ haˬ zaˬ haw mawˇ-eu hawˇ-eu ngaˇ haw mawˇ-eu maˬ duˇ leˇ-a. Tsawˇ haˬ zaˬ-aˬ, laꞈ nyiˇ aˇ gʼehˇ-ahˇ tehꞈ-ehˇ haw-eu meh. Ehˇ kʼawꞈ, ngaˇ-aˬ nui ma-ahˇ haw-eu ma.”

1 Saˬmeuˬlaˆ 17:4

Gaˬdaˇ meuˬ-ahˇ neh oe-euˬ Gawˇliˇyaˆ lehˇ myahˇ-euˬ Piˇliˇtiˆ tsawˇ haˬ tiˬ gʼaˬ, aˬ yawꞈ maꞈ-euˬ taˆ laꞈ kʼoeˇ neh doˆ le-euˬ meh. Aˬ yawꞈ-aˬ, koꞈ caˆ uˬ taꞈ tiˬ toˇ ehˇ gʼaˬ ni goˇ-eu tsawˇ haˬ tiˬ gʼaˬ pyeuꞈ-eu meh.

1 Saˬmeuˬlaˆ 9:3

Giˇshaˆ-euˬ mahˬ tahˬ laˆ tiˬ deuˬ byoˆ-iˇ-euˬ miˇ neh, “Zaˬ kʼaˆ tiˬ gʼaˬ sheuˬ-awˇ mahˬ tahˬ laˆ poˆ-iˇ-awˬ” lehˇ, Sawˇluˆ-ahˇ Giˇshaˆ kʼehˇ-euˬ meh.